အဋ္ဌမတန်းအောင်မြင်ပြီး ကျောင်းပြင်ပရောက်နေသူများ မေလတွင် နဝမတန်း ပြင်ပဖြေစာမေးပွဲ ဖြေဆိုရမည်

အဋ္ဌမတန်းအောင်မြင် ပြီး ကျောင်းဆက်လက် မတက်နိုင်သူများအတွက် နဝမတန်းစာမေးပွဲကို ကျောင်းပြင်ပဖြေအဖြစ် မေလအတွင်း ဖြေဆိုခွင့်ပြုမည်ဟု မြန်မာနိုင်ငံစာစစ်ဦးစီးဌာန ညွှန်ကြားရေးမှူးချုပ် ဦးမျိုးညွန့်က ပြောကြားသည်။

 နဝမတန်း (ပြင်ပဖြေ)စာ မေးပွဲကို မေလ ၂ ရက်မှ ၁၀ ရက် အတွင်း သက်ဆိုင်ရာမြို့နယ်များ ရှိ အခြေခံပညာကျောင်းများတွင် ကျင်းပမည်ဖြစ်သည်။

‘‘ဖြေချင်စိတ်ရှိသူကို ဖြေနိုင် တဲ့အခွင့်အရေး လုပ်ပေးရမှာ ပေါ့။ ကိုးတန်းတက်ရင်း ကျောင်း ထွက်သွားတာပဲဖြစ်ဖြစ်၊ ရှစ်တန်း အောင်ပြီး ကိုးတန်းဆက်မတက် ဖြစ်တာပဲဖြစ်ဖြစ် ပြင်ပဖြေ ဖြေလို့ ရအောင် လုပ်ပေးတာပေါ့’’ဟု ဦးမျိုးညွန့်က ပြောသည်။


 ကျောင်းထွက်ပြီး အစိုးရ လုပ်ငန်းများနှင့် ပြင်ပလုပ်ငန်း များတွင် အလုပ်လုပ်နေသူများ၊ ရဲတပ်ဖွဲ့ (သို့မဟုတ်) တပ်မတော် တွင် အမှုထမ်းနေသူများ၊ အကြောင်းအမျိုးမျိုးဖြင့် ကျောင်း ပြင်ပသို့ ရောက်ရှိနေသည့် ကျောင်းသားများသည် အဋ္ဌမတန်း အောင်လက်မှတ်ပြ၍ နဝမတန်း(ပြင်ပဖြေ) စာမေးပွဲဝင်ရောက်ဖြေဆိုနိုင်သည်။

ယင်းစာမေးပွဲအတွက် ခရိုင် ပညာရေးမှူး ဦးဆောင်သော အဖွဲ့က စာမေးပွဲမေးခွန်းပြုစုကာ၊ အဖြေလွှာစစ်ဆေးပြီး အောင်စာရင်းကို မေလ ၂၃ ရက်၌ ထုတ်ပြန်ကြေညာရန် မြန်မာနိုင်ငံ စာစစ်ဦးစီးဌာနက အခြေခံပညာဦးစီးဌာနသို့ အကြောင်းကြားထားသည်။

ပညာရေးဝန်ကြီးဌာနသည် ကျောင်းသား၊ ကျောင်းသူများ အခြေခံပညာကျောင်းများသို့ ဝင် ရောက်လာစေရေးနှင့် ကျောင်း ထွက်နှုန်းများ လျော့နည်းစေရန်၊ ကျောင်းနေနှုန်း မြင့်မားလာစေရန် ဆောင်ရွက်နေရာ အကြောင်း အမျိုးမျိုးကြောင့် ကျောင်းပြင်ပ  ရောက်ရှိနေပါက ပြန်လည်ဝင် ရောက်လာရန် ပြင်ပဖြေအဖြစ် ဖြေဆိုခွင့်ပြုခြင်းဖြစ်သည်။

အခြေခံပညာ နဝမတန်း (ပြင်ပဖြေ) စာမေးပွဲများကို ၁၉၉၉-၂၀၀၀ ပညာသင်နှစ်က စတင်ကာ နှစ်စဉ်မေလအတွင်း ကျင်းပခဲ့သည်။

 ‘‘ကိုးတန်းအပြင်ဖြေက တော့ ဖြေသူများတယ်။ တပ် မတော်သားတွေ၊ သံဃာတော် တွေ၊ သီလရှင်တွေ အများစုဝင် ဖြေကြတယ်’’ဟု ရှမ်းပြည်နယ် မြောက်ပိုင်း ပညာရေးမှူးရုံး ညွှန် ကြားရေးမှူး (စီမံ) ဒေါ်ခင်ဝင်း ကြည်က ပြောကြားသည်။

အခြေခံပညာအထက်တန်း ကျောင်းများတွင် ပုံမှန်တက်ရောက်နေသည့် နဝမတန်း ကျောင်းသားများအတွက် နှစ်ဆုံးစစ်ဆေးခြင်းကို ဖေဖော်ဝါရီ ၇ ရက်မှ ၁၆ရက်အတွင်း ဘာသာရပ်တစ်ခုလျှင် ဖြေဆိုချိန် နှစ်နာရီ သတ်မှတ်စစ်ဆေးရန် မြန်မာနိုင်ငံစာစစ်ဦးစီးဌာနက ညွှန်ကြားထားသည်။