ခြောက်လအတွင်း အမှန်သုံးစွဲနိုင်မည့် အသုံးစရိတ်များကို အလေအလွင့်မရှိသုံးစွဲရန် သမ္မတပြော

သမ္မတအိမ်တော်တွင် ဇန်န၀ါရီ၉ရက်က ဘဏ္ဍာရေးကော်မရှင်အစည်းအဝေးကျင်းပနေစဉ် (ဓာတ်ပုံ−နိုင်ငံတော်သမ္မတရုံး)

 ပြောင်းလဲကျင့်သုံးမည့် ဘဏ္ဍာရေးနှစ် မစတင်မီ ကြား ကာလအတွက် ဝန်ကြီးဌာနများမှ ဘတ်ဂျက်ကို ခြောက်လအတွင်း အသုံးစရိတ်များ အလေအလွင့် မရှိဘဲ ကျစ်လျစ်စွာသုံးစွဲရန် သမ္မတအိမ်တော်တွင် ဇန်နဝါရီ ၉ ရက်က ပြုလုပ်သော ဘဏ္ဍာရေး ကော်မရှင်အစည်းအဝေး၌ သမ္မတဦးထင်ကျော်က ပြောသည်။

ဘဏ္ဍာရေးကော်မရှင်အ စည်းအဝေးတွင် ဝန်ကြီးဌာနများမှ ဘတ်ဂျက်တောင်းခံမှုနှင့်ပတ်သက်၍ ခြောက်လတာကာလအ တွင်း ပြီးစီးနိုင်မည့် လုပ်ငန်းများကိုသာ တောင်းခံရန် သမ္မတက မှာကြားသည်။

ခြောက်လဘတ်ဂျက်တွင် ရှေ့ပိုင်းနှစ်လသာ နွေရာသီဖြစ် ပြီး ကျန်လေးလက မိုးရာသီဖြစ် ခြင်းကြောင့် လုပ်ငန်းသဘာဝအလျောက်လုပ်ငန်းအသစ်များ ဆောင် ရွက်ရန် ကာလအပိုင်းအခြားအား ဖြင့် အချိန်လုံလောက်မှုမရှိခြင်း ကြောင့် တတ်နိုင်သမျှ လုပ်ငန်းအ သစ်များတင်ပြတောင်းခံခြင်းမပြု ရန် ဘဏ္ဍာရေးကော်မရှင်အစည်း အဝေးတွင် နိုင်ငံတော်သမ္မတက ပြောသည်။

စက်ပစ္စည်းဝယ်ယူမှုတွင် လည်း ခြောက်လတာကာလအ တွင်း ဝယ်ယူနိုင်မည့်ပစ္စည်းများ အတွက်သာ တင်ပြတောင်းခံရ မည်ဖြစ်ပါကြောင်း၊ ပြည်တွင်း ကျပ်ငွေဖြင့် ဝယ်ယူနိုင်သည့် ပစ္စည်းများကိုလည်း ပြည်တွင်းကျပ်ငွေဖြင့်သာ ဝယ်ပြီး နိုင်ငံခြားသုံးငွေသုံးစွဲမှုကိုလည်း တတ်

နိုင်သမျှ လျှော့ချရန်လိုသည်ဟု နိုင်ငံတော်သမ္မတ ဦးထင်ကျော် က ပြောသည်။

ဝန်ကြီးဌာနများသည် အသုံးစရိတ်များ တင်ပြတောင်းခံ ရာတွင် သာမန်အသုံးစရိတ်အ ပိုင်းတွင် ဝန်ထမ်းအသစ်ခန့်ထား ခြင်းကို လာမည့်နှစ် ခြောက်လအတွင်း အမှန်တကယ်ခန့်ထား နိုင်မည့် ကာလအပိုင်းအခြားအ တွက်သာ တင်ပြတောင်းခံရန်နှင့် စက်ကိရိယာ၊ မော်တော်ယာဉ်နှင့် အဆောက်အအုံများ ပြင်ဆင်ခြင်းကို ခြောက်လအတွင်း ပြီးစီးနိုင် မည့်ကိစ္စများကိုသာ တောင်းခံရန် သမ္မတက ပြောသည်။

ဌာန၊ အဖွဲ့အစည်းများအား လုံး ခြောက်လအတွင်း အမှန် တကယ်သုံးစွဲနိုင်သည့် အသုံးစ ရိတ်ကိုသာ ဘဏ္ဍာငွေအလေအ လွင့်မရှိစေဘဲ ကျစ်ကျစ်လျစ်လျစ် သုံးစွဲနိုင်မည်ဟု နိုင်ငံတော်သမ္မတ က ပြောသည်။

ပြည်ပချေးငွေ၊ ပြည်ပအကူ အညီရယူသုံးစွဲမှုအပိုင်းနှင့်ပတ် သက်၍ နိုင်ငံနှင့် ပြည်သူအတွက် အကျိုးရှိထိရောက်စေရေး ဆောင်ရွက်ရန် တိုက်တွန်းထားသည်။ ပြည်ပချေးငွေရယူရာတွင် အရနှင့် အသုံးနှစ်ဖက်စလုံး လျာထား

ဆောင်ရွက်ရသဖြင့် ခြောက်လအတွင်း အမှန်သုံးစွဲနိုင်သည့် အကူအညီ၊ ချေးငွေများကိုသာ ရယူဆောင်ရွက်ရန် လိုအပ်ကြောင်း ဆိုသည်။

လစာနှင့် စရိတ်ချီးမြှင့်ငွေ များ၊ ခရီးသွားလာစရိတ်များ၊ စက်သုံးဆီဝယ်ယူမှုများ၊ ပြင်ဆင် ထိန်းသိမ်းစရိတ် စသည့် သာမန် အသုံးစရိတ်များ၊ ခြောက်လအ တွင်း ငွေလုံးငွေရင်းအသုံးစရိတ် ဖြင့် ပြီးစီးအောင် ဆောင်ရွက်ရ မည့် တည်ဆောက်ရေးလုပ်ငန်း၊ စက်ပစ္စည်းဝယ်ယူသည့် ငွေလုံး ငွေရင်းအသုံးစရိတ်များနှင့် အ ရင်းပေးဆပ်ရန် အချိန်စေ့နေ သည့် ကြွေးမြီအသုံးစရိတ်များ ခွင့်ပြုခဲ့သည်။ သို့သော် တည် ဆောက်ရေးလုပ်ငန်းအသစ်များ၊ ယင်းနှင့်ဆက်စပ်သည့် ပရိဘော ဂဝယ်ယူခြင်းနှင့် မော်တော်ယာဉ် အသစ်ဝယ်ယူခြင်း အသုံးစရိတ် များ စိစစ်လျှော့ချမှုပမာဏ ကျပ် ၃၄ ဘီလီယံရှိသည်ဟု သမ္မတက ပြောသည်။ အစိုးရက စိစစ်ဖြတ်တောက်ပြီးသော တိုင်းနှင့် ပြည်နယ်ဘတ်ဂျက်များတွင် ရငွေခန့်မှန်းချက် ၃၇၆ ဘီလီယံကျော်

ရှိပြီး အသုံးစရိတ် ကျပ် ၁,၁၉၅ ဘီလီယံကျော်ရှိနေသဖြင့် လိုငွေ ကျပ် ၈၁၉ ဘီလီယံကျော် ရှိနေသည်။ မြန်မာနိုင်ငံ၏ဘဏ္ဍာနှစ် ၂၀၁၈-၁၉ ဘဏ္ဍာနှစ်တွင် စတင်ပြောင်းလဲမှုများဖြစ်ပြီး ဘဏ္ဍာနှစ်အစ ၂၀၁၈ စက်တင်ဘာ ၁ ရက်တွင် စတင်မည် ဖြစ်သည်။ ၂၀၁၇-၁၈ ဘဏ္ဍာနှစ်သည် မတ်

လ ၃၁ ရက်တွင် အဆုံးသတ်မည် ဖြစ်ခြင်းကြောင့် ကြားကာလ ခြောက်လအတွက် သီးသန့်ဘတ် ဂျက်ကို အစိုးရက ရေးဆွဲခဲ့ခြင်း ဖြစ်သည်။

More in News Section