စစ်ကိုင်းတိုင်းတွင် ၂၀၁၇ အတွင်း တရားမ၀င်သစ်အမှု သုံးထောင်ကျော်ရှိပြီး သစ်တန်ချိန်ကိုးထောင်ကျော် ဖမ်းမိ

 စစ်ကိုင်းတိုင်းဒေသကြီး တွင် ၂၀၁၇ ဇန်န၀ါရီမှ ဒီဇင်ဘာ နောက်ဆုံးပတ်အထိ တရားမ၀င် သစ်အမှုသုံးထောင်ကျော်မှ သစ် မျိုးစုံတန်ကိုးထောင်ကျော် ဖမ်းမိ ခဲ့ကြောင်း တိုင်းဒေသကြီးသစ် တောဦးစီးဌာန ဦးစီးမှူးဦးခင် မောင်ဝင်းက ပြောကြားသည်။

ယမန်နှစ်အတွင်း စစ်ကိုင်း တိုင်းဒေသကြီး၌ တရားမ၀င်သစ် ဖမ်းဆီးရရှိမှု ၃,၀၇၈ မှု၊ တရားခံ ၁,၀၀၇ ဦးနှင့် သစ်မျိုးစုံ ၉,၂၂၂ ဒသမ ၅၀ တန် ဖမ်းမိခဲ့သည်။

‘‘၂၀၁၇ တစ်နှစ်တာကာလ အတွင်းမှာ တရားမ၀င်သစ်ဖမ်း ဆီးရမိမှုအနေနဲ့ ကသာခရိုင်က အများဆုံးဖမ်းဆီးရမိပါတယ်။ ဒု တိယအများဆုံးကတော့ မုံရွာ ခရိုင်ပေါ့။ တစ်နှစ်အတွင်း သစ် မျိုးစုံတန်ချိန် ကိုးထောင်ကျော် ဖမ်းဆီးရမိခဲ့တာပါ’’ ဟု ဦးခင် မောင်ဝင်းက ပြောသည်။

စစ်ကိုင်းတိုင်းဒေသကြီးတွင် တစ်နှစ်တာအတွင်း တရားမ၀င် သစ်မျိုးစုံဖမ်းဆီးရရှိမှု စာရင်းအရ ကသာခရိုင်မှ ၃,၁၆၆ တန်ကျော်၊ မုံရွာခရိုင်မှ ၁,၆၈၀ တန်ကျော်၊ စစ်ကိုင်းခရိုင်မှ ၁၂၉ တန်ကျော်၊ ရွှေဘိုခရိုင်မှ ၉၈၃ တန်ကျော်၊ ကလေးခရိုင်မှ ၁,၆၇၅ တန် ကျော်၊ မော်လိုက်ခရိုင်မှ ၉၃၈ တန်ကျော်၊ ခန္တီးခရိုင်မှ ၄၇၅ တန် ကျော်နှင့် တမူးခရိုင်မှ ၁၇၄ တန် ကျော်တရားမ၀င်သစ်မျိုးစုံ ၉,၂၂၂ ဒသမ ၅၀ တန်ဖမ်းမိခဲ့ သည်။ စစ်ကိုင်းတိုင်းတွင် ၂၀၁၇ အတွင်း တရားမ၀င်သစ်အမှုသုံး ထောင်ကျော်မှ တရားခံတစ် ထောင်ကျော်နှင့်အတူ ကား ၅၀၄ စီး၊ လယ်ထွန်စက် ၂၈ စီး၊ ထော် လာဂျီ ၂၈ စီး၊ ကန့်လန့်ဂျီနှစ်စီး၊ ဆိုင်ကယ် ၁၅၁ စီး၊ သုံးဘီးဆိုင် ကယ်ခုနစ်စီး၊ စက်လှေ ၈၃ စီး၊ ဆိုက်တွဲ(ဘေးတွဲဆိုင်ကယ်) ၃၃ စီး၊ တူမီးသေနတ်ငါးလက်၊ သစ်စက် ၂၆၀နှင့်ချိန်းဆော ၁၁၄ ခုဖမ်းမိခဲ့ကြောင်း တိုင်းဒေသကြီး သစ်တောဦးစီးဌာနမှတ်တမ်းများ အရ သိရသည်။