အင်းဒင်ရွာလူသတ်မှုနှင့်ပတ်သက်၍ ကျောင်းဆရာတစ်ဦးကို တရားစွဲဆို

မောင်တောမြို့နယ် အင်းဒင်ကျေးရွာသုသာန်တွင် အလောင်းများ တွေ့ရှိမှုနှင့်ပတ်သက်၍ အင်းဒင်ကျေးရွာနေ ကျောင်းဆရာတစ်ဦးကို မြို့နယ် တရားရုံး၌ တရားစွဲဆိုထားကြောင်း အမှုလိုက်ပါဆောင်ရွက်ပေးနေသည့် အထက် တန်းရှေ့နေ ဦးခင်ဝင်းက ပြောကြားသည်။

အဆိုပါ ကျောင်းဆရာသည် ပြီးခဲ့သည့် ဩဂုတ်က ဘင်္ဂါလီလူ မျိုးများ ဖမ်းဆီးသတ်ဖြတ်ခံရ သည့် အင်းဒင်ကျေးရွာဒေသခံ ဦးမောင်နီ၏သားဖြစ်ကြောင်း ဒေသတွင်း သတင်းရင်းမြစ်များက ပြောသည်။

ယင်းကျောင်းဆရာကို ပြီးခဲ့ သည့် ဇန်နဝါရီလဆန်းက လူ သတ်မှုပုဒ်မ ၃၀၂/၃၄ ဖြင့် တရား စွဲဆိုထားကြောင်း ဦးခင်ဝင်းက ဆိုသည်။

‘‘တရားစွဲထားတာ မှန်ပါ တယ်။ ကျွန်တော် ရှေ့နေလိုက် ပေးနေပါတယ်။ ဘယ်သူဘယ်ဝါ မှန်းမသိတဲ့ ရုပ်အလောင်းတွေ တွေ့ရှိမှုနဲ့ ဖမ်းဆီးထားတာပါ။ တရားဥပဒေအရ ချေပသွားပါ မယ်’’ဟု ဦးခင်ဝင်းက ပြောသည်။

မောင်တောမြို့နယ် အင်း ဒင်ကျေးရွာသုသာန်တွင် ဦးခေါင်း ခွံ ၁၀ လုံးနှင့် အရိုးစုများကို အ မည်မသိသူ သတင်းပေးချက်အရ ဟုဆိုကာ ဒီဇင်ဘာ ၁၉ ရက်၌ သက်ဆိုင်ရာက တူးဖော်တွေ့ရှိခဲ့ သည်။

အင်းဒင်ကျေးရွာသုသာန်၌ တွေ့ရှိခဲ့သော ရုပ်အလောင်း ၁၀ လောင်းသည် ဘင်္ဂါလီအကြမ်း ဖက်သမားများ၏ ရုပ်အလောင်း များဖြစ်ပြီး လုံခြုံရေးတပ်ဖွဲ့ဝင် များနှင့် ရွာသားအချို့က သတ် ဖြတ်ခဲ့သည်ဟု စစ်ဆေးတွေ့ရှိ ကြောင်း တပ်မတော်ကာကွယ် ရေးဦးစီးချုပ်ရုံးက ဇန်နဝါရီ ၁၀ ရက်က သတင်းထုတ်ပြန်သည်။ ထုတ်ပြန်ချက်တွင် ဖမ်းမိထားသည့် ဘင်္ဂါလီအကြမ်းဖက်သမား များကို ဦးမောင်နီ၏ သားနှစ်ဦးနှင့်အခြားရွာသားတစ်ဦးက ဓားဖြင့်ခုတ်ခဲ့ပြီး လုံခြုံရေးတပ်ဖွဲ့ဝင်လေး ဦးက သေနတ်ဖြင့် ဝင်ရောက်ပစ် ခတ်ခဲ့ကြောင်း ဖော်ပြထားသည်။

တရားစွဲဆိုထားသည့် ကျောင်းဆရာကို အင်းဒင်ကျေး ရွာမှ ရုပ်အလောင်းများ တူးဖော် မည့် ဒီဇင်ဘာ ၁၇ ရက်က စစ် ဘက်ရေးရာ လုံခြုံရေးတပ်ဖွဲ့ (စရဖ)နှင့် ရဲတပ်ဖွဲ့က လာရောက် ဖမ်းဆီးခဲ့သည်။ ထို့အပြင် ရွာသား နှစ်ဦးနှင့် နောက်ထပ်ကျောင်း ဆရာတစ်ဦးကို ဖမ်းဆီးစစ်ဆေး ခဲ့ပြီး ကျောင်းဆရာတစ်ဦးနှင့် ရွာ သားနှစ်ဦးကို ဇန်နဝါရီ ၅ ရက် တွင် ပြန်လွှတ်ပေးခဲ့သည်။

အင်းဒင်ကျေးရွာ ဖြစ်စဉ် တွင် ပါဝင်ခဲ့သော ရွာသားအချို့ နှင့် ထိတွေ့တိုက်ခိုက်မှုစည်းမျဉ်း များ (Rules of Engagement) ကို ချိုးဖောက်ခဲ့သော လုံခြုံရေး တပ်ဖွဲ့ဝင်များကို ဥပဒေနှင့်အညီ အရေးယူဆောင်ရွက်မည်ဖြစ် ကြောင်း ထုတ်ပြန်ချက်၌ ဖော် ပြထားသည်။

ထို့အပြင် အဆိုပါဖြစ်ရပ်ကို အထက်ဌာနအဆင့်ဆင့်သို့ တင် ပြခြင်းမရှိသဖြင့် ဖြစ်စဉ်တွင် တိုက်ရိုက်ပါဝင်ပတ်သက်မှုမရှိသော် လည်း ကွပ်ကဲရန် တာဝန်ရှိသူများ ကို ဖော်ထုတ်အရေးယူဆောင် ရွက်မည်ဟု ဆိုသည်။

မောင်တောမြို့နယ် အင်း ဒင်ကျေးရွာ သတ်ဖြတ်မှုကို တပ်မတော်က စိစစ်အရေးယူမည်ဟု ဆိုခြင်းနှင့်ပတ်သက်၍ နိုင်ငံအ တွက် ခြေလှမ်းသစ်တစ်ခု ရှေ့သို့ လှမ်းလိုက်ခြင်းဟုမြင်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြော ကြားထားသည်။