တရုတ်နှစ်သစ်ကူးပိတ်ရက်နီးချိန် ယွမ်ငွေတန်ဖိုးတက်သော်လည်း ကုန်သွယ်မှုလျော့၍ မြန်မာ့ပို့ကုန်သမားများအခက်တွေ့

တရုတ်နှစ်သစ်ကူး ပိတ်ရက်နီးလာသဖြင့် နှစ်နိုင်ငံနယ်စပ် ကုန်သွယ်မှု လျော့ကျချိန်တွင် တရုတ်ယွမ်ငွေတန်ဖိုးမြင့်တက် ခြင်းက မြန်မာနိုင်ငံမှ ပို့ကုန်လုပ်ငန်းရှင်များ အခွင့်အရေးဆုံးရှုံးကြောင်း မူဆယ်မြို့မှ ကုန်သည်များက ပြောသည်။


မူဆယ်မြို့တွင် ယွမ်ငွေနှင့် မြန်မာကျပ်ငွေလဲနှုန်းသည် ဖေဖော်ဝါရီ ၂ ရက်၌ တစ်ယွမ် ၂၀၈ ကျပ်ကျော်တန်ဖိုးရှိလာသည်။ မူဆယ်နယ်စပ်၌ ၂၀၁၈ ဇန်န၀ါရီကစတင်၍ တရုတ်ငွေတန်ဖိုးမြင့်တက်လာပြီး လက်ရှိတွင် တစ်ယွမ်လျှင် ၄ ရာခိုင်နှုန်းကျော်မြင့် တက်လာသည်။

တစ်ရက်လျှင် ကန်ဒေါ်လာ ၁၁ သန်း (ယွမ် ၆၉ သန်းကျော်)ကုန်သွယ်နေသော မူဆယ်ရွှေလီနယ်စပ်ကုန်သွယ်ရေးတွင် ယွမ်ငွေဖြင့်သာ အများစုအရောင်းအ၀ယ်ပြုလုပ်ကြောင်း မူဆယ်မြို့မှ ကုန်သည်အချို့က ပြောသည်။

ဆန်၊ ပြောင်းဖူးစေ့၊ သကြား အပါအ၀င် လယ်ယာထွက်ကုန်၊ ရေထွက်ကုန်များနှင့် မြန်မာနိုင်ငံမှ ပို့ကုန်အများစုကို တရုတ်ကုန်သည်များက ယွမ်ငွေကို အခြေခံပြီး ၀ယ်ယူသည်။

နှစ်နိုင်ငံနယ်စပ်ကုန်သွယ် ရေးတွင် ယွမ်ငွေတန်ဖိုးအပြောင်း အလဲသည် ပို့ကုန်၊ သွင်းကုန် ကုန်သည်များအတွက် များစွာအရေး ကြီးကြောင်း မူဆယ်မြို့မှ ကုန် သည်များက ပြောသည်။

လက်ရှိတွင် ယွမ်ငွေတန်ဖိုးမြင့်တက်မှုသည် ပုံမှန်ကုန်သွယ်ရေးပြုလုပ်နေချိန် မြန်မာနိုင်ငံမှ ပို့ကုန်လုပ်ငန်းရှင်များအတွက် အ ခွင့်အရေးဖြစ်သော်လည်း တရုတ် နှစ်သစ်ကူးကာလနီးချိန် ကုန် သွယ်ရေးလျော့ကျနေသဖြင့် အ ကျိုးအမြတ်မရှိကြောင်း ၎င်းတို့ က ပြောသည်။

မူဆယ်တွင် ယွမ်ငွေတန်ဖိုးမြင့်တက်ခြင်းကြောင့် ကျပ်ငွေတန်ဖိုးကျဆင်းနေသော်လည်း ရန်ကုန်မြို့၌ ဒေါ်လာတန်ဖိုးကျ  ဆင်းပြီး ကျပ်ငွေတန်ဖိုးမြင့်တက်သကဲ့သို့ ဖြစ်နေသည်။ ပြင်ပဈေးကွက်တွင် တစ်ဒေါ်လာလျှင် ကျပ်၁,၃၆၀ မှ ၁,၃၂၈ ကျပ်သို့ ကျဆင်းခဲ့သည်။

ကန်ဒေါ်လာတန်ဖိုးကျဆင်း ချိန်တွင် ပို့ကုန်ရငွေတန်ဖိုးသည် တစ်လအတွင်း ၃ ရာခိုင်နှုန်းကျ ဆင်းခြင်းကြောင့် ပြည်ပပို့ကုန် လုပ်ငန်းရှင်များ အရှုံးကို စတင်ကြုံတွေ့လာကြောင်း စီးပွားရေးလုပ် ငန်းရှင်အချို့က ပြောသည်။

မြန်မာနိုင်ငံမှ ပြည်ပသို့ ကုန် ပစ္စည်းတင်ပို့ရာတွင် အနည်းဆုံး တစ်လကျော်အချိန်ယူပြီးမှ ရောင်းချထားသည့်ငွေကို တင်ပို့သူကရရှိသည်။ ငွေလဲနှုန်းတစ်လအတွင်း ကျဆင်းခြင်းကြောင့် ဇန်န၀ါရီလဆန်းက ကုန်ပစ္စည်းတင်ပို့ထား သူများ ငွေပြန်လည်ဝင်လာချိန် ၌ အရှုံးဖြင့် ရင်ဆိုင်ရမည်ဟု ၎င်းက ဆိုသည်။