ပြန်လည်ရွေးချယ်သည့် မွန်ပြည်နယ် ရပ်ကျေးအုပ်ချုပ်ရေးမှူး ၁၅၀ ကျော်တွင် အမျိုးသမီး နှစ်ဦးပါဝင်

 မွန်ပြည်နယ်တွင် ရပ်ကွက်နှင့် ကျေးရွာအုပ်ချုပ်ရေး မှူး ၁၅၃ ဦးပြန်လည်ရွေးချယ်ပြီးဖြစ်ကာ အမျိုးသမီးအုပ်ချုပ်ရေးမှူး နှစ်ဦးပါဝင်ကြောင်း မွန်ပြည်နယ်အစိုးရအဖွဲ့ ညွှန်ကြားရေးမှူး ဦးမြင့်သန်းဝင်းက ပြောသည်။

ပြည်နယ်အတွင်း ရပ်ကျေးအုပ်ချုပ်ရေးမှူး ၄၃၉ ဦးကို တတိယအကြိမ် ပြင်ဆင်ထားသည့် ရပ်ကျေးအုပ်ချုပ်ရေးဥပဒေနှင့်အညီ ပြန်လည်ရွေးချယ်နေကာ ဒီဇင်ဘာ ၃၁ ရက်အထိ ၁၅၃ ဦးရွေးချယ်ထားပြီး ဖြစ်ကာ ကျိုက်မရောနှင့် မုဒုံမြို့နယ်မှ အမျိုးသမီး ရပ်ကျေး အုပ်ချုပ်ရေးမှူး နှစ်ဦးပါဝင်လာခြင်း ဖြစ်သည်။

ရွေးချယ်ပြီးသည့် အုပ်ချုပ် ရေးမှူး ၁၅၃ ဦးကို အစိုးရအဖွဲ့က အတည်ပြုပြီးဖြစ်၍ ရက်ပိုင်းအတွင်း ခန့်အပ်မည်ဟု ဦးမြင့်သန်း ၀င်းက ပြောသည်။

သို့သော် ရပ်ကျေးအုပ်ချုပ် ရေးမှူး ပြန်လည်ရွေးချယ်ခြင်းနှင့် ပတ်သက်ပြီး တိုင်ကြားမှုအချို့ရှိ ကြောင်း ၎င်းက ဆက်လက်ပြော ကြားသည်။

မွန်ပြည်နယ်တွင် ရပ်ကျေး အုပ်ချုပ်ရေးမှူး ပြန်လည်ရွေးချယ်ခြင်းကို ၂၀၁၇ ဒီဇင်ဘာလဆန်း က စတင်ဆောင်ရွက်ခဲ့ပြီး ၂၀၁၈ ဇန်န၀ါရီ ၃၁ ရက်အပြီး ရွေးချယ်ရမည်ဖြစ်သည်။ တစ်ပြည်နယ်လုံးတွင် ရပ်ကွက်၊ ကျေးရွာအုပ်ချုပ်ရေးမှူး ၄၇၀ ရှိသော်လည်း လက်ရှိသမ္မတသက်တမ်း၌ ဥပဒေနှင့်အညီ ရွေးချယ်ထားသည့် ရပ် ကျေးအုပ်ချုပ်ရေးမှူးများရှိသဖြင့် ၄၃၉ ဦးကိုသာ ပြန်လည်ရွေးချယ်နေသည်။

၂၀၁၆ ဒီဇင်ဘာက ပြင်ဆင်ပြဋ္ဌာန်းခဲ့သည့် ရပ်ကွက် (သို့မဟုတ်) ကျေးရွာအုပ်ချုပ်ရေးမှူးဥပဒေတွင် အုပ်ချုပ်ရေးများ၏ သက်တမ်းသည် သမ္မတသက်အ တိုင်းဖြစ်ရမည်ဆိုပြီး ပြင်ဆင်ပြဋ္ဌာန်းထားသည်။

ဖွဲ့စည်းပုံအခြေခံဥပဒေပါပုဒ်မ ၁၈၈ အရ တိုင်း၊ ခရိုင်၊ မြို့နယ်အဆင့် အုပ်ချုပ်ရေးမှူးများကို သက်ဆိုင်ရာအစိုးရက ခန့်အပ်ရမည်ဖြစ်ပြီး ဖွဲ့စည်းပုံ အခြေခံဥပဒေပုဒ်မ ၁၈၉ အရ ရပ် ကျေးအုပ်ချုပ်ရေးမှူးများကို သက်ဆိုင်ရာရပ်ကွက် (သို့မဟုတ်)ကျေးရွာကသာ ရွေးချယ်ရမည်ဟု ပြဋ္ဌာန်းထားသည်။

More in Regional Section