ပလက်ဝ စစ်ဘေးရှောင်များကို ဒီချုပ်ဗဟိုအမျိုးသမီးကော်မတီ ထောက်ပံ့

 အမျိုးသားဒီမိုကရေစီ အဖွဲ့ချုပ်ဗဟိုအမျိုးသမီးကော်မ တီကဦးဆောင်၍ ချင်းပြည်နယ် ပလက်ဝမြို့နယ်ရှိ စစ်ဘေးရှောင် ဒုက္ခသည်များကို ကျန်းမာရေး စောင့်ရှောက်မှုနှင့် စားနပ်ရိက္ခာ ကူညီထောက်ပံ့မှုခရီးစဉ် ဇန်န၀ါ ရီ ၆ ရက်ကစတင်ခဲ့သည်။

‘‘ကားနဲ့ပဲ ပလက်ဝအထိ တက်ကြမယ်ပေါ့နော်။ သုံးရက် လောက်ကြာမယ့် ခရီးစဉ်ဖြစ် တယ်။ သိန်း ၆၀ နီးပါးလောက်ကူ ညီဖို့ရှိပါတယ်။ နောက်ထပ်အ လှူရှင်တွေလည်း ထပ်ချိတ်ဆက် ထားတာလည်းရှိပါတယ်’’ ဟု ကော်မတီဥက္ကဋ္ဌ ဒေါက်တာမေ ၀င်းမြင့်က ပြောသည်။

ပလက်ဝ မြို့နယ်အတွင်း တပ်မတော်နှင့် AA လက်နက်ကိုင် အဖွဲ့အကြား တိုက်ပွဲများကြောင့် ထွက်ပြေးတိမ်းရှောင်ရသူများကို ကူညီမည်ဖြစ်ကာ လက်ရှိပလက် ၀မြို့ပေါ်ရှိ ကယ်ဆယ်ရေးစခန်း တွင်နေထိုင်သည့် အိမ်ထောင်စု ၆၈ စု၊ လူဦးရေ ၄၀၇ ဦးကိုကူညီ ရန်စီစဉ်ထားကြောင်း ၎င်းက ဆက်လက်ပြောသည်။

ပလက်ဝ မြို့နယ်အတွင်း ၂၀၁၇ အောက်တိုဘာ ၃၁ ရက် က စတင်ဖြစ်ပွားသည့် တပ်မ တော်နှင့် AA လက်နက်ကိုင်အဖွဲ့ အကြား တိုက်ပွဲဖြစ်ပွားပြီး AA အဖွဲ့၏ တိုက်ခိုက်မှုကြောင့် အ ရပ်သားတစ်ဦး သေဆုံးခဲ့သည်။ ထို့အပြင် ကလေး ၂၀၀ ကျော် အပါအ၀င် ဒေသခံများ ယနေ့အထိစစ်ဘေးရှောင်နေရဆဲ ဖြစ် သည်။

ဒီဇင်ဘာလကုန်က ပြုလုပ် သည့် ပါတီပထမဗဟိုကော်မတီ ဆဋ္ဌမအကြိမ်အစည်းအဝေးတွင် စစ်ဘေးရှောင်များကို တတ်နိုင် သမျှ ကူညီပံ့ပိုးပေးရန်ဟူသော အချက်ကို ဆုံးဖြတ်ချက်တစ်ရပ် အဖြစ် အမျိုးသားဒီမိုကရေစီအဖွဲ့ ချုပ်က ချမှတ်ထားသည်။

အဆိုပါ ဆုံးဖြတ်ချက်နှင့် ပတ်သက်၍ ဗဟိုအမျိုးသမီးကော် မတီက အဓိကဆောင်ရွက်ရန် ရှိ ကြောင်း ဒေါက်တာမေ၀င်းမြင့်က ပြောသည်။

ဒီချုပ်ဗဟိုအမျိုးသမီးကော် မတီသည် ၂၀၁၇ အတွင်းက လည်းကချင်ပြည်နယ်နှင့် ရခိုင် ပြည်နယ်ရှိ စစ်ဘေးရှောင်များထံသို့ သွားရောက်ကူညီထားသည်။