မြ၀တီနယ်စပ်ကုန်သွယ်ရေးတွင် အလိုအလျောက် ကုန်စည်ရှင်းလင်းရေးစနစ်ကျင့်သုံးမည်

မြ၀တီနယ်စပ်ကုန်သွယ်ရေးသည် နယ်စပ်ကုန်သွယ်မှုများတွင် ဒုတိယအများဆုံးဖြစ်သည် (ဓာတ်ပုံ − စိုင်းဇော်)

 မြ၀တီနယ်စပ်ကုန်သွယ် ရေးတွင် အလိုအလျောက်ကုန် စည်ရှင်းလင်းရေးစနစ် (MACCS) ကို လာမည့်မတ်လတွင် စမ်းသပ် ဆောင်ရွက်ပြီး ဇွန်လတွင်စတင် ကျင့်သုံးရန် စီစဉ်နေကြောင်း အကောက်ခွန်ဦးစီးဌာန MACCS ဌာနခွဲညွှန်ကြားရေးမှူး ဦးဝင်း သန့်က ပြောသည်။


ပို့ကုန်၊ သွင်းကုန်လုပ်ငန်း များ ဆောင်ရွက်ရာတွင် အကောက်ခွန်ရုံးများသို့ ကိုယ်တိုင်သွားရန်မ လိုတော့ဘဲ အွန်လိုင်းမှတစ်ဆင့် အချိန်တိုအတွင်း ဆောင်ရွက် သည့်စနစ်ဖြစ်သော မြန်မာ့အလို အလျောက် ကုန်စည်ရှင်းလင်းရေးစနစ် (MACCS) ကို ရန်ကုန်တွင် ၂၀၁၆ နိုဝင်ဘာက စတင်ကျင့်သုံးခဲ့သည်။ လက်ရှိတွင်ရန်ကုန်၌ ယင်းစနစ်ကျင့်သုံးမှု အောင်မြင်ပြီဖြစ်၍ မြ၀တီတွင်ထပ်မံကျင့်သုံးရန် စီစဉ်ခြင်းဖြစ်ကြောင်းဦးဝင်းသန့်ကပြောသည်။

မြ၀တီနယ်စပ်ကုန်သွယ်ရေး ဒေသတွင် MACCS စနစ်ကို မတ် လ ၁ ရက်မှစ၍ မေလအထိ သုံး လ စမ်းသပ်ကျင့်သုံးရန် စီစဉ်ထားပြီး ဇွန်လတွင် စတင်ကျင့်သုံးမည်ဟု ဆိုသည်။

‘‘မြ၀တီရဲ့ ကုန်သွယ်မှုပမာ ဏက မြန်မာနိုင်ငံမှာ နယ်စပ်ကုန် သွယ်ရေးမှာ ဒုတိယအများဆုံး ဖြစ်တယ်။ နောက်ပြီး ရန်ကုန်နဲ့ လမ်းပန်းဆက်သွယ်ရေးကောင်း တယ်။ နယ်မြေဒေသအခြေအနေ ကရော ငြိမ်းငြိမ်းချမ်းချမ်းနဲ့ စီးပွားရေးကို လုပ်ကိုင်နိုင်တဲ့အနေအ ထားရှိတယ်’’ဟု နယ်စပ်ကုန် သွယ်ရေးဇုန်များတွင် မြ၀တီကို ပထမဆုံး MACCS စနစ်ကျင့်သုံး ရန် ရွေးချယ်ရသည့်အကြောင်း ရင်းကို ၎င်းက ပြောသည်။

ထို့ကြောင့် မြ၀တီတွင် MACCS စနစ် အသုံးပြုရမည့် သွင်းကုန်၊ ထုတ်ကုန်လုပ်ငန်းရှင် များ၊ ကုန်သွယ်ရေးနှင့် ဆက်စပ် လုပ်ကိုင်သူများ၊ အဖွဲ့အစည်း များအတွက် စနစ်အသုံးပြုရာတွင်လိုအပ်သည့် သုံးစွဲသူမှတ်ပုံတင် ခြင်းကို ဖေဖော်ဝါရီ ၁၉ မှ မတ်လ၂ ရက်အထိ ဆောင်ရွက်မည်ဖြစ် ကြောင်း ကြေညာထားသည်။

အခြား နယ်စပ်ကုန်သွယ် ရေးဇုန်များတွင်လည်း ယင်းစနစ် ကိုကျင့်သုံးရန် အစီအစဉ်ရှိသော်လည်း လက်ရှိတွင် အချိန်နှင့် နေရာကို သတ်မှတ်ထားခြင်းမရှိသေးကြောင်း ဦးဝင်းသန့်က ပြောသည်။ နေရာတစ်ခုတွင် ယင်းစနစ်ကျင့်သုံးပြီး အခြေကျလည်ပတ် နိုင်ပြီးမှ အခြားနေရာတစ်ခုတွင် ထပ်မံအကောင်အထည်ဖော်ရန် စီစဉ်ထားကြောင်း ၎င်းကဆိုသည်။ ရန် ကုန်တွင် ယင်းစနစ်စတင်ကျင့်သုံး ပြီး ခြောက်လခန့်အတွင်း တည်တည်ငြိမ်ငြိမ် လည်ပတ်နိုင်ခဲ့ကြောင်း ပြောကြားသည်။

မြ၀တီပြီးလျှင် မူဆယ်၊ တာ ချီလိတ်စသည့် နယ်စပ်ကုန်သွယ် ရေးဇုန်များတွင် MACCS ကျင့်သုံး ရန် အလားအလာကောင်းများရှိ ကြောင်း ၎င်းကဆိုသည်။

MACCS စနစ်ကို ဂျပန်နိုင်ငံ ၏ အကူအညီဖြင့် ဆောင်ရွက်ပြီး ဂျပန်တွင် ၁၉၈၇ ကစတင် အသုံးပြုခဲ့သည့် NACCS စနစ်ကို အခြေခံထားခြင်း ဖြစ်သည်။