မူဆယ်နယ်စပ်မှတစ်ဆင့် ခရီးသွား ဝင်၊ ထွက်ခွင့်ပြုဦးမည်မဟုတ်ဟုဆို

လုံခြုံရေးအရ မူဆယ်နယ်စပ်ဂိတ် ကို ခရီးသွားဧည့်သည် ဝင်ထွက် သွားလာခြင်း ခွင့်ပြုဦးမည်မဟုတ် ကြောင်း ဟိုတယ်နှင့် ခရီးသွားလာ ရေးဝန်ကြီးဌာန ဒုတိယညွှန်ကြား ရေးမှူးချုပ် ဦးမြင့်ထွေးက ပြော ကြားသည်။

တရုတ်ခရီးသွားများကို မူဆယ်နယ်စပ်ဂိတ်မှ ဝင်ထွက် သွားလာခွင့်ပြုရန် ခရီးသွားဝန် ဆောင်မှုကုမ္ပဏီအချို့က တောင်း ဆိုသော်လည်း ခွင့်ပြုရန် အချိန် လိုအပ်နေသေးကြောင်း ၎င်းက ပြောသည်။

တရုတ်ခရီးသွားများသည် နယ်စပ်ဂိတ်မှတစ်ဆင့် မြန်မာ နိုင်ငံအတွင်းသို့ လာရောက်လည် ပတ်ရန် ကြိုးစားနေကြောင်း၊ ခရီးသွား ဝင်ထွက်သွားလာခွင့်ကို မူ ဆယ်ဂိတ်တွင် ပိတ်ပင်ထား၍ လာရောက်လည်ပတ်လိုသူများ အခက်အခဲရှိကြောင်း မူဆယ်ခရီး သွားလုပ်ငန်းရှင်အသင်း အတွင်း ရေးမှူး ဦးမျိုးသန်းက ပြောကြား သည်။

‘‘ခရီးသွားတွေ တစ်စုံတစ်ခု ထိခိုက်သွားရင် နိုင်ငံရဲ့ ခရီးသွား ကဏ္ဍကို ပိုပြီးထိခိုက်သွားနိုင် တယ်။ နိုင်ငံခြားသားမသွားတဲ့ မောင်တောကိစ္စတောင်မှ လာပြီး တော့ ထိခိုက်တယ်’’ဟု ဦးမြင့် ထွေးက ပြောသည်။

လက်ရှိတွင် နေ့ချင်းပြန်ခရီး စဉ်အဖြစ် တရုတ်နိုင်ငံသားများ အား မူဆယ်ဂိတ်မှ ဝင်ထွက်သွား လာခွင့်ပြုထား၍ တစ်ရက်လျှင်  ၅၀၀ ခန့် လာရောက် လည်ပတ်နေ ကြောင်း ဦးမျိုးသန်းက ပြောကြား သည်။ တစ်နှစ်လျှင် တရုတ်နိုင်ငံ သား သန်း ၁၂၀ ခန့် ကမ္ဘာလှည့် ခရီးသွားလာနေပြီး မြန်မာနိုင်ငံသို့ တစ်နှစ်လျှင် တရုတ်ခရီးသွား တစ် သန်းခန့် ဝင်ရောက်မည်ဆိုပါက နိုင်ငံ၏ ခရီးသွား ကဏ္ဍ ၁၀ ဆခန့် တိုးမြင့်လာမည်ဟု မြန်မာနိုင်ငံ ခရီးသွားလုပ်ငန်းအဖွဲ့ချုပ်ဥက္ကဋ္ဌ ဦးရန်ဝင်းက ပြောကြားသည်။

၎င်းတို့ကို ဖိတ်ခေါ်လိုပါက လေယာဉ်ခရီးစဉ်ဖြင့် ဝင်ရောက် လာသူများကို နယ်စပ်ဂိတ်မှ ပြန် လည်ထွက်ခွာခွင့်ပေးရန်၊ အလား တူ နယ်စပ်ဂိတ်မှ ဝင်ရောက်လာ သူများကို လေယာဉ်ခရီးစဉ်ဖြင့် ပြန်လည်ထွက်ခွင့်ပေးရန်လိုအပ် ကြောင်း တရုတ်ခရီးသွားလုပ်ငန်း ဖွံ့ဖြိုးတိုးတက်ရေးလုပ်ငန်းကော် မတီ တွဲဖက်အတွင်းရေးမှူး လီဘို ဘိုက ပြောသည်။

မြန်မာနိုင်ငံသို့ တစ်နှစ်လျှင် တရုတ်ခရီးသွား နှစ်သိန်းခန့် ဝင် ရောက်နေကြောင်း ဟိုတယ်နှင့် ခရီးသွားလာရေးဝန်ကြီးဌာနက ထုတ်ပြန်ထားသည်။ မြန်မာနိုင်ငံ အနေဖြင့် တရုတ်ခရီးသွားများကို ပိုမိုဆွဲဆောင်ရန် တရုတ်-မြန်မာ ခရီးသွားလုပ်ငန်း ဖွံ့ဖြိုးတိုးတက် ရေးကော်မတီကို ၂၀၁၇ တွင် ဖွဲ့စည်းခဲ့သည်။

Top News