နိုင်ငံတစ်ဝန်းရှိ ကျေးရွာ ၁,၀၀၀ တွင် ကျေးရွာဖွံ့ဖြိုးရေးစီမံကိန်း ဆောင်ရွက်မည်

ကျေးရွာဖွံ့ဖြိုးရေး စီမံ ကိန်းကို တစ်နိုင်ငံလုံးရှိ ကျေးရွာ ၁,၀၀၀ တွင် ဆောင်ရွက်မည်ဖြစ်ပြီး တစ်ရွာလျှင် ကျပ်သိန်း ၁၀၀စီ ထောက်ပံ့မည်ဖြစ်ကြောင်း မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်က ပြောကြားသည်။

ဇန်နဝါရီ ၁၈ ရက်က မန္တလေးတိုင်းဒေသကြီး ကျောက်ဆည် ခရိုင် မြစ်သားမြို့နယ်တွင် ကျင်းပ သော ကျေးရွာဖွံ့ဖြိုးရေးစီမံကိန်း ရန်ပုံငွေ လွှဲပြောင်းပေးအပ်ပွဲ အ ခမ်းအနား၌ ၎င်းကအထက်ပါ အတိုင်း ပြောကြားသည်။

ရရှိမည့် ထောက်ပံ့ငွေ ကျပ် သိန်း ၁၀၀ ဖြင့် ကျေးရွာသူ၊ ကျေးရွာသားများကိုယ်တိုင် စီမံကိန်းရေးဆွဲရာတွင် ပါဝင်ပြီး လမ်း၊ တံတားလုပ်ငန်း၊ ရေပေးဝေရေး၊ မီးလင်းရေလုပ်ငန်း၊ ပညာရေး၊ ကျန်းမာရေးကဏ္ဍအစ ရှိသည့် ကျေးရွာ ဖွံ့ဖြိုးရေးလုပ်ငန်းများ ဆောင်ရွက်ရမည် ဖြစ်ကြောင်း၊ ထိုသို့ ဆောင်ရွက်ရာတွင် စံချိန်စံညွှန်းများနှင့်အညီ ဆောင်ရွက်ရန်၊ ပွင့်လင်းမြင်သာစွာနှင့် အားလုံးပူးပေါင်းပါဝင်သည့် စနစ်ကို အလေးထားရန် ဝန်ကြီးချုပ်က တိုက်တွန်းပြောကြားသည်။

မြန်မာနိုင်ငံတွင် ကျေးရွာ ခြောက်သောင်းကျော်ရှိပြီး ကျေး ရွာဖွံ့ဖြိုးရေး စီမံချက်ရေးဆွဲခြင်း ကို ကျေးလက်ဒေသဖွံ့ဖြိုးတိုး တက်ရေး ဦးစီးဌာနနှင့် အသက် မွေးဝမ်းကျောင်းနှင့် စားနပ်ရိက္ခာ ဖူလုံမှု ရန်ပုံငွေအဖွဲ့ (LiftFund) တို့ ပူးပေါင်းကာ ၂၀၁၅-၁၆ ဘဏ္ဍာရေးနှစ်တွင် စတင်ဆောင် ရွက်ခဲ့သည်။ ကနဦးတွင် နေပြည် တော်ကောင်စီနယ်မြေနှင့် ပြည် နယ်နှင့်တိုင်းဒေသကြီး ၁၄ ခုရှိ မြို့နယ် ၃၄ မြို့နယ်မှကျေးရွာ ၁၇၀၊ ၂၀၁၆-၁၇ ဘဏ္ဍာရေး နှစ်တွင် မြို့နယ် ၂၀ မြို့နယ်မှ ကျေးရွာ ၃၄၀ စုစုပေါင်းကျေးရွာ ၅၁၀ ၌ ကျေးရွာဖွံ့ဖြိုးရေးစီမံကိန်း ရေးဆွဲပြီးနောက် ကျေးရွာတစ်ရွာ လျှင် ထောက်ပံ့ငွေကျပ်သိန်း ၅၀ ဖြင့် အကောင်အထည်ဖော် ခဲ့သည်။၂၀၁၇-၁၈ ဘဏ္ဍာရေးနှစ် ၌ တစ်နိုင်ငံလုံးအတိုင်းအတာဖြင့်ကျေးရွာ ၁,၀၀၀ ကို ကျပ်သိန်း တစ်ရာနှုန်း ထောက်ပံ့မည်ဖြစ်သည်။