ကိုရီးယား နှစ်နိုင်ငံ တင်းမာမှုများ လျှော့ချရေး စစ်ဘက်ဆိုင်ရာ ဆွေးနွေးရန် သဘောတူ

နှစ်နိုင်ငံ တင်းမာမှုများ လျှော့ချရန်အတွက် စစ်ဘက်ဆိုင်ရာ ဆွေးနွေးမှုများ ပြုလုပ်သွားရန် တောင်နှင့်မြောက် ကိုရီးယား နှစ်နိုင်ငံ သဘောတူညီမှု ရရှိခဲ့ကြောင်း သိရှိရသည်။

တောင်ကိုရီးယားတွင် ကျင်းပသည့် ဆောင်းရာသီ အိုလံပစ်တွင် မြောက်ကိုရီးယား အားကစားအဖွဲ့ ပါဝင် ယှဉ်ပြိုင်ရေး ဆွေးနွေးမှုများနှင့်အတူ နှစ်နိုင်ငံ တင်းမာမှု လျှော့ချရန် ကိစ္စကိုပါ ဇန်နဝါရီ ၉ ရက်က တစ်ပါတည်း ညှိနှိုင်းခဲ့ခြင်း ဖြစ်သည်။

နှစ်နိုင်ငံ စစ်တပ်အရာရှိများ ဆွေးနွေးမှုအတွက် သဘောတူခဲ့သလို တောင်ကိုရီးယားနှင့် မြောက်ကိုရီးယားတို့ကြား အရေးပေါ် အခြေအနေအတွက် ဆက်သွယ်ရန် ထားရှိသည့် ဖုန်းလိုင်းကိုလည်း ပြန်ဖွင့်ထားရန် သဘောတူညီမှု ရရှိခဲ့သည်။ ယခင်က မြောက်ကိုရီးယားသည် အဆိုပါ ဖုန်းလိုင်းကို ပိတ်ထားခဲ့သည်။

နှစ်နိုင်ငံ နယ်စပ်ရှိ ငြိမ်းချမ်းရေး ကျေးရွာတွင် ဇန်နဝါရီ ၉ ရက်က ပြုလုပ်သော ဆွေးနွေးမှုများသည် ပြိုင်ဘက် နှစ်နိုင်ငံ၏ ထိပ်တန်း အရာရှိများကြား ၂ နှစ်အတွင်း ပထမဆုံးအကြိမ် တွေ့ဆုံမှုလည်း ဖြစ်လာသည်။

ဆွေးနွေးမှုများသည် ယေဘုယျအားဖြင့် အပေါင်းလက္ခဏာ ဆန်ခဲ့သော်လည်း ကိုရီးယား ကျွန်းဆွယ်တွင် နျူကလီးယားလက်နက် ကင်းစင်ရေး အဆိုပြုမှုနှင့် ပတ်သက်၍မူ မြောက်ကိုရီးယားဘက်က လိုလိုလားလား မရှိခဲ့ဟု တောင်ကိုရီးယား အစိုးရက ထုတ်ပြန် အတည်ပြုခဲ့သည်။

တောင်ကိုရီးယား၏ အဓိက စစ်ရေးမဟာမိတ် အမေရိကန် ပြည်ထောင်စုက ယခုဆွေးနွေးမှုကို ကြိုဆိုသော်လည်း သတိကြီးစွာဖြင့် စောင့်ကြည့်နေကြောင်း ဆိုသည်။ အမေရိကန် နိုင်ငံခြားရေး ဝန်ကြီးဌာနက ဆောင်းရာသီ အိုလံပစ်တွင် မြောက်ကိုရီးယား အားကစားအဖွဲ့ ပါဝင်ယှဉ်ပြိုင်မှုသည် ကုလသမဂ္ဂ၏ အရေးယူ သတ်မှတ်ချက်များကို မဖောက်ဖျက်ကြောင်း သေချာ ခိုင်မာစေရန် တောင်ကိုရီးယား အာဏာပိုင်များနှင့် ပူးပေါင်း ဆောင်ရွက်သွားမည်ဟု ကြေညာထားသည်။

ဆွေးနွေးမှုများတွင် တောင်ကိုရီးယားက ဒေသတွင်း တင်းမာမှုများ မြင့်တက်လာစေမည့် ရန်လို ခြိမ်းခြောက်မှုများ မပြုလုပ်ရန် တောင်းဆိုခဲ့ပြီး မြောက်ကိုရီးယားကလည်း ကိုရီးယား ကျွန်းဆွယ်တွင် ငြိမ်းချမ်းရေး ရရှိနေစေရေး အားထုတ်သွားမည်ဟု ကတိပေးခဲ့သည်။ ညှိနှိုင်းမှုများတွင် ၂၀၀၆ ခုနှစ် အိုလံပစ်နည်းတူ တောင်နှင့်မြောက် ကိုရီးယား အားကစားအဖွဲ့များ အတူပူးပေါင်း ချီတက်ရန်၊ ကိုရီးယား စစ်ပွဲအတွင်း ကွဲကွာသွားသည့် မိသားစုများ ပြန်လည် တွေ့ဆုံခွင့်ရရန်တို့ကိုလည်း တောင်ကိုရီးယားက တောင်းဆိုခဲ့သည်။ ထို့အပြင် အိုလံပစ် ပြိုင်ပွဲနှင့် ပတ်သက်၍ မြောက်ကိုရီးယား၏ ထိရောက် အဆင်ပြေစွာ ပါဝင်နိုင်ခွင့်အတွက်လည်း ကုလသမဂ္ဂ၏ အရေးယူ ပိတ်ဆို့မှုပါ အချက်အချို့ကို တောင်ကိုရီးယားက လျှော့ပေါ့ပေးထားမည်ဟု သိရသည်။

မြောက်ကိုရီးယားက အဆိုပါ တောင်းဆိုမှုများနှင့် ပတ်သက်၍ မည်သို့မည်ပုံ သဘောထားသည် ဆိုခြင်းကိုမူ တိတိကျကျ မကြေညာသေးချေ။ မြောက်ကိုရီးယားဘက်မှ ဦးဆောင်ဆွေးနွေးသည့် ရီဆွန်ဂွမ်းက ရန်လိုသည့် သဘောမျိုး၊ လိုက်လျောသည့် သဘောမျိုး တစ်ဖက်ဖက်သို့ ယိမ်းခဲ့ခြင်း မရှိခဲ့ဘဲ နှစ်သစ်တွင် ကိုရီးယား နှစ်နိုင်ငံလုံးအတွက် ကောင်းမွန်သည့် လက်ဆောင်မျိုး ပိုင်ဆိုင်စေလိုကြောင်း၊ အရာရာကို မြောက်ကိုရီးယား အနေဖြင့် အလေးအနက် သဘောထား စဉ်းစားမည် ဖြစ်ကြောင်းသာ ပြောဆိုသွားခဲ့သည်။

Ref: BBC