မြောက်ကိုရီးယားက နျူစမ်းသပ်သည့်နေရာ၌ ဥမင်လိုဏ်ခေါင်းတူးမှု အရှိန်မြှင့်တင်နေဟုဆို

အစည်းအဝေးတက်ရန် နယ်စပ်ဖြတ်ကျော်လာသော မြောက်ကိုရီးယားကိုယ်စားလှယ်အဖွဲ့ ခေါင်းဆောင်အား တောင်ကိုရီးယားအရာရှိတစ်ဦးက နှုတ်ဆက်နေစဉ် (Korea Pool/reuters)

ကာလရှည်ကြာ ရပ်ဆိုင်း ခဲ့သည့် ကိုရီးယားနှစ်နိုင်ငံဆွေး နွေးမှု ပြန်လည်စတင်ပြီးနောက် ကိုရီးယားကျွန်းဆွယ်တွင် တင်း မာမှုများ လျော့ကျလာစဉ် မြောက်ကိုရီးယားသည် နျူစမ်းသပ်သည့် အဓိကနေရာ၌ ဥမင်လိုဏ်ခေါင်း တူးမှုကို အရှိန်မြှင့်တင်နေ ကြောင်း အမေရိကန်အကြံပေးအဖွဲ့တစ်ဖွဲ့က ပြောသည်။

ပန်ဂိုင်းရီ နျူစမ်းသပ်သည့် မိုင်းတွင်းသုံး လက်တွန်းလှည်း များနှင့် စစ်သားများကို မကြာ ခဏမြင်ရကြောင်း၊ တူးထားသည့်မြေစာပုံ မြင့်လာသည်ကို ဂြိုဟ်တု မြေပုံများက ပြသနေကြောင်း 38 North ဝက်ဘ်ဆိုက်က ဖော်ပြ သည်။


 ‘‘ဒီလုပ်ငန်းဆောင်တာတွေ က ပန်ဂိုင်းရီနျူစမ်းသပ်တဲ့နေရာ တွေကို ဖြစ်နိုင်ခြေရှိတဲ့ အနာဂတ် နျူစမ်းသပ်မှုအတွက် ထိန်းသိမ်းဖို့ မြောက်ကိုရီးယားနဲ့ ဆက်ပြီးတော့ ကြိုးပမ်းအားထုတ်မှုတွေကို သိသာထင်ရှားစေပါတယ်’’ဟု ယင်းဝက်ဘ်ဆိုက်က ဖော်ပြသည်။

မြောက်ကိုရီးယားက နောက်ဆုံးပြုလုပ်သော နျူစမ်းသပ်မှု ခြောက်ကြိမ်တွင် ငါးကြိမ်သည် ပန်ဂိုင်းရီတွင် ပြုလုပ်ခြင်းဖြစ် သည်။

ယင်းဧရိယာ၌ အသေးစား မြေငလျင်များ ဆက်တိုက်လှုပ် ခတ်ခဲ့ပြီး ပန်ဂိုင်းရီဧရိယာသည် ဘူမိဗေဒဆိုင်ရာ အခြေအနေတစ် ခု ခံစားရဖွယ်ရှိကြောင်း 38 North ဝက်ဘ်ဆိုက်က အောက်တိုဘာ တွင် ဖော်ပြခဲ့သည်။

ဘူမိဗေဒဆိုင်ရာ အခြေအ နေဆိုသည်မှာ မြေအောက်နျူစမ်းသပ်မှုကြောင့် အကျိုးဆက်ရလဒ် ကို ဆိုလိုခြင်းဖြစ်သည်။

ယင်းဧရိယာရှိ အခြားတစ် နေရာတွင် စစ်သား ၁၀၀၊ ၁၂၀ ခန့် တန်းစီနေသည်ကို တွေ့ရ ကြောင်းနှင့် ၎င်းတို့၏ ရည်ရွယ် ချက်ကို မသိရသေးကြောင်း ယင်းဝက်ဘ်ဆိုက်က ထပ်လောင်းဖော် ပြသည်။

 အဆိုပါ ပုံရိပ်များသည် တောင်ကိုရီးယားနှင့် ဆွေးနွေးညှိနှိုင်းရန် မြောက်ကိုရီးယားခေါင်း ဆောင် ကင်ဂျုံအန်က ဒီဇင်ဘာတွင် ကမ်းလှမ်းခဲ့ပြီး မကြာမီက ရိုက်ကူးထားသော ပုံရိပ်များဖြစ် သည်။               

—Ref: AFP