ဆက်သွယ်ရေးအော်ပရေတာများထံမှ ကောက်ခံသည့်ရန်ပုံငွေ အသုံးပြုခြင်းနှင့်ပတ်သက်၍ အကြံပြုချက်ပေးပို့မည်ဟုဆို

ဆက်သွယ်ရေးအော်ပရေတာများ ၀င်ငွေ၏ ၂ ရာခိုင်နှုန်း ကောက်ခံ ကာ ပြန်လည်အသုံးပြုသင့်သည့် ကဏ္ဍများကို အရပ်ဘက်အဖွဲ့အ စည်းများစုပေါင်း၍ အကြံပြုချက် ပေးပို့မည်ဟု နည်းပညာဆိုင်ရာ အရပ်ဘက်အဖွဲ့အစည်း MIDO မှ မထိုက်ထိုက်အောင်က ပြောကြား သည်။

ပို့ဆောင်ရေးနှင့်ဆက်သွယ် ရေးဝန်ကြီးဌာနသည် ဝေးလံခေါင် ဖျားသည့်ကျေးလက်ဒေသများ တွင် ဆက်သွယ်ရေးကွန်ရက်တည် ဆောက်ရန် အော်ပရေတာများထံ မှ ၀င်ငွေ၏ ၂ ရာခိုင်နှုန်းကောက်ခံမည်ဟု ၂၀၁၈ ဇန်န၀ါရီတွင် ကြေ ညာသည်။


‘‘ငွေကြေး သုံးတဲ့နေရာမှာ ဘယ်လိုနေရာတွေမှာ အသုံးပြု သင့်တယ်ဆိုတာမျိုးကို အကြံပြု ချက်ပေးပို့မှာပါ။ ဥပမာ မသန် စွမ်းတွေအက်ပလီကေးရှင်းတွေ ဖန်တီးတာမျိုးတွေအပါအ၀င် ပေါ့’’ ဟု မထိုက်ထိုက်အောင်က ပြောသည်။

အရပ်ဘက်အဖွဲ့အစည်းများ ၏ အကြံပြုချက်ကို ဖေဖော်ဝါရီ ၁၂ ရက်မတိုင်မီ အစိုးရအဖွဲ့ထံ တင်ပြမည်ဖြစ်သည်။

အော်ပရေတာများက ကောက်ခံထားသည့် ငွေကြေးရန် ပုံငွေကို ဆက်သွယ်ရေးကွန်ရက် မရှိသော ဒေသများတွင် အမှန် တကယ်အသုံးပြုနိုင်ရန် လို ကြောင်း ၎င်းကပြောသည်။

အကြံပြုချက်ကို နည်းပညာ ဆိုင်ရာအဖွဲ့အစည်း၊ မသန်စွမ်း အဖွဲ့အစည်း၊ အမျိုးသမီးအဖွဲ့အ စည်းများအပြင် စိတ်ပါဝင်စား သည့် အရပ်ဘက်အဖွဲ့အစည်းအ သီးသီးနှင့် ပူးပေါင်းပြုစုမည်ဟု မထိုက်ထိုက်အောင်က ပြော သည်။

ရန်ပုံငွေ အသုံးပြုရာတွင် အခြေခံ အဆောက်အအုံတည် ဆောက်ခြင်း၊ သတင်းအချက်အ လက်နှင့် အသုံးချသင်တန်းများ ပို့ ချခြင်းနှင့် လူမျိုးစုများ၊ လူနည်းစု များ၊ ၀င်ငွေနည်းပါးသူများ၊ မသန်စွမ်းသူများအတွက် အထူး အစီအစဉ် ပြုလုပ်ပေးခြင်းများ ပါဝင်မည်ဟု ဆက်သွယ်ရေးညွှန် ကြားမှုဦးစီးဌာနက ဇန်န၀ါရီ ၂၅ ရက်တွင် ထုတ်ပြန်သည်။

ရန်ပုံငွေဖြင့် ကျေးလက်ဒေ သဆက်သွယ်ရေးကွန်ရက်တည် ဆောက်ရန် မဟာဗျူဟာမူကြမ်း ကို ပို့ဆောင်ရေးနှင့်ဆက်သွယ် ရေးဝန်ကြီးဌာနက နိုင်ငံတကာ အကြံပေးအဖွဲ့အစည်းဖြစ်သည့် Intelcom ၏အကြံပြုချက်အပေါ် အခြေပြုရေးဆွဲ၍ ဇန်န၀ါရီ ၅ ရက်တွင် ထုတ်ပြန်ခဲ့သည်။

မဟာဗျူဟာစီမံကိန်းမူကြမ်း တွင် ဆက်သွယ်ရေးကွန်ရက်တည် ဆောက်ရေးငါးနှစ်တာအစီအစဉ် များ ထည့်သွင်းရေးဆွဲထားသည်။ ငါးနှစ်အတွင်း ဆက်သွယ်ရေး အော်ပရေတာများထံမှ ကန်ဒေါ် လာသန်း ၁၂၀ ခန့်ကောက်ခံရရှိ မည်ဟု ခန့်မှန်းထားသည်။

ပြည်ထောင်စုအဝေးပြေး လမ်းမကြီး ၂၈ ခုပေါ်တွင် လိုအပ် ချက်ရှိသောဆက်သွယ်ရေးကွန် ရက်ကို ရန်ပုံငွေဖြင့်အဓိကအ ကောင်အထည်ဖော်ဆောင်မည် ဟု စီမံကိန်းမူကြမ်း၌ဖော်ပြထား သည်။

စီမံကိန်းအရ ယခုနှစ်အတွင်း လုပ်ငန်းစတင်ပြီး ကနဦးအဖြစ် မြို့နယ် ၄၀ ကျော်၌ အကောင်အ ထည်ဖော်မည်ဖြစ်သည်။