ရေတံခွန်နှင့် တွဲလျက်လည်ပတ်နိုင်မည့် ပဲခူးရှိ မုက္ခာရေတံခွန်ဆင်စခန်းစတင်ဖွင့်လှစ်

ယခုနှစ် ဇန်န၀ါရီလဆန်းက ဖွင့်လှစ်ခဲ့သော ပဲခူးတိုင်းအတွင်းရှိ မုက္ခာရေတံခွန်ဆင်စခန်း (Ministry of Hotels and Tourism)

ပဲခူးတိုင်းဒေသကြီးအ တွင်း ရေတံခွန်နှင့် တွဲလျက်လည်ပတ်နိုင်မည့် ပထမဆုံးသော မုက္ခာရေတံခွန်ဆင်စခန်းကို ဇန်န၀ါရီလဆန်းကစတင်၍ ဖွင့်လှစ်ထားကြောင်း ပဲခူးတိုင်းဟိုတယ်နှင့် ခရီးသွားညွှန်ကြားမှုဦးစီးဌာနရုံးမှ ဒုညွှန်ကြားရေးမှူး ဦးဟောက်ကျင်မုန်က ပြောသည်။

‘‘ရေတံခွန်နဲ့တွဲပြီးတော့ ဖွင့် တဲ့ ဆင်စခန်းကတော့ ဒါက ပထမဆုံးပါ။ ပြည်တွင်း၊ ပြည်ပဧည့် သည်တွေကို ဆွဲဆောင်တဲ့ နေရာ တစ်ခုအနေနဲ့ လည်ပတ်စရာ ခရီးစဉ်သစ်တစ်ခုကို ဖော်ထုတ်လိုက် တာ ဖြစ်ပါတယ်’’ဟု ၎င်းက ပြော သည်။

မုက္ခာရေတံခွန်ဆင်စခန်း သည် ပဲခူးတိုင်းဒေသကြီး မြို့ ချောင်းလမ်း၊ မိုင်တိုင်အမှတ် ၈/၆ တွင် မြန်မာ့သစ်ထုတ်လုပ်ရေးမှ ဆင် ၁၂ ကောင်ဖြင့် မုက္ခာကြိုး ပြင် ကာကွယ်တောနှင့် ရေတံခွန် အနီးတွင် အပန်းဖြေလည်ပတ် စရာ ခရီးစဉ်သစ်တစ်ခုအနေဖြင့် ဖွင့်လှစ်ခြင်း ဖြစ်ကြောင်း ၎င်းက ပြောသည်။ အဆိုပါခရီးစဉ်တွင် ဆင်များ၏ သရုပ်ပြမူကို ကြည့်ရှုနိုင်ခြင်း၊ ဆင်စီး၍ သဘာဝတောတောင်ရှုခင်းအလှများ ကြည့်ရှုလေ့လာနိုင်ခြင်း၊ ဆင်စာကျွေးခြင်း၊ ဆင်ရေချိုးခြင်းတို့ကို ကြည့်ရှုလေ့လာနိုင်မည့်အပြင် မုက္ခာရေတံခွန်၌ အပန်းဖြေနိုင်မည် ဖြစ်သည်။ ၀င်ကြေးအနေဖြင့် ပြည် တွင်းခရီးသွားတစ်ဦးလျှင် ၅၀၀ ကျပ်နှင့် နိုင်ငံခြားသားတစ်ဦးလျှင် ကျပ် ၂,၀၀၀ သတ်မှတ်ထားပြီးဆင်စီးခအနေဖြင့် ပြည်တွင်းခရီးသွားတစ်ဦးလျှင် ကျပ် ၂,၀၀၀ ကျော်နှင့် နိုင်ငံခြားသားတစ်ဦးလျှင် ကျပ် ၂၀,၀၀၀  သတ်မှတ်ထားသည်။သဘာဝကို အခြေပြုသည့် ဆင်စခန်းနှင့် အပန်းဖြေခရီးစဉ် များသည် ပဲခူးတိုင်း၏ အဓိကခရီး စဉ်များတွင် ပါဝင်နေပြီး လက်ရှိအချိန်အထိ ဖွင့်လှစ်ပြီး ဆင်စခန်းများမှာ ဖိုးကျားဆင်စခန်း၊ ၀င်္ဂဘော်ဆင်စခန်း၊ မှော်ယောကြီးဆင်စခန်း၊ နတ်မှော်ဆင်စခန်းနှင့် မုက္ခာရေတံခွန်ဆင်စခန်းဟူ၍ ငါးခုအထိရှိလာပြီ ဖြစ်ကြောင်း ပဲခူးတိုင်း ဟိုတယ်နှင့် ခရီးသွားညွှန်ကြားမှုဦးစီးဌာနက ထုတ်ပြန်ထားသည်။ ပဲခူးတိုင်းဒေသကြီးသို့ ၂၀၁၇ ခုနှစ်အတွင်း နိုင်ငံခြားသားခရီးသွား တစ်သိန်းခန့်နှင့် ပြည်တွင်းခရီးသွား သုံးသိန်းခန့်လာရောက်လည်ပတ်ခဲ့ကြောင်းဟိုတယ်နှင့် ခရီးသွားညွှန်ကြားမှုဦးစီးဌာနက ထုတ်ပြန်သည်။