ရန်ကုန်တွင် ဖောက်လုပ်မည့် မိုးပျံလမ်းစီမံကိန်းအတွက် IFC ကို အကြံပေး ခန့်အပ်

၂၀၁၉ နှစ်ဆန်းတွင် စတင်မည့် ရန်ကုန်မြို့အဆင့်မြင့်မိုးပျံ အမြန်လမ်းစီမံကိန်းအတွက် အပြည်ပြည်ဆိုင်ရာငွေကြေးကော်ပိုရေး ရှင်း(IFC)ကို ဆောက်လုပ်ရေးဝန်ကြီးဌာနက ဦးဆောင်အကြံပေးအဖြစ် ဇန်န၀ါရီ ၁၁ ရက်တွင် ခန့်အပ်သည်။

ရန်ကုန်တောင်ပိုင်းနှင့်မြောက်ပိုင်း ချိတ်ဆက်မည့် ၁၃ မိုင်ခန့်(၂၀ ဒသမ ၅ ကီလိုမီတာ) ရှည်လျားသော မြန်မာ့ပထမဆုံး လေးလမ်း သွား အဆင့်မြင့်မိုးပျံအမြန်လမ်းစီမံကိန်းကို ပုဂ္ဂလိက ကဏ္ဍမှ ကန် ဒေါ်လာသန်း ၃၅၀ မှ သန်း ၄၀၀ အထိအသုံးပြုမည်ဖြစ်ပြီး အဆိုပါ စီမံကိန်းအတွက် အရည်အသွေးပြည့်ဝသော ပုဂ္ဂလိကဆောက်လုပ်ရေး ကုမ္ပဏီတစ်ခုရွေးချယ်ရန် နိုင်ငံတကာအဆင့်မီ တင်ဒါခေါ်ယူမည်ဖြစ် သည်။ အဆိုပါစီမံကိန်းကို (PPP)အစိုးရနှင့် ပုဂ္ဂလိက ပူးပေါင်းဆောင်ရွက်မှုပုံစံဖြင့် အကောင်အထည်ဖော်မည်ဖြစ်ပြီး ပုဂ္ဂလိကအခန်းကဏ္ဍမှ ဒေါ်လာသန်း ၃၅၀ မှ သန်း ၄၀၀ အထိ အသုံးပြုရမည်ဆိုသော်လည်း အစိုးရ ထည့်ဝင်ရ မည့် ရင်းနှီးမြှုပ်နှံမှု ပမာဏကို မသိရသေးပေ။ သို့သော် အစိုးရ ၏ဘတ်ဂျက်သုံးစွဲရမှုကို လျှော့ချ နိုင်မည်ဟုလည်း ကမ္ဘာ့ဘဏ်အုပ် စုအဖွဲ့အစည်း(IFC)ကမျှော်လင့် ထားကြောင်း ထုတ်ပြန်ထား သည်။

တင်ဒါရမည့် ဆောက်လုပ် ရေးကုမ္ပဏီသည် ပြီးပြည့်စုံသော တည်ဆောက်မှု၊ စီမံခန့်ခွဲမှု၊ လုပ် ငန်းလည်ပတ်မှုစသောဝန်ဆောင် မှုများကို စနစ်တကျပြုပြင်ထိန်း သိမ်းပေးနိုင်သော အတွေ့အကြုံ များရှိပြီး အရည်အသွေးပြည့်ဝ ရမည်ဖြစ်သည်။ တင်ဒါအောင်  ပြီးပါက ၂၀၁၉ နှစ်ဆန်းပိုင်းတွင်စတင်အကောင်အထည်ဖော်နိုင် မည်ဖြစ်ပြီး စီမံကိန်းကာလသည်၂ နှစ်မှ သုံးနှစ်ဖြစ်သည်ဟု ထုတ် ပြန်သည်။ ထို့ကြောင့် ရည်မှန်း ချက်အတိုင်း အကောင်အထည် ဖော်နိုင်ပါက ၂၀၂၂ တွင် မိုးပျံ အမြန်လမ်းမ ပြီးစီးမည်ဖြစ်သည်။

အဆင့်မြင့်အခွန်ကောက်ခံ မှုဖြင့် ပြုပြင်ထိန်းသိမ်းမည့်အဆို ပါမိုးပျံအမြန်လမ်းကို ရန်ကုန်မြို့ တောင်ပိုင်းရှိ ရန်ကုန်ဆိပ်ကမ်းမှ သီလ၀ါအထူးစီးပွားရေးဇုန်နှင့် မြောက်ပိုင်းရှိ ရန်ကုန်လေဆိပ်၊ ရန်ကုန်စက်မှုဥယျာဉ်နှင့် ရန်ကုန် -မန္တလေးအမြန်လမ်းတို့ကို ချိတ် ဆက်မည်ဖြစ်ပြီး စီးပွားရေး ဖွံ့ဖြိုးတိုးတက်မှုကို အထောက် အကူပြုမည့်စီမံကိန်းတစ်ရပ်ဟု IFC က ဆိုသည်။

‘‘IFC က PPP လုပ်ငန်းဖော်ဆောင်မှုဆိုင်ရာ အကြံဉာဏ်နဲ့အတူ စီမံကိန်းကို နိုင်ငံတကာ အဆင့်အတန်းနဲ့အညီ အရည်အသွေးမြင့်ရင်းနှီးမြှုပ်နှံမှုများ ၀င်ရောက်လာနိုင်သည့်ယှဉ်ပြိုင်မှုရှိသော ဈေးကွက်တစ်ရပ်ကို ဖန်တီးဆောင်ရွက်သွားပါမယ်’’ ဟု IFC မြန်မာနိုင်ငံဆိုင်ရာ မန်နေဂျာ Vikram Kumar က ပြောသည်။

ဆောက်လုပ်ရေးဝန်ကြီးဌာ နက အဆိုပါစီမံကိန်းကို ဟံသာ ၀တီလေဆိပ်၊ မင်္ဂလာဒုံလေဆိပ်၊ ရန်ကုန်-မန္တလေးအမြန်လမ်းတို့ နှင့် ချိတ်ဆက်ထားသော်လည်း IFC ၏ သတင်းထုတ်ပြန်ချက် တွင် ဟံသာဝတီလေဆိပ်စီမံကိန်း ပါဝင်ခြင်းမရှိပေ။

မိုးပျံလမ်းဖောက်လုပ်မှုကို IFC က ၁၃ မိုင်ခန့်သာဖောက်လုပ် မည်ဟု ဖော်ပြထားသော်လည်း ဆောက်လုပ်ရေးဝန်ကြီးဌာနက ကမ်းနားလမ်းမှ မင်္ဂလာဒုံစက်မှု ဇုန်အထိ ၁၃ မိုင်ကျော်၊ မင်္ဂလာ ဒုံစက်မှုဇုန်မှ ရန်ကုန်-မန္တလေး အမြန်လမ်းအထိ ကိုးမိုင်ကျော်၊ ရန်ကုန်အပြည်ပြည်ဆိုင်ရာ လေ ဆိပ် ၁ ဒသမ ၈ မိုင်ကျော် ချိတ်ဆက်ဖောက်လုပ်မည်ဟု သတင်းထုတ်ပြန်ထားသည်။

ဆောက်လုပ်ရေးဝန်ကြီးဌာ နထုတ်ပြန်ချက်တွင် မိုးပျံအမြန် လမ်းစီမံကိန်းက ၂၅ မိုင်ကျော် ရှိပြီး ရန်ကုန်မြို့မှ ပဲခူးဟံသာဝတီ လေဆိပ်သို့ ၅၅ မိနစ်၊ ရန်ကုန် မြို့တွင်းမှ မင်္ဂလာဒုံလေဆိပ်သို့ မိနစ် ၂၀ ဖြင့်ရောက်ရှိနိုင်မည်ဟု ဖော်ပြထားသည်။

နိုင်ငံ၏ ဈေးကွက်ချိတ်ဆက် မှုနှင့် လူမှုရေးဆိုင်ရာဝန်ဆောင် မှုများ တိုးမြှင့်ရန် အခြေခံအ ဆောက်အအုံများ၌ ရင်းနှီးမြှုပ်နှံ မှု၊ အထူးသဖြင့် သယ်ယူပို့ဆောင် ရေးဧရိယာတွင် ရင်းနှီးမြှုပ်နှံခြင်း က ရေရှည်စီးပွားရေးဖွံ့ဖြိုးမှုအ တွက် အရေးပါသည်ဟု ဆောက် လုပ်ရေးဝန်ကြီးဌာန ဒုတိယညွှန် ကြားရေးမှူးချုပ် ဦးကြည်ဇော် မြင့်က ပြောသည်။

မိုးပျံလမ်း၊ နှစ်ထပ်လမ်း များတည်ဆောက်ရေးသည် မြန် မာနိုင်ငံရှိ ဆောက်လုပ်ရေးလုပ် ငန်းများတွင် နည်းပညာပိုင်းလို အပ်ချက်ရှိနေသောကြောင့် ပြည် ပကုမ္ပဏီများနှင့် ပူးပေါင်းဆောင် ရွက်ရန် လိုအပ်ကြောင်း မြန် မာနိုင်ငံလိုင်စင်ရကန်ထရိုက်တာ များအသင်း အတွင်းရေးမှူးဦး လားဇာက ပြောသည်။

အဆင့်မြင့်မိုးပျံအမြန်လမ်း ဖောက်လုပ်ပြီးပါက ရန်ကုန်မြို့ တွင် ကြုံတွေ့နေရသည့် ယာဉ် ကြောပိတ်ဆို့မှုများကို ဖြေရှင်းပြီး သားဖြစ်လိမ့်မည်ဟု ၎င်းကသုံး သပ်ပြောသည်။

IFC သည် အကျိုးအမြတ်အ တွက် စီးပွားရေးလုပ်ငန်းများ နိုင်ငံတကာတွင် ဆောင်ရွက်နေ သော အဖွဲ့အစည်းဖြစ်သည်။ ကမ္ဘာ့ဘဏ်တွင် နိုင်ငံအစိုးရအဖွဲ့ အစည်းများကို အကူအညီပေး ခြင်း၊ အတိုးနှုန်းသက်သာသော ချေးငွေများပေးခြင်း၊ နည်းပညာ ပိုင်းတွင် အကူအညီပေးခြင်းစ သော ၀န်ဆောင်မှုများဆောင်ရွက် နေသကဲ့သို့ IFC က ပုဂ္ဂလိကလုပ် ငန်းများကို ငွေချေးခြင်း၊ အကျိုး အမြတ်အတွက် စီးပွားရေးလုပ် ငန်းများ ပူးပေါင်းဆောင်ရွက်ခြင်း တို့ ဆောင်ရွက်သည်။

မြန်မာနိုင်ငံတွင် လျှပ်စစ် ဓာတ်အားမလုံလောက်မှုကို ဖြေ ရှင်းနိုင်ရန် မြင်းခြံသဘာဝဓာတ် ငွေ့သုံးဓာတ်အားပေးစီမံကိန်း တွင် ပုဂ္ဂလိကကဏ္ဍမှ ပါဝင်လာ နိုင်စေရန် နိုင်ငံတကာ လုပ်ထုံး လုပ်နည်းများဖြင့် အစိုးရ၊ ပုဂ္ဂလိ ကအခြေခံစီမံကိန်းဖြစ်အောင် IFC က ပြင်ဆင်ရေးဆွဲပေးခဲ့ သည်။ IFC သည် နိုင်ငံစုံမှ စီးပွား ရေးဆိုင်ရာအဖွဲ့အစည်း ၂,၀၀၀ ကျော်နှင့် ပူးပေါင်းပြီးစီးပွားရေး လုပ်ကိုင်နေသည့် အဖွဲ့အစည်း ဖြစ်သည်။ ၂၀၁၇ တွင် ဖွံ့ဖြိုးဆဲ နိုင်ငံများအတွက် ကာလရှည်ရင်း နှီးမြှုပ်နှံမှုဒေါ်လာ ၁၉ ဒသမ ၃ ဘီလီယံကို IFC က ရင်းနှီးမြှုပ်နှံ သည်။

More in News Section