စောင့်ကြည့်ရမည့် ကေအိုင်အိုခေါင်းဆောင်သစ် အလွန် ငြိမ်းချမ်းရေးခရီး

KIO ဥက္ကဋ္ဌတာဝန် လွှဲပြောင်းခြင်း အခမ်းအနားကို လိုင်ဇာမြို့တွင် ပြုလုပ်နေစဉ် (ဓာတ်ပုံ − Simsa Kasa(FB))

လွန်ခဲ့သည့် ၁၇ နှစ်ကအဖွဲ့တွင်း အာဏာသိမ်းမှုကို ဦးဆောင်ခဲ့သူတစ်ဦးသည် တပ်မတော်နှင့် လက်နက်ကိုင်ပဋိပက္ခများ အဓိကဖြစ်ပွားနေသည့် တိုင်းရင်းသားလက်နက်ကိုင် အဖွဲ့တစ်ခု၏ ခေါင်းဆောင်ဖြစ်လာသည်။

ကချင်လက်နက်ကိုင်အဖွဲ့ (KIO/KIA) အဖွဲ့တွင်း ခေါင်းဆောင်မှု အပြောင်းအလဲ ပြုလုပ်လိုက်ခြင်းပင်။ KIO ဥက္ကဋ္ဌ ဦးဇောင်းဟရား အနားယူပြီး ဗိုလ်ချုပ်ကြီး အင်ဘန်လက ဥက္ကဋ္ဌတာဝန်ရယူ ခဲ့သည်။

ကချင်ကျောင်းသားလူငယ် ခုနစ်ဦး၏ ခုနစ်စင်ကြယ်အဖွဲ့ (7 Stars) ဟူသည် အမည်ဖြင့် စတင် ခဲ့သည့် လက်နက်ကိုင်တော်လှန် ရေး ကြိုးပမ်းမှုက အစပြု၍ကချင် လွတ်မြောက်ရေးအဖွဲ့ (KIO) သည် ၁၉၆၀ နှစ်ဆန်းတွင် ပေါ် ပေါက်ခဲ့သည်။ KIO အောက် အုပ် ချုပ်ရေးပိုင်းအတွက် ကချင်လွတ် မြောက်ရေးကောင်စီ (KIC)၊ စစ် ရေးပိုင်းအတွက် ကချင်လွတ် မြောက်ရေးတပ်မတော် (KIA) ဟူ ၍ စတင်ဖွဲ့စည်းခဲ့သည်။

လက်ရှိ ခေါင်းဆောင်မှုအ ပြောင်းအလဲအရ ဗိုလ်ချုပ်ကြီး အင်ဘန်လသည် KIO ဥက္ကဋ္ဌအ ပြင် KIC ဥက္ကဋ္ဌတာဝန်ပါ ရယူထား သည်။ စစ်ဦးစီးချုပ် ဗိုလ်ချုပ်ကြီး ဂမ်ရှောင်သည် KIO ဒုဥက္ကဋ္ဌ (၁)၊ KIO ငြိမ်းချမ်းရေး၊ ဆွေးနွေးရေး အဖွဲ့ခေါင်းဆောင် ဦးဆွမ်လွတ် ဂမ်သည် ဒုဥက္ကဋ္ဌ(၂) ဖြစ်လာ သည်။ ယခင် KIC ဒုဥက္ကဋ္ဌ (၂) ဗိုလ် ချုပ်ဂွန်မော်သည် KIC ဒုဥက္ကဋ္ဌ (၁) ဖြစ်လာပြီး ယခင်စီးပွားရေးတာဝန် ခံ ဗိုလ်မှူးချုပ် ဇုန်ဘုတ်ထန်းသည် KIC ဒုဥက္ကဋ္ဌ (၂) ဖြစ်လာသည်။

သဘောထားတင်းမာသူဟု လေ့လာသူတို့က ကင်ပွန်းတပ် ခြင်းခံရသူ ဗိုလ်ချုပ်ကြီး အင်ဘန် လက  ကချင်လက်နက်ကိုင်အဖွဲ့ (KIO) ဥက္ကဋ္ဌ တာဝန်တရားဝင် ရယူခြင်းက မြန်မာ့ငြိမ်းချမ်းရေး လုပ်ငန်းစဉ်အပေါ် မည်သည့် အကျိုးသက်ရောက်မှုများ ရှိလာ မည်ကို စောင့်ကြည့်နေသည်။

ဗိုလ်ချုပ်ကြီး အင်ဘန်လ သည် KIO ၏ ခြောက်ဦးမြောက် ဥက္ကဋ္ဌလည်းဖြစ်သည်။ ၎င်းမတိုင် မီ လထော်ဇော်ဆိုင်း၊ မရန်ဘရန် ဆိုင်း၊ အင်ခွန် (မလိဇွပ်) ဇော်မိုင်၊ လမုန်တူးဂျိုင်၊ လညော်ဇောင်းဟ ရားတို့က KIO ဥက္ကဋ္ဌများဖြစ် သည်။

‘‘ဦးဇောင်းဟရားက ကျန်းမာ ရေးအခြေအနေ မကောင်းဘူး။ သူ့ရဲ့ကျန်းမာရေးအခြေအနေက တော်တော်လေးဆိုးတယ်လို့ ပြော ရမယ်။ ဒီဥက္ကဋ္ဌတာဝန်ကို မထမ်း ဆောင်နိုင်တဲ့ အနေအထားမျိုးဖြစ် သွားတာ ၂ နှစ်လောက်တောင်ရှိ သွားပြီ’’ ဟု KIO ဒုဥက္ကဋ္ဌဟောင်း ဒေါက်တာမနာမ်တူးဂျာက KIO ခေါင်းဆောင် အပြောင်းအလဲဖြစ် ပေါ်လာမှုနှင့်ပတ်သက်ပြီး ရှင်းပြ သည်။

KIO ၏ ပထမဆုံးဥက္ကဋ္ဌ လထော်ဇော်ဆိုင်း ၁၉၇၅ တွင် အဖွဲ့တွင်းမှ ပုဂ္ဂိုလ်အချို့၏ လုပ် ကြံခံရပြီးနောက် မရန်ဘရန်ဆိုင်း ဥက္ကဋ္ဌဖြစ်လာသည်။ ၁၉၉၄ ခုနှစ် အစိုးရနှင့် KIO အကြားအပစ်ရပ် စဲရေး ဆွေးနွေးနေစဉ် ကာလ၌ပင် မရန်ဘရန်ဆိုင်းသည်လည်း ရော ဂါဖြင့် ကွယ်လွန်ခဲ့ရာ ဥက္ကဋ္ဌတာ ဝန်ကို မလိဇွပ်ဇော်မိုင်က တာဝန် ယူခဲ့သည်။

မလိဇွပ်ဇော်မိုင်လက်ထက် ၁၉၉၄ ၌ပင် တပ်မတော်အစိုးရနှင့် KIO အကြား အပစ်ရပ်စဲရေး သဘောတူစာချုပ် လက်မှတ်ရေး ထိုးခဲ့သည်။ မလိဇွပ်ဇော်မိုင်အနေ ဖြင့် KIO ဥက္ကဋ္ဌအဖြစ် ခြောက်နှစ် ကြာ တာဝန်ယူပြီးချိန် ၂၀၀၀ ပြည့်နှစ်တွင် အဖွဲ့တွင်းအာဏာသိမ်းမှု ပေါ်ပေါက်ခဲ့သည်။ သွေးထွက်သံယိုမှုမရှိခဲ့သော ထိုအာဏာသိမ်းမှုကို KIA ဒုတိယဗိုလ်မှူးကြီး အဆင့်ရှိသူတစ်ဦးက ဦးဆောင်ခဲ့ခြင်းဖြစ် သည်။

‘‘ဥက္ကဋ္ဌ မလိဇွပ်ဇော်မိုင် ခေတ်မှာကျတော့ ဗိုလ်ချုပ်ကြီး အင်ဘန်လက သူကအာဏာသိမ်း ခဲ့တယ်လေ။ သူကိုယ်တိုင်ပဲအာ ဏာသိမ်းခဲ့ပြီးမှ သူကိုယ်တိုင် ဥက္ကဋ္ဌမလုပ်ဘူး။ သူ့ရဲ့စီနီယာ ကြီးတွေကို ဥက္ကဋ္ဌအနေနဲ့ တာဝန် ခန့်တယ်’’ ဟု ငြိမ်းချမ်းရေးဆွေးနွေးရေး အကျိုးဆောင်အဖွဲ့ (PCG) မှ ဦးလမိုင်ဂွန်ဂျာက အ တိတ်ကဖြစ်ရပ်ကို ပြန်ပြောပြ သည်။

ယင်းအာဏာသိမ်းမှု ဦး ဆောင်ခဲ့သူသည် ၁၇ နှစ်အကြာ ၂၀၁၇ ဒီဇင်ဘာတွင် KIO ဥက္ကဋ္ဌ ဖြစ်လာသည်။ KIO ၏ တတိယ ဥက္ကဋ္ဌ အသက် (၈၂) နှစ်အရွယ် မလိဇွပ်ဇော်မိုင် လူကြီးရောဂါဖြင့် ကွယ်လွန်ပြီးနှစ်လ အကြာတွင် ဖြစ်သည်။

‘‘တစ်ချိန်တစ်ခါတုန်းက KIO ဥက္ကဋ္ဌ အပြောင်းအလဲက ဆုံးပါးသွားတဲ့အခါ၊ သေဆုံးသွား တဲ့အခါကျမှပဲ ဥက္ကဋ္ဌချိန်းတာဖြစ် တယ်။ ဒါပေမဲ့ အခုဒီတစ်ကြိမ်က ဥက္ကဋ္ဌကြီး အသက်လည်းကြီးပြီ၊ ကျန်းမာရေးအရလည်း ဖြစ်တယ် ဆိုတော့ ဗိုလ်ချုပ်ကြီး အင်ဘန်လ ကို ဥက္ကဋ္ဌလွှဲပြောင်းပေးတယ်ဆို တော့ စိတ်သဘောထား ပြည့်ပြည့် ဝဝနဲ့ လွှဲပြောင်းခြင်းဖြစ်တယ်’’ ဟု ဦးလမိုင်ဂွန်ဂျာက ဆိုသည်။

မလိဇွပ်ဇော်မိုင်ကို ဖယ်ရှား ပြီးနောက် KIO ဥက္ကဋ္ဌအဖြစ် လမုန်တူးဂျိုင်ဖြစ်လာခဲ့ပြီး ၂၀၀၆ တွင် လမုန်တူးဂျိုင်ကွယ်လွန်၍ ဥက္ကဋ္ဌ အဖြစ် လညော်ဇောင်းဟရားက တာဝန်ယူခဲ့သည်။

သို့ရာတွင် KIO ၏ စစ်ရေး ပိုင်းနှင့် အုပ်ချုပ်ရေးပိုင်းတွင် အ ရေးပါသူသည် အာဏာသိမ်း ခေါင်းဆောင် ဗိုလ်ချုပ်ကြီးအင် ဘန်လပင်ဖြစ်သည်ဟု တိုင်းရင်း သားအရေး လေ့လာသူ ဦးမောင် မောင်စိုးက သုံးသပ်သည်။

‘‘တကယ်တမ်း ၂၀၀၀ ပြည့် နှစ် မလိဇွပ်ဇော်မိုင်ကို ဖြုတ်ချပြီး ကတည်းက KIA မှာ အဓိက သြဇာ ရှိတဲ့လူ ဖြစ်လာတာက အင်ဘန်လ ပဲလေ’’ ဟု၎င်းကဆိုသည်။

KIO အဖွဲ့အစည်း သမိုင်း တစ်လျှောက် ပထမဆုံးတရားဝင် လွှဲပြောင်းခြင်း အခမ်းအနားကို၂၀၁၈ ဇန်နဝါရီ ၂ ရက်တွင်လိုင်ဇာ ၌ ပြုလုပ်ခဲ့သည်။

‘‘အလွှဲအပြောင်းကိုလည်း တရားဝင် အလွှဲအပြောင်းတွေ လုပ်တယ်။ ဆက်ခံတဲ့အပိုင်း လည်း တရားဝင်ဆက်ခံမှု အပိုင်း လုပ်တယ်။ ဒါကကျွန်တော်တို့ KIO ရဲ့ တော်လှန်ရေးသမိုင်းမှာ ဒါပထမဦးဆုံးပဲလို့ ပြောလို့ရတာ ပေါ့’’ ဟု မြစ်ကြီးနားမြို့ KIO ဆက် ဆံရေးရုံး နည်းပညာအကြံပေး အဖွဲ့ (TAT) ပြောရေးဆိုခွင့်ရှိသူ ဦးဒေါင်ခါးကဆိုသည်။

KIO ခေါင်းဆောင်ပိုင်းအ ပြောင်းအလဲ ဖြစ်ခဲ့သော်လည်း ပြည်တွင်းငြိမ်းချမ်းရေးနှင့် ပတ် သက်၍ အဖွဲ့အစည်း ပထမဦးစား ပေးဖြစ်သော နိုင်ငံရေးအရ တွေ့ ဆုံဆွေးနွေး ညှိနှိုင်းမည်ဆိုသည့် မူဝါဒ အပြောင်းအလဲမရှိဟု KIO ဒုဥက္ကဋ္ဌဟောင်းနှင့် TAT ပြောရေး ဆိုခွင့်ရှိသူတို့က တညီတညွတ်တည်းဆိုသည်။

‘‘နိုင်ငံရေးပြဿနာ နိုင်ငံရေး နည်းနဲ့ ဖြေရှင်းရေးဆိုတာ KIO ရဲ့ မပြောင်းလဲနိုင်တဲ့ ပေါ်လစီတစ် ရပ် ဖြစ်တယ်’’ ဟု ဒေါက်တာ မနာမ်တူးဂျာက ဆိုသည်။


ဥက္ကဋ္ဌသစ် တာဝန်အပ်နှင်းခြင်း အခမ်းအနားတွင် လက်မှတ်ရေးထိုးနေသည့် ဗိုလ်ချုပ်ကြီး အင်ဘန်လ (ဓာတ်ပုံ − Simsa Kasa(FB))

ဦးဒေါင်ခါးကလည်း ‘‘စစ် တိုက်ပြီးတော့ နိုင်ငံရေးအဖြေမ ထွက်နိုင်ဘူး၊ စစ်တိုက်ပြီးတော့ နိုင်ငံရေးအဆုံးအဖြတ် မပေးနိုင် ဘူးဆိုတဲ့ဟာက KIO ဘက်က လက်ခံယုံကြည်ထားတဲ့ သဘော ထားဖြစ်တယ်။ ဒါကြောင့်မို့ ညှိနှိုင်းဆွေးနွေးရေးဘက်ကနေပြီးတော့ နိုင်ငံရေးအဖြေရှာမယ်ဆိုတဲ့ လမ်း ကြောင်းမှာ KIO က အဓိကစဉ်း စားတယ်။ အဲဒီလမ်းကြောင်းကို ရောက်လာမယ့် လူပုဂ္ဂိုလ်တွေကို ဇောင်းပေးပြီးတော့ ခန့်အပ်တဲ့ အ နေအထား ဖြစ်ပါတယ်’’ ဟု ပြော သည်။

သို့ရာတွင် တပ်မတော်နှင့် KIA အကြား ၂၀၁၁ ဇွန်လက စတင်၍ တစ်ကျော့ပြန် ဖြစ်ပွားခဲ့ သော စစ်ပွဲများအဆုံးသတ်ရန် မ ဆိုထားနှင့်၊ ၂၀၁၇ ဒီဇင်ဘာကစ၍ စစ်ရေးအရှိန်များ ကချင်နှင့်ရှမ်း မြောက်ဒေသတို့တွင် မြင့်တက် လာသည်။

တပ်မတော်နှင့် KIA အ ကြား ပြင်းထန်သည့် တိုက်ပွဲများ မကြာခဏ ဖြစ်ပွားခဲ့ခြင်းအချက် သည် တစ်နိုင်ငံလုံး အပစ်အခတ် ရပ်စဲရေး သဘောတူစာချုပ် (NCA) လက်မှတ်ရေးထိုး ညှိနှိုင်း နေသည့် ညီညွတ်သော တိုင်းရင်း သားလူမျိုးများ ဖက်ဒရယ်ကောင် စီ (UNFC) မှ KIO နုတ်ထွက်ခဲ့ရ သည့် အကြောင်းရင်းတစ်ခုဖြစ် ကြောင်း လေ့လာသူအချို့က မှတ်ချက်ပြုသည်။ ဗိုလ်ချုပ်ကြီး အင်ဘန်လသည် KIO အဖွဲ့ UNFC မှ မနုတ်ထွက်မီထိ UNFC ဥက္ကဋ္ဌအဖြစ် တာဝန်ယူခဲ့သူလည်းဖြစ် သည်။

ထို့နောက် KIO သည် NCA မထိုးဘဲ နိုင်ငံရေးဆွေးနွေးမည်ဆို သော ‘ဝ’ လက်နက်ကိုင်အဖွဲ့ (UWSA) ဦးဆောင်သည့် မြောက် ပိုင်းလက်နက်ကိုင် ခုနစ်ဖွဲ့၏ ပြည်ထောင်စု နိုင်ငံရေးဆွေးနွေး ညှိနှိုင်းရေး ကော်မတီ (FPNCC) တွင် ပါဝင်ခဲ့သည်။ ယင်းကော်မ တီ၌လည်း ဗိုလ်ချုပ်ကြီး အင် ဘန်လသည် ကော်မတီပူးတွဲဥက္က ဋ္ဌအဖြစ် တာဝန်ယူနေသည်။

မြောက်ပိုင်းခုနစ်ဖွဲ့တွင် ပါ ဝင်နေသော်လည်း NCA ကိုလုံးဝ လက်မခံခြင်းမဟုတ်ဟု KIA ပြော ရေးဆိုခွင့်ရှိသူ ဗိုလ်မှူးကြီးနော်ဘူ က KIO အဖွဲ့တွင်းခေါင်းဆောင် အပြောင်းအလဲအပြီးတွင် ပြော သည်။ NCA ကိုလက်မခံ၍ UNFC မှ နုတ်ထွက်ခဲ့ခြင်းမဟုတ်ဟုလည်း သူကဆိုသည်။

‘‘တစ်ဆို့နေတဲ့ အချက်အ လက်တွေကတော့ တပ်မတော် ကနေကမှ လက်မခံတာ အဲဒါ ကြောင့် ကျွန်တော်တို့က နုတ်ထွက်ထားတာဖြစ်ပါတယ်။ အခုလည်း တပ်မတော်ဘက်က အပြောင်းအ လဲရှိရင်တော့ ဒီတစ်နိုင်ငံလုံးအ တိုင်းအတာနဲ့ အပစ်အခတ်ရပ်စဲ ရေးဆိုတာက လက်ခံမှာပါ’’ဟု ဗိုလ်မှူးကြီး နော်ဘူကပြောသည်။

NCA လက်မှတ်ရေးထိုးနိုင် ရေး UNFC က အဆိုပြုထား သည့် အချက်များတွင် နိုင်ငံရေး ဆွေးနွေးမှုအဆင့်ဆင့်၌ ပါဝင် သင့် ပါဝင်ထိုက်သူများအားလုံး ပါဝင်နိုင်ရန်၊ အပစ်အခတ်ရပ်စဲ ရေးစောင့်ကြည့်လေ့လာမှုအဆင့် ဆင့်တွင် နိုင်ငံတကာအစိုးရ၊ ပညာရှင်များပါဝင်နိုင်ရန် စသည့် အချက်များပါရှိပြီး အစိုးရနှင့် UNFC တို့ ညှိနှိုင်းနေဆဲဖြစ်သည်။

ဗိုလ်ချုပ်ကြီး အင်ဘန်လ၏ လုပ်ဖော်ကိုင်ဖက် UNFC တွင် ကာလကြာရှည်စွာ ဆောင်ရွက်ခဲ့ သူ ပအိုဝ်းအမျိုးသားလွတ်မြောက် ရေးအဖွဲ့ချုပ် (PNLO) ဦးဆောင် နာယက ဗိုလ်မှူးကြီး ခွန်ဥက္ကာက KIO ဥက္ကဋ္ဌဖြစ်လာသည့် ဗိုလ်ချုပ် ကြီး အင်ဘန်လအနေဖြင့် NCA လက်မှတ်ထိုး၊ မထိုးဆုံးဖြတ် ချက်ကို ပြတ်သားစွာ ချမှတ်ရန် တိုက်တွန်းသည်။ PNLO သည် NCA လက်မှတ်ထိုးထားသည့် ရှစ်ဖွဲ့တွင် ပါဝင်ပြီး လက်မှတ်မ ထိုးမီက UNFC အဖွဲ့ဝင်ဖြစ်သည်။

‘‘အခုလို မတင်မကျမဟုတ် ဘဲနဲ့ ဘာကြောင့် မထိုးဘူးဆို လည်း မထိုးဘူးပေါ့ဗျ။ တိုင်းပြည် ရဲ့ လိုအပ်ချက်၊ ပြည်သူလူထုရဲ့ မေတ္တာရပ်ခံချက်ကြောင့် ထိုးမယ် ဆိုလည်း ထိုးမယ်ပေါ့။ တစ်ခုခု တော့ ဆုံးဖြတ်ချက်ချလိုက်ဖို့လို တယ်’’ဟု ဗိုလ်မှူးကြီး ခွန်ဥက္ကာက ပြောသည်။

အစိုးရနှင့် KIO တို့အကြား ၁၉၉၄ တွင် စတင်ခဲ့သည့် အပစ် အခတ်ရပ်စဲရေးသည် ၁၇ နှစ်ကြာ ပြီးမှ ပျက်ပြယ်ခဲ့ခြင်းကြောင့် KIO အနေဖြင့် နောက်ထပ်အပစ်အ ခတ်ရပ်စဲရေးစာချုပ်ထိုးရန် ကိစ္စ ကို အလေးအနက်ထားဆောင် ရွက်နေသည်ဟု နားလည်ကြောင်း လက်ရှိ UNFC ပြောရေးဆိုခွင့်ရှိ သူ ဦးထွန်းဇော်က သုံးသပ်သည်။

NCA စာချုပ်ရရှိရေး ဦးဆောင်မှု အခန်းကဏ္ဍမှ ပါဝင်ညှိနှိုင်းခဲ့သည့် KIO အဖွဲ့ NCA လက်မှတ်မထိုးခြင်းသည် တပ်မတော်ဘက်က တိုင်းရင်းသားလက်နက် ကိုင်အဖွဲ့ အားလုံးပါဝင်ရေးကို လက်မခံ၍ဖြစ်သည်ဟု ၎င်းက ဆက်လက်ပြောသည်။

လက်ရှိအစိုးရလက်ထက် တွင်လည်း KIO က စာချုပ်ခိုင်မာ မှုရှိရေး UNFC မှတစ်ဆင့် ညှိနှိုင်း ခဲ့သော်လည်း မြေပြင်တွင် ထိုး စစ်ဆင်မှုများကြောင့် ယုံကြည်မှု ပျက်ပြယ်ပြီး NCA လမ်းကြောင်း ပြင်ပကို ရောက်ခဲ့ခြင်းဖြစ်သည်ဟု ဦးထွန်းဇော်ကပြောသည်။

‘‘ဒီနေ့နှောင့်နှေးကြန့်ကြာမှု မှန်သမျှဟာ ယုံကြည်မှုအပေါ်မှာ အဓိကမူတည်နေတယ်လို့ ကျွန် တော်မြင်ပါတယ်’’ဟု ဦးထွန်းဇော် က ဆိုသည်။

နိုင်ငံရေးအကဲခတ်များကမူ ဗိုလ်ချုပ်ကြီး အင်ဘန်လသည် UNFC အပေါ် သြဇာသက်ရောက်မှု ရှိနေဆဲဖြစ်သဖြင့် တပ်ပေါင်းစုမူ ဝါဒသည် KIO နှင့် ဆက်စပ်နေနိုင် ကြောင်း သုံးသပ်သည်။

အစိုးရနှင့် KIO အကြား ငြိမ်းချမ်းရေးဆွေးနွေးမှု အခြေအနေ သည် KIO အဖွဲ့အစည်း၏ မူဝါဒ ပေါ်မူတည်ပြီး အပြုသဘော ဆောင်ခြင်း၊ အနုတ်လက္ခဏာ ဆောင်ခြင်းတို့ဖြစ်လာမည်ဟု တပ်မတော်မှ ဒုတိယဗိုလ်ချုပ်ကြီး (ငြိမ်း) ခင်ဇော်ဦးကပြောသည်။

ဦးခင်ဇော်ဦးသည် လက်ရှိ တွင် အစိုးရ၏ ငြိမ်းချမ်းရေးကော် မရှင် အတွင်းရေးမှူးအဖြစ် တာ ဝန်ယူထားသည်။

‘‘ခေါင်းဆောင်အပြောင်အ လဲဖြစ်ပြီးတဲ့နောက် သူတို့ရဲ့ မူဝါ ဒတွေ အပြောင်းအလဲရှိလား၊ မရှိလားဆိုတာ သူတို့ကမထုတ်ပြန် သေးဘူး။ ထုတ်ပြန်လိုက်တဲ့အပေါ် မူတည်ပြီး ကိုယ်တို့က သုံးသပ်ရ မှာပေါ့’’ဟု ဒုတိယဗိုလ်ချုပ်ကြီး ခင်ဇော်ဦး (ငြိမ်း)ကပြောသည်။

ဗိုလ်ချုပ်ကြီး အင်ဘန်လ KIO ဥက္ကဋ္ဌအဖြစ် တရားဝင်တာ ဝန်ယူပြီး တစ်ပတ်ကြာသည်အထိ အဖွဲ့၏ မူဝါဒပိုင်းဆိုင်ရာ အ ပြောင်းအလဲရှိ၊ မရှိ ထုတ်ပြန် ကြေညာခြင်းမရှိသေးပေ။

သို့ရာတွင် ဗိုလ်ချုပ်ကြီး အင်ဘန်လဥက္ကဋ္ဌအဖြစ် တာဝန် ယူပြီးနောက်ပိုင်း KIO အနေဖြင့် နိုင်ငံရေးအခွင့်အရေး ပိုရလာမည် ဟု ဦးဒေါင်ခါးက ပြောသည်။

‘‘နိုင်ငံရေးအခွင့်အရေးဆိုတဲ့ ဟာက ပိုပြီးညှိနှိုင်းအားကောင်းမှ။ ငြိမ်းချမ်းရေးဆိုတဲ့ဟာက လိုက် လျောပေးလိုက်ရင် ပြီးသွားတဲ့ ကိစ္စလေ။ နိုင်ငံရေးအခွင့်အရေး ရသည်ဖြစ်စေ၊ မရသည်ဖြစ်စေ ကိုယ့်ဘက်က လျှော့လိုက်လို့ရှိရင် ငြိမ်းချမ်းရေးက ဖြစ်သွားနိုင် တယ်။ဒါပေမဲ့ အခုက ငြိမ်းချမ်းရေးရ၊ မရတော့ မသိဘူး။ ဒါပေမဲ့ နိုင်ငံ ရေးအခွင့်အရေးက ပိုရလာနိုင် ဖွယ်ရှိတယ်’’ဟု ၎င်းကဆိုသည်။

ငြိမ်းချမ်းရေး လုပ်ငန်းစဉ် တွင် သဘောထားတင်းမာသူဟု နာမည်ကြီးပြီး တိုင်းရင်းသား လက်နက်ကိုင်အဖွဲ့များကြား သြ ဇာရှိသူဟု လေ့လာသူများ မှတ် ချက်ပြုသည့် KIO ခေါင်းဆောင် သစ်အပြောင်းအလဲကြောင့် မည် သည့် အကျိုးသက်ရောက်မှုများ ရှိလာမည်ကို စောင့်ကြည့်ရမည် ဖြစ်သည်။