အထိုင်များခြင်းကြောင့် ကိုယ်တွင်းအင်္ဂါများတစ်ဝိုက် အဆီများ စုဝေးဖြစ်ပေါ်လာနိုင်

အထိုင်များခြင်းကြောင့် ဗိုက်ခေါက်ထူလာရုံသာမက မမြင်နိုင်သော ကျန်းမာရေးဆိုးကျိုးများလည်း ဖြစ်ပေါ်နိုင်ကာ ကိုယ်တွင်း အင်္ဂါများတစ်ဝိုက် အဆီများ စုဝေးဖြစ်ပေါ်လာနိုင်ကြောင်း လေ့လာမှုအသစ်တစ်ရပ်က ဖော်ပြသည်။

ကိုယ်လက်လှုပ်ရှားမှုမရှိသည့် အချိန်ပိုများခြင်းနှင့် ကိုယ်တွင်းအင်္ဂါများတစ်ဝိုက် အဆီများစုဝေးဖြစ်ပေါ်မှုကြား ဆက်စပ်မှုရှိကြောင်း သုတေသီများကပြောသည်။

လူတိုင်း လေ့ကျင့်ခန်းလုပ်ရန် လိုအပ်ပြီး ထိုင်နေခြင်းက လေ့ ကျင့်ခန်းလုံလောက်စွာ လုပ်ခြင်းမရှိသူများအတွက် ပို၍အန္တရာယ်ရှိနိုင်သည်။


ကိုယ်တွင်းအင်္ဂါများတစ်ဝိုက် အဆီများ စုဝေးဖြစ်ပေါ်မှုကြောင့် ပြင်းထန်သောရောဂါများ ဖြစ်ပွားနိုင်သည့် အန္တရာယ်မြင့်မားသည်။

ဗြိတိန်နိုင်ငံ လက်စတာတက္ကသိုလ်မှ သုတေသီများက အချိန် ကြာမြင့်စွာ မလှုပ်မရှားနေထိုင်ခြင်းသည် ကျန်းမာရေးနှင့်မညီသော အပြုအမူဖြစ်သည်ကို မိမိတို့သိရှိထားပြီး အမျိုးအစား-၂ ဆီးချိုရောဂါနှင့် နှလုံးရောဂါတို့ကဲ့သို့ ပြင်းထန်သော ရောဂါများဖြစ်ပွားနိုင်သည့် အန္တရာယ်မြင့်မားကြောင်း ပြောသည်။

ကိုယ်လက်လှုပ်ရှားမှုမရှိခြင်းကြောင့်၊ အထူးသဖြင့် နှလုံးနှင့် အသည်းတစ်ဝိုက်တွင် အဆီများ စုဝေးဖြစ်ပေါ်လာပါက အန္တရာယ် ရှိသည်။

အထိုင်များသူများသည် ဝမ်းဗိုက်ပိုင်းအဆီပိုများပြီး အသည်း တွင် အဆီစုဝေးဖြစ်ပေါ်မှု ပိုများသည်ဟု သုတေသီများက ပြော ကြားသည်။

အထူးသဖြင့် လူတစ်ဦးအနေဖြင့် ကျန်းမာရေးနှင့်ညီစေရန် သီတင်းတစ်ပတ်လျှင် မိနစ် ၁၅၀ ခန့် မပြင်းထန်သော ကိုယ်လက် လှုပ်ရှားမှုများကနေ၍ အားစိုက်ရသော ကိုယ်လက်လှုပ်ရှားမှုများ ပုံမှန်ပြုလုပ်သင့်ကြောင်း သုတေသီများကပြောသည်။

လေ့ကျင့်ခန်းလုပ်ခြင်းအပြင် အိပ်ရေးဝအောင် ပုံမှန်အိပ်စက် ခြင်း၊ ကျန်းမာရေးနှင့်အညီ စားသောက်နေထိုင်ခြင်းတို့ဖြင့် ပြင်းထန်သောရောဂါများ မဖြစ်စေရန် ကြိုတင်ကာကွယ်နိုင်သည်။

—Ref: MNT