မြန်မာသို့ ဥရောပခရီးသွားအ၀င်နည်းသော်လည်း အာရှက ခရီးသွားများလာဟုဆို

ဥရောပခရီးသွားဧည့်သည် အ၀င်နည်းသော်လည်း အာဆီယံ အပါအ၀င်တရုတ်၊ ဂျပန်နှင့် ကိုရီး ယားနိုင်ငံများမှ ခရီးသွားဝင် ရောက်နှုန်းမြင့်လာကြောင်း ဟို တယ်နှင့်ခရီးသွားလာရေးဝန်ကြီး ဌာန ညွှန်ကြားရေးမှူးဦးခင်မောင် စိုးက ပြောသည်။


၂၀၁၇ ဩဂုတ်တွင် ဖြစ်ပွား ခဲ့သည့် ရခိုင်ပြည်နယ်ပဋိပက္ခ ကြောင့် ခရီးသွားကဏ္ဍ အပေါ်သက်ရောက်ခဲ့ပြီး ဥရောပနိုင်ငံအချို့မှ ခရီးစဉ်များ ဖျက်သိမ်းခဲ့သည်။ ထို့အပြင် သတင်းမှားများကြောင့်လည်း ပုံမှန်ဝင်ရောက်နေသည့် ဥရောပခရီးသွားများ ၀င်ရောက်မှု နည်းပါးကြောင်း၊ သို့သော် လက်ရှိတွင် အာရှမှခရီးသွားအ၀င်တိုးလာကြောင်း ဦးခင်မောင်စိုးက ပြောသည်။

‘‘၀င်လာတဲ့အရေအတွက်က မပြောင်းလဲဘူး။ ဈေးကွက်က ပြောင်းသွားပြီ’’ ဟု ၎င်းကပြော သည်။

မြန်မာနိုင်ငံသို့ အာရှနိုင်ငံ များမှ ခရီးသွားဝင်ရောက်မှု ၆၀ ရာခိုင်နှုန်းရှိပြီး ဥရောပနိုင်ငံများမှ ၄၀ ရာခိုင်နှုန်းရှိကြောင်း၊ အနာ ဂတ်ခရီးသွားလုပ်ငန်းတွင် အာရှ နိုင်ငံများအပေါ် ဈေးကွက်ချဲ့ထွင် သင့်ကြောင်း Nature Dream ခရီးသွားလုပ်ငန်းမှ ဒေါ်စံပယ် အောင်က အကြံပြုသည်။

‘‘အာရှဘက်ကအရမ်းကြီး တိုးပြီး ဥရောပဘက်ကအရမ်းကြီး ကျမသွားဘူးဆိုတာ ကိန်းဂဏန်း တွေကို ကြည့်ရင်သိနိုင်ပါတယ်။ အာရှဘက်ကပိုများနေတယ်ဆို တာကတော့ ၂၀၀၀ ပြည့်နှစ် လောက်ကတည်းကပါ’’ ဟု ၎င်းကပြောသည်။

မြန်မာနိုင်ငံသို့ နိုင်ငံခြားသား ခရီးသွားဧည့်သည်ဝင်ရောက်မှု ၂၀၁၆ တွင် ၂ ဒသမ ၉ သန်းကျော် ရှိပြီး ၂၀၁၅ က ထက် ၃၈ ရာခိုင် နှုန်းအထိလျော့ကျခဲ့သည်။ သို့ သော် ၂၀၁၇ တွင် ၃ ဒသမ ၄၄ သန်းဝင်ရောက်သဖြင့် ၁၈ ရာခိုင် နှုန်းကျော်ပြန်လည်တိုးတက်လာ ကြောင်း ဟိုတယ်နှင့်ခရီးသွားလာ ရေးဝန်ကြီးဌာနက ထုတ်ပြန်ထား သည်။