လာအိုဝန်ကြီးချုပ်ခရီးစဉ်အတွင်း လျှပ်စစ်ဝယ်ယူရေး နှစ်နိုင်ငံ နားလည်မှုစာချွန်လွှာလက်မှတ်ရေးထိုးမည်

လာအိုနိုင်ငံတွင် ရေအား လျှပ်စစ်ဓာတ်အားပေး စက်ရုံ ၄၂ ရုံအထိရှိသည်။ (ဓာတ်ပုံ − Andritz)

လာအိုနိုင်ငံမှ လျှပ်စစ် ဝယ်ယူရေးအတွက် နှစ်နိုင်ငံ စွမ်းအင်ကဏ္ဍဆိုင်ရာ ပူးပေါင်း ဆောင်ရွက်ရေး နားလည်မှု စာချွန် လွှာရေးထိုးရန် လာအိုဝန်ကြီး ချုပ် မြန်မာနိုင်ငံသို့ လာရောက် မည်ဖြစ်ကြောင်းလျှပ်စစ်နှင့်စွမ်း အင်ဝန်ကြီးဌာန ဒုတိယအမြဲ တမ်းအတွင်းဝန် ဦးစိုးမြင့်ကပြော သည်။


မြန်မာနိုင်ငံအတွင်း လျှပ်စစ် ဓာတ်အား မလုံလောက်မှု ဖြည့် တင်းနိုင်ရန် လာအိုနိုင်ငံမှ လျှပ်စစ်ဓာတ်အား ဝယ်ယူနိုင်ရေး MoU (နားလည်မှု စာချွန်လွှာ) တစ်ခုကို နှစ်နိုင်ငံ လက်မှတ်ရေးထိုးရန်ရှိ ကြောင်း လျှပ်စစ်နှင့်စွမ်းအင်ဝန် ကြီးဌာနက ဇန်နဝါရီ ၁၂ ရက်၌ ထုတ်ပြန်ပြောကြားပြီးနောက် လာအိုဝန်ကြီးချုပ်က မြန်မာနိုင်ငံသို့ လာရောက်ခြင်းဖြစ်သည်။

လာအိုဝန်ကြီးချုပ်သည် မြန် မာနိုင်ငံသို့ ဇန်နဝါရီ ၁၅ ရက်က စတင်၍ သုံးရက်ကြာ လာရောက် မည်ဖြစ်ပြီး ဇန်နဝါရီ ၁၅ ရက် ည နေတွင် နိုင်ငံတော်သမ္မတအိမ် တော်၌ အခမ်းအနားဖြင့် ကြိုဆို မည်ဖြစ်ကြောင်း သမ္မတအိမ် တော်က သတင်းထုတ်ပြန်ထား သည်။

‘‘လျှပ်စစ်ဝယ်ယူရေးအဆင့် မဟုတ်သေးဘူး။ နားလည်မှုစာ ချွန်လွှာထိုးတဲ့ အဆင့်ပါ။ ဝယ်ယူ တဲ့အထိတော့ မဟုတ်သေးဘူး။ ဝယ်ဖို့အဆင့်တွေ အများကြီး ဆက်ညှိနှိုင်းရဦးမယ်’’ ဟု ဦးစိုးမြင့်က ဆက်လက်ပြောသည်။

နားလည်မှုစာချွန်လွှာရေး ထိုးပြီးမှသာ လာအိုနိုင်ငံ၏ လျှပ်စစ်ဓာတ်အားကို မည်သည့်ဈေးနှုန်း၊ မည်သည့်နေရာမှ ဝယ်ယူမည်ကို နှစ်နိုင်ငံဆက်လက် ဆွေးနွေးရမည်ဟု ဦးစိုးမြင့်ကပြော သည်။

လာအိုဝန်ကြီးချုပ်ခရီးစဉ် တွင် နှစ်နိုင်ငံပူးပေါင်းဆောင်ရွက် ရေးနှင့် ဆက်ဆံရေးတိုးမြှင့်ရေး ဆွေးနွေးမည်ဖြစ်ကြောင်း နိုင်ငံခြားရေးဝန်ကြီးဌာန ညွှန်ကြား ရေးမှူးချုပ် ဦးမျိုးသန့်ဖေက ပြော သည်။

မြန်မာနှင့် လာအိုနိုင်ငံအ ကြား ဆက်ဆံရေးကောင်းမွန်နေ ပြီး သမ္မတဦးထင်ကျော်၏ ပထမ ဆုံး ပြည်ပခရီးစဉ်သည် လာအို ဖြစ်ခဲ့သည်။

မြန်မာနိုင်ငံသို့ လျှပ်စစ် ဓာတ်အားမဂ္ဂါဝပ် ၃၀၀ တင်ပို့ ရောင်းချရန် အစီအစဉ်ရှိကြောင်း လာအိုနိုင်ငံစွမ်းအင်နှင့် သတ္တု တွင်းဆိုင်ရာ ဒုတိယဝန်ကြီးက ၂၀၁၆ ဖေဖော်ဝါရီတွင် ပြောကြားထားသည်။ ထိုပမာဏသည် ဗီ ယက်နမ်နိုင်ငံသို့ ရောင်းချနေ သည့် ပမာဏထက် ပိုမိုများပြား မည်ဟု ဆိုသည်။

မြန်မာ့လျှပ်စစ်နှင့်စွမ်းအင် ဝန်ကြီးဌာနသည် ယင်းသို့ဝယ်ယူ ရန် အတွေ့အကြုံမရှိသဖြင့် နိုင်ငံ ဖြတ်ကျော်ဌာနမှ စာချုပ်ချုပ်ဆို ခြင်းလုပ်ငန်းများနှင့် နည်းပညာ ကဏ္ဍများ လေ့လာနေရကြောင်း ယင်းဝန်ကြီးဌာန လက်ထောက် အတွင်းဝန် ဦးမင်းမင်းဦးကပြော ကြားထားသည်။

လာအိုနိုင်ငံသည် ထိုင်း၊ ကမ္ဘောဒီးယားနှင့် ဗီယက်နမ်နိုင်ငံ တို့သို့ လျှပ်စစ်ဓာတ်အားရောင်း ချနေသည်။ ၂၀၁၇ ဒီဇင်ဘာတွင် မလေးရှားနိုင်ငံသို့ ဓာတ်အား ၂၀၀ မဂ္ဂါဝပ်ရောင်းချခဲ့ပြီး ၂၀၂၀တွင် စင်ကာပူနိုင်ငံသို့ ၁၀၀ မဂ္ဂါဝပ်ရောင်းချရန် စီစဉ်ထားသည်။

လာအိုနိုင်ငံက ထိုင်းနိုင်ငံသို့ လျှပ်စစ်တစ်ယူနစ် (1kWh) ကို ကန်ဒေါ်လာ ၇ ဆင့် (၉၅ ကျပ် ခန့်)၊ ဗီယက်နမ်နိုင်ငံသို့ ကန်ဒေါ် လာ ၆ ဆင့် (ကျပ် ၈၀ ကျော်)ဖြင့်၊ စင်ကာပူနိုင်ငံသို့ တစ်ယူနစ် ကန်ဒေါ်လာ ဆင့် ၂၀ (ကျပ် ၂၇၀) ဖြင့်ရောင်းချရန် စီစဉ်ထားကြောင်း လာအိုလျှပ်စစ်နှင့် သတ္တုတွင်း ဆိုင်ရာ ဝန်ကြီးဌာန၏အချက်အ လက်များတွင် ဖော်ပြထားသည်။

လာအိုနိုင်ငံတွင် ရေအား လျှပ်စစ်ဓာတ်အားပေး စက်ရုံ ၄၂ ရုံရှိပြီး လျှပ်စစ်ဓာတ်အား ၆,၃၉၁ မဂ္ဂါဝပ်ထုတ်လုပ်နိုင်သည်။