ပဲခူးတိုင်း ၁၀ မြို့နယ်ရှိ သဘာဝပတ်ဝန်းကျင် ပြဿနာဆန်းစစ်ချက်များ ဖေဖော်ဝါရီတွင် ထုတ်ပြန်မည်

 သဘာဝပတ်ဝန်းကျင် ရေးရာ ပြဿနာများ ကြုံနေရ သည့် ပဲခူးတိုင်းဒေသကြီးအတွင်း ရှိ မြို့နယ် ၁၀ မြို့နယ်ကို ဆန်း စစ်ပြီး ယခုလအတွင်း စစ်တမ်း ရလဒ်များနှင့် ဓာတ်ခွဲခန်း ရလဒ်များ ထုတ်ပြန်မည်ဟု စိမ်းလန်းအမိမြေ ဖွံ့ဖြိုးတိုးတက်ရေး အသင်းမှ သဘာဝ ပတ်ဝန်းကျင် ဆိုင်ရာ အရာရှိ ဦးအေးချမ်းမောင် က ပြောကြားသည်။

ရေတာရှည်၊ တောင်ငူ၊ အုတ်ဖို၊ ဇီးကုန်း၊ မိုးညို၊ မင်းလှ၊ လက်ပံတန်း၊ ရွှေကျင်နှင့် ကဝမြို့ နယ်များတွင် ၂၀၁၇ စက်တင်ဘာ မှစ၍ သဘာဝပတ်ဝန်းကျင်ရေး ရာများ ဆန်းစစ်ထားခြင်းဖြစ် သည်။

ယင်းမြို့နယ်များတွင် စပါး စက်ငယ်များကြောင့် လေထုညစ် ညမ်းခြင်း၊ အမှိုက်စနစ်တကျ မပစ်ခြင်း၊ စစ်တောင်းမြစ်ရေကြီး ခြင်း၊ ထင်းမီးသွေးနှင့် အုတ်များ အလွန်အကျွံ ထုတ်လုပ်ခြင်း ကြောင့် သစ်တောနှင့် စားကျက် မြေ ဆုံးရှုံးခြင်း၊ နှစ်စဉ် ကမ်းပါး ပြိုရေကြီးခြင်း၊ မြေသဲကျောက် စုပ်ယူခြင်း၊ ငါးမျိုးစိတ်၊ ရေသယံ ဇာတပျက်စီးခြင်း၊ ဝက်မွေးမြူခြင်း ကြောင့် လူနေရပ်ကွက်များ အနံ့ ဆိုးများထွက်ခြင်း တွေ့ရှိရ ကြောင်း စိမ်းလန်းအမိမြေ ဖွံ့ဖြိုး တိုးတက်ရေးအသင်း စစ်တမ်းအရသိရသည်။

ရေတာရှည်မြို့နယ်တွင် စပါးစက်ငယ်များကြောင့် အမှုန် အမွှားများ လေထုအတွင်း ပျံ့နှံ့ ခြင်း၊ အမှိုက်ပစ်ရာ နေရာသတ်မှတ်ထားခြင်းမရှိ၍ ကားလမ်းဘေးများတွင် အမှိုက်စွန့်ပစ်ခြင်း၊ မြို့အတွင်း မွေးမြူရေး လုပ်သောကြောင့် အနံ့ဆိုးများထွက်နေခြင်းများကို ဒေသခံပြည်သူများ မကြာခဏ တိုင်ကြားသော်လည်း လက်ရှိ အချိန်ထိ ဖြေရှင်းပေးနိုင်ခြင်း မရှိသေးကြောင်း ရေတာရှည်မြို့၌ နေထိုင်သူများက ပြောသည်။

‘‘ရေတာရှည်မြို့မှာ  သီးခြား စက်မှုဇုန်မရှိတော့ မြို့ထဲမှာပဲ အသေးစားစက်မှုလုပ်ငန်းတွေ လုပ်တယ်။ မွေးမြူရေးတွေလည်း လုပ်တယ်။ အမှိုက်ကလည်း နေရာမရှိတော့ လမ်းဘေးမှာပစ် တယ်။ တိုင်တဲ့သူတွေလည်း တိုင် ကြတယ်။ ကျွန်တော်တို့လည်း အတတ်နိုင်ဆုံး ကြိုးစားဖြေရှင်း နေပါတယ်’’ ဟု ရေတာရှည် မြို့နယ် စည်ပင်သာယာရေးကော်မတီ ဥက္ကဋ္ဌ ဦးခင်မောင်ဆွေ က ပြောသည်။

လက်ရှိတွင် စပါးစက်ငယ် များမှ အမှုန်အမွှားများ လေထု အတွင်း ပျံ့နှံ့မှုနည်းစေရန် အကာ အရံ ပြုလုပ်ထားခြင်း၊ တိရစ္ဆာန်မွေးမြူရေးလုပ်ငန်းများမှအနံ့များသက်သာစေရန်နှင့် ပိုးမွှားများ ပျံ့နှံ့မှုနည်းစေရန် ထုံးဖြူးခြင်း ဆောင်ရွက်ပြီး အမှိုက်စွန့်ပစ်ရန် နေရာလည်း သတ်မှတ်ပေးရန် တောင်းဆိုထားကြောင်း ၎င်းကဆိုသည်။

စိမ်းလန်းအမိမြေ ဖွံ့ဖြိုးတိုး တက်ရေးအသင်းသည် ၂၀၁၃ က စ၍ မြို့နယ် ၁၃၀ ရှိ သဘာဝ ပတ်ဝန်းကျင်ရေးရာ ပြဿနာများ ကို လေ့လာဆန်းစစ်ပြီး ၂၀၁၆ စက်တင်ဘာမှ ၂၀၁၇ နိုဝင်ဘာ အတွင်း ရန်ကုန်မြို့ မြို့နယ် ကိုးခုမှ လေထုညစ်ညမ်းမှု သုတေ သန စစ်တမ်းပြုလုပ်ခဲ့ရာ ယင်း နေရာများတွင် နိုက်ထရိုဂျင်ဒိုင် အောက်ဆိုက်၊ ဆာလဖာဒိုင် အောက်ဆိုက်၊ နိုက်ဒရိုဂျင် အောက်ဆိုက် စသည့် ဓာတ်ငွေ့များ ကမ္ဘာ့ကျန်းမာရေးအဖွဲ့သတ်မှတ်ထားသည့် စံနှုန်းထက်ပိုမိုမြင့်မားနေကြောင်း သိရှိရသည်။