လေထုညစ်ညမ်းမှု စောင့်ကြည့်ထိန်းချုပ်ရန် ဂျပန်နိုင်ငံနှင့် ပူးပေါင်းဆောင်ရွက်မည်

ရန်ကုန်မြို့လယ်တွင် တပ်ဆင်ထားသော လေထုအရည်အသွေးတိုင်းတာစက်ကို တွေ့ရစဉ် (ဓာတ်ပုံ − စိုင်းဇော်)

 လေထုညစ်ညမ်း မှု စောင့်ကြည့်ထိန်းချုပ်နိုင်ရေး ဂျပန်နိုင်ငံမှ နည်းပညာနှင့် ငွေကြေးအထောက်အပံ့တို့ဖြင့် အကောင်အထည်ဖော်ရန် စီစဉ် နေကာ စီမံကိန်းအဆိုပြုလွှာ ပေး ပို့ရန် အတည်ပြုချက် ရရှိထား ကြောင်း သယံဇာတနှင့် သဘာဝ ပတ်ဝန်းကျင် ထိန်းသိမ်းရေးဝန် ကြီးဌာန ပြည်ထောင်စုဝန်ကြီး ဦးအုန်းဝင်းက ပြောသည်။

လေထုညစ်ညမ်းမှု ထိန်း ချုပ်ရေး ဥပဒေပြဋ္ဌာန်းပေးရန်ရှိ၊ မရှိ ဇန်နဝါရီ ၂၅ ရက် ပြည်သူ့ လွှတ်တော်အစည်းအဝေးတွင် ပြင်ဦးလွင်အမတ် ဦးအောင်ခင်၏ မေးမြန်းမှုကိုဖြေကြားစဉ် ပြည်ထောင်စုဝန်ကြီးက အထက်ပါအတိုင်း ထည့်သွင်းပြောကြားသည်။

၂၀၁၂ မတ်လတွင် ပြဋ္ဌာန်း ခဲ့သည့် ပတ်ဝန်းကျင်ထိန်းသိမ်း ရေးဥပဒေအရ ပတ်ဝန်းကျင်ဆိုင် ရာ အရည်အသွေးစံချိန်စံညွှန်း များ သတ်မှတ်ရန် ဝန်ကြီးဌာန အနေဖြင့် တာဝန်ရှိသော်လည်း အချိန်ယူဆောင်ရွက်ရမည့် ကိစ္စ ဖြစ်ကြောင်း ဝန်ကြီးဦးအုန်းဝင်းက ပြောကြားသည်။

လေထုညစ်ညမ်းမှု အပါ အဝင် ပတ်ဝန်းကျင် ညစ်ညမ်းမှု များ ထိန်းချုပ်ဆောင်ရွက်နိုင်ရေး နိုင်ငံတကာ စံချိန်စံညွှန်းများကို အခြေခံ၍ မြန်မာနိုင်ငံနှင့် ကိုက်ညီသည့် လေအရည်အသွေး စံချိန်စံညွှန်း အပါအဝင် အမျိုး သားအဆင့် ပတ်ဝန်းကျင် အရည် အချင်း စံချိန်စံညွှန်းများ ထုတ် ပြန်နိုင်ရန် ရေးဆွဲပြုစုနေကြောင်း ၎င်းက ဆိုသည်။

သို့သော် လတ်တလောတွင် ဥပဒေအဖြစ် ပြဋ္ဌာန်းရန် အစီ အစဉ် မရှိသေးကြောင်း ပြော ကြားသည်။ 

‘‘လောလောဆယ် သူပြော သွားတာတွေကတော့ လုပ်နေ တာတွေကို ပြောတာပေါ့။ ဒါပေ မဲ့ ဆရာ့အနေနဲ့ကျတော့ တကယ် လို့ စက်မှုဇုန်တွေ၊ ကျောက်မီး သွေးစက်ရုံတွေ ပေါ်လာခဲ့ရင် ဥပဒေတစ်ခု သေသေချာချာ ပြဋ္ဌာန်းပြီး လုပ်ရင်ပိုကောင်းမယ် ထင်လို့ မေးတာ’’ဟု ဦးအောင်ခင် က လွှတ်တော်အစည်းအဝေး အပြီးတွင် ပြောသည်။

ကမ္ဘာ့ ကျန်းမာရေးအဖွဲ့ (WHO)၏ လေထုညစ်ညမ်းမှု ဆိုင်ရာ အချက်အလက်များအရ မြန်မာနိုင်ငံ၏ လေထုညစ်ညမ်းမှု အခြေအနေသည် စိုးရိမ်ဖွယ်ဖြစ် ကြောင်း ပြင်ဦးလွင်အမတ် ဦးအောင်ခင်က မေးခွန်းမေးမြန်း စဉ် ပြောကြားသည်။

‘‘စက်မှုလုပ်ငန်း ဖွံ့ဖြိုးတိုး တက်မှုနှင့်အတူ ဒွန်တွဲပါလာမယ့် လေထုအရည်အသွေး ထိန်း ကျောင်းမှုများကို ရင်ဆိုင်ဖြေရှင်း စီမံခန့်ခွဲ ဆောင်ရွက်ရန်လိုအပ်သော ဥပဒေ၊ နည်းဥပဒေနှင့်လုပ်ထုံးလုပ်နည်းများ ပြင်ဆင်ထားဖို့ လိုအပ်နေပြီဖြစ်ပါတယ်’’ဟု ၎င်းက ဆိုသည်။

လက်ရှိတွင် ပတ်ဝန်းကျင် ထိန်းသိမ်းရေး ဦးစီးဌာန (ရုံးချုပ်) အပါအဝင် တိုင်းဒေသကြီးနှင့် ပြည်နယ်ဦးစီးဌာနများသည် နိုင်ငံ တစ်ဝန်းရှိ စက်မှုလုပ်ငန်းများမှ စွန့်ထုတ်သည့် အခိုးအငွေ့၊အရည်နှင့် စွန့်ပစ်ပစ္စည်းများကြောင့် လေထုအပါအဝင် ပတ်ဝန်းကျင်ညစ်ညမ်းမှုများ ထိန်းချုပ်နိုင်ရေးဥပဒေ၊ နည်းဥပဒေနှင့် လုပ်ထုံးလုပ်နည်းများ လိုက်နာဆောင်ရွက်မှုကို  အခါအားလျော်စွာစစ်ဆေးနေကြောင်း ပြည်ထောင်စုဝန်ကြီး ဦးအုန်းဝင်းက ပြောသည်။