ပညာရေးအသိုင်းအ၀ိုင်းကို အချက်ပြလိုက်တဲ့ အင်္ဂလိပ်စာသင်ရိုးသစ်စိန်ခေါ်မှု

သင်ရိုးသစ်အတန်း အဆင့်တိုင်းတွင် အင်္ဂလိပ်စာ 4 Skills ရစေရန် မူဘောင်ချထားသည်ဟု ၀န်ကြီးဌာနကဆိုသည် ဓာတ်ပုံ − ကျော်ဇင်သန်း

နိုင်ငံတကာသုံး ဘာသာစ ကားဖြစ်သည့် အင်္ဂ လိပ်စာ ဘာသာရပ် ကို မြန်မာနိုင်ငံတွင် သင်ကြားနေမှု မထိရောက်သဖြင့် သင်ကြားပုံ နည်းစနစ်များပြောင်းလဲသတ်မှတ် ပေးရန် အမျိုးသားလွှတ်တော်တွင် ဆွေးနွေးခဲ့ရာ ပညာရေးအသိုင်း အ၀ိုင်းနှင့် ကျောင်းသားမိဘများ ကြား ဝေဖန်ငြင်းခုံမှုများဖြင့် ဂယက်ရိုက်ခဲ့သည်။


အဋ္ဌမတန်း (Grade-9) မှ စတင်ပြီး အင်္ဂလိပ်စာဘာသာရပ် ကို စနစ်လေးခုဖြစ်သော အဖတ်၊ အရေး၊ အပြော၊ အကြားစွမ်းရည် လေးခု (4 Skills - Reading, Writing, Speaking, Listening) ပါဝင်သောစနစ်သို့ ပြုပြင်ပြောင်း လဲသင်ကြားရန် ရခိုင်ပြည်နယ်မဲ ဆန္ဒနယ်အမှတ် (၁၁) အမျိုးသား လွှတ်တော်ကိုယ်စားလှယ် ဒေါ်ထု မေက ဇန်န၀ါရီ ၁၇ ရက်တွင် အဆိုတင်သွင်းခဲ့သည်။

သူငယ်တန်း+၁၂ တန်း (KG+12) စနစ်သစ်အရ လာမည့် ၂၀၂၂-၂၀၂၃ ပညာသင်နှစ်တွင် ပထမတန်းမှ ဒသမတန်းအထိ အရေး၊ အဖတ်၊ အပြော၊ နား ထောင်ခြင်း အင်္ဂလိပ်စာစွမ်းရည် လေးမျိုးရရှိစေရန် သင်ကြားနည်း သစ်များသုံး၍ ပြောင်းလဲသင်ကြား နိုင်ရန် သင်ရိုးများရေးဆွဲနေသည် ဖြစ်ရာ အဆိုကိုအတည်ပြုရန် မလိုအပ်ဘဲ မှတ်တမ်းအဖြစ် ထားရှိသင့်ကြောင်း ပညာရေးဝန်ကြီးဒေါက်တာမျိုးသိမ်းကြီးက ဒေါ်ထုမေ၏ အဆိုနှင့်ပတ်သက်၍ အမျိုးသားလွှတ်တော်သို့ တင်ပြသည်။

ထို့ကြောင့် အဆိုကိုမဲခွဲဆုံး ဖြတ်ရာ ကန့်ကွက်သူ ၁၀၂ ဦး၊ ထောက်ခံသူ ၉၆ ဦးဖြင့် ဒေါ်ထုမေ၏အဆို ရှုံးနိမ့်ခဲ့သည်။

ဒေါ်ထုမေ၏ အဆိုရှုံးနိမ့်ခဲ့ ခြင်းကြောင့် လွှတ်တော်အတွင်းမှ ပြည်သူ့ကိုယ်စားပြု ကိုယ်စား လှယ်တော်ကြီးများသည် မြန်မာ ပြည်မှ လူငယ်များ အင်္ဂလိပ်စာ 4 Skills ကျွမ်းကျင်မှုကို မလိုလား လေသလားဟု ပြက်ရယ်ပြုမေး ခွန်းထုတ်မှုများရှိလာသည်။

သို့သော် တစ်ဖက်တွင်လည်း ဒေါ်ထုမေအဆိုသည် လက်ရှိ မြန်မာလူငယ်များ အမှန်တကယ် ရင်ဆိုင်နေရသည့် ဘာသာစကား အခက်အခဲကို ပြေလည်စေရန် ရည်ရွယ်ကြောင်း လက်ခံသော် ငြား မှတ်တမ်းအဖြစ်ထားရှိရန် ပြည်ထောင်စုဝန်ကြီး၏ တင်ပြမှုသည်လည်း ကြောင်းကျိုးညီညွတ်မှုရှိကြောင်း ပညာရေးအသိုင်းအ၀ိုင်းက သုံးသပ်သည်။

ထို့ပြင် အဆိုရှင်တင်ပြသလို ကျောင်းသားများ အင်္ဂလိပ်စာ 4 Skills ကျွမ်းကျင်စေရေး သင်ရိုး ပြောင်းရန် မလိုအပ်ဘဲ စာမေးပွဲ စစ်ဆေးသည့်စနစ်ကိုသာ ပြောင်း လဲရမည်ဖြစ်ပြီး အင်္ဂလိပ်စာအထူး ပြုသင်ကြားသည့် ဆရာ၊ ဆရာမများ ပြဋ္ဌာန်းထားသည့် သင်ရိုးအတိုင်း စနစ်တကျတတ်မြောက်သူများဖြစ်ရန် လိုအပ်ကြောင်း အကြံပြုမှုများရှိလာသည်။

အဆိုရှင်ဒေါ်ထုမေက လွှတ်တော်တွင် အဆိုရှုံးနိမ့်မှုကြောင့် လူငယ်များ အင်္ဂလိပ်စာတတ်မြောက်ရန် ၁၀ နှစ်နီးပါး ထပ်စောင့်ရဦးမည့်သဘောဟု ဆိုသည်။ 

ကျွမ်းကျင်ဆရာ လိုအပ်ချက်၊ စာသင်ခန်းအရွယ်အစားစံ နှုန်း ပြည့်မီမှုစသဖြင့် အစစ အရာရာ ကြိုတင်ပြင်ဆင်မှုကောင်းစွာမ ရှိဘဲ အခြေခံပညာအတန်းအားလုံး ၏ သင်ရိုးညွှန်းတမ်းများကို ၁၉၈၁ က ပြောင်းလဲသင်ကြားခဲ့ရာ သင်ရိုးညွှန်းတမ်း ရည်ရွယ်ချက်မပေါက် မြောက်ခဲ့သည့် သာဓကများရှိခဲ့ သည်ဟု ဆရာ၊ ဆရာမများက ယခုဖြစ်စဉ်နှင့်ပတ်သက်၍ နှိုင်းယှဉ် ထောက်ပြသည်။

‘‘ပြောင်းမရဘူးလားဆိုတော့ ရတယ်။ ဒါပေမဲ့ အရှေ့မှာဖြစ်ခဲ့တဲ့ Ready မဖြစ်ဘဲ ပြောင်းတာမျိုး တွေက သင်ခန်းစာတွေပဲ။ သင်ရိုး တင်မဟုတ်ဘဲ စာမေးပွဲပုံစံတွေပါ ပြောင်းရမှာ။ အခုလည်း စလုပ်နေ ပြီဆိုတော့ တစ်ဆင့်ချင်းသွားတာ ပိုထိရောက်မယ်’’ဟု အင်္ဂလိပ်စာ ပါမောက္ခ (ဌာနမှူး)တစ်ဦးက ဒေါ်ထုမေ၏ အဆိုနှင့် ပတ်သက် ၍ သုံးသပ်သည်။

၁၉၈၁ မတိုင်မီက အခြေခံပညာအလယ်တန်းအဆင့် ပဉ္စမတန်းရောက်မှသာ အင်္ဂလိပ်အက္ခရာ (အေ၊ ဘီ၊ စီ၊ ဒီ...)ကို စတင်သင်ကြားရသည်။ ၁၉၇၂ တွင် သင်ရိုးညွှန်းတမ်းအသစ် ပြင်ဆင်ရေးဆွဲပြီး ၁၉၈၁ တွင်တော့ သူငယ်တန်းမှ ဒသမတန်းအထိ အတန်းအားလုံး အဆိုပါသင်ရိုးအသစ်ဖြင့် ပြောင်းလဲသင်ကြားခဲ့သည်။

ထိုသင်ရိုးကို အကြီးစားပြင် ဆင်မှုထပ်မံမပြုလုပ်ဘဲ ယခု ၂၀၁၇-၁၈ ပညာသင်နှစ်အထိ (သူငယ်တန်းနှင့် ပထမတန်းမပါ ၀င်)သုံးစွဲနေသည်။ ထိုသင်ရိုးအရ ၁၉၈၁ ကစကာ အခြေခံပညာ ကျောင်းများတွင် သူငယ်တန်းက တည်းက အင်္ဂလိပ်အက္ခရာ (အေ၊ ဘီ၊ စီ၊ ဒီ...)ကို သင်ကြားခဲ့ရ သည်။

၁၉၈၁ မှ ယနေ့အထိ အသုံး ပြုနေသော အင်္ဂလိပ်စာသင်ရိုး သည်ပင် 4 Skills ကျွမ်းကျင်ရန်သင်ခန်းစာများထည့်သွင်းရေးဆွဲ ထားပြီး စာမေးပွဲစစ်ဆေးပုံနည်းစနစ်ကြောင့်သာ 4 Skills စနစ်သို့ မရောက်ဘဲဖြစ်နေကြောင်း ပဲခူး တိုင်းဒေသကြီး က၀မြို့နယ် အထက (ခွဲ) အေးမွန်မှ ကျောင်း အုပ်ကြီး ဦးအောင်ကျော်သူက ရှင်းပြသည်။

သင်ရိုးက 4 Skills စွမ်းရည် ရရှိရန် ဦးတည်သော်လည်း သင် ကြားနည်းစနစ်နှင့် တတ်မြောက်မှု စစ်ဆေးနည်းစနစ် ချို့ယွင်းချက်များကြောင့် အင်္ဂလိပ်ဘာသာကို လက်တွေ့ကျင့်သုံးရေးထက် အ လွတ်ကျက်ရေးဆီသို့ ဦးတည်စေသည်ဟု ဆိုသည်။

‘‘တစ်ခန်းလုံး My Father is U Ba ဖြစ်နေတာမျိုးက အင်္ဂလိပ် စာကို တကယ်တတ်သလား၊ ကျက်ဖြေသလားဆိုတာရဲ့ သက် သေပေါ့’’ဟု အထက်တန်းအင်္ဂလိပ်စာပြ (ပြင်ပ)ဆရာမ ဒေါ်ခင်နှင်းရည်က ဆိုသည်။

ပြဋ္ဌာန်းစာအုပ်တွင် My Father is U Ba ဟု ရေးသားထား သော်လည်း ထိုစာကြောင်းကို နမူနာပြုပြီး ကျောင်းသားကိုယ်တိုင် ၎င်း၏ ဖခင်အမည်ကို အစားထိုးရေးချနိုင်ရန် ဆရာက သင်ပြပေးရမည်ဖြစ်သည်။ ထိုစာကြောင်းကို ဆရာက အသံနေအသံထား မှန် မှန်ရွတ်ဆိုပြပြီး ကျောင်းသားများ ၏ အဖတ်စွမ်းရည် တိုးတက် အောင် သင်ရမည် ဖြစ်သည်။ ယင်းနောက် နမူနာပြောဆိုထား သည့် သင်ထောက်ကူတိပ်ခွေကို ကျောင်းသားများအား နားထောင် စေကာ ကျောင်းသားအချင်းချင်း တစ်ဦးနှင့် တစ်ဦးဖခင်အမည်ကို ပြောဆိုမိတ်ဆက်တတ်ရန် လေ့ ကျင့်ပေးရမည် ဖြစ်သည်။ သင်ရိုး ညွှန်းတမ်း၏ ရည်ရွယ်ချက်သည် ထိုသို့ဖြစ်သည်။

သို့သော် နှစ် ၄၀ ခန့် ထိုသင် ခန်းစာရည်ရွယ်ချက်များပေါက် မြောက်မှုမရှိခဲ့ခြင်းသည် အမျိုး သားလွှတ်တော်ကိုယ်စားလှယ် ဒေါ်ထုမေအဆိုတင်ရသည့် အခြေ အနေအထိ ဆိုက်ရောက်စေခဲ့သည်။

နှစ် ၄၀ ခန့်အသားကျနေ သည့် အဆိုပါသင်ရိုးညွှန်းတမ်း များအစား သင်ရိုးသစ်များကို ပညာရေးဝန်ကြီးဌာနက ၂၀၁၆-၁၇ ပညာသင်နှစ်ကစတင်ကာ တစ်နှစ်ချင်းပြောင်းလဲနေသည်။ KG+12 စနစ်သစ်အရ အခြေခံပညာရေး တွင် သူငယ်တန်း၊ မူလတန်း ငါးနှစ်(ပထမတန်းမှ ပဉ္စမတန်း)၊ အလယ်တန်းလေးနှစ် (ဆဋ္ဌမတန်းမှ န၀မ တန်း)၊ အထက်တန်းသုံးနှစ် (ဒသမတန်းမှ ဒွါဒသမတန်း)၊ စုစုပေါင်း ပညာသင်နှစ် ၁၃ နှစ်ပါဝင်သည်။

၂၀၁၆-၁၇ ပညာသင်နှစ်က သူငယ်တန်း၊ ယခု ၂၀၁၇-၁၈ ပညာသင်နှစ်တွင် ပထမတန်းကို သင်ရိုးသစ်များဖြင့် စတင်သင် ကြားနေပြီး လာမည့် ၂၀၁၈-၁၉ ပညာသင်နှစ်တွင် ဒုတိယတန်းက လေးများ သင်ရိုးသစ်ကို စတင်ထိတွေ့ခွင့်ရမည် ဖြစ်သည်။

မူလတန်းသင်ရိုးသစ်များကို ဂျပန်အပြည်ပြည်ဆိုင်ရာပူးပေါင်း ဆောင်ရွက်ရေးအေဂျင်စီ (JICA) နှင့် ပညာရေးဝန်ကြီးဌာန ပူးပေါင်းရေးဆွဲပြီး အလယ်တန်းသင်ရိုးသစ်နှင့် အထက်တန်းသင်ရိုးသစ်ကို အာရှဖွံ့ဖြိုးရေးဘဏ်(ADB)၏ ပံ့ပိုးမှုဖြင့် ရေးဆွဲမည် ဖြစ်သည်။

ယခုပညာသင်နှစ်တွင် စတင်အသုံးပြုသည့် ပထမတန်းသင်ရိုး သစ်ကို လေ့လာကြည့်ပါက သင် ရိုးသစ်၏ အရေး၊ အဖတ်၊ အပြော၊နားထောင်ခြင်းအင်္ဂလိပ်စာစွမ်း ရည်လေးမျိုးကို ကျောင်းသားများ ရရှိအောင်မည်သို့သင်ကြားထား သည်ကို သိနိုင်ကြောင်း ပညာရေး ၀န်ကြီးဌာန ပြောရေးဆိုခွင့်ရှိသူ ဒေါက်တာ ခိုင်မြဲက ဆိုသည်။

ပထမတန်း သင်ရိုးသစ်၏ သင်ခန်းစာများ လေ့လာကြည့်ပါ က Unit-1: My Friend တွင် ကျောင်းသားအချင်းချင်း မိမိနာ မည်ကို မိတ်ဆက်ပြောကြားနိုင် အောင် ကိုယ်ဟန်အမူအရာဖြင့် ဆရာမက သရုပ်ပြသင်ကြားပေးရ သည်။ ကျောင်းသားအချင်းချင်း အ ပြန်အလှန်နှုတ်ဆက်နိုင်မှုရှိ၊ မရှိစစ်ဆေးကာ နှုတ်ဆက်နိုင်သည် အထိ ဆရာမက သင်ကြားပေးရ သည်။

ထို့နောက် ကျောင်းသား တစ်ဦးကစတင်၍ မိမိဘေးရှိကျောင်းသားကို အဆင့်ဆင့်အပြန် အလှန်နှုတ်ဆက်ရသည်။ ထို့ နောက် ကျောင်းသုံးစာအုပ်နှင့် ခဲတံတို့ကိုကိုင်၍ သူငယ်ချင်းအချင်း ချင်းအတန်းတွင်း လွတ်လပ်စွာ လှည့်လည်မိတ်ဆက်စေပြီး သူ ငယ်ချင်းတစ်ဦးနှင့် မိတ်ဆက်ပြီး တိုင်း ဇယားကွက်တွင် အမှတ်တစ်မှတ်ခြစ်စေကာ စကားများများ ပြောဖြစ်စေရန် ဆရာကကြီးကြပ် ပေးရသည်။

သင်ရိုးသစ်တွင် သင်ကြားမှု နည်းလမ်းသစ်များ သုံးစွဲထားသ ကဲ့သို့ တတ်မြောက်မှုစစ်ဆေးခြင်း နည်းလမ်းကို ပြောင်းလဲထားသည်ဟု မူလတန်းအဆင့် သင်ရိုးညွှန်းတမ်းအသစ်များ ရေးဆွဲသည့်CREATE Project ၏ ဆရာအတတ်ပညာအဖွဲ့ခေါင်းဆောင် ဒေါ်ဝင်းသိင်္ဂီကျော်က ဆိုသည်။

‘‘အခုစပြောင်းနေတဲ့ သူငယ် တန်းနဲ့ ပထမတန်း၊ နောက်လာ မယ့်နှစ်မှာ ပြောင်းမယ့် ဒုတိယ တန်းတွေမှာ ပုံစံကျစာမေးပွဲဆိုတဲ့ Formal Test မရှိဘူး။ အဓိကက တော့ သင်ယူနေစဉ် စစ်ဆေးခြင်း ပဲ။ တစ်နှစ်လုံးဆရာမက ကလေး ရဲ့တတ်မြောက်မှုကို အမြဲ Record လုပ်ထားပြီး လိုတဲ့ကလေးကို ထပ်ဖြည့်သင်ပေးနေရမှာ ’’ဟု သင်္ဃန်းကျွန်းပညာရေး ကောလိပ်ဒုတိယ ကျောင်းအုပ်ကြီး ဒေါ်ဝင်းသိင်္ဂီ ကျော်က ပြောသည်။

သို့သော် သင်ကြားခြင်းစနစ် တစ်ခုတည်းသာ လိုအပ်ချက်ရှိနေ ခြင်းမဟုတ်ပေ။ အင်္ဂလိပ်ဘာသာကို လက်ရှိသင်ကြားပေးနေသည့် ဆရာ၊ ဆရာမအများစုသည် အဆိုပါဘာသာရပ်ကို အမှန်တကယ်ကျွမ်းကျင်သောကြောင့် ၀င်ရောက် သင်ကြားပေးနေရသည် ထက် အခြေခံပညာကျောင်းများ၏ ဆရာနေရာလိုအပ်ချက်ကို အစား ထိုးဝင်ရောက်သင်ကြားနေရသည် က ပိုများကြောင်း ဆရာ၊ ဆရာမ အများစုက ဆိုသည်။

‘‘4 Skills တကယ်သင်ခိုင်းမယ်ဆိုရင် Training တော့ လိုတယ်။ သာမန်မဟုတ်ဘူး။အင်္ဂလိပ်စာအထူး ကျွမ်းကျင်တဲ့ သူတွေက သင်ပုံသင်နည်းကအစ Guideline ပေးမှရမယ်။ အဲဒါမှဆရာတွေရဲ့ သင်ကြားရေးကလည်း ပြောင်းလိမ့်မယ်’’ဟု ဦးအောင်ကျော်သူကဆိုသည်။

ပညာရေး ၀န်ကြီးဌာန၏ ၂၀၁၇ ဇွန်လအထိ စာရင်းအရ အခြေခံပညာ ကျောင်းများတွင် ဆရာ၊ ဆရာမလိုအပ်ချက် ၅၂,၀၀၀ ကျော်ရှိနေသည်။

အခြေခံပညာအတန်းအဆင့် တိုင်းတွင် ဘာသာရပ်ကျွမ်းကျင် ဆရာ၊ ဆရာမလိုအပ်ချက် နှစ်စဉ် တိုးမြင့်လာပြီး ပြောင်းလဲမည့် KG+12 သင်ရိုးသစ်ပေါက်မြောက် ရန် အဓိကစိန်ခေါ်မှုသည်လည်း ဆရာအတတ်ပညာ သင်တန်းဆင်းလက်မှတ်ရဘာသာရပ်ကျွမ်း ကျင်ဆရာ လိုအပ်ချက်ဖြစ်ကြောင်း အဆင့်မြင့်ပညာဦးစီးဌာ န၊ ဆရာအတတ်ပညာဌာန ဒုတိယညွှန်ကြားရေးမှူးချုပ် ဒေါက်တာ အောင်အောင်မင်းက ဆိုသည်။

သင်ရိုးညွှန်းတမ်းသစ်၏ ရည်ရွယ်ချက်ပေါက်မြောက်ရေး အဓိက စိန်ခေါ်မှုဖြစ်သည့် ကျွမ်းကျင်ဆရာလိုအပ်ချက်ကို ကုစားရန် ပညာရေးကောလိပ်များ၏ သင်ရိုးကိုပါ ပြောင်းလဲပြီး ၂၀၁၈ ဒီဇင်ဘာကစကာ လေးနှစ်သင်ပညာရေးဒီဂရီကောလိပ်များအဖြစ် အဆင့်တိုးမြှင့်ဖွင့်လှစ်ရန် ပညာရေးဝန်ကြီးဌာနက စီစဉ်နေသည်။

သင်ရိုးသစ် အင်္ဂလိပ်စာသင်ကြားခြင်းရည်ရွယ်ချက်များတွင် နိုင်ငံခြားဘာသာစကားကို အကောင်းမြင်သဘောထားဖြင့် စိတ်ဝင်စားမှုတိုးပွားလာစေရန်၊ နားထောင်ခြင်း၊ ပြောဆိုခြင်း၊ စာဖတ်ခြင်း၊ စာရေးခြင်းများကတစ်ဆင့် အခြေခံဆက်သွယ်ပြောဆိုမှု အရည်အသွေးများဖွံ့ဖြိုးလာစေရန်၊ အခြေခံဝေါဟာရများနှင့် စာ ကြောင်းတည်ဆောက်ပုံများ မှတ်မိစေရန်၊ မတူညီဘဲ ကွဲပြားနေ သော ယဉ်ကျေးမှုများ သင်ယူလို သော စိတ်ဝင်စားမှုတိုးပွားလာစေ ရန်တို့ ပါဝင်သည်။

သို့သော် သင်ရိုးညွှန်းတမ်း အသစ်ကို အကောင်အထည်ဖော် သင်ကြားရာ၌ ဆရာနှင့် ကျောင်း သားအချိုးမညီမျှခြင်း၊ ဆရာအင် အားနည်းပါးခြင်း၊ ဆရာများ၏ သင်ကြားမှုအရည်အသွေးနှင့် စာ သင်ခန်းမလုံလောက်ခြင်းတို့က အဓိကစိန်ခေါ်မှုများ ဖြစ်သည်။

အထူးသဖြင့် မြို့ကြီးနှင့် မြို့ ပေါ်ရှိ ကျောင်းများတွင် ကျောင်း သားများပြားမှုကြောင့် စာသင်ခန်း မလုံလောက်မှုများ၊ ဝေးလံခေါင် ဖျားသည့်ဒေသနှင့် ကျေးလက် ဒေသများတွင် ဆရာအင်အားမလုံ လောက်မှုစသည်တို့ကို အချိန်မီ မပြင်ဆင်ပါက အဆိုပါသင်ရိုးသစ်သင်ကြားမှုကို ထိခိုက်စေနိုင်မည် ဖြစ်သည်။

သို့သော် ဒေါက်တာမျိုးသိမ်း ကြီးက သင်ရိုးသစ်အင်္ဂလိပ်စာဘာ သာရပ်က လူငယ်များ၏ အင်္ဂလိပ် စာ 4 Skills စွမ်းရည်မြှင့်တင်နိုင်မှု အပေါ် ‘‘၁၀ တန်းပြီးသွားတဲ့ ကျောင်းသူ၊ ကျောင်းသားတွေ အတိုင်းအတာတစ်ခုအထိ အင်္ဂ လိပ်စာဘာသာရပ်ကို ရေးသား ပြောဆိုနိုင်မှုအတွက် သင်ရိုးသစ် တွေလုပ်နေပါတယ်’’ဟု အမျိုး သားလွှတ်တော်တွင် အာမခံပြော ဆိုထားသည်။

အင်္ဂလိပ်စာသင်ရိုးသစ်သည် ရည်ရွယ်ချက်အတိုင်း ပေါက် မြောက်မည်လားဟူသည်ကို ဆက်လက်စောင့်ကြည့်ရမည် ဖြစ် သည်။