နှာခေါင်းလန်မျောက်များကို မျိုးပြုန်းတီးလုနီးပါး ခြိမ်းခြောက်မှုအန္တရာယ်မှ လျှော့ချနိုင်ခဲ့

သစ်ပင်ပေါ်တွင် မြင်ရသော နှာခေါင်းလန်မျောက်တစ်ကောင် Zuofu Xiang

သဘာဝပတ်ဝန်းကျင်ထိန်း သိမ်းရေး နယ်မြေသတ်မှတ်ခြင်း နှင့် နယ်စပ်ဖြတ်ကျော် ပူးပေါင်း ဆောင်ရွက်မှုများကြောင့် ရှားပါး စာရင်းဝင် နှာခေါင်းလန်မျောက် များ မျိုးပြုန်းတီးလုနီးပါး ခြိမ်း ခြောက်မှုအန္တရာယ်မှ လျော့ကျ လာသည်ဟု  အပြည်ပြည်ဆိုင်ရာ တောရိုင်းတိရစ္ဆာန်နှင့် သစ်ပင် ပန်းမန်များအဖွဲ့ (FFI)မှ သဘာဝ ပတ်ဝန်းကျင်နှင့် ဇီဝမျိုးကွဲများ ထိန်းသိမ်းစောင့်ရှောက်ရေး ကျွမ်း ကျင်ပညာရှင် ဦးငွေလွင်ကပြော ကြားသည်။


နှာခေါင်းလန်မျောက်များ၏ ကောင်ရေကို တိကျစွာ ထုတ်ပြန် နိုင်ခြင်းမရှိသေးသော်လည်း ၎င်း တို့ နေထိုင်ကျက်စားမှုကို ခြိမ်းခြောက်နေသည့် အန္တရာယ် လျှော့ကျလာ၍ မျိုးစိတ်တိုးတက်ရှင်သန်ရေး အလားအလာကောင်းများ ရှိကြောင်း ဦးငွေလွင်ကပြောသည်။

‘‘အကောင်ရေတိုးလာတယ်၊ လျော့သွားတယ်ဆိုတာထက် သူ့ရဲ့ပြဿနာကတော့ လျော့သွား တယ်’’ဟု ဦးငွေလွင်ကပြောသည်။

အရှေ့ဟိမဝန္တာဒေသ၊ မြန်မာနိုင်ငံ ကချင်ပြည်နယ်ဒေသများနှင့် တရုတ်နိုင်ငံ ယူနန်ပြည်နယ်ဒေသများအတွင်း သွားလာ ကျက်စားသည့် မြန်မာ့နှာခေါင်း လန်မျောက်များသည် အမဲလိုက် ခြင်းနှင့် တောရိုင်းတိရစ္ဆာန် တရား မဝင် ရောင်းဝယ်ခြင်း၊ တရားမဝင် သစ်ခုတ်လှဲခြင်း၊ သစ်တောပြုန်း တီးခြင်း စသည့်နည်းလမ်းများဖြင့် ခြိမ်းခြောက်ခံနေရပြီး ယင်း အချက်များသည် ရေအားလျှပ် စစ်စီမံကိန်းနှင့် နှီးနွှယ်သော အ ခြေခံအဆောက်အအုံများ ဖွံ့ဖြိုး ရေးတို့နှင့် ဆက်စပ်နေသည်ဟုဆိုသည်။

ဒေသခံ ပြည်သူလူထု အခြေ ပြု ထိန်းသိမ်းစောင့်ရှောက်ခြင်း ပညာပေးလှုပ်ရှားမှုများကြောင့် ကချင်ပြည်နယ်အတွင်း အမဲလိုက် ခြင်းကို ကာလတိုလျှော့ချနိုင်ခဲ့ပြီး ၂၀၁၅ က လက်မှတ်ရေးထိုးခဲ့ သော နှာခေါင်းလန်မျောက်မျိုး စိတ်များကို နယ်စပ်ဖြတ်ကျော် ထိန်းသိမ်းစောင့်ရှောက်ရေး သဘောတူညီမှုကြောင့် နယ်စပ်ဖြတ်ကျော် တောရိုင်းတိရစ္ဆာန် တရားမဝင် ရောင်းဝယ်ခြင်းနှင့် တရားမဝင် သစ်ပင်ခုတ်လှဲခြင်းများ လျှော့ချနိုင်ခဲ့သည်။

နှာခေါင်းလန် မျောက်များ ထိန်းသိမ်းစောင့်ရှောက်ရန် မြန် မာနိုင်ငံတွင် အီမောဘွန်းအမျိုးသား ဥယျာဉ်နှင့် တရုတ်နိုင်ငံ၌ နွီကျန်းတော်ဝင်တောင်ကြား အမျိုးသား ဥယျာဉ်ကိုကာကွယ်စောင့်ရှောက် ရေးနယ်မြေအသစ်အဖြစ် နှစ်ဦး နှစ်ဖက်တိုးချဲ့သတ်မှတ်ခဲ့သည်။ နှာခေါင်းလန်မျောက်များ ကျက်စားရာ အီမောဘွန်းဘေးမဲ့ တောကို အမျိုးသားဥယျာဉ်အဖြစ် ရည်ရွယ်ကြောင်း ၂၀၁၆ က ကြေညာခဲ့ပြီး ယခုနှစ်အတွင်း သဘာဝ ထိန်းသိမ်းရေး နယ်မြေ အသစ်အဖြစ် ဝန်ကြီးဌာနက ကြေ ညာနိုင်ဖွယ်ရှိသည်။

‘‘သဘာဝ ထိန်းသိမ်းရေး နယ်မြေသတ်မှတ်ခြင်းနဲ့ နယ်စပ် ဖြတ် ပူးတွဲဆောင်ရွက်ခြင်းတွေကို တက်ကြွစွာ ပူးပေါင်းဆောင်ရွက် မယ့် ဒေသခံ တိုင်းရင်းသားတွေနဲ့ အတူ ဆောင်ရွက်သွားမှာပါ။ ဒီလို ဆောင်ရွက်ရာမှာ ဇီဝမျိုးစုံ ထိန်း သိမ်းဆောင်ရွက်ရေးနဲ့ ရေရှည် တည်တံ့မယ့် စီးပွားရေးဖွံ့ဖြိုးတိုး တက်မှုတွေကိုလည်း တစ်ပါတည်း ဆောင်ရွက်သွားမှာ ဖြစ်ပါတယ်’’ဟု FFI  ဒါရိုက်တာဖရန့် မွန်းဘတ်က ပြောသည်။

မျိုးပြုန်းတီးလုနီးပါး ဖြစ် သည့် မြန်မာ့နှာခေါင်းလန်မျောက် မျိုးစိတ်ကို ၂၀၁၀ တွင် FFI မှ သဘာဝပတ်ဝန်းကျင်နှင့် ဇီဝမျိုး ကွဲများ ထိန်းသိမ်းစောင့်ရှောက် ရေး ကျွမ်းကျင်ပညာရှင် ဦးငွေ လွင်က ရှာဖွေတွေ့ရှိခဲ့ပြီး နောက် နှစ်တွင် တရုတ်နိုင်ငံမှ ကျွမ်းကျင် ပညာရှင်များက မြန်မာနိုင်ငံနှင့် ဆက်စပ်နေသည့် ယူနန်ပြည်နယ် ရှိ သစ်တောများအတွင်း တွေ့ရှိခဲ့ သည်။