ပုလဲတွင် ကျေးရွာမီးလင်းရေးကော်မတီ အဖွဲ့ဝင်အချို့ကို ငွေကြေးအလွဲသုံးမှုဖြင့် ရွာသားတစ်ဦးက အမှုဖွင့်

ပုလဲမြို့နယ်တွင် ကျေးရွာ မီးလင်းရေးကော်မတီဥက္ကဋ္ဌ၊ အ တွင်းရေးမှူးနှင့် အဖွဲ့ဝင်တို့ကို ငွေကြေး အလွဲသုံးစား ပြုလုပ် သည်ဟုဆိုကာ ကျေးရွာသားတစ် ဦးက ဇန်န၀ါရီ ၁၀ ရက်ကအမှု ဖွင့်တိုင်ကြားထားကြောင်း ပုလဲ မြို့ မြို့မရဲစခန်းမှူး ဒုရဲမှူးမြင့် အောင်က ပြောကြားသည်။

‘‘ကျေးရွာမီးလင်းရေးကော် မတီတာဝန်ရှိသူသုံးဦးကို ရန်ပုံငွေ သိန်းတစ်ရာ့သုံးဆယ်ကျော် အ လွဲသုံးစားပြုလုပ်တယ်ဆိုပြီး တိုင် ထားတာပါ။ ရွာသားတစ်ယောက် က တရားလိုလုပ်ပြီးတိုင်ထား တာပါ။ အမှုဖွင့်စစ်ဆေးနေပါ တယ်’’ ဟု ဒုရဲမှူးမြင့်အောင်က ပြောသည်။

ပုလဲမြို့နယ် လှော်ကား ကျေးရွာမီးလင်းရေးကော်မတီကို ၂၀၁၄ အောက်တိုဘာ ၃၀ ရက် တွင်ဖွဲ့စည်းခဲ့ပြီး မီးလင်းရေးလုပ် ငန်းများဆောင်ရွက်ခဲ့ရာ ကျေးရွာသူ၊ ကျေးရွာသားများထံမှ ကောက်ယူရရှိငွေကျပ်၁၃၆ သိန်း ကျော်ကို ကျေးရွာမီးလင်းရေး ကော်မတီဥက္ကဋ္ဌ၊ အတွင်းရေးမှူး နှင့် အဖွဲ့ဝင်တို့ထံအပ်နှံခဲ့သည်။

ကျေးရွာမီးလင်းရေးကော်မ တီရန်ပုံငွေမှ စာရင်းရှင်းလင်းရာ တွင် ကော်မတီ၏ ရငွေ၊ သုံးငွေ စာရင်းကိုက်ညီမှုမရှိသဖြင့် မြို့ နယ်စီမံခန့်ခွဲမှုကော်မတီသို့ တင် ပြရာ မြို့နယ်စီမံခန့်ခွဲမှုကော်မ တီမှ တာဝန်ရှိသူများပါဝင်သော အဖွဲ့ဖြင့်စစ်ဆေးခဲ့သည်။

ထိုသို့စစ်ဆေးရာ ဖော်ပြပါ အပ်နှံငွေများကို ကျေးရွာမီးလင်း ရေးကော်မတီဥက္ကဋ္ဌက ခိုင်းနွား နှစ်ကောင်ဝယ်ခြင်း၊ အတွင်းရေး မှူးက အိမ်ဆောက်ခြင်း၊ အုတ်နံ ရံဆောက်လုပ်ခြင်း၊ အဖွဲ့ဝင်က စပါးကြိတ်ခွဲစက်ထူထောင်ခြင်း စသည့်ကိုယ်ကျိုးအတွက် အသုံး ပြုထားသည်ကို စစ်ဆေးတွေ့ရှိ ကြောင်း ရဲမှတ်တမ်းတွင်ဖော်ပြ သည်။

အဆိုပါဖြစ်စဉ်နှင့် ပတ် သက်၍ ကျေးရွာမီးလင်းရေးကော် မတီမှ ၎င်းတို့သုံးဦးကို ပုလဲမြို့ နယ်မြို့မရဲစခန်းက ရာဇသတ် ကြီးဥပဒေပုဒ်မ ၄၂၀/၄၀၆ ဖြင့် အမှုဖွင့်စစ်ဆေးနေသည်။