ရှားပါးမြစ်တွေး ငှက်မျိုးစိတ်များ ထိန်းသိမ်းနေဟုဆို

မြစ်တွေးငှက်တစ်ကောင်ကို တွေ့ရစဉ်(ဓာတ်ပုံ − WCS Myanmar)

 ကမ္ဘာတွင် ရှားပါးလာ သော မြစ်တွေး (River Tern) ငှက်မျိုးစိတ်များကို ချင်းတွင်းမြစ် အထက်ပိုင်း၌ သစ်တောဦးစီးဌာ နက ဒေသခံများနှင် ပူးပေါင်းကာ သားပေါက်ရာသီတွင် အသိုက်များမပျက်စီးစေရန် ထိန်းသိမ်းစောင့်ရှောက်နေကြောင်း သား ငှက်ထိန်းသိမ်းရေးအဖွဲ့ (မြန်မာနိုင်ငံ အစီအစဉ်) WCS Myanmar မှ Landscape Coordinator ဦး နိုင်လင်းကပြောသည်။

၂၀၁၇ သုတေသနပြုလုပ် ချက်အရ မြစ်တွေးငှက်များ အဓိ ကကျက်စားသော ဧရာဝတီနှင့် ချင်းတွင်းမြစ် ပေါင်းဆုံရာနေရာ တွင် အနည်းဆုံးအကောင်ရေ ၁၀၀ ကျော် ကျန်ရှိနေပြီး ချင်း တွင်းမြစ်၌ အဓိက ပျံ့နှံ့ကျက်စားရာ အထူးသဖြင့် ခန္တီးနှင့် ဟုမ္မလင်းကြား အကောင်ရေအများဆုံး နေထိုင်ကျက်စားကြောင်း WCSMyanmar က ထုတ်ပြန်ထားသည်။


‘‘မြစ်တွေးငှက်တွေ သား ပေါက်ရာသီ၊ မိတ်လိုက်တဲ့ရာသီ တွေမှာ တခြားတိရစ္ဆာန်တွေက ဖျက်ဆီးတာ၊ စားသောက်တာ တွေရှိတယ်။ သူတို့က ဥဥရင် သောင်ပြင်မှာ ဥတာ။ရေကြီးတာ၊ မိုးကြီးတာတို့ဆို အသိုက်တွေအ ကောင်ပေါက်တွေ ပျက်စီးသွား နိုင်လို့ ဒေသခံတွေနဲ့ ပူးပေါင်း ထိန်းသိမ်းတာပါ’’ ဟု ဦးနိုင်လင်း က ပြောသည်။

မြစ်တွေးငှက်များကို ခန္တီးမြို့ နှင့် ဟုမ္မလင်းမြို့အကြားလင်းခါး ရွာအနီး၌ တွေ့ရပြီး ယင်းဒေ သခံပြည်သူများကို မြစ်တွေးငှက် များ ထိန်းသိမ်းစောင့်ရှောက်ရန် ၂၀၁၇ အတွင်း အသိပညာပေး ခဲ့သလို ၂၀၁၈ တွင်လည်း အသိပညာပေးလုပ်ငန်းများ ပြုလုပ်ရန် ရည်ရွယ်ထားကြောင်း ၎င်းကပြောသည်။

‘‘မြစ်တွေးငှက်လို့ ပြောတာ ထက် ဒေသခေါ်စင်ရော်ငှက်ဆို  ပိုပြီးလူသိလွယ်တယ်။ အရင်က အခုလိုဆောင်းနဲ့နွေအကူးကာလ တွေမှာ ချင်းတွင်းမြစ်သောင်ကမ်း စပ်တွေမှာ အများကြီးတွေ့ဖူး တယ်။ အခုတော့ အကောင်ရေ တော်တော် နည်းသွားပြီထင် တယ်။ တစ်ခါတလေကမ်းစပ်မှာ နည်းနည်းပဲ တွေ့တော့တယ်’’ ဟု ခန္တီးမြို့နေ ဦးအောင်ဆန်းမြင့်က ဆိုသည်။

မြစ်တွေးငှက်နှင့်ပတ်သက် ၍ ၂၀၁၇ သုတေသနပြုလုပ်ချက် အရ အသိုက် ၄၁ ခုတွေ့ရှိ ထိန်း သိမ်းစောင့်ရှောက်နိုင်ပြီး သား ပေါက်ရာသီအပြီး မျိုးပွားမှု ၄၀ ရာခိုင်နှုန်းခန့် အောင်မြင်ကြောင်း ခန္တီးနှင့် ဟုမ္မလင်းကြားသည် မိတ် လိုက်မျိုးပွားရာဒေသနှင့် သား ပေါက်ရာ အကောင်းဆုံးနေရင်း ဒေသများ ဖြစ်ကြောင်း WCS Myanmar က ဖော်ပြထားသည်။

ယခုနှစ်တွင် မြစ်တွေးငှက် များ သားပေါက်ရာသီ စတင်နေပြီးအသိုက် ၁၁ ခုတွေ့ရှိ ထိန်းသိမ်း စောင့်ရှောက်ထားကာ ထပ်မံ စာရင်းကောက်ယူနေဆဲဖြစ်ရာ အသိုက်များ မပျက်စီးစေရန်၊ ဥများ မပျက်စီးစေရန်၊ အကောင်ပေါက်များ မသေစေရန်၊ လူနှင့် တိရစ္ဆာန်များ အနှောင့်အယှက်ဘေးမခံရစေရန်နှင့်  အဓိက အကောင်အရေအတွက် တိုးပွားစေရန် ပူးပေါင်းဆောင်ရွက်နေကြောင်း ဒေသခံများက ပြောသည်။

လက်ရှိ မြစ်တွေးငှက်သားပေါက်ရာသီ ရောက်ရှိလာပြီဖြစ်၍ အရေးပါသော သဲသောင်ခုံများ၊ ကျွန်းတောများတွင် အသိပေးတားမြစ်ချက်များ၊ မေတ္တာရပ်ခံချက်၊ ဆိုင်းဘုတ်များ စိုက်ထူပြီး ဒေသခံများနှင့် ပူးပေါင်းစောင့်ကြပ်၍ ထိန်းသိမ်းနေကြောင်း WCS Myanmar ကထုတ်ပြန်သည်။