ဂိမ်းထဲတွင်သာရှိသည့် လေယာဉ်ကို နော်ဝေးသို့ တင်ပို့ ရောင်းချနေကြောင်း ထရမ့် မှားယွင်းပြောဆို

အမေရိကန် သမ္မတ ဒေါ်နယ်လ်ထရမ့်က အမေရိကန်သည် နော်ဝေးသို့ F-52 တိုက်လေယာဉ်များ တင်ပို့ ရောင်းချခဲ့ကြောင်း မော်ကြွား ပြောဆိုခဲ့သည်။ သို့သော် အဆိုပါ တိုက်လေယာဉ်များမှာ လက်တွေ့တွင် မရှိဘဲ ဗီဒီယိုဂိမ်း တစ်ခုထဲတွင်သာ စိတ်ကူးယဉ် ဖန်တီးထားသေးသည်။

ထရမ့်သည် အိမ်ဖြူတော်တွင် နော်ဝေးသမ္မတ အာနာဆိုလ်ဘာ့ဂ်နှင့် ဆွေးနွေးပြီးနောက် သတင်းထောက်များကို လက်ခံ တွေ့ဆုံစဉ် စကားမှားခဲ့ခြင်း ဖြစ်သည်။ F-52များသည် ကမ္ဘာကျော် စစ်ဆင်ရေး ဗီဒီယိုဂိမ်းဖြစ်သည့် Call of Dutyထဲတွင်သာ ပါရှိခဲ့ဖူးသည်။

Lockheed Martin လေကြောင်း ကာကွယ်ရေး ကုမ္ပဏီက ထရမ့်ပြောကြားသည့် F-52ဆိုသည့် ဝေါဟာရ အသုံးအနှုန်းမှာ မှားယွင်းသွားခြင်းသာဖြစ်ပြီး F-52 တိုက်လေယာဉ်များ ထုတ်လုပ်မည့် စီမံကိန်း မိမိတို့တွင် မရှိသေးကြောင်း ဖြေရှင်းခဲ့သည်။

အိမ်ဖြူတော်ကမူ ထိုကိစ္စနှင့် ပတ်သက်၍ သီးခြား မှတ်ချက် မပေးခဲ့ချေ။ သတင်းများက ထရမ့်အနေဖြင့် ကြိုတင် ရေးသားပေးထားသည့် မိန့်ခွန်းမှ ပြောစကားများကို ဖတ်ရှုရင်း မျက်စိလျှမ်းသွားခြင်း ဖြစ်နိုင်ကြောင်း ရေးသားခဲ့ကြသည်။

ဆိုလ်ဘာ့ဂ်နှင့် အတူယှဉ်တွဲ ရပ်နေရင်း ထရမ့်က “ကျုပ်တို့ဟာ နိုဝင်ဘာကစပြီး F-52တွေနဲ့ F-35 လေယာဉ်တွေ ပထမအသုတ်ကို တင်ပို့ပေးနိုင်ခဲ့ပါတယ်။ စုစုပေါင်း ၅၂ စီး တင်ပို့မယ့် ကိစ္စမှာ သတ်မှတ် လျာထားကာလထက် နည်းနည်းစောပြီး အကောင်အထည် ဖော်နေနိုင်ပါပြီ”ဟု ထရမ့်က ပြောကြားသွားသည်။ ၎င်းသည် အရေအတွက် ၅၂ ဆိုသော ကိန်းဂဏန်းကို F-52ဟု မှားယွင်း သုံးနှုန်းမိခြင်း ဖြစ်ဖွယ်ရှိသည်။

F-52များကို ၂၀၁၄ ခုနှစ်က ထုတ်လုပ် ရောင်းချခဲ့သည့် Call of Duty: Advanced Warfare ဗီဒီယိုဂိမ်းထဲတွင် အနာဂတ်ကာလသုံး မဟာဗျူဟာ တိုက်လေယာဉ်များ အသွင်ဖြင့် တွေ့မြင်ခဲ့ရသည်။

Ref: Washington Post