မြန်မာရေးရာ MYANMAR AFFAIRS

မျက်မှောက်ခေတ်အခြေအနေတွင် မြန်မာပြည် ၏ ဘက်ပေါင်းစုံအဖြစ်အပျက်များကို ထင်ဟပ်လျက် ရှုထောင့်အမျိုးမျိုးကနေ၍ လေ့လာဆန်းစစ်ရေးသား နေသော အမှတ်စဉ်ဖြင့်ထွက်ရှိသည့် စာအုပ်နှစ်အုပ် ရှိပါသည်။ ပထမစာအုပ်မှာ Myanmar Quar-terly  မဟာဗျူဟာနှင့် မူဝါဒလေ့လာရေးဂျာနယ်ဖြစ် ပြီး ဒုတိယစာအုပ်မှာ မြန်မာရေးရာ Myanmar Affairs ဖြစ်ပါသည်။ ထိုစာအုပ်နှစ်မျိုးသည် နိုင်ငံ တွင် ဖြစ်ပျက်နေသော အခြေအနေအရပ်ရပ်အပေါ် လေ့လာသုံးသပ်ကာ မြန်မာပြည်သူများ ဝေဖန်ပိုင်း ခြားနိုင်မည့် အသိအမြင်ပေးနေသော စာအုပ်များဖြစ်သည်။ တစ်နည်းဆိုရလျှင် လူကြီးလူငယ်၊ ကျားမ မရွေး၊ နိုင်ငံသားတိုင်းဖတ်ရှုသင့်သော စာအုပ်များ လည်းဖြစ်ပေသည်။ ဤလိုစာအုပ်မျိုးများ ပုံနှိပ်ထုတ် ဝေနိုင်ရေး စိတ်ကူးစိတ်သန်းသာမက လက်တွေ့ကျ ကျလုပ်ကိုင်နိုင်သော သက်ဆိုင်ရာစာတည်းအဖွဲ့တို့ ၏ အားထုတ်မှုကို စာဖတ်သူများ အသိအမှတ်ပြုလေး စားရပါမည်။ ဆိုရလျှင် ဤလိုစာအုပ်များ များများပေါ်ထွန်းလာပြီး အရွေ့တစ်ခုဆီ လျှောက်လှမ်းနိုင်မည်ဆိုပါက တိုင်းပြည် ပိုမိုဖွံ့ဖြိုးလာပါမည်။ ထိုစာအုပ်များသည် ဤမျှအထိ စွမ်းဆောင်နိုင်သော အ ခြေအနေရှိပါသည်။

ယခုအမှတ်(၆)အဖြစ် ထွက်ရှိလာသော မြန်မာ ရေးရာ သည် တရုတ်နဂါးနှင့် ကမ္ဘာပြားခေတ်အလွန် ဟု အမည်ရှိပြီး အိမ်နီးချင်းတရုတ်နိုင်ငံကြီး၏ အခြေ အနေအရပ်ရပ်နှင့် မြန်မာသာမက ကမ္ဘာအထိပါ ရိုက်ခတ်လာနိုင်သော အဖြစ်အပျက်များကို မီးမောင်းထိုးပြထားသည်။ စာအုပ်တွင် အယ်ဒီတာ့စကား၊ ဆရာမောင်ထင် ၁၉၆၀ က ရေးသားဖူးသော ‘ရခိုင် ပြည်အစီရင်ခံစာ’၊ ဒေါက်တာမြင့်ဆန်း၏ ‘ပုဂ္ဂလိက စီးပွားရေးကဏ္ဍနှင့် နိုင်ငံဖွံ့ဖြိုးတိုးတက်မှု’၊ ကိုဝ၏ ‘လစ်ဘရယ်ဒီမိုကရေစီ၏မှေးမှိန်လာသောညှို့အား’၊ သမိုင်းသုတေသီဗိုလ်မှူးဘရှင်၏ ‘နှစ် ၁၀၀၀ ကျော် က တရုတ်ပြည်သွားယဉ်ကျေးမှုအဖွဲ့’နှင့် ‘တရုတ်- မြန်မာစစ်ပွဲ’စသည်တို့ ပါဝင်သလို အထူးကဏ္ဍတွင် အေးမောင်ကျော်၏ ‘တရုတ်အိပ်မက်နှင့် လစ်ဘရယ် ကွန်ရက်’၊ မုံရွာအောင်ရှင်၏ ‘တရုတ်ပြည်ကွန်မြူနစ် ပါတီ (၁၉)ကြိမ်မြောက် ညီလာခံပုံရိပ်များ’၊ ဒေါက် တာ ချောချောစိန်၏ ‘မြန်မာ့ဒီမိုကရေစီအသွင်ကူး ပြောင်းရေးခရီးနှင့် တရုတ်-မြန်မာဆက်ဆံရေး’၊ ဇေ ယျသူ၏ ‘တရုတ်-မြန်မာစီးပွားရေး မြန်မာ့အမြင်’၊ ၀င့်ထန်း၏ ‘အဂတိတိုက်ဖျက်မှု၊ ရှီအတွေးအခေါ်ပုံ ဖော်မှု၊ တရုတ်ဖွံ့ဖြိုးရေးမော်ဒယ်’တို့ ပါဝင်သည်။ ထို့အပြင် အယ်ဒီတာအဖွဲ့ရေးသားသော မောင်တော ဖြစ်စဉ်မှတ်တမ်း၊ ရခိုင်ပြည်နယ်ဝန်ကြီးချုပ် ဦးညီပု နှင့် တွေ့ဆုံခြင်း ကဏ္ဍများသာမက လူပုဂ္ဂိုလ်အတ္ထုပ္ပတ္တိအဖြစ် မောင်ဇေယျာပြုစုသော ‘ကေအင် ယူဥက္ကဋ္ဌ မန်းဘဇန်(၁၉၁၆-၁၉၈၂)’တို့ ဖော်ပြပါရှိ သည်။ အေးမောင်ကျော်၏ ‘တရုတ်အိပ်မက်နှင့် လစ် ဘရယ်ကွန်ရက်’စာတမ်းတစ်နေရာတွင် ‘တရုတ်ပြည် ရဲ့ ၁၉၈၀ လောက်က လေးမျိုး ခေတ်မီရေးနဲ့စတင်ခဲ့တဲ့ အပြောင်းအလဲဟာ နှစ် ၃၀ လောက်ကြာတဲ့အခါမှာ ကမ္ဘာ့ဒုတိယစီးပွားရေးအင်အားအကြီးဆုံးနိုင်ငံဘ၀ ကို ရောက်လာပါတော့တယ်။ အခု တရုတ်တို့ရဲ့ အဓိကဦးတည်ချက်က လွတ်လပ်တဲ့ကုန်သွယ်ရေးနဲ့ ဖွံ့ဖြိုးတိုးတက်ရေးဖြစ်တယ်။ တရုတ်ဟာ ဂလိုဘယ် လိုက်ဇေးရှင်းကို ရပ်ခံသူဖြစ်လာတယ်။ တရုတ်စတိုင် ဂလိုဘယ်လိုက်ဇေးရှင်းလို့ဆိုကြတဲ့ အစီအမံတွေ ထဲမှာ OBOR လို့ဆိုတဲ့ ရပ်ဝန်းတစ်ခု လမ်းကြောင်း တစ်သွယ်စီမံကိန်းတွေပါတယ်။ World Bank တို့၊ IMF တို့နဲ့ အပြိုင်ပြုလုပ်လာတာလို့ဆိုကြတဲ့ AIIB အခြေခံအဆောက်အအုံတည်ဆောက်ရေး ကမ္ဘာလုံး ဆိုင်ရာဘဏ်ကြီးပါတယ်။ ဒါကြောင့် လောလော ဆယ် တရုတ်ပြည်က ရပ်ခံတာက တည်ငြိမ်အေးချမ်း ရေးနဲ့ ပြဿနာများကို ထိန်းထိန်းသိမ်းသိမ်းဖြေရှင်း ရေးပဲဖြစ်တယ်။ သူနဲ့ထိစပ်နေတဲ့ နယ်နိမိတ်တွေမှာ လည်း တည်ငြိမ်အေးချမ်းမှုရှိဖို့ သူ ကြိုးပမ်းဆောင်ရွက်နေတာဖြစ်တယ်။ မြန်မာ့ငြိမ်းချမ်းရေး တည်ဆောက်မှုကို တရုတ်ပြည်က ကူညီနေတာဟာ ဒီပေါ်လစီတွေကြောင့်ဖြစ်ပါတယ်’ဟု ရေးထားသည်။

စာအုပ်ကို မြန်မာရေးရာလေ့လာရေးအဖွဲ့က တန်ဖိုး ၃,၀၀၀ ကျပ်ဖြင့် ထုတ်ဝေပြီး မှာယူလိုပါက ဖုန်း ၀၁-၃၈၇၅၆၈ နှင့် ၀၉-၇၃၂၀၃၀၃၂ သို့ ဆက် သွယ်နိုင်ပါသည်။