ပညာရေးလောကတွင် ပွဲဆူနေသော ပုဂ္ဂလိကကျောင်းဥပဒေကြမ်း

ပုဂ္ဂလိကစာသင်ကျောင်းတစ်ကျောင်းရှိ စာသင်ခန်းကို တွေ့ရစဉ် (ဓာတ်ပုံ − ကျော်ဇင်သန်း)

ဦးသိန်းစိန်အစိုးရလက် ထက် ၂၀၁၁ က ပြဋ္ဌာန်း ထားသည့်ကိုယ်ပိုင်ကျောင်းဥပဒေကို ပယ်ဖျက်ပြီး ပုဂ္ဂလိကကျောင်းဥပဒေ တစ်ရပ် ပြဋ္ဌာန်းနိုင်ရန်ဒီချုပ်အစိုးရက ကြိုးပမ်းနေသည်။

ပညာရေး ဝန်ကြီးဌာနက ၂၀၁၇ ဒီဇင်ဘာ ၈ ရက်တွင် ကျင်းပသည့် ပညာရေးဖွံ့ဖြိုးတိုးတက်မှု အကောင်အထည်ဖော်ရေး နှီးနှော ဖလှယ်ပွဲ (အခြေခံပညာကဏ္ဍ) ၌ ပုဂ္ဂလိကကျောင်း ဥပဒေမူကြမ်း အပါအဝင် ပညာရေးဆိုင်ရာ ဥပဒေမူကြမ်းသုံးခုကို စတင်ချပြခဲ့ သည်။

အသက်ဝင်နေဆဲ ကိုယ်ပိုင် ကျောင်းဥပဒေတွင် ပညာရေးဝန် ကြီးဌာန အခြေခံပညာကျောင်း များ၏ သင်ရိုးညွှန်းတမ်းကို သင် ကြားသော အခြေခံပညာ ပုဂ္ဂလိ ကကျောင်းများနှင့် ဆက်နွှယ်သည့်အချက်များသာ ပါဝင်ခဲ့သည်။ အ သစ်ပြဋ္ဌာန်းမည့် ပုဂ္ဂလိကကျောင်း ဥပဒေမူကြမ်းတွင် အခြေခံပညာ ပုဂ္ဂလိကကျောင်းများသာမက ဘွဲ့ နှင့် ဘွဲ့လွန်အဆင့် နည်းပညာနှင့် သက်မွေးဆိုင်ရာ ပညာရေးနှင့် လေ့ကျင့်ရေး ပုဂ္ဂလိကကျောင်း၊ အဆင့်မြင့်ပညာ ပုဂ္ဂလိကကျောင်း၊ ဘာသာရပ်သင်ပုဂ္ဂလိကကျောင်း များကိုပါ ဥပဒေတစ်ခုတည်းဖြင့် ထိန်းချုပ်ထားသည်။

ပုဂ္ဂလိကကျောင်းဆရာများ အတွက် ရပိုင်ခွင့် တင်းကျပ်မှုများ ရှိနေသည့် လက်ရှိကျင့်သုံးနေ သော ကိုယ်ပိုင်ကျောင်းဥပဒေ သတ်မှတ်ချက်များကို ဒီချုပ်အစိုးရလက်ထက်တွင် ဖြေလျှော့ပေးခြင်း များ ရှိလာမည်လားဟု မျှော်လင့် ခဲ့သော်လည်း မှန်းချက်နှင့် နှမ်း ထွက်မကိုက်ဟု ကိုယ်ပိုင်ကျောင်း သင်ဆရာအချို့က ဖွင့်ဟသည်။

‘‘ကျောင်းဆရာတစ်ယောက် က လိုင်စင်မရှိဘဲ စာသင်ရင် သုံး လကနေ ခြောက်လအထိ ထောင် ကျမယ်။ ငွေဒဏ်သိန်း ၂၀။ ရဲက စာသင်ကျောင်းကို အချိန်မရွေး ဝင်စစ်လို့ရတဲ့ အနေအထားမျိုးရှိ တယ်’’ဟု မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ် (MTF) အတွင်းရေးမှူး၊ ပုဂ္ဂလိက ကိုယ်ပိုင်ကျောင်းတစ်ခု၏ အုပ်ချုပ်ရေးမှူး ဦးကျော်မင်းခန့်က ပြောသည်။

အသက်ဝင်ဆဲ ကိုယ်ပိုင် ကျောင်းဥပဒေ၌ ကိုယ်ပိုင်ကျောင်း ဆရာ လက်မှတ်မရှိဘဲကိုယ်ပိုင် ကျောင်း၌ သင်ကြားပါက တစ်နှစ်ထက်မပိုသော ထောင်ဒဏ် ဖြစ်စေ၊ ကျပ်တစ်သိန်းထက်မပို သော ငွေဒဏ်ဖြစ်စေ၊ ဒဏ်နှစ်ရပ် စလုံးဖြစ်စေချမှတ်ရမည်ဟု ဖော် ပြထားသည်။

အသစ်ပြဋ္ဌာန်းမည့် ပုဂ္ဂလိက ကျောင်းဥပဒေမူကြမ်းတွင် ပုဂ္ဂလိ က ကျောင်းဆရာလက်မှတ်မရှိဘဲ ပုဂ္ဂလိက ကျောင်းဆရာအဖြစ် ဆောင်ရွက်ပါက အနည်းဆုံး သုံး လမှ အများဆုံးခြောက်လထက် မပိုသော ထောင်ဒဏ်ဖြစ်စေ၊ ကျပ်သိန်း ၂၀ ထက်မပိုသော ငွေဒဏ် ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ရမည်ဟု ပြင်ဆင်သတ်မှတ် ထားသည်။ ပြစ်မှုများကို ရဲအရေး ယူပိုင်ခွင့်ရှိသည့် ပြစ်မှုများအဖြစ် သတ်မှတ်သည်ဟု ဥပဒေမူကြမ်း တွင် ဖော်ပြထားသည်။ ပြင်ဆင် သော ဥပဒေကြမ်းအရ ထောင် ဒဏ်လျော့နည်းသွားသော်လည်း ငွေဒဏ် အဆ ၂၀ ခန့် များပြားလာ သည်။

‘‘ရပ်ကွက်ထဲမှာ ကိုယ့်အနီး အနား ပတ်ဝန်းကျင်က ကလေး သုံးလေးငါးယောက်ကို ငွေကြေး အကျိုးအမြတ်မယူဘဲ စာပြပေး ရင်တောင် မလိုသူက ရဲတိုင်ခဲ့လို့ ကျောင်းဆရာလက်မှတ်မရှိရင် တရားစွဲ ထောင်ချခံရမှာ’’ဟု စာ သင်သက် နှစ် ၂၀ ရှိ ပုဂ္ဂလိက ကျောင်းဆရာ ဦးနိုင်ဝင်းလတ်က ဆိုသည်။

အသစ်ပြဋ္ဌာန်းမည့် ပုဂ္ဂလိက ကျောင်းဥပဒေမူကြမ်းတွင် ရင်းနှီး မြှုပ်နှံမှုနှင့် ကုမ္ပဏီများ ညွှန်ကြား မှုဦးစီးဌာန ခွင့်ပြုချက်ဖြင့် ဖွင့်လှစ် နေသည့် ပုဂ္ဂလိကကျောင်းများ ပါဝင်လာခြင်းသည် ၂၀၁၇အတွင်း ဖြစ်ပေါ်ခဲ့သည့် Horizon Inter-national School ကို အရေးယူမှုဖြစ်စဉ်များနှင့် ဆက်စပ်မှုရှိနိုင် ကြောင်း ပုဂ္ဂလိကကျောင်းပညာ ရေးအသိုင်းအဝိုင်းက သုံးသပ် သည်။ တူရကီနိုင်ငံအာဏာသိမ်း မှုဖြစ်စဉ်များနှင့် ပတ်သက်၍ Horizon International School ကိုအရေးယူရန် ပညာရေးဝန်ကြီးဌာန က တရားစွဲဆိုသော်လည်း နိုင်ငံ တကာကျောင်းများကို အရေးယူ အပြစ်ပေးနိုင်သည့် ဥပဒေပြဋ္ဌာန်း ချက် မြန်မာနိုင်ငံတွင် မရှိခြင်း ကြောင့် အခက်တွေ့ခဲ့သည်။

‘‘နိုင်ငံတကာက လာပြီးတော့ ရင်းနှီးမြှုပ်နှံသူပဲဖြစ်ဖြစ်၊ ဖက်စပ် ပဲဖြစ်ဖြစ် ဥပဒေနဲ့အညီ လုပ်နိုင် အောင် သူတို့ကိုပါ ဒီဥပဒေထဲ ထည့်ဆွဲထားတာပေါ့။ ကျောင်းအ မျိုးအစားတွေအားလုံး ဒီထဲပါပေ မယ့် ဒီဥပဒေနဲ့တင် ပြီးမသွားဘူး။ ကျောင်းအမျိုးအစားအလိုက် နည်း ဥပဒေတွေ ထွက်လာဦးမှာ။ မပြီးခင် ဗမာမမြင်စေနဲ့ဆိုသလို စေတနာတွေ စောနေတာလည်း ရှိတာပေါ့’’ဟု ဒေါက်တာခိုင်မြဲက ဆိုသည်။

တူရကီနိုင်ငံတွင် မအောင် မြင်သော အာဏာသိမ်းမှုပြီး နောက် အာဏာသိမ်းရန် ကြံစည် သည်ဟု စွပ်စွဲခံရသောအဖွဲ့နှင့် ဆက်စပ်နေသည်ဟု သံသယရှိ သောကြောင့် ရန်ကုန်မြို့ သာ ကေတ ရှုခင်းသာမြို့ပတ်လမ်းရှိ တူရကီနိုင်ငံသားပိုင် Horizon နိုင်ငံတကာကျောင်းကို ၂၀၁၆ ဇူလိုင်က ပညာရေးဝန်ကြီးဌာနနှင့် ပြည်ထဲရေးဝန်ကြီးဌာနမှ တာဝန်ရှိသူ များ ဝင်ရောက်စစ်ဆေးခဲ့သည်။ ယင်းဖြစ်စဉ်အပြီး Horizon Inter-national School ကို ပြည်တွင်း လုပ်ငန်းရှင်များ လွှဲပြောင်းရယူပြီး Bright Future International Education Service ကုမ္ပဏီအ ဖြစ် ဆက်လက်ဖွင့်လှစ်ခဲ့သည်။

၂၀၁၇ ဧပြီ ၂၈ ရက်တွင် ပညာရေးဝန်ကြီးဌာနက အဆိုပါကျောင်းကို ကိုယ်ပိုင်ကျောင်းမှတ်ပုံတင် ဥပဒေဖြင့် အမှုဖွင့်ခဲ့သည်။ အ ကြမ်းဖက် အဖွဲ့အစည်းနှင့်ပတ် သက်သည်ဆိုသည့် အချက်ဖြင့် မဟုတ်ဘဲ ကိုယ်ပိုင်ကျောင်းမှတ် ပုံတင်မရှိဘဲ ဖွင့်လှစ်ထားကြောင်း စစ်ဆေးတွေ့ရှိသည်ဆိုကာ အမှုဖွင့်ခဲ့သည်။

ယင်းနောက် ၂၀၁၇ ဇူလိုင် ၁၃ရက်တွင် ရန်ကုန်တိုင်းဒေသကြီး ပညာရေးမှူးက တရားလိုပြုလုပ်၍ BFI ကျောင်းတည်ထောင်သူကို သာကေတ အမှတ် (၂) နယ်မြေ ပိုင်ရဲစခန်း၌ ကိုယ်ပိုင်ကျောင်း မှတ်ပုံတင်ဥပဒေအရ အမှုဖွင့်ခဲ့ပြီး ယင်းအမှုကို မှုခင်းရဲတပ်ဖွဲ့ (စီ အိုင်ဒီ)က စစ်ဆေးနေသည်။ ဒုတိ ယအကြိမ် အမှုဖွင့်ခံရပြီးနောက် အဆိုပါကျောင်းကို Shu Khinn Thar International College အ မည်သို့ ထပ်မံပြောင်းလဲကာ လက်ရှိအချိန်ထိ ဖွင့်လှစ်ထားသည်။

အဆိုပါ ကျောင်းအနေဖြင့် အကြမ်းဖက်အဖွဲ့အစည်းများနှင့် ဆက်သွယ်မှုမရှိကြောင်း၊ Horizonကျောင်းသည် နိုင်ငံတကာ ကျောင်းဖြစ်နေ၍ ပညာရေးဝန် ကြီးဌာန၏ ကိုယ်ပိုင်ကျောင်းမှတ် ပုံတင်ဥပဒေနှင့် လုံးဝမသက်ဆိုင် ကြောင်း ကျောင်းတာဝန်ရှိသူများ က ပထမအကြိမ် အမှုဖွင့်ခံရစဉ် ကပင် ငြင်းဆိုခဲ့သည်။

အသစ်ပြဋ္ဌာန်းမည့် ပုဂ္ဂလိက ကျောင်းဥပဒေတွင် Shu Khinn Thar International College ကဲ့သို့ကျောင်းမျိုးပါ အကျုံးဝင်လာခြင်း ကြောင့် ပုဂ္ဂလိကကျောင်းများ တည်ထောင်မှုအတွက် ကန့်သတ် ချက်များ များပြားလာကြောင်း ကိုယ်ပိုင်ကျောင်းတည်ထောင်သူ အချို့က မှတ်ချက်ပြုသည်။

ပုဂ္ဂလိကကျောင်း ဥပဒေ မူကြမ်းအရ ပုဂ္ဂလိကကျောင်းမှတ် ပုံတင်လက်မှတ်ကို အခြားသူ (သို့ မဟုတ်) အဖွဲ့အစည်းတစ်ခုခုအား လွှဲပြောင်းသုံးစွဲခွင့်မပြုရန်၊ မှတ်ပုံ တင်လက်မှတ်ပါ အချက်အလက် တစ်ခုခုကို ပြင်ဆင်ပြောင်းလဲခြင်း မပြုရန် အချက်များပါ ပါဝင်လာ သည်။ မှတ်ပုံတင်လက်မှတ်ကို ကာလအကန့်အသတ်ဖြင့် ရပ် ဆိုင်းခြင်း (သို့မဟုတ်) ပယ်ဖျက် ခြင်းပြုသည့် ကာလတွင် အဆိုပါ ပုဂ္ဂလိကကျောင်းကို ဖွင့်လှစ်ခွင့် မပြုရန် ဥပဒေက ကန့်သတ်ထား သည်။

‘‘ကိုယ်ပိုင်ကျောင်းအများစု က ပြည်တွင်းက ဆရာ၊ ဆရာမ အငြိမ်းစားတွေ တည်ထောင်ကြ တာ များတယ်။ သူတို့မရှိတော့ချိန် မှာ သားသမီးဖြစ်ဖြစ် လက်ဆင့် ကမ်းရတာမျိုး ရှိတာမျိုးမှာ ဒီအ ချက်တွေက ငြိတာမျိုးပေါ့’’ဟု ကိုယ်ပိုင်အထက်တန်းကျောင်းပိုင် ရှင်တစ်ဦးက ဆိုသည်။

ယင်းအပြင် ပုဂ္ဂလိကကိုယ် ပိုင်ကျောင်း ဥပဒေမူကြမ်းအရ သတ်မှတ်သင်ရိုးညွှန်းတမ်းနှင့် သက်ဆိုင်ခြင်းမရှိသည့် နိုင်ငံရေး၊ ဘာသာရေးနှင့် မြန်မာ့ယဉ်ကျေးမှု နှင့် မလျော်ညီသော အကြောင်းအ ရာများ သင်ကြားပို့ချခြင်းမပြုရန် တားမြစ်ထားသည်။

ကျောင်းအမျိုးအစား မတူညီ သော ပုဂ္ဂလိကကျောင်းအားလုံး ကို ဥပဒေတစ်ခုတည်းက ထိန်းချုပ်ထားခြင်းကြောင့် ပြစ်မှုပြစ်ဒဏ် များ၊ စည်းကမ်းများ ပိုမိုတင်းကျပ် လာနိုင်ကြောင်း ပုဂ္ဂလိကဆရာ အချို့က ဆိုသည်။

ကိုယ်ပိုင်ကျောင်းများကို စ တင်ဖွင့်လှစ်ခွင့်ပြုပြီး ခြောက်နှစ် ကျော်အကြာ ယခု ၂၀၁၇-၁၈ ပညာသင်နှစ်တွင် တစ်နိုင်ငံလုံး၌ ပုဂ္ဂလိက ကိုယ်ပိုင်ကျောင်း ၆၀၀ ခန့်ရှိနေသည်။

မြန်မာနိုင်ငံလုံးဆိုင်ရာ ဆရာ၊ဆရာမများအဖွဲ့ချုပ် ပုဂ္ဂလိက ဆရာအစုအဖွဲ့၏ မှတ်တမ်းအရ တစ်နိုင်ငံလုံးရှိ ကိုယ်ပိုင်ကျောင်း များတွင် သင်ကြားနေသည့် ဆရာ၊ဆရာမ နှစ်သိန်းခန့်ရှိသည်။ တစ် နိုင်ငံလုံးတွင် ကိုယ်ပိုင်ကျောင်း ဆရာ မှတ်ပုံတင်လက်မှတ် လျှောက်ထားလိုသူ ခုနစ်သောင်း ကျော် ရှိနေသော်လည်း ပညာရေး ဝန်ကြီးဌာနက လက်မှတ်ချထား ပေးသည့် အရေအတွက်သည် လက်ရှိအချိန်အထိ ငါးထောင် ကျော်သာရှိသေးသည်။

‘‘ဖြစ်နေတဲ့ ပြဿနာက ကျောင်းတွေကျတော့ အများကြီး ဖွင့်ခွင့်ပေးထားတယ်။ ဒါပေမဲ့ သင်မယ့်ဆရာတွေကျတော့ လိုင်စင် တွေ သေချာချထားမပေးဘူး။ ပြီး ခဲ့တဲ့နှစ်တုန်းက ပိုက်ဆံတွေသွင်း ထားတယ်။ သူတို့ကိုယ်တိုင်ပဲ Pass ဖြစ်တယ်လို့ ပြောတယ်။ နေပြည်တော်အထိ ရောက်တယ် လည်း ပြောတယ်။ ၁၀ လလောက်ရှိနေပြီ စောင့်နေတာ။ အခုထိ လက်မှတ်မရသေးဘူး’’ဟု ဦးကျော်မင်း ခန့်က ပြောပြသည်။

လက်ရှိ ကိုယ်ပိုင်ကျောင်း ဥပဒေအရ ပါရဂူဘွဲ့ (သို့မဟုတ်) ပညာရေးဘွဲ့ရရှိသူ၊ ဘွဲ့တစ်ခုခုရ ရှိပြီး ဆရာအတတ်ပညာဆိုင်ရာ ဒီပလိုမာ (သို့မဟုတ်) လက်မှတ် ရရှိသူများကို ကိုယ်ပိုင်ကျောင်း ဆရာ မှတ်ပုံတင်လက်မှတ် ချက် ချင်းထုတ်ပေးမည်ဖြစ်သော်လည်း ဘွဲ့တစ်ခုခုသာရရှိပြီး ကိုယ်ပိုင် ကျောင်းဆရာလက်မှတ်လျှောက် ထားပါက ဘာသာရပ်ဆိုင်ရာ သင်ကြားမှုအတွေ့အကြုံ ငါးနှစ်ရှိရ မည်ဖြစ်သည်။ ဖြေလျှော့မှုတစ်ခု အနေဖြင့် ဘွဲ့တစ်ခုခုရထားသော် လည်း ပညာရေးဝန်ကြီးဌာနက ဖွင့် လှစ်ထားသော ရက်တိုသင်တန်း ဆင်း လက်မှတ်ရရှိထားပါက ကိုယ်ပိုင်ကျောင်းဆရာမှတ်ပုံတင် လက်မှတ်ထုတ်ပေးမည်ဟု ကိုယ် ပိုင်ကျောင်းဥပဒေတွင် ဖော်ပြ ထားသည်။

သို့သော် ပညာရေးဝန်ကြီး ဌာနက အဆိုပါရက်တိုသင်တန်း ကို ကိုယ်ပိုင်ကျောင်းမှတ်ပုံတင် ဥပဒေပြဋ္ဌာန်းပြီးကတည်းက တစ် ကြိမ်သာ ဖွင့်လှစ်ပေးခဲ့သည်။ ၂၀၁၂ က ဖွင့်လှစ်သော ရက်တို သင်တန်းကို တက်ရောက်ခွင့်ရသူ အနည်းငယ်သာ ကိုယ်ပိုင်ကျောင်း ဆရာမှတ်ပုံတင်လက်မှတ် ရရှိ ထားသော်လည်း နောက်ပိုင်းနှစ် များတွင် မှတ်ပုံတင်လျှောက်လိုသူ များသည် ငါးနှစ်ထောက်ခံချက်ကို သာ ပြည့်အောင်စုနေရသည့် သဘောဖြစ်သည်။

ယခု ပြဋ္ဌာန်းမည့် ပုဂ္ဂလိက ကျောင်းဥပဒေမူကြမ်းတွင်လည်း အသက်ဝင်ဆဲ ကိုယ်ပိုင်ကျောင်း ဥပဒေပါ သတ်မှတ်ချက်များအ တိုင်း ဆက်လက်ထည့်သွင်းထား သည်။

ထို့အပြင် ယင်းဥပဒေကြမ်း အောက်တွင် ကျောင်းအမျိုးအစား အစုံ ရောထည့်ပြီး ကြီးကြပ်ရေး အဖွဲ့တွင် ပြည်ထောင်စုအဆင့် ပုဂ္ဂိုလ်ပါဝင်လာ၍ လုပ်ငန်းမတွင် ကျယ်ခြင်း၊ ဗဟိုချုပ်ကိုင်မှုများ ခြင်းတို့ ကြုံတွေ့နိုင်ကြောင်း N3 နှင့် TSEC ကိုယ်ပိုင်ကျောင်းများ တည်ထောင်ထားသူ ဒေါက်တာ ညီညီနိုင်က ပြောသည်။

‘‘ကျောင်းအမျိုးအစားတွေ ရောထည့်လိုက်တော့ ကြီးကြပ်တဲ့ အဖွဲ့ ဥက္ကဋ္ဌကအစ ပြည်ထောင်စု ဝန်ကြီးနဲ့ လူတွေအများကြီးနဲ့ ဖွဲ့ ထားတယ်။ ကျောင်းသေးသေး လေးတွေက ဒီလောက်ထိ မလိုပေ မယ့် ပိုတင်းကျပ်လာတာ၊ ဗဟိုချုပ်ကိုင်မှု များလာတာပေါ့။ မြေနေရာသတ်မှတ်ချက် ကိစ္စကလည်း အခု ဘယ်လောက်နေရာရှိမှဆိုတာ မပါလာသေးဘူး။ မြေဧက ဘယ်လောက်ရှိရမယ်ဆိုတာပါလာရင် ရန်ကုန်လိုနေရာမျိုးမှာ တခြား ပုဂ္ဂလိကကောလိပ်တွေ၊ နိုင်ငံ တကာကျောင်းတွေက အဆင်ပြေ နိုင်ပေမယ့် SME လုပ်ငန်း ကိုယ်ပိုင်ကျောင်းလေးတွေက ဘယ်လိုမှ အဆင်မပြေဘူး’’ဟု ၎င်းကပြော သည်။

ပုဂ္ဂလိကကျောင်းဆရာမှတ် ပုံတင် သတ်မှတ်ချက်များကို လက်ခံနိုင်သော်လည်း ရက်တိုသင်တန်း ဖွင့်လှစ်မှုကို ပညာရေးဝန်ကြီးဌာနက ဥပဒေအတိုင်း အတိအကျ အ ကောင်အထည်ဖော်ရန်လိုကြောင်းပုဂ္ဂလိက ဆရာအသိုင်းအဝိုင်းက တောင်းဆိုသည်။

‘‘ဥပဒေမူကြမ်းမှာ သင်ကြား သူ ဆရာအားလုံးမှာ မှတ်ပုံတင် ရှိကိုရှိရမယ်ဆိုတဲ့ အနေအထား ဖြစ်လာတယ်။ ဥပဒေအရ လက် မှတ်ရှိပြီးသားသူတွေကိုပဲ ခန့်ခွင့်ရှိ တာ။ လက်မှတ်ရှိပြီးသား ဆရာ တွေကို ကျောင်းတွေက ဝိုင်းပြီးလု ကြတဲ့အခါ ရှိတဲ့အရေအတွက်က ကျောင်းအရေအတွက်နဲ့ နှိုင်းယှဉ် မယ်ဆိုရင် နည်းနေသေးတယ်။ ဥပဒေအရ အရေးယူမယ်ဆိုရင် မှတ်ပုံတင်လက်မှတ် လျှောက်ချင် သူတွေကိုလည်း လျှောက်နိုင် အောင် ဥပဒေက အာမခံပေးရမှာ’’ ဟု ကိုယ်ပိုင်ကျောင်း ဆရာများ အသင်းဥက္ကဋ္ဌ ဒေါက်တာဇီဝက ပြောသည်။

ဥပဒေအသစ် ပြဋ္ဌာန်းပြီးပါ က ပုဂ္ဂလိကကျောင်းဆရာများအ တွက် ရက်တိုသင်တန်းများ ဖွင့် လှစ်ခြင်းကို တိုင်းဒေသကြီးနှင့် ပြည်နယ်အလိုက် နီးစပ်ရာ ပညာ ရေးကောလိပ်များတွင် ကျောင်း ပိတ်ရက်များ၌ တစ်နှစ်လျှင် သုံး ကြိမ်ခန့် ဖွင့်လှစ်ပေးသင့်သည်ဟု ပုဂ္ဂလိကကျောင်းဆရာအချို့က အကြံပြုသည်။

မြန်မာနိုင်ငံလုံးဆိုင်ရာ ဆရာ၊ဆရာမများအဖွဲ့ချုပ်က ပုဂ္ဂလိက ကျောင်းဥပဒေမူကြမ်းနှင့် ပတ် သက်၍ ဆွေးနွေးပွဲတစ်ရပ်ကို ဒီ ဇင်ဘာ ၁၀ ရက်က ပြုလုပ်ခဲ့ပြီး ဥပဒေမူကြမ်းပါ အချက်အချို့ကို ပြင်ဆင်ပေးရန် ပုဂ္ဂလိကပညာ ရေးအသိုင်းအဝိုင်းရှိ ဆရာ၊ ဆရာမများထံမှ အကြံပြုချက်များ ရယူခဲ့ သည်။ အဆိုပါ အကြံပြုချက်များ ကို လွှတ်တော်နှင့် ပညာရေးဝန် ကြီးဌာနသို့ ပေးပို့မည်ဖြစ်သည်။ အကြံပြုချက်များတွင် ပုဂ္ဂလိက ကျောင်းဆရာများကို ထောင်ချနိုင် သည့် ပြစ်ဒဏ်များ ပယ်ဖျက်ရန် တောင်းဆိုထားသည်။

‘‘ဆရာတို့ကတော့ ဥပဒေရေးဆွဲပေးလိုက်တာပဲပေါ့။ ပြဋ္ဌာန်းမှာ က လွှတ်တော်က ပြဋ္ဌာန်းမှာဖြစ် တဲ့အတွက် ဘယ်သူပဲဖြစ်ဖြစ် လွှတ်တော်က အတည်မပြုခင်မှာ အကြံပြုချက်ပေးပို့ရင် လက်ခံစဉ်း စားပေးမှာပေါ့’’ဟု ပညာရေးဝန် ကြီးဌာန ပြောရေးဆိုခွင့်ရှိသူ ဒေါက်တာခိုင်မြဲက ပြောသည်။

‘‘ကျွန်တော်တို့အတွက် အ တော်ကို အန္တရာယ်ကြီးတဲ့ ဥပဒေ ဖြစ်နေတယ်။ စာသင်တဲ့ဆရာက လက်နက်လည်း မရှိဘူး။ ဆော့ဖ် ပင်၊ ဘောပင်၊ ခဲတံပဲရှိတယ်။ ဒါ တွေကို ရဲအရေးပိုင်အဖြစ် ဖော် ဆောင်ထားခြင်းဟာ ဆရာတွေကို ထောင်ကျသွားစေနိုင်တဲ့ဘက်ကို ဦးတည်တာ။ အဲဒါမျိုးတွေကို လက်မခံနိုင်ဘူး’’ဟု ဦးကျော်မင်း ခန့်က ဆိုသည်။

More in Education Section