ပြိုင်ဆိုင်မှုပြင်းထန်မည့် ၂၀၁၇ အကယ်ဒမီ

၂၀၁၇ တွင် ရုပ်ရှင်ရုံတင်စနစ်များ ပြောင်းလဲလာသည်နှင့်အမျှ အကယ်ဒမီစာရင်းဝင် ရုပ်ရှင်ဇာတ်ကားအရေအတွက် ၅၃ ကားထိရှိခဲ့သည်။ ယင်းသည်ပြီးခဲ့သည့်နှစ်ထက် ရုံတင်ဇာတ်ကားနှစ်ဆခန့် မြင့်တက်ခဲ့သည်။ ရုံတင်ဇာတ်ကားများပြားသလို အကယ်ဒမီအတွက် ပြိုင်ဆိုင်မှုပြင်းထန်နိုင်သည့်ဇာတ်ကားကောင်းအချို့ပါဝင်လာရာ ယခုနှစ်အကယ်ဒမီပေးပွဲက စိတ်ရှုပ်ရှားဖွယ်ရာများနှင့် ပြည့်နှက်နေသည်။

အကယ်ဒမီစာရင်းဝင် ရုပ် ရှင်ဇာတ်ကားများ စိစစ်အကဲဖြတ် ရန် ကော်မတီအဖွဲ့ကို ဒီဇင်ဘာ လနောက်ဆုံးပတ်တွင် စတင်ဖွဲ့ စည်းခဲ့ပြီး ဇန်န၀ါရီ ၈ ရက်တွင်ရုပ်ရှင်များကို စတင်အကဲဖြတ် ကြည့်ရှုနေပြီ ဖြစ်သည်။ ပြိုင်ဆိုင် မှုပြင်းထန်သော ဇာတ်ကားအချို့ ပါဝင်လာသော်လည်း စာရင်းဝင်  ငါးဆယ်ကျော်တွင် ဟာသကား များ ရိုးရာမပျက် ပါဝင်နေဆဲ ဖြစ်သည်။

ထူးချွန်ဆု ၁၁ ဆု ချီးမြှင့်မည်

ယခုနှစ်  ရုပ်ရှင်ထူးချွန်ဆု ပေးပွဲတွင်   ချီးမြှင့်ရန်စီစဉ်ထား သည့် ဆု ၁၁ ဆုစလုံးပေးအပ်ရန် ဆုံးဖြတ်ထားကြောင်း ရုပ်ရှင်ထူး ချွန်ဆုစိစစ်အကဲဖြတ်ရေးကော် မတီဥက္ကဋ္ဌ     ဒေါ်ဝါ၀ါဝင်းရွှေက ပြောကြားသည်။

နှစ်စဉ်နှစ်တိုင်းလိုလို ရုပ်ရှင် ထူးချွန်ဆုပေးပွဲပြီးချိန်တွင် ဆုအား လုံးမပေးအပ်သောကြောင့် ဝေဖန် မှုများ ကြုံတွေ့ခဲ့ရသည်။ အထူး သဖြင့် ရုပ်ရှင်အနုပညာပိုင်းဆိုင် ရာဆုများဖြစ်သော အမျိုးသား၊ အမျိုသမီးဇာတ်ပို့ဆုကို မချီးမြှင့် သည့် နှစ်များတွင် ပရိသတ်များက ၎င်းတို့ချစ်သော၊ အားပေးသော အနုပညာရှင်များအတွက် ဆုမချီး မြှင့်သည့်အပေါ် ပြင်းပြင်းထန် ထန် ဝေဖန်လေ့ရှိသည်။    ပြီးခဲ့သည့် ၂၀၁၆ ရုပ်ရှင်ထူးချွန်ဆုပေးပွဲတွင် အမျိုးသမီးဇာတ်ပို့ဆုနှင့် ဇာတ် ညွှန်းဆုတို့ကို ၎င်းတို့သတ်မှတ် ထားသည့် မဲရာခိုင်နှုန်းမပြည့် သောကြောင့်ဟုဆိုကာ ထူးချွန်ဆု ပေးအပ်ခြင်း မရှိပေ။  ထို့အတူ ၂ နှစ်ပေါင်းကျင်းပခဲ့သည့် ၂၀၁၄ နှင့် ၂၀၁၅ ရုပ်ရှင်ထူးချွန်ဆုပေးပွဲ တွင်လည်း ၂ နှစ်ပေါင်း ဆု ၂၂ ဆု ချီးမြှင့်ရမည်ဖြစ်သော်လည်း ထူး ချွန်ဆု ၁၈ ဆုသာ ချီးမြှင့်ခဲ့ သည်။

‘‘ဦးညီအယူအဆဆိုရင် တော့ အကောင်းဆုံးလူကိုပေး လိုက်ပေါ့။ ရတဲ့လူတွေကကော ဘယ်လောက်တော်ပြီး ဘယ် လောက်ကောင်းနေလို့လဲ မေးစရာရှိတယ်။ တကယ်လုပ်တဲ့သူဆို ရင် ရသင့်တာပေါ့။ တချို့တကယ်မလုပ်ဘဲနဲ့တောင် အကယ်ဒမီရ သေးတာ’’ဟု ဆုအားလုံး မချီးမြှင့်သည့်အပေါ် ရုပ်ရှင်အစည်းအရုံး အတွင်းရေးမှူး ဦးညီညီထွန်းလွင် က ၎င်း၏အမြင်ကို ပြောသည်။

၁၉၉၄ ကစတင်၍ ရုပ်ရှင် ဇာတ်ကားဖန်တီးရာတွင် ပါဝင်သည့် အနုပညာရှင်၊ အတတ်ပညာရှင် များအတွက် ဆု ၁၁ ဆုအထိ စတင်ချီးမြှင့်ခဲ့သည်။

တစ်သက်တာ ရုပ်ရှင်ထူးချွန်ဆု

အကယ်ဒမီ    သမိုင်းတစ် လျှောက် ပေးအပ်ခြင်းမရှိသေး သည့် ဆုတစ်ဆုကို ယခုနှစ် ရုပ်ရှင်ထူးချွန်ဆုပေးပွဲတွင် ထပ်တိုးချီးမြှင့်မည် ဖြစ်သည်။

အဆိုပါ ဆုသည် တစ်သက်တာ ရုပ်ရှင်ထူးချွန်ဆုဖြစ်သည်။ ယင်းဆုပေးအပ်ရန် စိစစ်အကဲဖြတ်ရေး အဖွဲ့အနေဖြင့် အစည်းအဝေးများ ထပ်မံပြုလုပ်ရဦးမည်ဖြစ်သည်။ သတ်မှတ်ချက်တစ်ခု အနေဖြင့် အသက် (၈၀)ကျော် အနုပညာရှင်ကို သာ တစ်သက်တာထူးချွန်ဆုချီးမြှင့်မည်ဖြစ်သောကြောင့် ယခုနှစ်အကယ်ဒမီသည် လူငယ်အနုပညာရှင်များသာမက သက်ကြီးအနုပညာရှင်များပါ ရင်ခုန်ရမည့် နှစ်ဖြစ်သည်။

အသက် သတ်မှတ်ချက် ကြောင့် ယင်းဆုအတွက် ရွေးချယ် ရန် အနုပညာရှင်များများစားစား မရှိသော်လည်း တစ်သက်တာ ရုပ် ရှင်ထူးချွန်ဆုရရှိသူသည် ၎င်း၏ သက်တမ်းတစ်လျှောက် လစဉ် ထောက်ပံ့ကြေး ရရှိမည်မှာ သက် ကြီးအနုပညာရှင်များအတွက် ကောင်းမွန်သည့် ပံ့ပိုးပေးမှုတစ်ခု ဖြစ်သည်။

ဇာတ်ကားကောင်းများရင်ခုန်ရမယ့်နှစ်

အကယ်ဒမီစာရင်းဝင် ရုပ်ရှင်ဇာတ်ကား ၅၀ ကျော်ရှိသော် လည်း ဟာသကားအရေအတွက် သုံးပုံတစ်ပုံခန့် ရှိနေသည်။ အကယ်ဒမီသက်တမ်းတစ်လျှောက် ဟာသဇာတ်ကားမျာကို အကယ်ဒမီပေးခဲ့သော်လည်း အရေအ တွက် နည်းပါးသည်။

ဟာသသရုပ်ဆောင် ဖိုးပါကြီး၊ မိုးဒီ၊ မော့စ် စသည့်အနု ပညာရှင်များ ထူးချွန်ဆုရရှိသည့် ဇာတ်ကားများသည် ဟာသဇာတ်ကားများ မဟုတ်သည်ကိုကြည့် လျှင် ဟာသဇာတ်ကားကို ထူးချွန်ဆုပေးသည့် အရေအတွက်သည် အလွန်ပင်နည်းပါးကြောင်း တွေ့နိုင်သည်။

ထို့အပြင် ယခုနောက်ပိုင်းနှစ် များ၌ ရိုက်ကူးသည့် ဟာသဇာတ် ကားများသည် ဇာတ်လမ်း၊ ဇာတ်ကွက်ဖြင့်   တင်ဆက်ခြင်းထက် ရယ်မောရသည့် ဇာတ်ဝင်ခန်း များဖြင့်သာ ရိုက်ကူးထားသော ကြောင့် ဟာသဇာတ်ကားများ အကယ်ဒမီရနိုင်ခြေ အလွန်နည်း ပါးသည်။

၂၀၁၇ အတွင်း ဇာတ်လမ်း ဇာတ်သိမ်းကောင်းကောင်းဖြင့် တင်ဆက်ထားသည့် ဇာတ်ကား ၂၀ ကျော် ရှိနေသောကြောင့် ယင်းရုပ်ရှင်အရေအတွက်သည် ၂၀၀၅နောက်ပိုင်း ဇာတ်လမ်းဇာတ်အိမ် ကောင်းကောင်းဖြင့် ဆန်ခါတင် စာရင်းဝင်လာသော   ဇာတ်ကားအရေအတွက် အများဆုံးနှစ်ဖြစ် သည်။

ယခင်နှစ်များက တစ်နှစ် လျှင် ရုပ်ရှင်ကား ၂၀ ခန့်သာ အကယ်ဒမီစာရင်းဝင်သောကြောင့် ထူးချွန်ဆုရရှိနိုင်သည်ဟု ထင်ကြေးပေးနိုင်သည့် ဇာတ်ကားမှာ အချို့နှစ်များတွင် လက်ငါး ချောင်းပင် မပြည့်ခဲ့ပေ။ ထို့ကြောင့် ယခုနှစ်အကယ်ဒမီသည် ယခင်နှစ်များနှင့် နှိုင်းယှဉ်ပါက ပြိုင်ဆိုင်မှုပြင်း ထန်မည် ဖြစ်သည်။

အကယ်ဒမီပြေးလမ်းပေါ်ရောက် အနုပညာရှင်များ

အဓိက   အမျိုးသားဇာတ် ဆောင်ဆုအတွက် ယခင်နှစ်များ ကဲ့သို့ပင် ပြေတီဦးနှင့် နေတိုးတို့ တစ်ပြေးနေဆဲ ဖြစ် သည်။ သို့သော် ယခုနှစ်တွင် ပရိသတ်ပေးသည့် အကယ်ဒမီများနှင့် ကျေနပ်နေရ သည့် မြင့်မြတ်က ဇာတ်ကား ၁၁ ကားအထိ ပါဝင်နေသောကြောင့် မြင့်မြတ်အတွက် ထူးချွန်ဆု ရရှိရန် မျှော်လင့်နိုင်သည့်နှစ်တစ်နှစ် ဖြစ် သည်။

သို့သော် မြင့်မြတ်ပါ ၀င်သရုပ်ဆောင်ထားသည့် ဇာတ်ကားအများစုသည် ဟာသဇာတ်ကား များဖြစ်ပြီး ဇာတ်လမ်း၊ ဇာတ်အိမ် ကောင်းကောင်း၊ အနုပညာအား ပြည့်ပြည့်ဖြင့် ရိုက်ကူးထားသည့် ဇာတ်ကားအရေအတွက်သည် ရာဇ၀င်ရိုင်းသူများ၊ အမှောင်မှာရွာတဲ့ မိုးတိမ်(ကျွန်)၊ အမည်ပေါက်နှင့်ကျူး၊ တောကျီးကန်းစသည့် ဇာတ်ကားများသာရှိရာ ပရိသတ်များက ယင်းဇာတ်ကားများဖြင့် မြင့်မြတ် အကယ်ဒမီရရှိနိုင်ကြောင်း ထင် ကြေးပေးထားသည်။

ယခုနှစ်အကယ်ဒမီအတွက် မြင့်မြတ်ပြီးလျှင် ပြေတီဦးနှင့် နေ တိုးတို့က ဇာတ်ကားအရေအတွက် အများဆုံးပါဝင်ထားပြီး ၎င်းတို့၏ ဇာတ်ကားအများစုသည် ထူးချွန်ဆု ရရှိနိုင်သည်ဟု ထင်ကြေးပေးခံရ သည့် ဇာတ်ကားများဖြစ်သည်။ နေ၀င်အိပ်တန်းတက်၊ ကပ္ပိယ၊ ရာဇ၀င်ရိုင်းသူများ၊ ရင်ဘတ်ထဲ က ဓား စသည့်ဇာတ်ကားများဖြင့် ပြေတီဦး အကယ်ဒမီရရှိနိုင်သည် ဟု ခန့်မှန်းထားသလို အမှောင် မှာရွာတဲ့ မိုးတိမ်(ကျွန်)၊ တာတေ ကြီး၊ ထာဝရ အမေ ဇာတ်ကားများ ဖြင့် နေတိုးအကယ်ဒမီရရှိနိုင်သည် ဟု ထင်ကြေးပေးထားသည်။

၂၀၁၇ အတွက် အမျိုးသား ဇာတ်ဆောင်ထူးချွန်ဆုကို ပြေတီ ဦးနှင့် နေတိုးတစ်ဦးဦးရရှိမည်ဟု ဒါရိုက်တာဝိုင်းက ခန့်မှန်းထား သည်။

သို့သော်လည်း ပြီးခဲ့သည့်နှစ် က ထူးချွန်ဆုရရှိခဲ့သော ထွန်းထွန်း ကိုလည်း အထက်ပါစာရင်းတွင် မေ့ထား၍မရပေ။ ပွဲခံမယ်၊ သရာ စောထိ ဇာတ်ကားများသည် ထွန်း ထွန်းအတွက် ဒုတိယထူးချွန်ဆု ရရှိနိုင်မည်ဟု ခန့်မှန်းနိုင်သည့် ဇာတ်ကားများ ဖြစ်သည်။

အမျိုးသမီးသရုပ်ဆောင်များ တွင် အကယ်ဒမီရရှိနိုင်သည်ဟု တစ်ပြေးနေသူများမှာ ယခုနှစ်အ တွက် ဇာတ်ကားအနည်းဆုံး ရိုက် ကူးထားသူများဖြစ်ပြီး တစ်ကားဆို ဆိုသလောက် ၎င်းတို့၏ အနုပညာ စွမ်းရည် ပြည့်ပြည့်၀၀ အသုံးချ ခဲ့သူများ ဖြစ်သည်။ အိမ်ထောင် ရေးပညာပေးဇာတ်ကား ‘ရင်ဘတ်ထဲကဓား’ဖြင့် အိန္ဒြာကျော်ဇင် အကယ်ဒမီရရှိနိုင်သည်ဟု ထင်

ကြေးပေးထားသလို မိခင်တစ် ဦး၏မေတ္တာကို အဓိကအသား ပေးရိုက်ကူးထားသည့် ထာဝရအမေ ဇာတ်ကားဖြင့် မေသန်းနုအကယ် ဒမီရနိုင်သည်ဟုလည်း ခန့်မှန်းပေး ထားသည်။

မေသန်းနုနှင့် အိန္ဒြာကျော်ဇင် တို့သည် ယခုနှစ်ထူးချွန်ဆုပေးပွဲအတွက် စာရင်းဝင်ဇာတ် ကားတစ်ကားစီသာ ပါဝင်ထားသော်လည်း မင်းသမီးအသားပေးဇာတ် ရိုက်ကူးရခြင်းဖြစ်သောကြောင့် ၎င်းတို့နှစ်ဦး အကယ်ဒမီရရှိရန် ရေပန်း စားနေသည်။

အိန္ဒြာကျော်ဇင်သည် ၎င်း၏ အနုပညာသက်တမ်းတစ်လျှောက် အကယ်ဒမီတစ်ကြိုခန့်မှန်း စာရင်း တွင် နှစ်စဉ်လိုလိုပါဝင်သော်လည်း အကယ်ဒမီကံခေသူတစ်ဦးဟု ဆို ရမည်ဖြစ်သည်။ ၂၀၀၄ တွင် မျက် နှာများတဲ့ကောင်းကင် ဇာတ်ကား ဖြင့် အကယ်ဒမီတစ်ဆုသာ ပိုင် ဆိုင်ထားပြီး ယခုနှစ်အကယ်ဒမီ ဆုရရှိမည်ဆိုပါက ၁၀ စုနှစ်တစ် ခုကျော်ကြာချိန်မှ အကယ်ဒမီပြန် လည် ရရှိမည်ဖြစ်သည်။ ထို့အတူ မေသန်းနုသည် ၎င်း၏ပဉ္စမ မြောက် အကယ်ဒမီကို လွန်ခဲ့သည့် ၁၅ နှစ်က ငါ၊ သူတစ်ပါး ယောက်ျား၊မိန်းမ ဇာတ်ကားဖြင့် ရရှိခဲ့သည်။ထို့ကြောင့် ယခုနှစ်အကယ်ဒမီ သည် အကယ်ဒမီနှင့် ဝေးကွာနေသည့် သရုပ်ဆောင်များအတွက် ဖြစ်မည်လားဆိုသည်ကို စောင့်ကြည့်ရမည် ဖြစ်သည်။

ဇာတ်ကားအများဆုံး စာရင်း ၀င်ထားသည့် ရွှေမှုံရတီသည်  မြင့်မြတ်ကဲ့သို့ပင် ဟာသဇာတ် ကားအများစုတွင် ပါဝင်သရုပ် ဆောင်ထားပြီး မာယာစတိုင်၊ ချိုမြိန်သောလက်စားချေခြင်း၊ ၀ိညာဉ်ကကြိုး စသည့် ဒရာမာရုပ်ရှင် များသည်သာ ၎င်းအတွက် ရင်ခုန်ရမည်ဖြစ်ပြီး အထက်ပါ ၀ါရင့်မင်း သမီးနှစ်ဦးကိုမူ ယှဉ်ပြိုင်ရန် များ စွာကြိုးစားရမည် ဖြစ်သည်။

ထို့အတူ အနုပညာပျိုးခင်း၏ စင်တင်သရုပ်ဆောင် အိချောပိုသည် ယခုနှစ်တွင် ဇာတ်ကားအများဆုံးစာရင်း၌ မပါဝင်သော် လည်း ပွဲခံမယ်၊ ထဘီကျွတ်၍ လွှတ်လိုက်သည် ဇာတ်ကားများ တွင် ပရိသတ်အားပေးမှု ခံခဲ့ရသည်။ ထို့ပြင်ခေါက်ထီးလေး မလုံ့တလုံဇာတ်ကားမှ အေးမြတ်သူကိုလည်း ပရိသတ်များက ဇွဲဆုအနေဖြင့် ခန့်မှန်းပေးထားသည်။ အေးမြတ်သူသည် ပြီးခဲ့သည့် နှစ်က  ငဘဇာတ်ကားဖြင့်  အမျိုးသမီးဇာတ်ပို့ဆုနှင့် လွဲခဲ့ရသည်။

ဇာတ်ဆောင်ဆုများအတွက် ပြိုင်ဆိုင်မှု ပြင်းထန်နေသလို ဇာတ်ပို့ဆုမှာ ပြိုင်ဆိုင်မှု ပြင်းထန်နိုင် သည်။ အမျိုးသားသရုပ်ဆောင် များတွင် ထာဝရအမေဇာတ်ကား ၌ မေသန်းနု၏ ခင်ပွန်းရဲဝန်ထမ်း ဟောင်းတစ်ဦးအဖြစ်  ပါဝင်သရုပ် ဆောင်ထားသည့် ရဲအောင်၏ သရုပ်ဆောင်မှုများက ထပ်ဆင့် အကယ်ဒမီရဲအောင်အတွက် ဆု တစ်ဆုထပ်တိုးလာနိုင်သည်။ ထို့ အတူ အော်ရီဂျင်နယ်ဂန်းစတား −၂၊ တောကျီးကန်း ဇာတ်ကားများ တွင် အကောင်းဆုံးဇာတ်ပို့ပေး နိုင်ခဲ့သည့် ခင်လှိုင်သည် ပရိသတ် ပေးသည့် အကယ်ဒမီကိုရရှိနေပြီ ဖြစ်သည်။ ပြီးခဲ့သည့် ၂၀၁၅ က အောင်ဘာလေ၊ ဤအရာကိုအ ချစ်ဟုခေါ်သလား ဇာတ်ကားများ ဖြင့် တစ်ကြိုပေးခဲ့သော်လည်း လွဲချော်ခဲ့သည့် ဒဏ်ရာကို ခင်လှိုင်အ တွက် ကုစားနိုင်မလားဆိုသည်က စိတ်ဝင်စားစရာ ကောင်းနေသည်။

ထို့အပြင် ဆယ်လီဇာတ်ကား တွင် ဇာတ်ကားကပေးချင်သည့် မက်ဆေ့ခ်ျရနိုင်ရန် အဓိကဇာတ်ပို့ ပေးခဲ့သည့် ကိုပေါက်ကိုလည်း မေ့ထား၍ မရပေ။ ကိုဖိုးသားကြီး ဆိုသည့် ဗီလိန်ဇာတ်ကောင်ကို ပြောင်မြောက်အောင် သရုပ် ဆောင်ခဲ့သည်။ ကိုပေါက်၏ ကြိုး စားမှုက အရာထင်လေမလား ဆိုတာ စောင့်ကြည့်ရမည် ဖြစ် သည်။

အမျိုးသမီး သရုပ်ဆောင်များ တွင်လည်း ပြိုင်ဆိုင်မှုက ပြင်းထန် နေသည်။ ဇာတ်ပို့ကောင်းတစ်ဦး အနေဖြင့် ပရိသတ်အသိအမှတ် ပြုမှုရရှိထားသူ ထူးမွန်ကို အမှောင် မှာ ရွာတဲ့ မိုးတိမ်(ကျွန်) ဇာတ်ကား ဖြင့် အကယ်ဒမီခန့်မှန်းပေးထား သည်။ ထို့အတူ နေ၀င်အိပ်တန်း တက်၊ ရင်ဘတ်ထဲကဓား ရုပ်ရှင် ဇာတ်ကားများတွင် အခန်းအနည်း ငယ်သာပါဝင်သရုပ်ဆောင်ရ သော်လည်း ဇာတ်ကောင် စရိုက်ပီပြင်သောကြောင့် ထွန်းအိန္ဒြာဗို အကယ်ဒမီရရှိနိုင်ကြောင်း ခန့်မှန်းပေးသည်။ အသက်ငယ်ငယ် ရွယ်ရွယ်ဖြင့် ထူးချွန်ဆုရရှိခဲ့သူ စိုးပြည့်သဇင်ကိုလည်း ခေါက် ထီးကလေး မလုံ့တလုံ ဇာတ်ကားဖြင့် ဇာတ်ပို့ဆုရရှိသည်ဟု ယင်းဇာတ်ကား ရုံတင်စဉ်ကတည်းက ပရိသတ်များက ခန့်မှန်းပေးထား သည်။

သရုပ်ဆောင်ဆုများကဲ့သို့ ပင်   ဒါရိုက်တာဆုလည်း ပြိုင်ဆိုင်မှုပြင်းထန်နေသည်။ထာဝရ အမေဇာတ်ကားဖြင့် ဒါရိုက်တာ စင်ရော်မောင်မောင်၊  ရင်ဘတ် ထဲကဓားဖြင့် ဒါရိုက်တာဝိုင်း၊ အမှောင်မှာ ရွာချတဲ့ မိုးတိမ် ဇာတ်ကားဖြင့်   ဒါရိုက်တာ ညွန့်မြန်မာညီညီအောင်၊ သရာစောထိဖြင့် ဒါရိုက်တာအောင် လွင်တို့က တစ်ပြေးနေသည်။ ၂၀၁၇ တွင် ရုံတင်ပြသခဲ့သော ရုပ်ရှင်ဇာတ်ကားများ၏ အရုပ်၊ အသံအရည်အသွေးများသည် ယခင်နှစ်များနှင့် နှိုင်းယှဉ်ပါက တိုးတက်မှု အချို့ တွေ့မြင်နေရသည်။

၂၀၁၇ အတွက် မြန်မာ့ရုပ် ရှင်ထူးချွန်ဆုပေးပွဲကို တက္ကသိုလ် ၀င်စာမေးပွဲများ ဖြေဆိုပြီးချိန် မတ်လတွင် ပြုလုပ်ရန် ရည်ရွယ် ထားသည်။ ယခင်နှစ်များထက် ထူးချွန်ဆုတစ်ခုချင်းအလိုက် ပြိုင်ဆိုင်မှု ပြင်းထန်နေသည့် အကယ်ဒမီကို မည်သူတွေ ဆွတ်ခူးမည်လဲ ဆိုသည်ကို ဆက်လက်စောင့် ကြည့်ရမည် ဖြစ်သည်။    ။