မောင်တော-အငူ မော်ကားလမ်း ကွန်ကရစ်ခင်းခြင်း မိုးမကျမီအပြီး ဆောင်ရွက်မည်

 မောင်တောနယ် စပ်ဒေသအတွက် အရေးပါသည့် မောင်တော-အငူမော်ကား လမ်း ကွန်ကရစ်ခင်းခြင်းကို လာမည့် မိုးမကျမီပြီးစီးအောင်ဆောင်ရွက် မည်ဖြစ်ကြောင်း ယင်းလမ်းကို တာဝန်ယူထားသည့် အေးရှားဝေါလ်ကုမ္ပဏီ စီမံကိန်း အင်ဂျင်နီယာ ဦးစိန်အောင်က ပြောသည်။

မောင်တော-အငူမော်ကား လမ်း ကွန်ကရစ်ခင်းခြင်းကို UEHRD (ရခိုင်ပြည်နယ်အတွင်း လူသားချင်းစာနာမှု အကူအညီ အထောက်အပံ့ပေးရေး၊ ပြန် လည်နေရာချထားရေး၊. ဖွံ့ဖြိုး ရေးစီမံကိန်း) လက်အောက်ရှိ အေးရှားဝေါလ်ကုမ္ပဏီက ၂၀၁၇ နိုဝင်ဘာတွင် စတင်ဆောင်ရွက် ခဲ့ပြီး လက်ရှိအချိန်ထိ နှစ်မိုင်ခန့်ပြီးစီးထားကြောင်း ၎င်းကဆိုသည်။

‘‘ဒီလမ်းကို မိုးမကျခင် ပြီး အောင်ခင်းမှာ ဖြစ်ပါတယ်။ မကြာသေးခင်က မိုးရွာသွန်းခဲ့တဲ့အ တွက် လုပ်ငန်းနှောင့်နှေးကြန့် ကြာမှု တချို့ရှိခဲ့ပါတယ်’’ ဟု ဦးစိန်အောင်က ပြောသည်။

ကွန်ကရစ်လမ်း ခင်းနေ သည့် မောင်တော-အငူမော် ကားလမ်းသည် အရှည် ၄၉ မိုင် ၇ ဖာလုံရှိပြီး အကျယ် ၁၈ ပေဖြစ်သည်။

ယခင်ခင်းထားသည့် ကွန် ကရစ်လမ်းသည် မောင်တောမြို့ နယ် ဝေသာလီကျေးရွာမှ ဥဒေါင်း ကျေးရွာအထိ ၁၃ မိုင်ခန့်ရှိပြီး ကျန် နေသည့် ၃၆ မိုင်ကျော်ကို ဆက်လက်ခင်းနေခြင်း ဖြစ်သည်။

မောင်တော-အငူမော်ကား လမ်းသည် မောင်တောနယ်စပ် ဒေသနှင့် စစ်တွေမြို့သို့ တိုက် ရိုက်ဆက်သွယ်သွားလာနိုင်သည့် လမ်းဖြစ်သည်။

မောင်တောမှ စစ်တွေသို့ အဆိုပါ လမ်းအတိုင်းသွားလျှင် မောင်တောမှ အငူမော်ကျေးရွာ ထိ ကားလမ်းဖြစ်ပြီး အငူမော် ကျေးရွာမှ စစ်တွေမြို့နယ် ရေ ချမ်းပြင်ကျေးရွာသို့စက်လှေဖြင့် ၄၅ မိနစ်ခန့် စီးပါကစစ်တွေမြို့သို့ ရောက်ရှိသည်။

မောင်တော-အငူမော် ကားလမ်းသည် ယခင်က ကျောက်ကြမ်းလမ်းအဆင့်သာ ဖြစ်သည်။

More in Regional Section