ခန္ဓာကိုယ်တွင် အဆီပိုရှိသူများ ရင်သားကင်ဆာအန္တရာယ် မြင့်မား

ခန္ဓာကိုယ်တွင် အဆီပိုများရှိသော အသက်ကြီးသည့် အမျိုးသမီးများသည် သာမန်ကိုယ်အလေးချိန်ရှိလျှင်ပင် ရင်သားကင်ဆာဖြစ် ပွားနိုင်သည့် အန္တရာယ်မြင့်မားကြောင်း လေ့လာမှုအသစ်တစ်ရပ်က ဖော်ပြသည်။

ယင်းကြောင့် အမျိုးသမီးများအနေဖြင့် ကိုယ်အလေးချိန်လျှော့ရန်သာ မဟုတ်ဘဲ ခန္ဓာကိုယ်ရှိ အဆီပိုများ လျှော့ချရန်လည်း အာရုံစိုက်သင့်ကြောင်း အမေရိကန် ကင်ဆာရောဂါကုသရေးအဖွဲ့မှ ပညာရှင် မီယာဂေါဒတ်က ပြောကြားသည်။


ယခင်လေ့လာမှုများအတွင်း ကိုယ်အလေးချိန် သာမန်ထက်ပိုများပြီး အဝလွန်ဖြစ်နေသည့် အမျိုးသမီးများသာ ရင်သားကင်ဆာ ဖြစ်ပွားနိုင်သော အန္တရာယ်မြင့်မားကြောင်း လေ့လာတွေ့ရှိသော်လည်း ယခုလေ့လာမှုတွင် သာမန်ကိုယ်အလေးချိန်ရှိသူများပင် ခန္ဓာကိုယ်၌ အဆီပိုများရှိနေပါက ရင်သားကင်ဆာ ဖြစ်နိုင်ကြောင်း သုတေသီများကပြောသည်။

ခန္ဓာကိုယ်အဆီပိုပမာဏ ၂၅ ရာခိုင်နှုန်းနှင့် အထက်ရှိသော အမျိုးသမီးများ ရင်သားကင်ဆာဖြစ်ပွားနိုင်သည့် အန္တရာယ်မြင့်မားကြောင်း သုတေသီများကပြောသည်။

အမျိုးသမီးများအနေဖြင့် သာမန်ကိုယ်အလေးချိန် ထိန်းထားနိုင်ရုံနှင့် မပြည့်စုံဘဲ ကျန်းမာရေးနှင့်ညီသော အစားအစာများ စားသုံးကာ လေ့ကျင့်ခန်းပုံမှန်လုပ်ပြီး ခန္ဓာကိုယ်တွင် အဆီပိုများ စုဝေးမနေအောင် ဂရုစိုက်သင့်သည်။

လူတစ်ဦးတွင် ရှိသင့်သော အလေးချိန်ကို ၎င်း၏အရပ်အမြင့် ကိုလိုက်၍ တွက်ချက်နိုင်သည်။ ခန္ဓာကိုယ်ညွှန်းကိန်း (BMI) အရ လူတစ်ဦး၏ အဆီ၊ ကြွက်သားထုနှင့် အရိုးစသော အလေးချိန်တို့ကို ခွဲခြားသိရှိရန် မဖြစ်နိုင်သဖြင့် ခန္ဓာကိုယ်၌ အဆီများ မများစေရန် သတိပြုသင့်သည်။

ခန္ဓာကိုယ်တွင် အဆီပိုနည်းသော အမျိုးသမီးများနှင့် နှိုင်းယှဉ် ပါက အဆီပိုများသော အမျိုးသမီးများ ရင်သားကင်ဆာဖြစ်ပွားနိုင် သည့်အန္တရာယ် သိသိသာသာပိုများကြောင်း သုတေသီများက ပြောသည်။

ကိုယ်လက်လှုပ်ရှားမှုမရှိသော အမျိုးသမီးများ၏ ခန္ဓာကိုယ် တွင် အဆီပိုများ စုဝေးမှုပိုများပြီး ရင်သားကင်ဆာဖြစ်နိုင်သည့် အန္တရာယ်ရှိသောကြောင့် ပုံမှန်လေ့ကျင့်ခန်းလုပ်ရန် အရေးကြီး သည်ဟု သုတေသီများက ပြောသည်။                 

—Ref: UPI