အိုင်အိုဒင်းဓာတ် နည်းပါးလွန်းသော အမျိုးသမီးများ မျိုးအောင်နိုင်မှု ထိခိုက်နိုင်

အမေရိကန်ရှိ အမျိုးသမီးများ၏ ထက်ဝက်နီးပါးသည် မပြင်းထန်သော အိုင်အိုဒင်းချို့တဲ့မှုနှင့် ရင်ဆိုင်နေရပြီး လေ့လာမှုအသစ်တစ်ရပ်က ယင်းအခြေအနေကြောင့် အမျိုးသမီးများ၏ မျိုးအောင် နိုင်မှု အခက်အခဲဖြစ်နိုင်ကြောင်း ဖော်ပြသည်။

ဇီဝဖြစ်စဉ်ကို ထိန်းညှိပေးသော သတ္တုဓာတ်တစ်မျိုးဖြစ်သည့် အိုင်အိုဒင်းသည် ပင်လယ်စာများ၊ အိုင်အိုဒင်းဖြည့်ထားသော ဆား၊ နို့ထွက်ကုန်များ၊ သစ်သီးများနှင့် ဟင်းသီးဟင်းရွက်အချို့တွင် ပါဝင်သည်။


သို့သော် ကိုယ်ဝန်ရရန် ကြိုးပမ်းနေသော အမေရိကန်နိုင်ငံသူ များကို လေ့လာရာတွင် အိုင်အိုဒင်းဓာတ်အလယ်အလတ်မှ ပြင်း ထန်သော အခြေအနေအထိ ချို့တဲ့နေသည့် အမျိုးသမီးများသည် ဓမ္မတာစက်ဝန်းတစ်ခုစီအတွင်း ကိုယ်ဝန်ရနိုင်ခြေ ၄၆ ရာခိုင်နှုန်း ပိုလျော့နည်းကြောင်း လေ့လာတွေ့ရှိသည်။

 အိုင်အိုဒင်းချို့တဲ့မှု မပြင်းထန်သော အမျိုးသမီးများပင် ကိုယ်ဝန်ရရှိရန် အနည်းငယ်ခက်ခဲကြောင်း အမေရိကန်အမျိုးသားကလေးသူငယ်ကျန်းမာရေးနှင့် လူသားဖွံ့ဖြိုးရေးဌာန သုတေသနအဖွဲ့ခေါင်းဆောင် ဒေါက်တာဂျိမ်းမေးလ်ကပြောသည်။

ကိုယ်ဝန်ဆောင်ရန် စဉ်းစားနေသော အမျိုးသမီးများ အိုင်အိုဒင်းဓာတ် ပိုမိုလိုအပ်သည်ဟု ဒေါက်တာမေးလ်ကပြောသည်။ ယခုလေ့လာမှုကို နယူးယောက်ပြည်နယ်မှ ဆေးဘက်ဆိုင်ရာ ကျွမ်းကျင်ပညာရှင်များ ပါဝင်သည့် သုတေသီများနှင့် ပူးတွဲပြုလုပ်ခြင်းဖြစ်သည်။

မျိုးပွားမှုဆိုင်ရာ ကျွမ်းကျင်ပညာရှင်တစ်ဦးက ယခုလေ့လာမှုမှနေ၍ အာဟာရဓာတ်နှင့် မျိုးအောင်နိုင်မှုတို့ကြား ဆက်စပ်ပုံကို ဖော်ပြနေသည်ဟု ပြောသည်။ စားသောက်ပုံပြောင်းလဲခြင်းကြောင့် အိုင်အိုဒင်းဓာတ် မလုံလောက်ဖြစ်နိုင်သဖြင့် ကိုယ်ဝန်ဆောင်ရန် စဉ်းစားနေသော အမျိုးသမီးများသည် အာဟာရပြည့်ဝစွာ စား သောက်ရန် အရေးကြီးကြောင်း သုတေသီများကပြောသည်။ အိုင် အိုဒင်းအပါအဝင် အာဟာရဓာတ်များကို ကိုယ်ဝန်မဆောင်မီ အနည်းဆုံး သုံးလအလိုကပင် ဖြည့်တင်းထားရန်လိုသည်ဟု သုတေ သီများက အကြံပြုထားသည်။                           

—Ref: UPI