အမှိုက်ပြဿနာဖြေရှင်းရာတွင် အတုယူရမည့် စံနမူနာကောင်းတစ်ခု

သည်ကနေ့ ရွှေလက်တစ် ယောက်စာရေးခြင်း၊ စာဖတ်ခြင်း များကို အနားပေးပြီး 4TV မှ ထုတ် လွှင့်သည့် အစီအစဉ်များကို ကြည့်နေမိသည်။ ဖျော်ဖြေရေးအစီအ စဉ်များ ကြည့်ရသည်မှာ ငြီးငွေ့ လာသဖြင့် Reader Channal လိုင်းသို့ ပြောင်းလိုက်သည်။ ကံ အားလျော်စွာပင် စာပေဟော ပြောအစီအစဉ် ထုတ်လွှင့်နေ သည်ကို တွေ့ရသည်။ ရွှေလက် လည်း စာပေဟောပြောပွဲငတ်နေ သည့်အတွက် ရေငတ်တုန်း ရေ တွင်းထဲကျသလို ဖြစ်သွားသည်။ ဟောပြောနေသူက စာရေးဆရာမတစ်ဦးဖြစ်သည်။ ၂၀၁၅ ခုနှစ် ရွေးကောက်ပွဲမတိုင်ခင်က ဟောပြော ခဲ့သည့်ပွဲကို ပြန်လည်ထုတ်လွှင့် ခြင်း ဖြစ်သည်။ မည်သို့ပင်ဆိုစေ ကာမူ ရွှေလက်နှစ်ခြိုက်မိပါသည်။ ရွှေလက်က သဘာဝချစ်သူဆို တော့ ထိုစာရေးဆရာမဟောပြောခဲ့သည်များထဲမှ အမှိုက်နှင့် ပတ် သက်သည့် အကြောင်းအရာလေး က စိတ်ထဲစွဲသွားသည်။ နှစ်သက် လွန်းလို့ စာဖတ်သူများကို ပြန် လည်ဝေငှချင်မိသည်။ ကြားလိုက် ရသည်ကို ပြန်လည်ဝေငှမှာ ဖြစ် သည့်အတွက် စာရေးဆရာမဟောပြောသကဲ့သို့ တစ်ထပ်တည်းကျ မည်မဟုတ်ပေ။ ရွှေလက်အနေ ဖြင့် ကြားသိလိုက်ရသည်များကို အခြေခံကာ ထိုစာရေးဆရာမနေ ရာမှ ၀င်ခံစားပြီး အဓိကပေးချင် သည့် မက်ဆေ့ခ်ျပေါ်လွင်အောင် ကြိုးစားပြောပြလိုပါသည်။


စာရေးသူသည် တူဖြစ်သူ ဆရာဝန်က သူ့အိမ်တွင် နားနေ ပြီး စာရေးရန် ဖိတ်ခေါ်သဖြင့် လိုက်ပါခဲ့သည်။ အဝေးမှ လှမ်းမြင်နေ ရသည့် ဆရာဝန်၏ တိုက်ခန်းလေးသည် နေချင်စဖွယ်။ ငမိုးရိပ်ချောင်းနေထွက်ချိန်အလှကို မြင်တွေ့နိုင် သည့်အနေအထားဖြစ်သည်။ သင်္ဘောဆေးကို လှလှပပသုတ် ထားသဖြင့် သစ်လွင်တောက်ပနေသည်။ တိုက်ခန်းအရှေ့မှာလည်း မြက်ခင်းပြင်လေးက စိမ်းစိုနေ သည်။ ထိုမြင်ကွင်းများကို ကြည့် ရင်း စာရေးသူ သည်နေရာမှာ နား နေကာ စာရေးရန် ဆုံးဖြတ်ချက် မှန်သွားသည်ဟု စိတ်ထဲမှာ တွေး နေမိသည်။ ထိုသို့ တွေးနေရင်း တိုက်ခန်းအရှေ့သို့ ရောက်လာ သည်။ တိုက်ခန်းအရှေ့မြင်ကွင်း က စာရေးသူကို မှင်တက်သွားစေ သည်။ တိုက်ခန်းအရှေ့မြက်ခင်း တွင် အမှိုက်များ၊ ကွမ်းတံတွေး များပေကျံနေသည်။ လူသွားလမ်း နှင့် လှေကားတွင်လည်း ထိုနည်း လည်းကောင်း ဖြစ်သည်။ အိမ်ထဲ ရောက်တော့ တူဖြစ်သူ ဆရာဝန် ကို ‘‘နင်က ဆရာဝန်ဖြစ်ပြီး ဒီ လောက်ညစ်ပတ်ရလား၊ သန့်ရှင်း ရေးမလုပ်ဘူးလား’’စသဖြင့် တရ စပ်ပြောလိုက်မိသည်။ အဲသည် အခါ တူဖြစ်သူက ‘‘ကျွန်တော် လည်း အစကတော့ လုပ်တာပဲ။ အပေါ်ထပ်မှာ ဖွင့်နေတဲ့ သင်တန်းက လူငယ်တွေစည်းမရှိ၊ ကမ်းမရှိပစ်နေကြတာ။ ကြာတော့ ကျွန် တော်လည်း လိုက်မသိမ်းနိုင်တော့ ဘူး’’ဟု ပြောသည်။ တူဖြစ်သူအ ကြောင်းလည်း စာရေးသူသိပါ သည်။ သည်ကောင်က သူများစွန့် ပစ်သည့်အမှိုက်ကို ကောက်ရ သည်မှာ အောက်တန်းကျသည် ဟု ယူဆနေသည့် လူမျိုးဖြစ်သည်။သည်တော့ သည်နေရာမှာ အမှိုက်များ၊ ကွမ်းတံတွေးများ ပေကျံနေသည်မှာ သိပ်အဆန်း ကြီးမဟုတ်ဟု စာရေးသူဆိုချင်ပါ သည်။

အဲသည်လို စာရေးသူတွေး နေစဉ်မှာပင် တူဖြစ်သူက ‘‘ဒီ ကောင်တွေ အမှိုက်မပစ်အောင် ကျွန်တော်လုပ်ပြမယ်’’ဆိုပြီး ကတ်ထူပြားတစ်ချပ်ပေါ်မှာ အ မှိုက်မပစ်ရဟု ဆော့ဖ်ပင်ဖြင့် ရေး လိုက်သည်။ တိုက်ခန်းအရှေ့ မြက်ခင်းအစပ်တွင် ဆိုင်းဘုတ်လို စိုက်ထူထားလိုက်သည်။ ထိုသို့အမှိုက် မပစ်ရ ဆိုင်းဘုတ်စိုက်ထူလိုက် သဖြင့် မည်ကဲ့သို့ ထူးခြားမည် နည်းဟု စာရေးသူသိချင်မိပါ သည်။ တူဖြစ်သူက ဆရာဝန်တစ်ယောက်ဖြစ်သဖြင့် အစိုးရဆေးရုံ နှင့် အပြင်ဆေးရုံ၊ ဆေးခန်းများ၊ နေ့ညတာဝန်ချိန်များကြောင့် အိမ်ပြန်မလာသည်က များသည်။ ယခုလည်း စာရေးသူကို သူ့တိုက်ခန်း ဆီလိုက်ပို့ပြီး ဆေးရုံသို့ ပြန်သွား ပြီ ဖြစ်သည်။ စာရေးသူလည်း ခဏအနားယူပြီး တိုက်ခန်းအ တွင်း၊ အပြင်ကို နိုင်သလောက် လေး သန့်ရှင်းရေးလုပ်သည်။ ပစ္စည်းများနေရာချသည်။ ပြီး တော့ ဈေးတွင်သုံးလေးရက်စာ အတွက် ချက်ပြုတ်စရာများ ၀ယ် ထားလိုက်သည်။ ထိုနေ့က စာရေးသူပင်ပန်းသွားသဖြင့် စောစော အိပ်ရာဝင်ခဲ့သည်။

နောက်တစ်နေ့နံနက် အိပ် ရာမှထတော့ နေတော်တော်မြင့် နေပြီ။ သွားတိုက်၊ မျက်နှာသစ်၊ ကိုယ်လက်သန့်စင်ပြီး အိမ်ရှေ့အ ခန်းတံခါးကို ဖွင့်လိုက်သည်နှင့် အမှိုက်များက စာရေးသူကို ကြို နေသည်။ မနေ့ကထက် အမှိုက်ပို များနေသည့်အပြင် အမှိုက်မပစ်ရ ဆိုင်းဘုတ်မှာပင် ကွမ်းတံတွေး များ ပေကျံနေသည်။ စာရေးသူ ထင်မှတ်ထားသလို ဖြစ်လာသဖြင့်ထွေထွေထူးထူးမအံ့သြမိပါ။ ဘာ ကြောင့် ထိုကဲ့သို့ပြောရလဲဆိုလျှင် လူငယ်များသည် သူတို့အပေါ် အမိန့်ပေးသကဲ့သို့ ပြုမူဆက်ဆံ လျှင် အရွဲ့တိုက်တတ်သောကြောင့်ဖြစ်သည်။ ယခုလည်း အမှိုက်မပစ်ရဟု ဆိုင်းဘုတ်ထူလိုက်သဖြင့် ယခင်ကထက် အမှိုက်ကို ပိုပစ်ပြ လိုက်သည်။ ထိုမျှမကသေး ဆိုင်း ဘုတ်ကိုတောင် ကွမ်းတံတွေးဖြင့် ထွေးလိုက်သေးသည်။ ထိုကိစ္စနှင့် ပတ်သက်ပြီး စာရေးသူ ဘာမျှမ ပြောလိုပေ။ စာရေးသူလည်း နံနက်တိုင်းအမြင်မတော်သည့် အမှိုက်များကို သိမ်းဆည်းပြီး စာရေးစာဖတ်ကာ အချိန်များကုန် လွန်နေခဲ့သည်။

တစ်ရက်တွင် ထုံးစံအတိုင်း တိုက်ခန်းအရှေ့သို့ ထွက်လိုက် ချိန်တွင် ထူးဆန်းသည့် မြင်ကွင်း တစ်ခုကို မြင်လိုက်ရသည်။ အခြားတော့မဟုတ်။ အမှိုက်များကင်း စင်နေသော မြင်ကွင်းဖြစ်သည်။ မြက်ခင်းပေါ်၊ လူသွားလမ်းပေါ်၊ လှေကားပေါ်စသဖြင့် နေရာတိုင်း တွင် ရှင်းသန့်နေသည်။ စာရေးသူ အံ့သြသွားမိသည်။ ထိုကဲ့သို့ မည် သို့သော ပုဂ္ဂိုလ်မျိုးက လုပ်လိုက် သလဲဆိုသည်ကိုလည်း သိချင်လှ သည်။ ထို့ကြောင့် ပတ်ဝန်းကျင်ကို အကဲခတ်ရင်း အပေါ်ထပ်သို့ တက်လာခဲ့သည်။ အပေါ်ထပ် တိုက်ခန်းတစ်ခန်းရှေ့တွင် အိတ် တစ်လုံးကို သပ်သပ်ရပ်ရပ်ချိတ် ဆွဲထားသည်။ ထိုအိတ်နားတွင် လည်း ကတ်ထူပြားနှင့် အများမြင် သာအောင် ဆော့ဖ်ပင်ဖြင့် စာရေး ထားလိုက်သေးသည်။ ကတ်ထူ ပြားတွင် ရေးထားသောစာမှာ ‘‘မိတ်ဆွေတို့ အသုံးပြုပြီးသော အမှိုက်များကို ကျေးဇူးပြု၍ ဒီအိတ်ထဲသို့ ထည့်ဖို့တောင်းဆိုပါသည်။ ထိုအမှိုက်များအားလုံးကို ကျွန် တော်သိမ်းပါမည်’’ဟု ရေးထား သည်။ ထို့အပြင် သူ့နာမည် ရဲ ထက်ဖြစ်ကြောင်း၊ မည်သည့် တိုက်ခန်းတွင် နေသည့်အကြောင်း လည်း ရေးသားထားသေးသည်။ (ကတ်ထူပြားပေါ်တွင် ရေးသား ထားသည့်စာနှင့် ရဲထက်ဆိုသော နာမည်သည် စာရေးဆရာမဟော ပြောသည်နှင့် လွဲနေနိုင်သော် လည်း ဆိုလိုရင်းမှာ ထိုကဲ့သို့ပင် ဖြစ်သည်ဟု ရွှေလက်ယုံကြည်ပါ သည်။)

ထိုသူသည် ဖြူသည် မည်း သည်၊ မည်သည့်အလုပ်လုပ်သည် ကို စာရေးသူမသိသော်လည်း သူ့ ကို လေးစားသွားသည်။ ထိုနည်း တူ ထိုသူသည် လူငယ်ဖြစ်မည်ဟု လည်း စိတ်ထဲမှာ ထင်မှတ်မိသည်။ထိုကဲ့သို့ သူမျိုးကို စာရေးသူမြင် ချင်သည်။ စကားပြောချင်သည်။ နံနက်တိုင်းတွေ့လိုတွေ့ငြားစာ ရေးသူသတိထားကြည့်သော် လည်း တစ်ခါမှမတွေ့ရပေ။ စာ ရေးသူက အိပ်ရာထနောက်ကျ၍ လည်း ဖြစ်နိုင်ပါသည်။ တစ်ရက် စာရေးသူတိုက်ခန်းအရှေ့ထွက် လိုက်တော့ ပထမထပ် လှေကား ထိပ်တွင် ဟိုကြည့်သည်ကြည့် လုပ်နေသည့် ဂျင်းဘောင်းဘီ၊ တီ ရှပ်ဝတ်ထားသည့် လူငယ်တစ်ဦး ကို တွေ့ရသည်။ တွေ့တွေ့ချင်း ထိုလူငယ်သည် ရဲထက်ဆိုသည့် လူငယ်ဖြစ်ရမည်ဟု စာရေးသူ စိတ်ထဲက ထင်နေမိသည်။ ထို့ ကြောင့် စာရေးသူလည်း ‘‘မောင်ရဲထက်ဆိုတာလားကွဲ့’’ဟု နှုတ် ဆက်လိုက်သည်။

သူကလည်း ‘‘ဟုတ်ကဲ့ပါ အန်တီ’’ဟု ယဉ်ကျေးချိုသာစွာ ပြန်ပြောပါသည်။ ‘‘ဘာဖြစ်လို့လဲ မောင်ရဲထက်။ အမှိုက်တွေစည်းမ ရှိ ကမ်းမရှိပစ်သွားပြန်ပြီလားကွဲ့’’ဟု စာရေးသူက ဆက်မေးတော့ သူက ‘‘မဟုတ်ပါဘူး အန်တီ၊ ကျွန်တော်ညက ဘောလုံးပွဲကိုက်သွား လို့ ဒီနေ့အိပ်ရာထနောက်ကျသွားတယ်။ အမှိုက်ကားလာသွားပြီနဲ့တူတယ်ဆိုပြီး အိမ်ရှေ့ထွက် ကြည့်တော့ အမှိုက်အိတ်ထဲမှာ အမှိုက်တစ်စမှမရှိတော့ဘူး အန် တီ။ ဘယ်သူကများ ကျွန်တော် ပျက်ကွက်သွားတဲ့အလုပ်ကို လုပ် သွားလဲ၊ အဲဒီလူက ဘယ်သူလဲ သိချင်လို့ လိုက်ကြည့်နေတာပါ။ အရိပ်အယောင်တောင် မတွေ့ရ ပါဘူး အန်တီရယ်’’ဟု သူက ပြောသည်။ စာရေးသူလည်း ထိုသူကို တွေ့ချင်မိသဖြင့် မောင်ရဲထက် နှင့်အတူ ပတ်ဝန်းကျင်ကို အကဲ ခတ်နေမိသည်။ သို့သော် ထိုသူ၏ အရိပ်အယောင်ကိုတောင် မြင် တွေ့ခွင့်မရခဲ့ပါပေ။

စာပေဟောပြောပွဲတွင် စာ ရေးဆရာမ ပြောသွားသည့် သူ့ အတွေ့အကြုံလေးမှာ ထိုမျှသာ ဖြစ်သည်။ ထိုအတွေ့အကြုံလေး ကို တည်ပြီး စာရေးဆရာမပြော သွားသည်မှာ ထိမိလွန်းလှသည်။ ဟောပြောပွဲပြီးသွားချိန်တွင် ထို အကြောင်းအရာလေးက ရွှေ လက်ရင်ထဲငြိကျန်နေခဲ့သည်။ တိုက်ခန်းများပတ်ဝန်းကျင်တွင် အမှိုက်ကင်းစင်ရေးအတွက် ကိုယ်ကိုယ်တိုင်တာဝန်ယူမှု၊ တာဝန်ခံမှုအပြည့်ဖြင့် ဆောင်ရွက်ခဲ့သော လူငယ်တစ်ဦး၊ ထိုလူငယ်သည် တိုက်ခန်းဝန်းကျင်တွင် လူများ စည်းကမ်းမဲ့အမှိုက်မပစ်အောင် အမှိုက်မပစ်ရဟု အမိန့်ပေးသည့် ပုံစံဖြင့် မလုပ်ဆောင်ခဲ့သလို ဒဏ် ငွေမည်မျှပေးရမည်ဟုလည်း မ ခြိမ်းခြောက်ခဲ့ပေ။ အမှိုက်အိတ် ထဲတွင် အမှိုက်ပစ်ရန် တောင်းဆို သည်။ ထိုအမှိုက်များကို သူသိမ်း မည်ဟုလည်း တာဝန်ယူသည်။ ပတ်ဝန်းကျင်ရှိ အမှိုက်များကို လည်း ကောက်ယူပြီး စနစ်တကျ စွန့်ပစ်သည်။ ထိုသို့ရက်ရှည်လ များ လုပ်လာသည့်အခါ တိုက်ခန်း တွင်နေသူများသည် အမှိုက်ကို စည်းကမ်းမဲ့မစွန့်ပစ်ကြတော့ပေ။ အမှိုက်များကို အမှိုက်အိတ်ထဲသို့ ရောက်အောင် စွန့်ပစ်ခဲ့ကြသည်။ ထိုမျှမကသေး အမှိုက်အိတ်ကို စွန့်ပစ်ရန် လူငယ်ပျက်ကွက်သည့် နေ့တွင် အမှိုက်အိတ်ကို တာဝန် သိစွာ လူငယ်ကိုယ်စားစွန့်ပစ်ပေး သူပင် ပေါ်လာခဲ့သည်။ ထိုဖြစ်စဉ် လေးသည် အလွန်သိမ်မွေ့လှပ လွန်းပါသည်။

ရွှေလက်တို့ မြန်မာနိုင်ငံတွင် ထိုကဲ့သို့လူငယ်မျိုးများစွာရှိရန်လို အပ်ပါသည်။ ထို့အပြင် ကောင်း သည့်အလုပ်လုပ်နေသူကို အမှား စောင့်ကြည့်ပြီး ဝေဖန်ပြစ်တင် တာမျိုးမလုပ်ဘဲ ပိုမိုအားကောင်း အောင် ကူညီပံ့ပိုးသူများလည်း လိုအပ်ပါသည်။ ရွှေလက်တို့ မြန် မာနိုင်ငံတွင် ခေတ်အဆက်ဆက် အစိုးရများက အမှိုက်ပြဿနာကို ဖြေရှင်းရာတွင် အမိန့်ပေး၊ ခြိမ်း ခြောက်သည့်ပုံစံမျိုးများဖြင့် လုပ် ဆောင်ခဲ့ခြင်း၊ စီမံခန့်ခွဲမှုအား နည်းခြင်း၊ ငွေ၊ လူ၊ နည်းပညာ၊ စက် ပစ္စည်းများ အားနည်းခြင်း၊ တာဝန်သိမှု တာဝန်ခံမှုအားနည်းခြင်း၊ ပြည်သူများအသိပညာအားနည်း ခြင်း၊ အုပ်ချုပ်သူများ အဂတိ လိုက်စားခြင်းစသဖြင့် အကြောင်း တရားအမျိုးမျိုးကြောင့် အောင် မြင်မှုမရှိခဲ့ပေ။ ထိုအကြောင်း တရားများကို အစိုးရအနေဖြင့် စနစ်တကျထိထိရောက်ရောက် ဖြေရှင်းဆောင်ရွက်နိုင်မှသာ အမှိုက်ပြဿနာကို ဖြေရှင်းနိုင်မည်ဟု မျှော်လင့်ရပါသည်။

အချုပ်အားဖြင့်ဆိုရလျှင် ရွှေလက်ဝေငှပေးခဲ့သော ဟော ပြောပွဲတစ်ခုမှ ရရှိလိုက်သည့်ဖြစ် စဉ်လေးကို နိုင်ငံတော်အစိုးရအ ဖွဲ့နှင့် ပြည်သူတစ်ရပ်လုံးက စံနမူနာယူပြီး အမှိုက်ပြဿနာကို ဖြေ ရှင်းဆောင်ရွက်သင့်ပါသည်။ ထို ဖြစ်စဉ်လေးထဲမှ လူငယ်လေး၏ စိတ်ဓာတ်နှင့် လုပ်ရပ်များကို အခြေခံကာ ကိုယ့်မိသားစုမှအစပြု၍ ကိုယ့်ရပ်ကွက်၊ ကျေးရွာ၊ ကိုယ့် မြို့နယ်၊ ခရိုင်၊ ကိုယ့်ပြည်နယ်၊ တိုင်း၊ ကိုယ့်နိုင်ငံတော်အဆင့်အထိ လူတစ်ဦးချင်းကသာ တာဝန်သိမှု၊ တာဝန်ယူမှုအပြည့်ဖြင့် မခိုမကပ်ဘဲ၊ အဂတိလိုက်စားမှုမရှိဘဲဆောင်ရွက်ကြရမည်။ ထိုသို့ဆောင်ရွက်နိုင်မည်ဆိုပါက မြန်မာနိုင်ငံသည်လည်း အရှေ့တောင်အာရှ၊ အာရှနှင့် ကမ္ဘာ့နိုင်ငံများထဲတွင် အမှိုက်ကင်းစင်သော နိုင်ငံအဖြစ် ရပ်တည်နိုင်မည်မှာ မြေကြီးလက်ခတ်မလွဲပင် ဖြစ်ပါ ကြောင်း။   ။

(ဖော်ပြပါ သရော်စာသည် စာရေးသူ၏ အာဘော်သာဖြစ်သည်)