အတိုင်ပင်ခံပုဂ္ဂိုလ်နှင့် ပြည်ပအမျိုးသမီး အထူးဧည့်သည်များ၏ ယာဉ်တန်းများတွင် ယာဉ်ထိန်းရဲမေများ ပြောင်းလဲထားရှိရန် ပြင်ဆင်

နိုင်ငံတော်၏အတိုင်ပင်ခံပုဂ္ဂိုလ်နှင့် အမျိုးသမီးအထူးဧည့်သည်တော်လမ်းကြောင်းများအတွက် ယာဉ်ထိန်းရဲမေများအား သင်တန်းပေးနေစဉ် (ဓာတ်ပုံ −ပိုင်စိုးသူ)

အတိုင်ပင်ခံ ပုဂ္ဂိုလ်နှင့် ပြည်ပမှ လာရောက် မည့် အမျိုးသမီးအထူးဧည့်သည် တော်များ၏ လမ်းကြောင်းအချို့ တွင် အမျိုးသမီးရဲမေများ ထည့်သွင်းတာဝန်ပေးနိုင်ရေး လေ့ကျင့် မှုများ ပြုလုပ်နေသည်ဟု နေပြည် တော်ယာဉ်ထိန်းတပ်ဖွဲ့ အမှတ် (၁) ဒုတပ်ဖွဲ့ခွဲမှူး ရဲမှူး အောင်ကြီးက 7Day Daily သတင်းစာအား ပြောသည်။

အရေးကြီးအမျိုးသမီးပုဂ္ဂိုလ် ယာဉ်တန်းများတွင် ရှေ့ပြေး (ပွိုင့်)ဆိုင်ကယ်များအပါအဝင် လမ်း ကြောင်းတာဝန်ထမ်းဆောင်ရန် အသက် (၁၉)မှ (၂၃)နှစ်ခန့်ရှိ တပ်ဖွဲ့ဝင်အမျိုးသမီးများအားလေ့ကျင့်ပေးထားကြောင်း ရဲမှူး အောင်ကြီးက ဆိုသည်။

‘‘အမျိုးသမီးတွေကလည်း နိုင်ငံတော်အဆင့် လမ်းကြောင်း တွေမှာ အမျိုးသားတွေနဲ့ တန်းတူ တာဝန်ထမ်းဆောင်နိုင်ပြီဆိုတဲ့ သဘောပေါ့’’ဟု ရဲမှူးအောင်ကြီး က ပြောသည်။

အရေးကြီးအမျိုးသမီးပုဂ္ဂိုလ် များ၏ လမ်းကြောင်းများတွင် တာဝန်ထမ်းဆောင်ရမည့် အမျိုး သမီး ယာဉ်မောင်းများကို ဇန်နဝါရီ၈ ရက်မှ ၉ ရက်အထိ နှစ်ရက် ကြာ မွမ်းမံသင်တန်းများပေးနေကြောင်း ၎င်းက ဆက်လက်ပြောကြားသည်။

ယာဉ်တန်းတွင် လိုက်ပါ မောင်းနှင်မည့် အမျိုးသမီးငယ် များကို အင်ဂျင်ပါဝါ ၂၅၀ စီစီရှိKenbo အမျိုးအစား ဆိုင်ကယ် နှင့် အင်ဂျင်ပါဝါ ၆၆၀ စီစီရှိ Suzuki အမျိုးအစား ဆိုင်ကယ်များဖြင့် လေ့ကျင့်သင်ကြားပေးနေသည်။

သို့သော် တပ်မတော်လမ်း ကြောင်းအများစုတွင် အမျိုးသား များကိုသာ ဆက်လက်တာဝန်ပေးမည်ဟု ရဲမှူး အောင်ကြီးက ဆို သည်။

ထို့အပြင် လမ်းကြောင်းများ တွင် ရှေ့ပြေးနှင့် လမ်းရှင်း၊ လမ်း ပိတ်ပြုလုပ်ပေးရသည့် (ပွိုင့်) ဆိုင်ကယ်အရေအတွက်ကို နိုင်ငံ တော်သမ္မတအဆင့်၊ ဝန်ကြီးအ ဆင့်နှင့် ပြည်ပမှ လာရောက်မည့် အရေးကြီးပုဂ္ဂိုလ်အဆင့်ဟူ၍ အ ဆင့်များခွဲခြားထားကြောင်း ၎င်း က ပြောသည်။

နိုင်ငံတော်သမ္မတ အဆင့် နှင့် ပြည်ပမှ အရေးကြီးပုဂ္ဂိုလ်များ လိုက်ပါမည့် ခရီးစဉ်များ၌ (ပွိုင့်) ဆိုင်ကယ်ယာဉ်တန်းကို ကိုးစီး သတ်မှတ်ထားပြီး ရှေ့တွင် မြားဦး ပုံသဏ္ဌာန်ဖြင့် ဆိုင်ကယ်လေးစီး၊ ဘေးဘယ်ညာတစ်ဖက်စီ၌ သုံးစီး နှင့် နောက်ပိတ်နှစ်စီးအဖြစ် ထည့်သွင်းအသုံးပြုကြောင်း ရဲမှူးအောင်ကြီးက ရှင်းပြသည်။