သိမ်းဆည်းခံမြေယာများအရေး ဒီချုပ်အစိုးရ ရွေးကောက်ပွဲကြေညာစာတမ်းပါ ကတိအတိုင်း ဆောင်ရွက်နိုင်ခြင်းမရှိဟု ဆို

သိမ်းဆည်းခံမြေယာနှင့်ပတ်သက်၍ အရပ်ဘက်အဖွဲ့အစည်းများအချို့က ရှင်းလင်းနေစဉ် (ဓာတ်ပုံ − သက်အောင်)

ဒီချုပ်အစိုးရ၏ ရွေး ကောက်ပွဲကြေညာစာတမ်းပါ ကတိက၀တ်ဖြစ်သည့် သိမ်းဆည်း ခံလယ်ယာမြေများ  ပြန်ရရှိရန် ဆောင်ရွက်ပေးမည်ဆိုသည့် ကတိက၀တ်အပေါ်ယနေ့အထိ  မ ဖြည့်ဆည်းနိုင်သေးကြောင်း တောင်သူလယ်သမားအရေးဆောင်ရွက်သူများနှင့် အရပ်ဘက်အဖွဲ့များက သုံးသပ်ပြောကြားသည်။

အချို့တောင်သူလယ်သ မားများသည် ယနေ့အထိ လယ်မြေများ ပြန်လည်မရသေးကြောင်း တောင်သူလယ်သမားအရေး လှုပ်ရှားဆောင်ရွက်သူ ဦးမျိုးသန့်က ပြောသည်။

‘‘ဖွဲ့စည်းပုံအမှားနဲ့ မူဝါဒမှား ယွင်းမှုတွေကြောင့် တောင်သူ တွေက မတရားပြုတဲ့သူတွေ ပုံစံ မျိုးနဲ့ အစစ်ခံရတာမျိုး ရှိတယ်။ စစ်ပြီးတော့လည်း ဘယ်လောက် ကြာလို့ ကြာမှန်းမသိဘူး။ ပြန်ရ မလား၊ မရလားလည်း မသိဘူး။ ဒါမျိုးတွေ ဖြစ်နေတယ်’’ဟု ၎င်း ကဆိုသည်။

လယ်ယာမြေနှင့် အခြားမြေများ သိမ်းဆည်းခံရမှုများ ပြန်လည်စိစစ်ရေးကော်မတီက  ယခင်အစိုးရလက်ထက်က လွှဲပြောင်းရယူသည့်အမှုများအပါအ၀င် မြေယာပြဿနာတိုင်ကြားမှု   တစ်သောင်းကျော်   ရှိသည့်အနက် ၁,၇၀၀  ကျော်   ဖြေရှင်းထားကြောင်း ထုတ်ပြန်ထားသည်။

သို့သော် တောင်သူလယ်သ မားအရေး လှုပ်ရှားသူများနှင့် အ ရပ်ဘက်အဖွဲ့အစည်းတို့ပါဝင် သည့် ပူးပေါင်းအဖွဲ့က ကချင်၊ ကယား၊ ချင်း၊ ရခိုင်၊ ပဲခူး၊ ဧရာ ၀တီ၊ မန္တလေးနှင့် စစ်ကိုင်းစသည့် ပြည်နယ်နှင့် တိုင်းဒေသကြီးတို့ရှိ ဒေသခံလယ်သမားများအား တွေ့ ဆုံမေးမြန်းချက်အရ ပြန်လည် ပေးအပ်သည်ဆိုသည့် လယ်ယာ မြေများ မရရှိသေးဟု ဖြေဆိုထား ကြောင်း ဦးမျိုးသန့်က ပြောသည်။

လယ်ယာမြေနှင့် အခြားမြေ များ သိမ်းဆည်းခံရမှုများ ပြန် လည်စိစစ်ရေးကော်မတီ၏ လုပ် ထုံးလုပ်နည်းများဖြစ်သည့် အဆင့်ဆင့်တင်ပြရခြင်းနှင့် လယ်ယာ မြေပိုင်ဆိုင်ကြောင်း သက်သေခံ ပုံစံ(၃)၊ ပုံစံ(၇)ပေးသည့် လုပ်ငန်းစဉ်များမှတစ်ဆင့် လယ်ယာမြေ များ ပြန်လည်မရရှိခြင်းဟု ဒေသ ခံများကပြောကြောင်း ၎င်းကရှင်း ပြသည်။

ဒေသခံ တောင်သူများနှင့် မြေစစ်ကော်မတီဝင်များ  အပါ အ၀င် လူ ၂၃၀ ကျော်ကို တွေ့ဆုံမေးမြန်းကာ မဖြည့်ဆည်းပေးနိုင်သေးသည့် ကတိက၀တ်၊ လယ်ယာမြေနှင့် အခြားမြေများ သိမ်းဆည်းခံရမှုများ ပြန်လည်စိစစ်ရေးကော်မတီကို ဆန်းစစ်ဝေဖန်ခြင်း အစီရင်ခံစာကို   ထုတ်ပြန်ထားသည်။

အဆိုပါ အစီရင်ခံစာတွင် မြေစစ်ကော်မတီ၏  ယန္တရားအ ဆင့်ဆင့်ကို ပြုပြင်ပြောင်းလဲရန် လိုအပ်ကြောင်း သုံးသပ်ချက်များ၊ ယင်းကော်မတီတွင် ပါဝင်သူများ သည် ယခင်မြေသိမ်းသူများ ပြန်လည်ပါဝင်နေခြင်းကို သုံးသပ်ရန် လိုအပ်ကြောင်း၊ လွှတ်တော်ကိုယ်စားလှယ်များပါဝင်မှု နည်းပါးခြင်းကို တွေ့ရကြောင်း  ဖော်ပြထားသည်။

ယခင်  အစိုးရလက်ထက် တွင်  ဖွဲ့စည်းသောလယ်ယာမြေ နှင့် အခြားမြေများ သိမ်းဆည်းခံ ရမှုများ ပြန်လည်စိစစ်ရေးကော် မရှင်က လယ်ယာမြေများပြန်ပေး ရန် မလုပ်နိုင်သော်လည်း သတင်း အချက်အလက်များ ပွင့်လင်းမြင် သာစွာ ထုတ်ပြန်ပေးခဲ့ကြောင်း ဒို့ မြေကွန်ရက်မှ အထွေထွေအတွင်းရေးမှူး ဦးစည်သူကဆိုသည်။ 

‘‘ဒီချုပ်အစိုးရလက်ထက်မှာ ကျတော့ အခွင့်အာဏာအရ မြေ  ပြန်ပေးနိုင်တယ်။ သတင်းအချက် အလက်တွေကိုတော့ လူထုဘာမှ မသိရဘူး။ ပြည်သူနဲ့မပူးပေါင်း နိုင်ဘူး။ လူထုကဘာမှ မသိရသ လို လွှတ်တော်အမတ်တွေတောင် မှ ကော်မတီမှာပါလိုက်၊ မပါလိုက် နဲ့ ဖြစ်နေတာများတယ်’’ဟု ၎င်း က ပြောသည်။

လက်ရှိ မြေစစ်ကော်မတီ ၏ မူဝါဒများသည် မထိရောက် သလို လိုက်နာဆောင်ရွက်ခြင်း မရှိသဖြင့် မျှတမှုနှင့် တာဝန်ခံမှု ပေးနိုင်ရန် မူဝါဒများ ပြန်လည်ရေးဆွဲသင့်ကြောင်း တောင်သူလယ်သမားအရေးဆောင်ရွက်သူများက အစီရင်ခံစာတွင်  အကြံပြုထားသည်။

အဆိုပါ ကော်မတီမှ လယ်ယာမြေ ပြန်လည်ပေးခြင်းကိစ္စရပ်နှင့်ပတ်သက်၍ ဒဂုံမြို့သစ် (တောင်ပိုင်း)မြို့နယ်၊ တိုင်းဒေသကြီး လွှတ်တော်ကိုယ်စားလှယ် ဦးညီညီက ‘အစိုးရက လယ်ယာမြေနဲ့ တခြားမြေတွေ ပြန်လည်ပေးတဲ့နေရာမှာ အားနည်းတယ်ဆိုပေမယ့် အရမ်းအားနည်းတာလည်း မဟုတ်ပါဘူး။ လယ်ယာ မြေနဲ့ပတ်သက်တဲ့ကိစ္စမျိုးတွေက အချိန်ယူပြီး  ကိုင်တွယ်ဆောင်ရွက်ရတာဖြစ်တယ်။ ဒါတွေကိုချင့်ချိန်နေရတဲ့ အပိုင်းတွေလည်း ရှိတယ်’ ဟု သုံးသပ်ပြောကြားသည်။

ထို့ပြင် ရန်ကုန်တိုင်းဒေသ ကြီး အစိုးရအဖွဲ့ရုံးတွင် ဇန်န၀ါ ရီ ၃၀ ရက်၌ ဌာနဆိုင်ရာများက ပြန်လည်စွန့်လွှတ်သည့် မြေများ ကို မူလတောင်သူများထံ ပြန် လည်လွှဲပြောင်းပေးအပ်ပွဲ ပြုလုပ် ခဲ့သည်။ ရန်ကုန်တိုင်းရှိ သိမ်း ဆည်းခံလယ်ယာမြေ အမှုအားလုံးကိုလာမည့်တစ်နှစ်ခွဲအတွင်း ပြီးပြတ်ရေး အရှိန်မြှင့်ဆောင်ရွက် မည်ဖြစ်ကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ယင်းအခမ်းအနားတွင် ပြောကြားထားသည်။