အမေရိကန် အစိုးရ လုပ်ငန်းများ ရပ်ဆိုင်းထားသည့်ကာလ ပြီးဆုံး

ယာယီ ရန်ပုံငွေ အသုံးပြုရေးကိစ္စကို လွှတ်တော်တွင် မဲခွဲ သဘောတူခဲ့သည့်နောက် အမေရိကန် အစိုးရ၏ လုပ်ငန်းအချို့ ယာယီဆိုင်းငံ့ထားသည့်ကာလ ပြီးဆုံးသွားကြောင်း သိရသည်။

ဇန်နဝါရီ ၂၂ ရက် ညပိုင်းက ဝါရှင်တန်တွင် ဒီမိုကရက်နှင့် ရီပတ်ဘလစ်ကန် အမတ်များ ညှိနှိုင်းပြီး အစိုးရ ပုံမှန်လည်ပတ်ရေးအတွက် ယာယီရန်ပုံငွေ အသုံးချရန် မဲပေး ဆုံးဖြတ်ခဲ့ကြသည်။ လက်ရှိ အငြင်းပွားနေသည့် ရွှေ့ပြောင်းခိုလှုံသူများ ခွင့်ပြုရေးဆိုင်ရာ ကိစ္စကိုမူ ဖေဖော်ဝါရီတွင် ဆက်လက် ဆွေးနွေးရန် အမတ်များက သဘောတူခဲ့သည်။

အမေရိကန် သမ္မတ ဒေါ်နယ်လ်ထရမ့်၏ ရွှေ့ပြောင်းအခြေချသူများနှင့် ပတ်သက်သည့် မူဝါဒအပေါ် ဒီမိုကရက်တို့က အာခံ ငြင်းဆန်မှုက အစိုးရ လုပ်ငန်းလည်ပတ်မှု ရပ်ဆိုင်းရသည်အထိ ဦးတည်သွားစေသည်။ သို့သော် ရီပတ်ဘလစ်ကန်တို့က ငယ်ရွယ်သည့် ရွှေ့ပြောင်းအခြေချသူ ကလေးငယ်များကို ပြည်နှင်ဒဏ် ပေးခြင်းမှ ကာကွယ်ရေး သတ်မှတ်ချက်ကို လိုက်လျော ကျင့်သုံးရန် သီးခြား ဆွေးနွေးပေးမည်ဟု ကတိပြုခဲ့သည့်နောက် ဒီမိုကရက်တို့က ယာယီရန်ပုံငွေ အသုံးချရေးအတွက် ထောက်ခံမဲ ပေးခဲ့ခြင်း ဖြစ်သည်။

အမေရိကန်တွင် ပါတီတစ်ခုတည်းက လွှတ်တော်နှစ်ရပ်ကို လွှမ်းမိုးထားနိုင်သည့် အခြေအနေ ရှိလျက်နှင့် အစိုးရ လုပ်ငန်းစဉ်များ ဆိုင်းငံ့ရသည့် အခြေအနေထိ ကြုံရခြင်းမှာ သမိုင်းတလျှောက် နှစ်ကြိမ်သာ ဖြစ်ပေါ်ခဲ့ဖူးသည်။ အစိုးရ ပိတ်သိမ်းသည်ဟု သုံးနှုန်းသည့် လုပ်ငန်းစဉ်အရ မရှိမဖြစ် လိုအပ်ခြင်း မဟုတ်သည့် အစိုးရ ရုံးဌာန အားလုံးကို ယာယီ ပိတ်ခဲ့ရခြင်း ဖြစ်သည်။ ယခုတစ်ကြိမ် ပိတ်သိမ်းမှုသည် သုံးရက်မျှ ကြာမြင့်ခဲ့သည်။

ဒီမိုကရက်တို့က Dreamerများဟု ခေါ်ဝေါ်သည့် ငယ်ရွယ်သော ရွှေ့ပြောင်းအခြေချသူ ခုနစ်သိန်းကျော်ကို ပြည်နှင်ခြင်း ခံရသည့် အခြေအနေမှာ ခိုင်ခိုင်မာမာ အကာအကွယ် ပေးသွားရန် လိုလားကြသည်။ ရီပတ်ဘလစ်ကန် ပါတီ ကိုယ်စားပြု သမ္မတဖြစ်သည့် ထရမ့်က လက်ရှိတွင် ပါတီနှစ်ခု ညှိနှိုင်း အဆင်ပြေသွားသည့်အတွက် ဝမ်းသာကြောင်းနှင့် ရွှေ့ပြောင်း အခြေချမှုဆိုင်ရာ ဥပဒေ သတ်မှတ်ချက်များကို အမေရိကန်၏ အကျိုးစီးပွားအတွက် အဓိက ရှေးရှုပြီး ရေရှည်အတွက် ညှိနှိုင်း ပြင်ဆင်သွားလိုကြောင်း ထုတ်ပြန် ကြေညာခဲ့သည်။

ရွှေ့ပြောင်း အခြေချမှုကို ဗဟိုပြုပြီး အစိုးရ အသုံးစရိတ်သစ် သတ်မှတ်ရေးနှင့် ပတ်သက်၍ လွှတ်တော်တွင် အတည်ပြုချက် မရသောကြောင့် အစိုးရ လုပ်ငန်းလည်ပတ်မှုများ ရပ်ဆိုင်းခဲ့ခြင်း ဖြစ်သည်။ လတ်တလောတွင် ယာယီပြေလည်မှု ရရှိခဲ့ပြီ ဖြစ်သော်လည်း ရွှေ့ပြောင်း အခြေချမှုဆိုင်ရာ စည်းမျဉ်းများနှင့် အစိုးရ အသုံးစရိတ် ကိစ္စအတွက် အငြင်းအခုံများမှာ ဆက်လက် တည်ရှိနေမည် ဖြစ်သည်။

လွှတ်တော်တွင်း ဆွေးနွေးမှုများတွင် သမ္မတ ထရမ့်ကိုယ်တိုင်ကမူ ထဲထဲဝင်ဝင် ပါဝင်ပတ်သက်မှု လုံးဝ မရှိချေ။ အစိုးရ လုပ်ငန်းများ ရပ်ဆိုင်းမှုမှာ သက်တမ်း တိုတောင်းပြီး ပြည်သူများ အလွယ်တကူ မေ့ဖျောက်နိုင်မည် ဖြစ်သော်လည်း ရှေ့ဆက် ကြုံရမည့် ညှိနှိုင်းဆွေးနွေးမှုများအတွက် လွှတ်တော်တွင်း သဘောထား ကွဲလွဲမှုများ ဆက်လက် အားကောင်းနေဖွယ် ရှိကြောင်း သတင်းများက ဖော်ပြသွားသည်။

Ref: Washington Post