ပြည်မြို့တွင် ဆင်စီးပြီးကျွ န်းစိုက်ခင်းများ လေ့လာနိုင်မည့် ဆင်စခန်းတစ်ခု ထပ်မံဖွင့်လှစ်

ဖွင့်လှစ်ထားသော ဆင်စခန်းကို တွေ့ရစဉ် (ဓာတ်ပုံ − ဇော်မင်းထိုက်)

 ပြည်မြို့တွင် ဆင်စီးပြီး ကျွန်းစိုက်ခင်းများကို လေ့လာ နိုင်မည့် ဆင်စခန်းတစ်ခု ပြည် -ရန်ကုန် ကားလမ်းဘေးရှိ ပြည် ကျွန်းကြိုးဝိုင်း စိုက်ခင်းအတွင်း ဇန်န၀ါရီ ၂၀ ရက်က  ထပ်မံဖွင့် လှစ်ထားကြောင်း ဆင်စခန်းတွဲ ဖက်တာဝန်ခံ ဦးအောင်သူဖြိုးက ပြောကြားသည်။

 အဆိုပါ ဆင်စခန်းတွင် ၁၈၅၇ က ဂျာမန်သစ်တောပညာ ရှင်ဒေါက်တာဘရန်းဒစ်စိုက်ပျိုး ခဲ့သည့် နှစ် ၁၆၀ သက်တမ်းရှိကျွန်းပင်များနှင့် သစ်တောသဘာဝ အလှအပများကို လှည့်လည်ကြည့်ရှု ခံစားနိုင်မည်ဖြစ်ကြောင်း ၎င်းကပြောကြားသည်။

‘‘ကျွန်းစိုက်ခင်းအတွင်း ၀င် ရောက်ပြီး သဘာဝအလှတွေကို လေ့လာချင်ရင်တော့ ဆင်စီးမှ သာ သွားလို့ရအောင်ဆောင်ရွက် ထားပါတယ်’’ ဟု ၎င်းက ပြော ကြားသည်။

ပဲခူးရိုးမ၌ အခြေခံသစ်ထုတ် လုပ်ခြင်းကို ၁၀ နှစ်ရပ်နားပြီး နောက်ပိုင်းအလုပ်နားထားသည့် သစ်ထုတ်လုပ်ရေး ဆင်များကို ထိန်းသိမ်းသည့် နည်းလမ်းဖြင့် လည်းကောင်း၊ တောတွင်း၌သာ နေထိုင်စားသောက်ရမှုကြောင့် မြို့ပြနှင့် အဆက်ပြတ်နေသည့် ဆင်ဝန်ထမ်းတုိ့၏ ဘ၀ကိုမြှင့် တင်ပေးနိုင်ရန်လည်းကောင်း ရည်ရွယ်ကာ မြန်မာ့သစ်ထုတ်လုပ်ငန်းက ဆင်အခြေပြုခရီးသွား လုပ်ငန်းများကို ဆောင်ရွက်နေသည်။

ပြည်မြို့အ၀င် ရန်ကုန်- ပြည် ကားလမ်းဘေးတွင် ၂၀၁၆ ဒီဇင်ဘာ ၄ ရက်က နတ်မှော်ဆင် စခန်းကို စတင်ဖွင့်လှစ်ခဲ့ပြီး ယခု အခါ ပြည်ကျွန်းကြိုးဝိုင်း စိုက်ခင်းအတွင်း ဆင်စီးလည်ပတ်နိုင် သည့် စခန်းထပ်မံဖွင့်လှစ်ခြင်း ဖြစ်သည်။

ကျွန်းစိုက်ခင်းအတွင်း ဆင် စီးပြီးလေ့လာရာတွင် ခရီးရှည်စီး မည်ဆိုပါက တစ်ဦးလျှင် ကျပ်တစ်သောင်းကျမည်ဖြစ်ပြီး ခရီး တိုစီးပါက ကျပ်ငါးထောင်ဖြစ်သည်။

ကျွန်းစိုက်ခင်း ဆင်စခန်းဖွင့်လှစ်သည့်နေ့တွင် ဆင်စီးခများ  ၅၀ ရာခိုင်နှုန်း လျှော့ချခဲ့ပြီး ဆင်စီးလည်ပတ်သူများဖြင့် စည်ကားခဲ့ သည်။

More in Regional Section