မသန်စွမ်းသူများ ဘ၀ဖွံ့ဖြိုးတိုးတက်ရေး အလုပ်အကိုင်ဖန်တီးပေးသင့်ဟုဆို

မသန်စွမ်းသူတစ်ဦးတစ် ယောက်ကို သနားကရုဏာထား တတ်သည့်စိတ်ရှိနေခြင်းထက် ၎င်းတို့ဘ၀ ဖွံ့ဖြိုးတိုးတက်ရေး အလုပ်အကိုင်အခွင့်အလမ်းများ ဖန်တီးပေးသင့်ကြောင်း စစ်ကိုင်း တိုင်းဒေသကြီးအစိုးရအဖွဲ့ လူမှု ရေးဝန်ကြီးဒေါက်တာဇော်ဝင်းက ပြောသည်။

မုံရွာမြို့ဝင်းယူနတီဟိုတယ် ကန်သာယာခန်းမ(၁)တွင် ဇန်န ၀ါရီ ၁၉ ရက်ကကျင်းပသော နိုင် ငံသားမသန်စွမ်းသူများအလုပ်အ ကိုင်အခွင့်အလမ်းရရှိစေရေးနှင့် လုပ်ငန်းခွင်ဝင်ရောက်မှုတိုးမြှင့်ရ ရှိစေရေး အသိပညာပေးတွေ့ဆုံ ဆွေးနွေးပွဲတွင် ဒေါက်တာဇော် ၀င်းက ပြောကြားခြင်းဖြစ်သည်။

‘‘မသန်စွမ်းသူတစ်ဦးတစ် ယောက်ကိုကြည့်ပြီး သနားကရု ဏာသက်တဲ့ စိတ်ခံစားမှုရှိနေတာ ထက်စာရင် သူတို့ဘ၀ဖွံ့ဖြိုးတိုး တက်ရေးအတွက် အလုပ်အကိုင် အခွင့်အလမ်းဖန်တီးပေးအပ်ခြင်း ကသာ နှစ်ဦးနှစ်ဖက်စလုံးအ တွက် ကြီးမားတဲ့အကျိုးကျေးဇူး ရရှိစေမယ်’’ ဟု ၎င်းကပြောသည်။

၂၀၁၄ သန်းခေါင်စာရင်းစစ် တမ်းအရ တစ်နိုင်ငံလုံးရှိ လူဦးရေ ၏ ၄ ဒသမ ၆ ရာခိုင်နှုန်း(၂၃ သိန်း)သည် မသန်စွမ်းသူများဖြစ် ၍ ၎င်းတို့၏လူ့စွမ်းအားအရင်းအ မြစ်ကို လျစ်လျူရှုထားလျှင် နိုင်ငံ ဖွံ့ဖြိုးတိုးတက်ရေးလုပ်ငန်းစဉ် များ နှောင့်နှေးကြန့်ကြာနိုင် ကြောင်း ၎င်းကပြောသည်။

မြန်မာနိုင်ငံ မသန်စွမ်းသူ များအသင်းချုပ်အတွင်းရေးမှူးဦး မြတ်သူဝင်းက ‘‘မြင့်မားတဲ့မသန် စွမ်းသူရှိလာရင် အသိအမှတ်ပြု ရမယ်။ အသုံးပြုရမယ်။ သူတို့ကို နေရာပေးရမယ်။ သူတို့ရဲ့စွမ်း ရည်ကို အသုံးပြုရမယ်။ အဲဒါဆို ရင် နိုင်ငံအတွက်၊ အဖွဲ့အစည်း အတွက် မသန်စွမ်းသူတွေအ တွက် ပိုပြီးကောင်းမွန်တဲ့ဘ၀ကို တည်ဆောက်နိုင်မှာဖြစ်ပါတယ်’’ ဟု ပြောသည်။

မသန်စွမ်းသူများ အလုပ် အကိုင်အခွင့်အလမ်းဆိုင်ရာအ တားအဆီးများအဖြစ် ပညာရေး၊ ကျွမ်းကျင်မှု၊ သတင်းအချက်အ လက်နှင့် ဆက်သွယ်မှု၊ သွားလာ မှု၊ မူဝါဒပိုင်း၊ သဘောထားအမြင် ပိုင်းနှင့် ရုပ်ပိုင်းဆိုင်ရာအတားအ ဆီးခုနစ်ချက်ကို ရင်ဆိုင်နေရ ကြောင်း ဦးမြတ်သူဝင်းက ပြော သည်။