ပဲခူးတိုင်းရှိ် ရှေးဟောင်းယဉ်ကျေးမှုဒေသများကို ဖော်ထုတ်၍ ခရီးသွားလုပ်ငန်း ဖွံ့ဖြိုးရေး ဆောင်ရွက်မည်

ပဲခူးတိုင်းရှိ ပျူမြို့ဟောင်း အပါအဝင် ရှေးဟောင်းယဉ်ကျေး မှုဒေသများကို ခရီးစဉ်ဒေသများ အဖြစ် ပြန်လည်ဖော်ထုတ်ကာ ခရီးသွားကဏ္ဍ ဖွံ့ဖြိုးရေးဆောင် ရွက်မည်ဟု ပဲခူးတိုင်း အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးညွန့်ရွှေက ပြောသည်။


‘‘ပဲခူးတိုင်းအတွင်း ဟိုတယ် နဲ့ ခရီးသွားလုပ်ငန်း ဖွံ့ဖြိုးတိုးတက် ရေးအတွက် ရှေးဟောင်းယဉ်ကျေး မှု အမွေအနှစ်တွေကို ပြန်လည် ဖော်ထုတ် ပြသနိုင်ရေး ဆောင် ရွက်ပြီး ခရီးသွားဧည့်သည်တွေကို ပိုမိုဆွဲဆောင်နိုင်ဖို့ လုပ်ဆောင် သွားမှာဖြစ်ပါတယ်’’ဟု ဇန်နဝါရီ ၂၃ ရက်ကပြုလုပ်သည့် ခရီးသွား လုပ်ငန်း ဖွံ့ဖြိုးရေး ညှိနှိုင်းအစည်း အဝေးတွင် ၎င်းကပြောသည်။

ပဲခူးတိုင်းအတွင်း ရှေး ဟောင်းယဉ်ကျေးမှု အမွေအနှစ် ဒေသများအဖြစ် သရေခေတ္တရာ ပျူမြို့ဟောင်း၊ ဘုရင့်နောင် နန်း တော်ရာ၊ ကေတုမတီမြို့ဟောင်း စသည့် သမိုင်းဝင် ယဉ်ကျေးမှု နယ်မြေများရှိသော်လည်း နိုင်ငံ ခြားသား ခရီးသွားဝင်ရောက်မှု နည်းသေးသဖြင့် ယခုထက်ပို၍ ဆွဲဆောင်မှုရှိရန် ခရီးစဉ်များ ဖော် ထုတ်မည်ဟုဆိုသည်။

‘‘ပဲခူးတိုင်းမှာ လာရောက် လည်ပတ်တဲ့ နိုင်ငံခြားသား ဧည့် သည်က နည်းသေးတယ်။ လူသိ နည်းသေးတာလည်း ပါသလို လည်ပတ်စရာပတ်ဝန်းကျင်က လည်း သိပ်မများသေးဘူးလေ။ အဲဒါကြောင့် ပဲခူးတိုင်းက ယဉ် ကျေးမှု ဒေသတွေကို ပြန်လည် ဖော်ထုတ်ပြီး ဆင်စခန်းလိုမျိုး သဘာဝအခြေခံ ခရီးသွားဒေသ တွေနဲ့တွဲပြီး လည်ပတ်နိုင်အောင် စီစဉ်ပေးတာမျိုး ဆွဲဆောင်တာမျိုး တွေလည်း လုပ်သွားဖို့ရှိပါတယ်’’ ဟု ပဲခူးတိုင်းဟိုတယ်နှင့် ခရီးသွား ညွှန်ကြားမှု ဦးစီးဌာန ညွှန်ကြား ရေးမှူး ဦးဟောက်ကျင်မှန်က ပြောသည်။

၂၀၁၆ တွင် ပဲခူးတိုင်းသို့ နိုင်ငံခြားသားဧည့်သည် ၁၄,၆၀၀ ကျော် လာရောက်ပြီး ၂၀၁၇ တွင် ၁၇,၆၀၀ ကျော်အထိ ရှိလာကာ ယခင်နှစ်ကထက် ၃,၀၀၀ ခန့် တိုး တက်လာသော်လည်း အခြားပြည် နယ်၊ တိုင်းများနှင့် နှိုင်းယှဉ်ပါက နည်းပါးနေသေးကြောင်း ၎င်းက ပြောသည်။