ဟံသာဝတီဦးဝင်းတင်ဖောင်ဒေးရှင်း တရားဝင်မှတ်ပုံတင်ရန် စီစဉ်

ပြီးခဲ့သည့်နှစ် မတ်လက ဖောင်ဒေးရှင်း၏ ထောက်ပံ့ငွေပေးအပ်ပွဲတစ်ခုကို တွေ့ရစဉ် (ဓာတ်ပုံ − စိုင်းဇော်)

ဟံသာဝတီဦးဝင်းတင် ဖောင်ဒေးရှင်းကို တရားဝင်မှတ်ပုံ တင်ရန် စီစဉ်ဆောင်ရွက်နေ ကြောင်း အဆိုပါဖောင်ဒေးရှင်း အလုပ်အမှုဆောင်အဖွဲ့ဝင် ဦး ထွန်းကြည်က ပြောသည်။


ဟံသာဝတီ ဦးဝင်းတင် ဖောင်ဒေးရှင်းကို ဖမ်းဆီးထိန်း သိမ်းခံရဆဲ နိုင်ငံရေးအကျဉ်းသား များ၊ နိုင်ငံရေးအကျဉ်းသား ဟောင်းများနှင့် ၎င်းတို့မိသားစု များ၊ အခြားအကူအညီလိုအပ်နေ သည့် ဘ၀တူစာနယ်ဇင်းသမား များကို ကူညီထောက်ပံ့ရန်ရည် ရွယ်၍ ၂၀၁၂ က ဦးဝင်းတင်ကိုယ် တိုင်ဦးစီးတည်ထောင်ခဲ့သည်။

‘‘မှတ်ပုံတင်ဖို့နေရာမှာ ဖွဲ့ စည်းပုံကအရေးကြီးတယ်။ အဲဒီ ဖွဲ့စည်းပုံကို ပြီးပြတ်အောင်လုပ် နေတယ်။ အဲဒီဖွဲ့စည်းပုံပြီးတာနဲ့ မှတ်ပုံတင်ဖုိ့လုပ်မယ်’’ ဟုဦးထွန်း ကြည်က ပြောသည်။

ဦးဝင်းတင်ဖောင်ဒေးရှင်းကို ဟံသာဝတီဦးဝင်းတင် သက်ရှိ ထင်ရှားရှိစဉ်ကတည်းက မှတ်ပုံ တင်ရန် စီစဉ်ထားသော်လည်း ယင်းအချိန်က နိုင်ငံရေးကင်းရှင်း ရမည်ဆိုသည့် အချက်များပါဝင် သောကြောင့် အလုပ်မဖြစ်ခဲ့ဘဲ ယခုအချိန်မှသာ လုပ်ဆောင်ခြင်း ဖြစ်ကြောင်း ၎င်းကပြောသည်။

‘‘မှတ်ပုံတင်လိုက်ပြီဆိုရင် အဖွဲ့အစည်းပိုအားကောင်းလာ မယ်။ အဖွဲ့အစည်းပုံစံဖြစ်သွား မယ်။ အဲဒီအတွက်ကို ရည်ရွယ် ပြီး လုပ်ဆောင်တာဖြစ်ပါတယ်’’ ဟု ဦးထွန်းကြည်က ပြောသည်။

ဟံသာဝတီ ဦးဝင်းတင် ဖောင်ဒေးရှင်းသည် နိုင်ငံရေးအ ကျဉ်းသားဟောင်းများကို ၂၀၁၂ မတ်လကစ၍ သုံးလတစ်ကြိမ် ပုံမှန်ထောက်ပံ့ခဲ့ပြီး ယခုအချိန်ထိ လက်ရှိနိုင်ငံရေး အကျဉ်းသား ၁၆၃ ဦးနှင့် နိုင်ငံရေးအကျဉ်းသား ဟောင်း ၆၅၃ ဦးတို့ကို ကျပ် ၁,၉၆၈  သိန်းထောက်ပံ့ထားသည်။

ဖောင်ဒေးရှင်း အနေဖြင့် လက်ရှိတွင် ပြည်တွင်းပုံမှန်အလှူ ရှင်တစ်ဦးသာရှိပြီး အခြား ထောက်ပံ့မှုများလျော့နည်းလာ၍ ရန်ပုံငွေရရှိရေးနှင့် နိုင်ကျဉ်းများ အား ဆက်လက်ထောက်ပံ့နိုင်ရန် ရုန်းကန်နေရသည်။

နိုင်ငံရေးအကျဉ်းသားများ ကို ကူညီစောင့်ရှောက်ပေးနေ သည့် ဟံသာဝတီဦးဝင်းတင် ဖောင်ဒေးရှင်းကို လူမှုအဖွဲ့အ စည်းတစ်ခုအနေဖြင့် မှတ်ပုံတင် မည်ဖြစ်ကြောင်း ဦးထွန်းကြည်က ပြောသည်။

၈၈ ငြိမ်းချမ်းရေးနှင့် ပွင့် လင်းလူ့အဖွဲ့အစည်းသည်လည်း တရားဝင်မှတ်ပုံတင်ရန် ဆောင် ရွက်နေကြောင်း အဖွဲ့ခေါင်း ဆောင်ဦးဂျင်မီက ၂၀၁၇ စက် တင်ဘာတွင် ပြောကြားသည်။

ဟံသာဝတီ ဦးဝင်းတင် ဖောင်ဒေးရှင်းသို့ လှူဒါန်းလိုပါက Hot Line ဖုန်း၀၉-၄၅၀၀၄၅၀၀၀ သို့ ဆက်သွယ်နိုင်သည်။