မိုးယွန်းကြီးအင်းက ငှက်နှင့်လူပြဿနာ

ဓာတ်ပုံ−စိုင်းဇော်

ရေလှောင်တမံရှိ သစ်သား ရေလွှဲတံခါးကို ဖွင့်လိုက်သည်နှင့် တစ်ပြိုင်နက် မိုးယွန်းကြီးအင်းအ တွင်းမှ နီညိုရောင်ရေများသည် စိုက်ပျိုးပြီးခါစသာရှိသေးသည့် စပါးခင်းများဆီသို့ တဖြည်းဖြည်း စီးဝင်သွားသည်။

စီးဝင်နေသည့် နီညိုရောင် ရေများသည် ဝေါမြို့နယ်မြောက် ပိုင်းရှိ စပါးပင်များကိုရှင်သန်ကြီး ထွားရန်အကျိုးပြုမည်မှာ အသေ အချာပင်ဖြစ်သည်။ သို့သော် စပါးခင်းအချို့မှာမူ ရှင်သန်ကြီး ထွားချိန်မရရှိဘဲ ဖျက်ဆီးခြင်းခံ ခဲ့ရသည်။

၂၀၀၅ ကစ၍ ကမ္ဘာ့အရေး ကြီးဆုံးရေတိမ်ဒေသအဖြစ် စာ ရင်းဝင်ခဲ့သော မိုးယွန်းကြီးအင်း သည် တာတမံတစ်ဖက်ပိတ်ရေ တိမ်အင်းဖြစ်သည်။ အင်း၏ မြောက်ဘက်တွင် ဒိုက်ဦးမြို့ နယ် နှင့် ဝေါမြို့နယ်ရှိ လေလံအင်း များ၊ စပါးစိုက်ခင်းများနှင့် ထိစပ် နေပြီး တောင်ဘက်ခြမ်းတွင် ပဲခူး မြို့နယ်၏စပါးစိုက်ခင်းများနှင့် နယ်နိမိတ်ချင်းထိစပ်နေသည်။

မိုးယွန်းကြီးပတ်လည်တွင် ဧကရစ်ကျေးရွာအုပ်စု၊ အင်း တိုင်စုကျေးရွာအုပ်စု၊ စိုင် ပြည်စုကျေးရွာအုပ်စု၊ ကပင်စု ကျေးရွာအုပ်စု၊ ဖလောက်ကျေး ရွာအုပ်စု၊ ကပ်လျှက်ကျေးရွာအုပ် စုတို့ ထိစပ်နေပြီးစပါးစိုက်ခင်း ဧကသောင်းချီရှိကြောင်း ဝေါမဲ ဆန္ဒနယ်ပြည်သူ့လွှတ်တော်ကိုယ် စားလှယ်ဦးတင်ထွေးက ပြော သည်။

အင်းနှင့်ထိစပ်နေသည့် စိုက်ပျိုးမြေများသည် ရေနက် ကွင်းဒေသဖြစ်သဖြင့် ကုန်းမြေ ပေါ်သော ဆောင်းဦးရာသီမှသာ နွေစပါးကို စိုက်ပျိုးရသည်။ မိုး ယွန်းကြီးအင်းဆီသို့ ဆောင်းခို ငှက်များဝင်ရောက်လာချိန်နှင့် ဒေသတွင်း လယ်သမားများစပါး စိုက်ပျိုးချိန်မှာ နှစ်စဉ်တိုက်ဆိုင် နေသည်။ ဆောင်းခိုငှက်များအ နက် အချို့သောမျိုးစိတ်များသည် စပါးပင်များကို ဖျက်ဆီးလေ့မရှိ သော်လည်း ဘဲမျိုးနွယ်ဝင်ငှက် များဖြစ်သည့် စစ္စလီ၊ ရေဘဲ အစရှိသောငှက်များက စပါးပင် များကို အုပ်စုလိုက်ဝင်ရောက် ဖျက်ဆီးကြသည်ဟု ဒေသခံလယ် သမားများက ပြောသည်။

‘‘ကျွန်တော်တို့ စပါးစိုက်တဲ့ အချိန်ဆို ငှက်တွေကလာတော့ တာပဲ’’ ဟု ဝေါမြို့နယ်တောင်ဖ လောက်ကျေးရွာနေ ဦးခင်မောင် ညွန့်က ပြောသည်။

ရာဂဏန်းနှင့်ချီသော ငှက် များသည် စပါးခင်းများကိုညအ ချိန်မှသာ လာရောက်ဖျက်ဆီး ခြင်းဖြစ်သည်။ သို့သော်လည်း ဖျက်ဆီးခံရသည့် စပါးခင်းဧက အရေအတွက်ကိုမူ လယ်သမား များနှင့် တာဝန်ရှိသူများက အတိအကျပြောနိုင်ခြင်း မရှိပေ။

စပါးပင်များဖျက်ဆီးခံရသ ဖြင့် အချို့သောလယ်သမားများ သည် ငှက်များသေဆုံးစေရန် အ ဆိပ်ချသတ်ဖြတ်ကြောင်း ဦး ခင်မောင်ညွန့်က ပြောသည်။

‘‘ဒေသအခေါ် ထိသေလို့ခေါ် တယ်။ စပါးစေ့ကိုလှော်ပြီးတော့ အဆိပ်နဲ့ရောတာ။ ပြီးတော့ ရော ပြီးကြဲ(ပျိုးကြဲ)တာလို့ ပြောကြ တယ်။ အဲဒီစပါးပင်က အပင် ပေါက်ဖို့အတွက်မဟုတ်ဘူး။ ငှက်သေဖို့’’ ဟု ဒေသခံရွာသား တစ်ဦးက ပြောသည်။

ထို့အပြင် အချို့သောလယ် သမားများကမူ ငှက်ထောင်စား သူများကို အကူအညီတောင်း၍ ငှက်ထောင်စေကြောင်း ဦးတင် ထွေးက ပြောသည်။

‘‘ထောင်စားတဲ့လူကို လယ် သမားက အကူအညီတောင်းလို့ ထောင်ပေးတာ။ သက်သက်ငှက် ရောင်းစားတဲ့လူတွေရှိတယ်။ ၀မ်း ဘဲအင်း(ပဲခူး)ဆိုရင် ထိတယ်။ ငှက်တွေက စားတယ်’’ ဟု  ၎င်း က ပြောသည်။

မိုးယွန်းကြီးအင်းနှင့် ဆောင်းခို ငှက်များ

၁၈၇၈ တွင် ဗြိတိသျှအစိုးရ သည် ပဲခူး-စစ်တောင်းတူးမြောင်း အတွင်း နွေရာသီသစ်ဖောင်များ မျှောရာတွင် ရေတွန်းအားတစ်ခု အဖြစ်အသုံးချနိုင်ရန် လူလုပ်အား ဖြင့် ရေလှောင်တာတမံကိုပြုလုပ် ခဲ့ခြင်းကအစပြု၍ မိုးယွန်းကြီး အင်း ဖြစ်ပေါ်လာခဲ့သည်။

လက်ရှိအချိန်တွင် အင်းရေ အနက်သည် သုံးပေကျော်သာရှိ ပြီး ရေလွှဲချောင်းရိုးဝများ၌သာ ၁၀ ပေခန့်ရှိသည်။

မိုးယွန်းကြီးအင်းတွင် ဒေသ တွင်းငှက်မျိုးစိတ်ပေါင်း ၁၅၅ မျိုး နှစ်စဉ်လာရောက်ဆောင်းခိုကြ သည်။ ဌာနေငှက်မဟုတ်သော ဆောင်းခိုငှက် ၆၅ မျိုးသည် ရုရှား နိုင်ငံအပါအ၀င် ရာသီဥတုလွန်ကဲ စွာအေးသည့်နိုင်ငံများမှ ရောက် ရှိလာခြင်းဖြစ်သည်။

နှစ်စဉ်အောက်တိုဘာမှမတ် လကုန်အထိ ငှက်များဆောင်း ခိုလေ့ရှိသည်။

မိုးယွန်းကြီးဒေသတွင် ရေ ပျော်ငှက်များ ဆောင်းခိုရသည့် အကြောင်းရင်းသည် အစာရေစာ ပေါများခြင်းကြောင့်ဖြစ်သည်။ စတုရန်းမိုင် ၄၀ ကျယ်ဝန်းသည့် ရေတိမ်အင်းဒေသ၌ ဆောင်းခို ငှက်များအတွက် အစာရေစာအ ဖြစ် ငါးမျိုးစိတ်ပေါင်း ၃၀ နှင့် ဖား မျိုးစိတ်ရှစ်မျိုးရှိကြောင်း သစ် တောဦးစီးဌာနက ထုတ်ပြန်ထား သည်။

ကိန်းဂဏန်းများအရ နှစ်စဉ် ဆောင်းခိုငှက်နှစ်သောင်းခန့် သည် မိုးယွန်းကြီးအင်းအတွင်း ခြောက်လခန့်နေထိုင်ကျက်စား ကြသည်။

ရာသီအလိုက်နိုင်ငံပေါင်းစုံ တွင် ကျက်စားနေသည့် ဆောင်းခို ငှက်များသည် ကမ္ဘာ့မြောက်ဘက် ခြမ်းကစတင်၍ ကမ္ဘာ့တောင် ဘက်ခြမ်းသို့ ရွှေ့ပြောင်းသွားလာ နေခြင်းဖြစ်သည်။ ၎င်းတို့သည် တစ်နေရာမှတစ်နေရာသို့ ရွှေ့ ပြောင်းသွားလာနိုင်ရန် စားကျက် မြေတစ်ခုခုတွင် ခရီးတစ်ထောက် နားကာ အစာရေစာကို ဖြည့်တင်း ကြသည်။

အထူးသဖြင့် ရေပျော် ဆောင်းခိုငှက်များသည် ပဲခူးနှင့် မန္တလေးတိုင်း၊ ကချင်နှင့် ရှမ်း ပြည်နယ်ရှိ အင်း၊ အိုင်နှင့် မြစ် များတွင် ခရီးတစ်ထောက်နားကြ သည်။ ထို့ကြောင့် ရန်ကုန်မြို့နှင့် မိုင် ၇၀ ခန့်သာကွာဝေးသည့် မိုးယွန်းကြီးအင်းသို့ ငှက်ကြည့် ၀ါသနာရှင်များနေ့စဉ်ဝင်ထွက် သွားလာမှုတိုးလာခဲ့သည်။

ခရီးသွားလာရောက်မှုတိုး လာသော်လည်း မိုးယွန်းကြီးအင်း သို့ ဆောင်းခိုရန်လာသည့်ငှက် များမှာ တစ်နှစ်ထက်တစ်နှစ် လျော့နည်းလာခဲ့သည်။

ထိုသို့ဖြစ်ရခြင်းသည် မူရင်း လာရာဒေသမှ ငှက်ဝင်ရောက် မှုနည်းပါးခြင်းကြောင့်လည်း ဖြစ် နိုင်သည်ဟု မြန်မာငှက်နှင့်သဘာ ၀ပတ်ဝန်းကျင်ထိန်းသိမ်းရေးအ သင်းဥက္ကဋ္ဌ ဒေါက်တာသိန်း အောင်က ပြောသည်။

‘‘၂၀၁၂ ခုနှစ်လောက်က ငှက်ကြည့်ဖို့သွားရင် ကမ်းခြေ (အင်းအစပ်)ကနေတောင် မြင် နေရတာ။ အဝေးကြီး(အင်းထဲအ ထိ)သွားစရာမလိုဘူး။ အခုဆို အင်းအလယ်မှာရှိတဲ့ သဘာဝဒိုက်ဖတ်တွေဆီသွားကြည့်မှပဲ မြင်ရ တော့တယ်’’ ဟု ငှက်ကြည့်လမ်းညွှန် ဦးရဲမင်းအောင်က ပြော သည်။

ဆောင်းခိုငှက်နည်းပါးလာခြင်း

အကြောင်းရင်း

ဆောင်းခိုငှက်များနည်းပါး လာခြင်းသည် အထက်တွင်ဖော်ပြ သကဲ့သို့အဆိပ်ချသတ်ဖြတ်ခံရ ခြင်း၊ မူရင်းဒေသမှ ငှက်များလာ ရောက်မှုနည်းပါးခြင်းအပြင် အ ခြားအကြောင်းအရာများလည်းရှိ နေသည်။

ဆောင်းခိုငှက်များကို အ ကြောင်းပြု၍ အမေရိကန်၊ အင်္ဂလန်စသည့်နိုင်ငံများမှ ငှက် ကြည့်ဝါသနာရှင်များ၊ သုတေသ နပညာရှင်များနှစ်စဉ်လာရောက် ကြသည်။

၂၀၁၆ အတွင်း မိုးယွန်းကြီး အင်းဒေသသို့ ခရီးသွားဧည့်သည် နှစ်သောင်းခန့်ဝင်ရောက်ခဲ့သည်။ ခရီးသွားဝင်ရောက်မှုတွင် နိုင်ငံ ခြားဧည့်သည် ၅ ရာခိုင်နှုန်းခန့်ပါ ၀င်ကြောင်း မိုးယွန်းကြီးအင်းအ ပန်းဖြေစခန်း လုပ်ကိုင်ခွင့်ရရှိ ထားသည့် ရွှေပြည်အေးကုမ္ပဏီ စီအီးအိုဦးဥက္ကာမျိုးက ပြော သည်။ ခရီးသွားဝင်ရောက်မှုနှုန်း တိုးတက်လာခြင်းသည် ဒေသ တွင်းစီးပွားရေးကို တစ်ဖက်တစ် လမ်းမှ အထောက်အကူဖြစ်စေ သော်လည်း ဆောင်းခိုငှက်များအ တွက် အနှောင့်အယှက်ဖြစ်စေ သည်ဟု ဦးရဲမင်းအောင်က ပြော သည်။

‘‘စက်လှေတွေကြောင့် ငှက် တွေလန့်တာမျိုးပေါ့’’ ဟု ဦးရဲမင်း အောင်က ပြောသည်။

ရေတိမ်အင်းဒေသအတွင်း ရှိ ဂေဟစနစ်ကိုရေရှည်ထိန်းသိမ်း စောင့်ရှောက်နိုင်ရန် သဘာဝလွန် ငါးဖမ်းခြင်း(ဥပမာ-ကျဉ်စက်သုံး ငါးဖမ်းသည့်စနစ်)၊ ဆောင်းခို ငှက်များကို ဖမ်းဆီးခြင်းနှင့် သတ် ဖြတ်ခြင်းများရှိလာသဖြင့် ထိုသို့ ပြုလုပ်ပါက ဥပဒေအရအရေးယူ မည်ဟု မိုးယွန်းကြီးအင်းဘေးမဲ့ တောအုပ်ချုပ်ရေးမှူးရုံးက ဒေသ တွင်းနေထိုင်သူများကို သတိပေး ကြေညာထားသည်။

‘‘ဒေသအခေါ် ဘီလား (အင်းဆက်တစ်မျိုး) ထောင်တယ် ဆိုတာရှိတယ်။ အဲဒီပိုက်တွေထဲ မှာ ငှက်တွေမိနေတာကို ကျွန် တော်တို့မြင်ခဲ့ရတယ်။ ငှက်တစ် ကောင်ဆိုရင် မျိုးသုဉ်းလုနီးပါး အန္တရာယ်ရှိတဲ့မျိုးစိတ်စာရင်းထဲ မှာပါနေတယ်’’ ဟု ဦးရဲမင်း အောင်က ပြောသည်။

တောင်သူနဲ့ ဆောင်းခိုငှက်ကြား ပဋိပက္ခဘယ်လိုဖြေရှင်းမလဲ

ဆောင်းခိုငှက်များသည် အင်းရေအနည်းငယ်ကျဆင်း သွားသည့် ဇန်န၀ါရီနှင့် ဖေဖော်ဝါ ရီတွင် အမျိုးအစားစုံလင်စွာ လာ ရောက်လေ့ရှိသည်။ ဆောင်းခို ငှက်များ အစုံအလင်ရောက်ရှိ လာချိန်တွင် ဒေသတွင်းရှိ စိုက်ပျိုး စပါးများဖျက်ဆီးခံရမည်ကို တောင်သူများက စိုးရိမ်နေသည်။

ငှက်မျိုးစိတ်အချို့သည် စိုက်ပျိုးခင်းများအတွင်းရှိ စပါး ဖျက်ပိုးများကို အစာရေစာအဖြစ် အသုံးပြု၍ လယ်သမားများကိုပြန် လည်အကျိုးပြုသော်လည်း စပါး ခင်းများကို ဖျက်ဆီးသည့်ငှက်မျိုး စိတ်အချို့ကြောင့် လယ်သမား များ စိတ်သောကရောက်ရသည်။

‘‘ညဆို ဒီမှာလာကြည့် တစ် ကွင်းလုံးမီးတွေကို ထိန်လို့၊ ငှက် တွေကိုစောင့်ပြီး ခြောက်နေရ တာ။ သူတို့က မီးရောင်ရှိရင်တော့ မလာတော့ဘူး။ ဘက်ထရီမီး တွေ၊ရေနံဆီမီးတွေနဲ့ ဒီလိုပဲ ည ဘက်ငှက်တွေကိုခြောက်နေရ တယ်’’ ဟု ဦးခင်မောင်ညွန့်က ပြောသည်။

ငှက်များ၏ အန္တရာယ်ကို မီး ရောင်သုံး၍ ခြောက်လှန့်နေခြင်း ဖြင့် ရှားပါးတိရစ္ဆာန်စာရင်းဝင် များဖြစ်သည့် ရေပျော်ငှက်များ မျိုးသုဉ်းပျောက်ကွယ်မည်မဟုတ်သော်လည်း မကျေနပ်ချက်များ နှင့်အတူ အဆိပ်ချသတ်ဖြတ်ခြင်း ကြောင့် မိုးယွန်းကြီးအင်းအတွင်း လာရောက်နားခိုသည့် ဆောင်း ခိုငှက်များ မျိုးသုဉ်းရန် စိုးရိမ်နေ ရပြီဖြစ်သည်။

မိုးယွန်းကြီးအင်းဧရိယာ တွင် ငှက်ဖမ်းခြင်းမရှိသော်လည်း အင်းပတ်ဝန်းကျင်၌ ငှက်ဖမ်းခြင်း ရှိနေပြီး ငှက်ရောင်းချခြင်းများ လည်းရှိနေကြောင်း၊ စပါးပျက်စီး ခြင်းကို အကြောင်းပြု၍ ငှက်ဖမ်း ကာ ရောင်းသည့်ဈေးကွက်ရှိနေ ကြောင်း သားငှက်ထိန်းသိမ်းရေး အဖွဲ့ (မြန်မာနိုင်ငံအစီအစဉ်)မှ ငှက်ပညာရှင်ဦးသက်ဇော်နိုင်က ပြောသည်။

‘‘ရွှေမောဓောဘုရားမှာ ကြည့်လေ။ ငှက်ရောင်းတဲ့ဈေး ကွက်ကရှိနေတာကိုး’’ ဟု ၎င်းက ဆိုသည်။

အခြားနိုင်ငံများတွင် အ လားတူပြဿနာမျိုးရှိသော်လည်း ငှက်မသတ်ကြောင်း၊ ငှက်စား၍ စပါးပျက်စီးသည်ဆိုသည့်လယ် သမားများ၏ အမြင်ပြောင်းစေရန် ဘေးမဲ့တောဝန်ထမ်းများက စည်း ရုံးဟောပြောပွဲများ လိုက်လံ ဆောင်ရွက်ကြောင်း ဦးသက် ဇော်နိုင်က ပြောသည်။

‘‘ဆောင်းခိုငှက်တွေ ကိုယ် တို့နိုင်ငံဝင်လာလို့ ကိုယ့်နိုင်ငံမှာ ငှက်မျိုးစိတ်တွေပိုအမျိုးအစာစုံ တယ်။ အရေအတွက်ပိုများသွား တယ်။ ဆောင်းခိုငှက်လာကြည့် တဲ့ နိုင်ငံခြားသားဧည့်သည်လာ တယ်။ ဒေသခံတွေဝင်ငွေတိုးလာ တယ်။ လူတွေကို တစ်ဖက်တစ် လမ်းက အကျိုးပြုတယ်’’ ဟု ၎င်း က ပြောသည်။

မြန်မာနိုင်ငံတွင် ငှက်ဖမ်း သူများကို ဖြေရှင်းပေးရာ၌ ၎င်း တို့၏ စားဝတ်နေရေးကို အခြား နည်းလမ်းဖြင့်ဖြေရှင်းခြင်းဖြစ် ကြောင်း ဦးသက်ဇော်နိုင်က ပြော သည်။

‘‘ဥပမာပင်လယ်ကမ်းစပ်နီး တဲ့လူတွေဆိုရင် လှေတွေ၊ ပိုက် တွေဝယ်ပေးတယ်’’ ဟု ၎င်းကဖြေ ရှင်းခဲ့ပုံကို ဥပမာပေးပြောကြား သည်။

ထိုသို့ ဖြေရှင်းခဲ့သလို မိုး ယွန်းကြီးအင်းရှိ ဆောင်းခိုငှက် များနှင့် တောင်သူများကြား ပြဿနာကိုလည်း အလေးထား ဖြေရှင်းရန် ဒေသတွင်းတောင်သူ များက လိုလားနေသည်။