မြန်မာတို့ ဘယ်အဆင့်ထိ ဒူးထောက်ရမတုံး

(တစ်)

အတည်အခင်း၊ အပြုအစု၊ အကူအညီ၊ အကြိုအဆိုကောင်း သည့်လုပ်ငန်းများကို ဆားဗစ် (Service) ကောင်းသည်၊ ၀န် ဆောင်မှုကောင်းသည်စသည်ဖြင့် ကျွန်တော်တို့ချီးကျူးထောမနာ ပြုကြမြဲဖြစ်ပါသည်။ စီးပွားရေး လုပ်ငန်းတစ်ခုအောင်မြင်ဖို့ရာ အ ခြေခံအကျဆုံးကလည်း ၀န် ဆောင်မှု (Service)ကပင် ပဓာန အကျဆုံးမဟုတ်လား။

 စားသောက်ဆိုင် တစ်ခု အောင်မြင်ဖို့ရာ စားပွဲထိုးက ပဓာန၊ ဧရာမဈေးဆိုင်ကြီးတစ် ဆိုင်အောင်မြင်ဖို့ရာ အရောင်း ဈေးသည်က ပဓာန၊ ဆေးရုံကြီး တစ်ခုအောင်မြင်ဖို့ရာ ကျန်းမာ ရေးဝန်ထမ်းများက ပဓာန၊ ဟို တယ်တစ်ခုအောင်မြင်ဖို့ရာ ဧည့် ကြိုအသီးသီးကပဓာန၊ ခရီးသွား လုပ်ငန်းတစ်ခုအောင်မြင်ဖို့ရာ လက်မှတ်ရောင်းသူ၊ ယာဉ်မောင်း နှင့် ယာဉ်နောက်လိုက်တို့က ပဓာန။ ပြောရလျှင် အများကြီး ဖြစ်ပါသည်။

မြန်မာနိုင်ငံကဲ့သို့ ဖွံ့ဖြိုးဖို့ ရန်အားယူကာ ကုန်းရုန်းထနေရ သည့်နိုင်ငံတစ်နိုင်ငံအဖို့ ကိုယ့်ကို လူကြိုက်ဖို့ရာ၊ အထူးသဖြင့် ကမ္ဘာကကြိုက်ဖို့ရာ လုပ်ငန်းမှန် သမျှ ၀န်ဆောင်မှုကောင်းကောင်း ပေးရမည်သာဖြစ်ပါသည်။ ဒါမှ ပိုက်ဆံများများရမည်မဟုတ် လား။

သို့သော် ..........

(နှစ်)

ကျွန်တော့်စိတ်ထဲ ၀န် ဆောင်မှုပေးရာ၌ လူလူချင်းမျက် နှာရဲရဲမကြည့်ရဲသည့်နေရာမှာ လေဆိပ်တွေပဲဖြစ်ပါသည်။ အ ထူးသဖြင့် ရန်ကုန်နှင့် မန္တလေးကဲ့ သို့ အပြည်ပြည်ဆိုင်ရာလေဆိပ် ကြီးများ။

တစ်ပါတီအာဏာရှင်ခေတ် အလွန်၌ ကျွန်တော်တို့လေ ကြောင်းဖြင့် ခရီးနှင်ဖို့ရာ လွယ်ကူ လျင်မြန်သွက်လက်လာပါသည်။ လေကြောင်းလိုင်းတို့က များပြား လာလေရာ ယခင်ကကဲ့သို့ မှတ်ပုံ တင်ပြ၊ တန်းစီ၊ Booking တင်၊ ချိန်းသည့်ရက်ပြန်သွား၊ လိုက်ပါ ခွင့်ကလေးရသည်နှင့် ထခုန်ကာ မိတ်ဆွေတို့ကို တစ်ဝိုင်းစာကျွေး စသည်မျိုးမဟုတ်တော့။e-ticket ဖြင့် မိမိလက်ကိုင်ဖုန်းထဲသို့ လေ ယာဉ်လက်မှတ်ပို့ပေး၊လေဆိပ် ကောင်တာ၌ ဖုန်းထဲက လေ ယာဉ်လက်မှတ်ကို ဖွင့်ပြ၊ လေ ယာဉ်ပေါ်တက်ခွင့် လက်မှတ် (Boarding Pass)ထုတ်ယူ၊ တက်၊ ဒါပဲဖြစ်ပါသည်။

ယခုအခါ ရန်ကုန်-မန္တလေး လေဆိပ်အကြီးကြီးများထဲရှိ သန့် စင်ခန်းများတွင် ၀န်ထမ်းအချို့ ထားပေးသည်ကိုတွေ့ရပါသည်။ သန့်စင်ခန်းအပေါက်ဝ (သို့မ ဟုတ်) သန့်စင်ခန်းအတွင်း တစ် နေရာ၌ အဆင်သင့်ရပ်နေသည့် ၀န်ထမ်းများဖြစ်ပါသည်။ အခြား လေဆိပ်များတွင်မရှိ။

ညောင်ဦး၊ ငပလီ၊ ဟဲဟိုး၊ မြိတ်၊ ထားဝယ်၊ ကော့သောင်း၊ စစ်တွေ၊ ကလေး၊ လားရှိုး၊ မြစ် ကြီးနား၊ တာချီလိတ်၊ ကျိုင်းတုံ၊ ခန္တီး၊ ဟုမ္မလင်း၊ ကျောက်ဖြူ စသည်စသည်ဖြင့် လေဆိပ်တော် တော်များများသို့ ကျွန်တော်ဆင်း ဖူးပါသည်။ မရှိပါ။

တိုင်းပြည်ပြင်ပ လေဆိပ် ကြီးတချို့တလေမှာလည်း ကျွန် တော်ဆင်းဖူးပါသည်။ သန့်စင် ခန်းထဲ၌ ၀န်ဆောင်မှုပေးဖို့ရာ ၀န်ထမ်းချထားသည်ကို ကျွန် တော်မတွေ့ဖူးပါ။

ထူးထူးခြားခြားရန်ကုန်-မန္တ လေး လေဆိပ်ကြီးများထဲ၌သာ ထိုသန့်စင်ခန်းဝန်ထမ်းများကို တွေ့ရလေ့ရှိခြင်းဖြစ်ပါသည်။

 သူတို့အလုပ်က ဘာလဲ။ ကျွန်တော်သန့်စင်ခန်းထဲသို့ ၀င် တိုင်း တစ်ချက်နှစ်ချက်ဆိုသလို အကဲခတ်ကြည့်ဖြစ်ပါသည်။ နံရံ ၌ ချိတ်ထားသည့်စက္ကူလိပ်ထဲမှ Paper ကလေးများကို ဆွဲဖြုတ်ယူ ကာ စက္ကူအခေါက်ကလေးများ ဖြစ်အောင်ခေါက်။ ထို့နောက် သန့်စင်ခန်းတစ်ခုချင်းဆီမှ ထွက် လာသောသူများထံ ထိုစက္ကူ ခေါက်ကလေးများကို လှမ်းပေး၊ ဒါပဲဖြစ်ပါသည်။ အဲဒါလိုသလား ဟု ကျွန်တော်က စဉ်းစားမိခြင်း ဖြစ်ပါသည်။ သန့်စင်ခန်းတွင်း၌ လက်သုတ်ရန် စက္ကူခေါက်ကို စောင့်ပြီးပေးနေရသည်အထိ ၀န် ဆောင်မှုပေးရန်လို၊ မလိုတွေး ကြည့်မိခြင်းဖြစ်သည်။

တစ်ခါကမူ နိုင်ငံခြားသား တစ်ယောက်နှင့် သန့်စင်ခန်းဝန် ထမ်း။ နိုင်ငံခြားသားက ဗိုလ်ထိုင် တပ်ဆင်ထားသည့်သန့်စင်ခန်း ကလေးအတွင်းသုိ့ ၀င်သွားပြီးမှ အလိုမကျဟန်ဖြင့် ပြန်ထွက်လာ ပါသည်။ အဆင်သင့်ရှိနေသူ သန့်စင်ခန်းဝန်ထမ်းကို လက်ဟန် ခြေဟန်ဖြင့် ခေါ်သွားပါသည်။ ထို့ နောက်ဗိုလ်ထိုင်ကမုတ်ကိုပြကာ  လက်ဟန်ခြေဟန်ဖြင့်ပဲ ခိုင်းပါ သည်။ ကမုတ်ခွက်၌ စိုနေသည့် ရေများကို ခြောက်သွေ့သွား အောင် သုတ်ခိုင်းခြင်းပင်ဖြစ်ပါ သည်။

မြန်မာလူငယ်က ဒါကို လည်း သူ့တာဝန်ပဲဖြစ်ပုံရသည် ဟု ထင်ပုံရပါသည်။ စက္ကူလိပ် ရှိရာဆီမှ စက္ကူများကို သွားဖြုတ် ယူကာ အိမ်သာကြွေခွက်နှုတ်ခမ်း ပေါ်က ရေများကို သုတ်ပေးနေပါ လေသည်။

ကျွန်တော့်စိတ်ထဲ၌ စပ်ဖျဉ်း ဖျဉ်းဖြစ်သွားမိခဲ့သည်မှာ အမှန် ပါ။ ကျွန်တော်တို့ကို လူကြိုက် အောင်၊ ကျွန်တော်တို့ဆီသို့ လူ တွေလာချင်အောင် ကျွန်တော်တို့ က ဘယ်လောက်အထိများ ဒူး ထောက်၍ ပေးကြရမှာပါလိမ့်။

ကမ္ဘာမှာ သန့်စင်ခန်းထဲသို့ ရောက်သည်အထိ ၀န်ဆောင်မှု လိုက်ပေးသည့်နိုင်ငံများ၊ လူမျိုး များကို ကျွန်တော်မတွေ့ဖူးခဲ့ပါ လေ။ ဘယ်သူကများ ထိုသို့လုပ် ပေးရန်လမ်းညွှန်ခဲ့ပါလေသလဲ မသိ။

(သုံး)

မကြာခင်နှစ်များအတွင်းဆီ က ဟိုတယ်တစ်ခု၏ ၀န်ဆောင်မှု ပေးပုံနှင့်ပတ်သက်၍ အသံက လေးတွေ တော်တော်ထွက်လာခဲ့ ပါသေးသည်။

ဧည့်ကြိုဝန်ထမ်းကလေးတို့ က ဟိုတယ်သို့ဝင်ရောက်လာ သည့်သူများကို ဒူးထောက်၍ခရီး ဦးကြိုပြုရန်စီစဉ်ထားခဲ့၍ဖြစ်ပါ သည်။ ဟိုကသည်က အသံတို့ စီစီညံညံထွက်လာလိုက်ခဲ့ကြပုံ တွေများ။ သည်လောက်အထိ ၀န် ဆောင်မှုဆင်းပြီးပေးစရာလိုရဲ့ လား စသည်ဖြင့်။

လူတို့ ကိုယ့်တာဝန်ကိုယ်ယူ စေလိုသည့် လုပ်ငန်းခွင်အချို့ တွင် Self-Service ဟူ၍ပင်ရှိပါ သည်။ ကိုယ့်တာဝန်ကိုယ်ယူစေ လိုသည့်သဘော။ မည်သူကမျှ မည်သူ့ကို ၀န်ဆောင်မှုပေးနေ စရာမလိုဟူသည့် အဓိပ္ပာယ်။

အနောက်ကမ္ဘာရှိ အိမ်အ ချို့၌ ထမင်းစားဖိတ်သည့်အခါ ပြီးသော် ကိုယ့်ပန်းကန်ကိုယ်ဆေး ကြရသည့်ဓလေ့ကို အချို့အရပ်၌ တွေ့ဖူးပါသည်။ ထမင်းဖိတ်ကျွေး သည်က တစ်ကဏ္ဍ။ ကိုယ့်ဝန် ကိုယ်ဆောင်သည်က တစ်ကဏ္ဍ။

လူတို့သည် ပိုက်ဆံလိုချင် ကြသောအခါ၊ ဖော်ရွေသည်ဟု နာမည်ကောင်းလိုချင်ကြသော အခါ လူသားဂုဏ်သိက္ခာတို့၊ လူ မျိုးဂုဏ်သိက္ခာတို့ကို မကြည့်အား တော့ဘဲ ဒူးထောက်ကာ ၀န် ဆောင်ပေးမှုမျိုးပြုလုပ်မိတတ်ကြ ပါသည်။

နည်းနည်းကလေးစဉ်းစား ကြည့်ကြဖို့ပဲဖြစ်ပါသည်။     ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)