မန္တလေးတိုင်း၏ ဘတ်ဂျက်အသုံးစရိတ်များ စိစစ်ရာတွင် အချိန်မလုံလောက်၍ လေလွင့်မှုများရှိနေဟုဆို

ဘတ်ဂျက်အသုံးစရိတ်များ ပွင့်လင်းမြင်သာရေး ဖိုရမ်ကျင်းပနေစဉ် (ဓာတ်ပုံ − နိုင်လင်းအောင်)

မန္တလေးတိုင်းဒေသကြီး အတွင်း ဒေသန္တရစီမံကိန်းများ အတွက် ဘဏ္ဍာရေးနှစ်တစ်နှစ် စာ ဘတ်ဂျက် အသုံးစရိတ်များ စစ်ဆေးရန် လွှတ်တော်ကိုယ်စား လှယ်များသည် အချိန်သုံးရက်ခန့် သာရသဖြင့် စနစ်တကျစစ်ဆေး နိုင်မှုမရှိဘဲ လစ်ဟင်းမှုနှင့် လေ လွင့်မှုများရှိနေကြောင်း မန္တလေး တိုင်းဒေသကြီးလွှတ်တော် ဒေ သန္တရစီမံကိန်း အရအသုံးငွေစာ ရင်းနှင့် ဘဏ္ဍာရေးဆိုင်ရာကော် မတီဥက္ကဋ္ဌ ဦးအောင်ကြည်က ပြောကြားသည်။

‘‘ဘတ်ဂျက်(အရအသုံးငွေ စာရင်း)တွေကို ကျွန်တော်တို့အ မှန်တကယ်စစ်ဆေးရတဲ့အချိန်က သုံးရက်ပဲရှိတဲ့အတွက် အင်မ တန်မှနည်းပါတယ်။ ကော်မတီ အနေနဲ့ ရှိတဲ့လူနဲ့မလုံလောက်တဲ့ အတွက် ကိုယ်စားလှယ်အားလုံး က ၀ိုင်းဖွဲ့ပြီး ဒီဘတ်ဂျက်တွေကို စစ်ဆေးပေမယ့် လုံလောက်မှုမရှိ ပါဘူး။ ကသုတ်ကရက်စစ်ဆေး တဲ့အခါမှာ လစ်ဟင်းမှုတွေအများ ကြီးရှိနေပါတယ်’’ ဟု ဦးအောင်ကြည်ကပြောသည်။

လွှတ်တော်ကိုယ်စားလှယ်များသည် ဒေသန္တရာစီမံကိန်းများ နှင့် ဘတ်ဂျက်အသုံးစရိတ်များကို အချိန်ယူစစ်ဆေးကာ ဘဏ္ဍာငွေအလေအလွင့် မဖြစ်စေရေးစိစစ်ဆောင်ရွက်ရမည်ဖြစ်သည်။

‘‘ဘတ်ဂျက်အသုံးစရိတ် တွေက စာအုပ်ပေါင်း ၇၀ လောက်ရှိတဲ့အတွက် သုံးရက်ဆို တာ စာရွက်တွေလှန်တာနဲ့ကို မပြီးပါဘူး။ ဘတ်ဂျက်တင်ပြတဲ့ အခါမှာလည်း ဒေသပေါက်ဈေး ကြောင့် ငွေကြေးတွေက အများ ကြီးပြောင်းလဲနေပါတယ်။ ဥပမာ အုတ်တစ်ချပ်ဆိုရင် ၈၀ ကျပ် လောက်ရှိရမှာကို အများဆုံးဈေး ဖြစ်တဲ့ ၁၅၀ လောက်နဲ့ တွက် ထားပါတယ်။ အဲဒီတော့ ဒီဟာ တွေက ဘတ်ဂျက်မှာလေလွင့်မှုတွေအများကြီးဖြစ်နေပါသေးတယ်’’ ဟု ဦးအောင်ကြည်က ပြောသည်။

ဇန်န၀ါရီ ၁၉ ရက်က မန္တ လေးမြို့ ဟိုတယ်မန္တလေးတွင်ပြု လုပ်သည့် အစိုးရ၏ဘတ်ဂျက် အသုံးစရိတ်များနှင့် ပြည်သူ့ ဘဏ္ဍာစီမံခန့်ခွဲမှုအချက်အလက် များ ပိုမိုပွင့်လင်းမြင်သာမှုရှိရေး ဆွေးနွေးပွဲ၌ ဦးအောင်ကြည်က အထက်ပါအတိုင်း ပြောကြား သည်။ ‘‘ဘတ်ဂျက်တွေကစစ်ရတာ နောက်ကျတယ်လို့ ပြောပါတယ်။  ဟုတ်ပါတယ်။ မနက်ပိုင်းပဲကက် ဘိနက်(အစိုးရအဖွဲ့အစည်းအ ဝေး)ထိုင်ပြီး နေ့လယ်ပိုင်းမှာ လုပ်လိုက်ရတာတွေရှိတဲ့အတွက် ဒီဘက်မှာလည်း အရမ်းခက်ပါ တယ်။ လွှတ်တော်ရေးရာအဖွဲ့ တွေကလည်း အကြိမ်ကြိမ်ပြော တဲ့အခါ ပြီးခဲ့တဲ့ဇန်န၀ါရီ ၉ ရက် က ရသုံးမှန်းခြေရုံးချုပ်မှာ အ စည်းအဝေးလုပ်တော့ ညွှန်ချုပ် အနေနဲ့ နောက်ပိုင်းအချိန်ပိုရ အောင် ဆောင်ရွက်ပေးဖို့စီစဉ် ပေးသွားမယ်လို့ ကတိပေးခဲ့ပါ တယ်’’ ဟု ရသုံးမှန်းခြေငွေစာရင်း ဦးစီးဌာန မန္တလေးတိုင်းဒေသကြီး ညွှန်ကြားရေးမှူးဦးအောင်ဆွေက ပြောသည်။

အဆိုပါဆွေးနွေးပွဲကို Asia Foundation နှင့် ဖွံ့ဖြိုးရေးမဏ္ဍိုင် အဖွဲ့တို့ ပူးပေါင်းကာနှစ်ရက်ကြာ ပြုလုပ်ခဲ့ပြီး မန္တလေး၊ စစ်ကိုင်း တိုင်း၊ ချင်း၊ ရှမ်းနှင့် ကချင်ပြည် နယ်တို့မှ အရပ်ဘက်အဖွဲ့အစည်း ၆၀ ခန့်တက်ရောက်ဆွေးနွေးခဲ့ သည်။