ငြိမ်းချမ်းရေးလုပ်ငန်းစဉ်သည် အမိန့်ပေးနာခံမှုစနစ်ဖြင့် ဆောင်ရွက်ခြင်းမဟုတ်ဘဲ ယုံကြည်မှုအခြေခံသဖြင့် ညှိနှိုင်းရန်လိုဟု KNU ဥက္ကဋ္ဌပြော

PPST အစည်းအဝေးကို ယမန်နေ့က ပြုလုပ်နေစဉ် (ဓာတ်ပုံ − NMG)

 ငြိမ်းချမ်းရေးလုပ် ငန်းစဉ်သည် အမိန့်ပေးနာခံမှု စနစ်နှင့် ဆောင်ရွက်ခြင်းမျိုးမ ဟုတ်ဘဲ အပြန်အလှန်ယုံကြည်မှု တည်ဆောက်ခြင်းကို အခြေခံ၍ ညှိနှိုင်းရန်လိုအပ်ကြောင်း ကရင်အမျိုးသားအစည်းအရုံး (KNU) ဥက္ကဋ္ဌ ဗိုလ်ချုပ်ကြီးစောမူတူး စေးဖိုးက ပြောကြားသည်။


ရှမ်းအမျိုးသားအဆင့် နိုင်ငံ ရေးဆွေးနွေးပွဲအကြို လူထုတွေ့ ဆုံပွဲများကို တပ်မတော်က တားဆီးခြင်းအပါအ၀င် လက်ရှိငြိမ်း ချမ်းရေးလုပ်ငန်းစဉ် အခြေအနေ များကြောင့် အရေးပေါ်ခေါ်ယူခဲ့ သော တစ်နိုင်ငံလုံးအပစ်အခတ် ရပ်စဲရေး သဘောတူစာချုပ် (NCA) လက်မှတ်ထိုးရှစ်ဖွဲ့ ထိပ် သီးခေါင်းဆောင်များ၏ ငြိမ်းချမ်း ရေးလုပ်ငန်းစဉ် ဦးဆောင်အဖွဲ့ (PPST) အစည်းအဝေးတွင် အဖွဲ့ခေါင်းဆောင် KNU ဥက္ကဋ္ဌက  ယခုကဲ့သို့ တိုက်တွန်းခြင်းဖြစ်သည်။ PPST အစည်းအဝေးကို ထိုင်း နိုင်ငံချင်းမိုင်း၌ ဇန်န၀ါရီ ၁၁ ရက် က စတင်ကျင်းပနေသည်။

‘‘ငြိမ်းချမ်းရေး လုပ်ငန်းစဉ် ဟာ အမိန့်ပေးနာခံမှုစနစ်နဲ့ သွား တာမျိုးမဟုတ်ဘဲ အပြန်အလှန် အသိအမှတ်ပြုကြတာ၊ ယုံကြည်မှုတည်ဆောက်ခြင်းကို အခြေခံတာ။ Stakeholders  တွေကြားသံသယမထားရှိဘဲ ညှိနှိုင်းကြဖို့လိုပါတယ်။ တစ်ဖက်နဲ့တစ်ဖက်စိုးရိမ်မှုတွေကို ဖော်ထုတ်ပြီး အဖြေရှာမှသာ အနှစ်သာရရှိတဲ့ တွေ့ဆုံဆွေးနွေးပွဲတွေ ဖြစ်ပေါ်လာမှာ ဖြစ်ပါတယ်’’ဟု ဗိုလ်ချုပ်ကြီး စောမူတူးစေးဖိုးက ပြောသည်။

ငြိမ်းချမ်းရေးလုပ်ငန်းစဉ် တွင် ပါဝင်နေသော အစိုးရ၊ တပ်မ တော်နှင့် တိုင်းရင်းသားလက်နက် ကိုင်အဖွဲ့များ အပါအ၀င်သက် ဆိုင်ရာအဖွဲ့အစည်း အသီးသီး သည် တစ်ဖက်နှင့်တစ်ဖက် သံသယမထားဘဲ ဒီမိုကရေစီ အခြေခံ သော ဖက်ဒရယ်ပြည်ထောင်စု တည်ဆောက်ရေးဆိုင်ရာ အခြေခံ မူများ ချမှတ်နိုင်ရေး ညှိနှိုင်းဆွေး နွေးအဖြေရှာရန် ကရင်အမျိုးသား အစည်းအရုံးဥက္ကဋ္ဌက တိုက်တွန်း သည်။

နှစ်ခြောက်ဆယ်ကျော် အ တွင်းနိုင်ငံရေးပြဿနာ၏ အမြင့်ဆုံးသော ထိပ်တိုက်ရင်ဆိုင်မှုဖြစ် သည့် လက်နက်ကိုင်အပြန်အလှန် တိုက်ခိုက်ခဲ့သော အတွေ့အကြုံများကြောင့် ငြိမ်းချမ်းရေးလုပ်ငန်း စဉ်တွင် အဓိကပါဝင်နေသော သက်ဆိုင်ရာအဖွဲ့အစည်းများအ ကြား  သံသယစိတ်များ၊ စိုးရိမ် စိတ်များ အမြစ်တွယ်နေသည်မှာ ငြင်း၍မရဟု ဗိုလ်ချုပ်ကြီး စော မူတူးစေးဖိုးက ဆိုသည်။

‘‘ဒီဟာတွေက အခုနိုင်ငံရေး ဆွေးနွေးပွဲတွေ လုပ်တဲ့အခါမှာ လာပြီး ပွတ်တိုက်မှုဖြစ်လာရတာ ဖြစ်တယ်။ ဒါကြောင့် NCA ရဲ့ အဓိပ္ပာယ်ဖွင့်ဆိုမူတွေအပေါ် နား လည်မှု တူညီခြင်းမရှိသေးဘူးလို့ ကောက်ချက်ချရမှာ ဖြစ်ပါတယ်။ ဒါကြောင့် NCA ရဲ့ မူတစ်ခုဖြစ်တဲ့ တွေ့ဆုံညှိနှိုင်းအဖြေရှာခြင်းဖြစ် တဲ့ အခြေခံကနေ အဖြေရှာဖို့ လို ကြောင်း ပြောကြားလိုပါတယ်’’ ဟု ၎င်းက ပြောသည်။

လူထုတွေ့ဆုံပွဲများ၊ အမျိုး သားအဆင့် နိုင်ငံရေးဆေးနွေးပွဲ များသည် နိုင်ငံရေး ယဉ်ကျေးမှု အသစ်၏ ကျောရိုးဖြစ်ပြီး ယင်း သည် အမျိုးသားပြန်လည်ရင် ကြားစေ့ရေးကို ဖော်ဆောင်ခြင်း ဖြစ်ကြောင်း ၎င်းကပြောသည်။

NCA လက်မှတ်ထိုးထား သည့် ရှမ်းပြည်ပြန်လည်ထူ ထောင်ရေးကောင်စီ( RCSS) က ဦးဆောင်ကျင်းပမည့် ရှမ်းလူ မျိုးအလိုက် အမျိုးသားအဆင့် နိုင်ငံရေးဆွေးနွေးပွဲအတွက် အ ကြိုလူထုတွေ့ဆုံပွဲများကို ဒီဇင် ဘာက ရှမ်းပြည်နယ်၏ မြို့နယ် အချို့တွင် ကျင်းပရာ တပ်မတော် က တားဆီးခဲ့သည်။ ဇန်န၀ါရီ ၁၂ ရက်တွင် ရှမ်းပြည်နယ် လင်းခေး မြို့၌ ကျင်းပရန်သတ်မှတ်ထား သည့် အဆိုပါ ရှမ်းလူမျိုးအလိုက် ဆွေးနွေးပွဲအတွက် အကြိုဆွေး နွေးပွဲကို တောင်ကြီးမြို့တွင် ဇန်န၀ါရီ ၇ ရက်မှ ၉ ရက်အထိ ကျင်းပ ခွင့်ရရေး ရှမ်းအဖွဲ့အစည်းများက အစိုးရနှင့် တပ်မတော်ထံ ထပ်မံ အဆိုပြုသော်လည်း ခွင့်ပြုချက် မရ၍ လင်းခေးမြို့၌ ကျင်းပမည့်ဆွေးနွေးပွဲကို RCSS က ရွှေ့ဆိုင်းခဲ့သည်။ ထို့ကြောင့် ယခုကဲ့သို့ PPST  အစည်းအဝေးအရေးပေါ်ခေါ်ယူရန် အခြေအနေဖြစ် ပေါ်လာသည်။

ထို့အပြင် အမျိုးသားပြန်လည်သင့်မြတ်ရေး မိမိတို့၏ စိုးရိမ်စိတ်များကို အပြန်အလှန်ဖော်ထုတ်ကာ ဆွေးနွေးအဖြေရှာမှသာ အဖြေမှန်ကိုရရှိမည်ဟု KNUဥက္ကဋ္ဌက ပြောသည်။

ယခု PPST ခေါင်းဆောင် များ အစည်းအဝေးသို့ အပစ်ရပ် ပူးတွဲစောင့်ကြည့်ရေးကော်မတီ (JMC) မှ NCA လက်မှတ်ထိုးရှစ် ဖွဲ့ကိုယ်စားလှယ်၊ NCA လက် မှတ်ထိုးရှစ်ဖွဲ့မှ အစိုးရနှင့် နိုင်ငံ ရေး၊ လုံခြုံရေးကဏ္ဍများကို အလွတ်သဘောဆွေးနွေးရန် ဖွဲ့စည်းထားသည့် အဖွဲ့ခေါင်းဆောင်များလည်း တက်ရောက်ခဲ့ သည်။ PPST  အစည်းအဝေးကို ဇန်န၀ါရီ ၁၂ ရက်အထိ ကျင်းပ ရန် သတ်မှတ်ထားသည်။