ခရီးသွားလုပ်ငန်းမျက်နှာစာအသစ်

လွိုင်ကော်မြို့ရှိတောင်ကွဲစေတီရှေ့တွင် အမှတ်တရဓာတ်ပုံ ရိုက်ကူးနေသော ခရီးသွားဧည့်သည်များ ဓာတ်ပုံ − May Zin Win

လည်ပင်းနှင့် ခြေထောက် တို့တွင် ကြေးခွေများ ရစ်ပတ်ဝတ်ဆင်လေ့ ရှိသည့် အမျိုးသမီးများနေထိုင် သော တောင်ပေါ်ဒေသအဖြစ် လူ သိများသည့် မြန်မာနိုင်ငံရှိ ပြည် နယ်တစ်ခုသည် နှစ်အနည်းငယ် အတွင်း နိုင်ငံတကာခရီးသွားနယ် ပယ်၌ ဆုတံဆိပ်များရရှိခဲ့သလို နိုင်ငံခြားသားဧည့်သည်များကြား တွင်လည်း ခရီးစဉ်ဒေသသစ်တစ် ခုအဖြစ် လူသိများလာသည်။ 


 သဘာဝ အလှအပများရှိ သော်လည်း နယ်မြေလုံခြုံရေးနှင့် လမ်းပန်းဆက်သွယ်ရေးအခြေအ နေတို့ကြောင့် ခရီးစဉ်ဒေသတစ်ခု အနေဖြင့် သွားရောက်လည်ပတ် သူမရှိသလောက်နည်းပါးခဲ့သော ကယားပြည်နယ်သည် လက်ရှိ တွင် ခရီးသွားလုပ်ငန်းကို အလေး ပေးဖော်ဆောင်နေသော ပြည်နယ် စာရင်းတွင် ထိပ်ဆုံးက ပါဝင်လာ သည်။ 

နိုင်ငံတကာကုန်သွယ်မှုဗဟို ဌာန (ITC)နှင့် နယ်သာလန်နိုင်ငံ ရှိ ဖွံ့ဖြိုးဆဲနိုင်ငံများမှ သွင်းကုန် များမြှင့်တင်ရေးဗဟိုဌာန(CBI) တို့ ပူးပေါင်းအကောင်အထည် ဖော်ခဲ့သည့် ခရီးသွားကဏ္ဍစနစ် တကျဖွံ့ဖြိုးရေးသုံးနှစ်တာ စီမံ ကိန်းဖြင့် ကယားပြည်နယ်သည် နိုင်ငံတကာခရီးသွားနယ်ပယ်တွင် ထင်ရှားလာခဲ့သည်။ အဆိုပါစီမံ ကိန်းကို ၂၀၁၄ စက်တင်ဘာတွင် စတင်ခဲ့သည်။ 

ITC သည် ကယားပြည်နယ် ခရီးသွားလုပ်ငန်း ဖွံ့ဖြိုးရေးစီမံ ကိန်းကို ၂၀၁၄ သြဂုတ်မှ ၂၀၁၇ စက်တင်ဘာအတွင်း ကန်ဒေါ်လာ ၁ ဒသမ ၉ သန်းအသုံးပြုကာ လို အပ်သည့် အခြေခံအဆောက် အအုံနှင့် ခရီးသွားဖွံ့ဖြိုးရေးဆိုင်ရာ နည်းစနစ်များ ထောက်ပံ့ပေးခဲ့ပြီး နိုင်ငံတကာခရီးသွားနယ်ပယ်တွင် မိတ်ဆက်ပေးခဲ့သည်။ 

ကယားပြည်နယ်ရှိ တိုင်းရင်း သားကျေးရွာတစ်ရွာဖြစ်သော ပန် ပက်ကျေးရွာတွင် လူထုအခြေပြု ခရီးသွားလုပ်ငန်းကို ၂၀၁၄ က စတင်ခဲ့ပြီး ခရီးသွားလုပ်ငန်းကို စိတ်ဝင်စားသော ဒေသခံလူငယ် များအား ဧည့်လမ်းညွှန်သင်တန်း ပေးခြင်း၊ အစားအသောက်နှင့် ပတ်သက်၍ သင်တန်းပေးခြင်း၊ လက်မှုပစ္စည်းထုတ်လုပ်မှုသင် တန်းများပေးခြင်းတို့ကို ဆောင် ရွက်ခဲ့သည်။ 

ယင်းစီမံကိန်း၏ကနဦးအ ကျိုးခံစားမှုအနေဖြင့် ၂၀၁၆ မတ် လက ဂျာမနီနိုင်ငံ ဘာလင်မြို့ တွင် ကျင်းပသော ITB နိုင်ငံတကာခရီးသွားပြပွဲ၌ ကယားပြည်နယ် အကြောင်း ရိုက်ကူးထားသည့် မှတ်တမ်းရုပ်ရှင်ကို နိုင်ငံတကာ ခရီးသွားမှတ်တမ်းရုပ်ရှင် ၁၂၈ ကားနှင့်အတူ ပါဝင်ပြသခဲ့ရာ  အဆို ပါပြပွဲ၏အမြင့်ဆုံးဆု  Diamond Award 2016 ရရှိခဲ့သည်။ 

 အဆိုပါ ခရီးသွားပြပွဲတွင် ကယား ဝက်အူချောင်းနှင့်အတူ ကယားပြည်နယ် CBT လုပ်ငန်းများ လုပ်ဆောင်မှုကို ဈေးကွက်မြှင့်တင်ကြော်ငြာခဲ့ရာ နိုင်ငံတကာ ခရီးသွားများ၏စိတ်ဝင်စားမှု ရရှိ ခဲ့သည်။ 

ထို့ပြင် ၂၀၁၇ အာဆီယံခရီး သွားဖိုရမ်တွင်လည်း ကယားပြည် နယ် CBT ခရီးစဉ်က ဆုထပ်မံရခဲ့ သည်။ 

‘‘အဲဒီကာလတွေမှာ မြန်မာ နိုင်ငံအတွင်းမှာရော ကမ္ဘာကပါ ကယားပြည်နယ်ကို ပိုပြီးသိလာခဲ့ တယ်’’ဟု လွိုင်ကော်ဟိုတယ်နှင့် ခရီး ညွှန်ကြားမှုဦးစီးဌာန ညွှန် ကြားရေးမှူး ဦးလင်းဇော်ထွဋ်က ဆိုသည်။ 

ကယားပြည်နယ်၌ လူထုအ ခြေပြုခရီးသွားလုပ်ငန်း CBT ကို တိုင်းရင်းသားများ၏ရိုးရာယဉ် ကျေးမှုဓလေ့များအား အခြေခံ၍ လေ့လာနိုင်ရန် ပြုလုပ်ထားပြီး ဒီးမော့ဆိုမြို့နယ်ရှိ ပန်ပက်နှင့် တနီးလာလဲကျေးရွာတို့တွင် ကန ဦး အကောင်အထည်ဖော်ခဲ့ရာ လက်ရှိတွင် ကျေးရွာလေးခုအထိ တိုးချဲ့ လေ့လာနိုင်စေရန် ခရီးစဉ်များ ဖော်ထုတ်ပေးထားကြောင်း ပြည်နယ်အခြေစိုက် ခရီးသွားလုပ်ငန်းရှင်များက ဆိုသည်။ 

 အဆိုပါ ခရီးစဉ်များသည် ယခင်က နိုင်ငံခြားသားဧည့်သည် များသွားရောက်လေ့လာရုံသက် သက်သာဖြစ်ခဲ့ပြီး ITC စီမံကိန်း လုပ်ဆောင်ပြီး နောက်ပိုင်း ဒေသခံ များအတွက် ဝင်ငွေရရှိနိုင်မည့် လုပ်ငန်းများ ဖော်ဆောင်နိုင်ခဲ့ သည်။ 

‘‘အရင်က ခရီးစဉ်ရှိတဲ့ရွာ တွေဆိုရင် လှည့်ပတ်လေ့လာပြီး ဓာတ်ပုံရိုက်ရုံလောက်ပဲရှိတာ၊ နောက်ပိုင်းတော့ ပိုပြီး ဆွဲဆောင်မှု ရှိအောင် ရွာသားတွေကို သင်တန်း ပေးပြီး ဧည့်လမ်းညွှန်သုံးပေး တယ်။ ထမင်းကိုလည်း နိုင်ငံခြား သားတွေစားလို့အဆင်ပြေအောင် သင်တန်းပေး ချက်ခိုင်းပြီး ပြန် ရောင်းတယ်။ လက်မှုပစ္စည်းတွေ လည်း လုပ်တတ်အောင်သင်တန်း ပေးပြီး ပြန်ရောင်းနိုင်အောင် လုပ် ပေးတာပေါ့’’ဟု ကယားပြည်နယ်  တွင် CBT ခရီးစဉ်များ စီစဉ်ပေး နေသည့် 9Generation Force ခရီးသွားလုပ်ငန်းမန်နေဂျင်းဒါရိုက်တာ ဦးနေမိုးအောင်က ပြောသည်။ ၂၀၁၄ က ကယားပြည်နယ် သို့ လာရောက်သော ပြည်တွင်း ခရီးသွားတစ်သောင်းကျော်နှင့် နိုင်ငံခြားသားဧည့်သည် ၂,၆၀၀ ကျော်သာရှိခဲ့ပြီး ခရီးစဉ်သစ်များဖော် ဆောင်ပြီးနောက် ခရီးသွားဝင် ရောက်မှုတဖြည်းဖြည်းတိုးတက် လာသည်။ 

၂၀၁၅ တွင် ပြည်တွင်းဧည့် သည် ၁၃၇၇၈ ဦး၊ ပြည်ပဧည့် သည် ၃၉၃၃ ဦး၊ ၂၀၁၆ တွင် ပြည် တွင်းဧည့်သည် ၁၆၉၉၄ ဦး၊ ပြည် ပဧည့်သည် ၆၃၇၄ ဦးဝင်ရောက် ခဲ့ပြီး ၂၀၁၇ နှစ်ကုန်ပိုင်းတွင်မူ ပြည်တွင်းခရီးသွားသုံးသောင်း ကျော်နှင့် နိုင်ငံခြားသားဧည့်သည် ကိုးထောင်ခန့်အထိ တိုးတက်လာ ကြောင်း ဟိုတယ်နှင့် ခရီးသွားလာ ရေးညွှန်ကြားမှုဦးစီးဌာန လွိုင်ကော်ရုံး၏ စာရင်းများ၌ ဖော်ပြထားသည်။  ‘‘အခုဆိုရင် ခရီးသွားဝင် ရောက်မှုက လေးဆလောက်အ ထိ တက်လာပါပြီ’’ဟု ဦးလင်းဇော် ထွဋ်က ဆိုသည်။ 

ခရီးသွား ဝင်ရောက်မှု တိုး တက်လာခြင်းနှင့်အတူ နိုင်ငံခြား သားများတည်းခိုနိုင်မည့်ဟိုတယ် များလည်း ပိုမိုများပြားလာခဲ့သည်။ ၂၀၁၄ တွင် ကယားပြည်နယ်၌  နိုင်ငံခြားသားများတည်းခိုနိုင်မည့် ဟိုတယ်ငါးလုံးသာရှိခဲ့ရာမှ ၂၀၁၇ တွင် ဟိုတယ် ၁၇ လုံးအထိရှိလာ ကြောင်း ဟိုတယ်နှင့် ခရီးသွားလာ ရေးညွှန်ကြားမှုဦးစီးဌာန လွိုင် ကော်ရုံး၏စာရင်းများ၌ ဖော်ပြ ထားသည်။ 

ကယားပြည်နယ်တွင် ITC ၏ ကူညီမှုဖြင့် ခရီးသွားဖွံ့ဖြိုးရေးစီမံ ကိန်းဆောင်ရွက်ခဲ့ပြီး ပြည်နယ် အစိုးရနှင့် ဟိုတယ်ခရီးညွှန်ကြားမှု ဦးစီးဌာနတို့ ပူးပေါင်းကာ ခရီးစဉ်သစ်များ ဖော်ဆောင်နေကာ လမ်းပန်းဆက်သွယ်ရေးကောင်းမွန်ရန် လည်း စီမံချက်များဖြင့် အကောင်အထည်ဖော်နေကြောင်း ပြည်နယ်အစိုးရက ထုတ်ပြန်ထားသည်။ 

ခရီးစဉ်သစ်ဖော်ဆောင်မှုအ ဖြစ် အနှစ် ၂၀ ခန့်ပိတ်ထားခဲ့သော မိုးဗြဲဆည်ရေတံခါးကို ပြန်ဖွင့်ကာ မြန်မာနိုင်ငံ၏အဓိကခရီးစဉ်များ ထဲမှ တစ်ခုဖြစ်သည့်အင်းလေးဒေ သနှင့် တစ်ဆက်တည်းသွားရောက်လည်ပတ်နိုင်ရန် ၂၀၁၇ နိုဝင်ဘာတွင် စတင်ဆောင်ရွက်ခဲ့သည်။ 
‘‘အရင်တုန်းက အင်းလေးနဲ့ လွိုင်ကော်တိုက်ရိုက်သွားလို့ရပေ မယ့် မိုးဗြဲဆည်က ရေတံခါးက ကြံ့ခိုင်မှုအားနည်းတာကြောင့် ပိတ်ထားခဲ့တာ နှစ် ၂၀ လောက် ရှိပြီ။ အဲဒါကို မနှစ်က ရေတံခါးကို ပြန်ပြုပြင်ခဲ့ပြီး လွိုင်ကော်နဲ့ အင်း လေးကို ကမ္ဘာလှည့်ခရီးသည်တွေ သွားလည်ချင်တဲ့အခါ အပျော်စီး လှေတွေနဲ့ ရေလမ်းကြောင်းကနေ ခရီးစဉ်သစ်တစ်ခုအနေနဲ့ ပြန် လည် စတင်နိုင်ဖို့ လုပ်ခဲ့တာဖြစ်ပါ တယ်’’ဟု ဦးလင်းဇော်ထွဋ်က ပြောသည်။ 

ကယားပြည်နယ်သို့ လာ ရောက်လည်ပတ်သော နိုင်ငံခြား သားခရီးသွားများသည် အင်းလေး မှ တစ်ဆင့် အများဆုံးလာရောက် ခြင်းဖြစ်ရာ ရေလမ်းကြောင်းခရီး စဉ်သစ်စီစဉ်ပေးခြင်းဖြင့် ခရီးသွား များတိုးတက်ဝင်ရောက်လာနိုင် ကြောင်း ခရီးသွားလုပ်ငန်းရှင်များ က သုံးသပ်သည်။ 

‘‘သူက ရှမ်းပြည်နယ်နဲ့ ကယားပြည်နယ် ပြည်နယ်နှစ်ခု ပေါင်းထားတဲ့ ထူးခြားတဲ့ ခရီးစဉ် ပေါ့။ ရှမ်းပြည်နယ်ကနေ ကယား ပြည်နယ်ကို ရေလမ်းကြောင်းတစ် လျှောက်မှာလည်း ဝါးပင်တွေ၊ စိုက်ခင်းတွေနဲ့ အင်မတန်လှ တယ်။ လမ်းကြောင်းက အင်းလေးကန်ရယ်၊ မိုးဗြဲဆည်ရယ် ဆက်စပ် ပြီးတော့ တောက်လျှောက်ရေ လမ်းပေါက်သွားပြီး လည်ပတ်ခွင့် ရလိုက်တာပါ’’ဟု Nature Dreamခရီးသွားလုပ်ငန်း မန်နေဂျင်း ဒါရိုက်တာ ဒေါ်စံပယ်အောင်က အဆိုပါခရီးစဉ်သစ်နှင့်ပတ်သက် ၍ မှတ်ချက်ပြုသည်။ 

လက်ရှိတွင် ကယားပြည်နယ် ၌ တောင်ကွဲစေတီ၊ မြို့နာမ်စေ တီ၊ စော်ဘွားများနေထိုင်ခဲ့ရာ ကန္ဒာရဝတီဟော်နန်း၊ ကျတ်ဂူ စသည်တို့သို့ သွားရောက်လည် ပတ်နိုင်ပြီး CBT ကျေးရွာခရီးစဉ် များ အပါအဝင် ခရီးစဉ်သစ် ခြောက်ခုခန့်အထိ ဖော်ထုတ်ထား သည်။

ထို့ပြင် လွိုင်ကော်မြို့ကို ဖြတ်၍ စီးဆင်းနေသော ဘီလူးချောင်း အတွင်း အပျော်စီးလှေစီးရင်း မြို့ အလှကို ကြည့်ရှုခံစားနိုင်မည့်အစီ အစဉ်သစ်တစ်ခုကိုလည်း ဇန်နဝါ ရီ ၁၃ ရက်တွင် ကျရောက်သော ကယားပြည်နယ်နေ့၌ စတင်မိတ် ဆက်ခဲ့သည်။ ဧည့်သည်များ အပန်းဖြေလည်ပတ်နိုင်ရန် နောင်ယားကန်ဘေးတွင် ညဈေးတစ်ခု ဖွင့်လှစ်ရန်လည်း စီစဉ်နေကြောင်း ဦးလင်းဇော်ထွဋ်က ဆိုသည်။

ကယားပြည်နယ်သည် ထိုင်း နိုင်ငံနှင့် နယ်နိမိတ်ချင်းထိစပ်နေ သဖြင့် ထိုင်းနိုင်ငံဘက်မှ နိုင်ငံခြား သားဧည့်သည်များ တိုက်ရိုက်လာ ရောက်လည်ပတ်နိုင်ရန် ထိုင်း-မြန်မာနယ်စပ်ဝင်ပေါက်ကို ဖွင့် လှစ်ပေးရန် ဒေသတွင်းခရီးသွား လုပ်ငန်းရှင်များက လိုလားနေ သည်။  

အဆိုပါကိစ္စနှင့်ပတ်သက်၍ ပြည်ထောင်စု အစိုးရထံ တင်ပြ ကာ အကောင်အထည်ဖော်နိုင်ရန် ဆောင်ရွက်နေပြီး ၂၀၁၇ ဒီဇင်ဘာ အတွင်းက ကယားပြည်နယ်သို့ လာရောက်သော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံ တင်ပြထားကြောင်း၊ မကြာမီ ဖွင့်လှစ်နိုင်မည်ဟု ခန့်မှန်းထားကြောင်း ဦးလင်းဇော်ထွဋ်က ပြောသည်။ 

‘‘နယ်စပ်ဝင်ပေါက်ပွင့်သွား မယ်ဆိုရင် နိုင်ငံတကာခရီးသွား ဧည့်သည်တွေဟာ ရန်ကုန်ကနေ လာရောက်လည်ပတ်တာရှိမှာဖြစ် သလို ထိုင်းဘက်နေလည်း ဝင်လာတာရှိမှာ ဖြစ်တဲ့အတွက် ကယားပြည်နယ်က ခရီးသွားတွေဝင်ထွက်သွားလာရာ အဓိကဆုံချက်တစ်ခုတောင် ဖြစ်လာနိုင်ပါတယ်’’ဟု Amazing Kayah Travel and Tour မန်နေဂျင်း ဒါရိုက်တာဒေါ်ဇွန်ဇွန်ပြည့်ဖြိုးက သုံးသပ်သည်။   ။


ရိုးရာလက်မှုပစ္စည်းကို  လက်တွေ့ပြုလုပ် ပြသနေစဉ်
ဓာတ်ပုံ − May Zin Win