ဆင်ပေါင်ဝဲမြို့နယ်ရှိ မြေလွတ်မြေရိုင်းများ အကွက်ရိုက်ရောင်းချနေမှုများကို တိုင်းလွှတ်တော်တွင် မေးမြန်း

 ဆင်ပေါင်ဝဲမြို့နယ် ရှိ မြေလွတ်၊ မြေရိုင်း(စားကျက်မြေများ) ကို ကုမ္ပဏီဝန် ထမ်းများနှင့် ပွဲစားများက မြေကွက်ရိုက် ရောင်းချ နေသဖြင့် တိုင်းအစိုးရ အဖွဲ့က စစ်ဆေးဆောင်ရွက် ပေးရန် အစီအစဉ်ရှိ၊ မရှိ မေးခွန်းကို တိုင်းလွှတ်တော်ကိုယ်စားလှယ်ဦးကျော်လွင်က လွှတ်တော်တွင် မေးမြန်းခဲ့သည်။

ဇန်န၀ါရီ ၁၁ ရက်က ပြု လုပ်သည့် မကွေးတိုင်းလွှတ် တော် ခုနစ်ကြိမ်မြောက် ပုံမှန်အ စည်းအဝေး လေးရက်မြောက်နေ့ တွင် ဆင်ပေါင်ဝဲမြို့နယ် တိုင်း ဒေသကြီးလွှတ်တော်ကိုယ်စား လှယ်က မေးခွန်းမေးမြန်းခြင်း ဖြစ်သည်။

‘‘ဆင်ပေါင်ဝဲမြို့နယ် ရန် ကုန်-ပြည်လမ်းမကြီးပေါ်က သာယာကုန်းကျေးရွာအနီးက၊ ယခင်အစိုးရလက်ထက်က မြေလွတ်၊ မြေရိုင်းဖော်ထုတ်ရေး စီမံကိန်းအဖြစ် ချထားပေးထားတဲ့ မြေတွေကို ကုမ္ပဏီဝန်ထမ်းတွေနဲ့ ပွဲစားတွေက အကွက်ရိုက်ရောင်းစားနေတာ ဖြစ်ပါတယ်။ ဒါက တရားဝင်လား၊ ဒီလိုရောင်းစားလို့ရလား၊ တရားမ၀င်ရင် တိုင်းအစိုးရက ဖော်ထုတ်အရေးယူပေးဖို့အတွက် လွှတ်တော်မှ မေးခွန်းအဖြစ် မေးမြန်းခဲ့တာ ဖြစ်ပါတယ်’’ဟု ဦးကျော်လွင်က ပြောသည်။

 ဆင်ပေါင်ဝဲမြို့နယ်နှင့် တောင်တွင်းကြီးမြို့နယ်တို့တွင် ယခင်စစ်အစိုးရ လက်ထက်က မြေလွတ်၊ မြေရိုင်းဖော်ထုတ်ရေး စီမံကိန်းများအဖြစ် စိုက်ပျိုးရေး လုပ်ငန်းများ လုပ်ကိုင်နိုင်ရန် မြေဧကပေါင်းများစွာကို ပုဂ္ဂလိက ကုမ္ပဏီများအား ချထားပေးခဲ့ပြီး ယခုအခါ ကုမ္ပဏီအများစုသည် လုပ်ကိုင်ခြင်း မရှိတော့ကြောင်း သာယာကုန်းကျေးရွာ ဒေသခံ တစ်ဦးက ပြောသည်။

ယင်းမြေများသည် ဒေသခံ ကျေးရွာများမှ ပိုင်ဆိုင်သော ဓားမဦးချတောင်ယာမြေများနှင့် နိုင်ငံတော်ပိုင်စားကျက်မြေများဖြစ်ပြီး ကုမ္ပဏီများက စိုက်ပျိုးရေးလုပ် ငန်းများ လုပ်ကိုင်ခြင်းမရှိတော့ သည့်အခါ ယင်းကုမ္ပဏီတွင် လုပ်ကိုင်သူ ၀န်ထမ်းများနှင့် နီးစပ်သူပွဲစားများက အကွက်ရိုက်ကာ ရောင်းချခြင်းဖြစ်ကြောင်း ဦးကျော်လွင်က ဆိုသည်။

အထက်ပါ ကိစ္စနှင့်ပတ် သက်၍ တိုင်းအစိုးရအဖွဲ့က ဥပ ဒေနှင့်ညီညွတ်မှုရှိ၊ မရှိ စစ်ဆေး ရန် သက်ဆိုင်ရာဌာနဆိုင်ရာများ သို့ ညွှန်ကြားစာများပေးပို့ထား ပြီး မြေလွတ်၊ မြေရိုင်းဖော်ထုတ်ရေး စီမံကိန်းရရှိထားသည့် ကုမ္ပဏီ များအနေဖြင့် နှစ်စဉ်စိုက်ပျိုးဧက နှင့် လစ်လပ်ဧကများကို တိုင်းအစိုးရထံတင်ပြရကြောင်း တိုင်းအစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုးမြင့်က ဖြေကြားသည်။

More in Regional Section