မြန်မာ့ဒစ်ဂျစ်တယ်အခန်းကဏ္ဍအတွက် ဆောင်ရွက်သင့်သည်များကို တယ်လီနောအကြံပြု

 မြန်မာနိုင်ငံ၏ ဒစ်ဂျစ် တယ်အခန်းကဏ္ဍကို အကောင် အထည်ဖော်ရန် အကြံပြုချက် ၁၉ ချက်ကို တယ်လီနောက ထုတ်ပြန်ခဲ့သည်။

ဖေဖော်ဝါရီ ၆ ရက်တွင် ထုတ်ပြန်သည့် ယင်းအကြံပြုချက်၌ အစိုးရ၊ ပုဂ္ဂလိက၊ အရပ်ဘက်အ ဖွဲ့အစည်းနှင့် စည်းကမ်းထိန်းသိမ်းရေးဟူသော ခေါင်းစဉ်လေးခုပါရှိသည်။


ထို့ပြင် ၂၀၁၈ မှ ၂၀၂၃ အတွင်း နှစ်စဉ်အလိုက် အကောင်အထည်ဖော်ရမည့် ကဏ္ဍခုနစ်ခုကို တယ်လီနောက အသေးစိတ်ထုတ်ပြန်သည်။

အခြေခံမူဘောင်၊ အခြေခံ အဆောက်အအုံ၊ ဂေဟစနစ်နှင့် အသုံးပြုမှုအပိုင်းတွင် အကြောင်း အရာ ကိုးခုကို ၂၀၁၈ အတွင်း အကောင်အထည်ဖော်သင့်ကြောင်း တယ်လီနောက အဆိုပြုသည်။

ဆိုက်ဘာနှင့် အီလက်ထ ရွန်နစ်ဆိုင်ရာဥပဒေများကို အ တည်ပြုရန်၊ လွတ်လပ်သော ဆက် သွယ်ရေးကြီးကြပ်မှုကော်မရှင်ဖွဲ့ စည်းရန်၊ တရားဥပဒေစိုးမိုးရန်၊ ကျေးလက်ဒေသမိုဘိုင်းဖုန်းကွန် ရက်အတွက် ရန်ပုံငွေခွဲဝေပေးရန်၊ ဖိုက်ဘာကွန်ရက်အတွက် လမ်း နယ်နိမိတ်သတ်မှတ်ရန်၊ လယ် ယာမြေနှင့် မြေလွတ်မြေရိုင်းပေါ် တွင် တာဝါစိုက်ထူခွင့်ပေးရန်တို့ ကို ၂၀၁၈ အတွင်း အကောင်အထည်ဖော်ရမည်ဟု တယ်လီနောက ထုတ်ပြန်သည်။

၂၀၂၃ အထိ နှစ်အလိုက်အကောင်အထည်ဖော်ရမည့် ကဏ္ဍ ခုနစ်ခုတွင် ဆောင်ရွက်ရမည့်အကြောင်းအရာ ၄၆ ခုပါရှိသည်။

ကဏ္ဍအလိုက်အကောင်အ ထည်ဖော်ရာတွင် ဒစ်ဂျစ်တယ်သက်သေခံလက်မှတ်ကို တစ်နိုင်ငံလုံးအတိုင်းအတာနှင့်ထုတ်ပေးရန်၊ ပုဂ္ဂလိကဒစ်ဂျစ်တယ်ဝန်ဆောင်မှုကို စမတ်ဖုန်းပေါ်မှ အသုံးပြုရန်၊ ဒစ်ဂျစ်တယ်ဝန်ဆောင်မှုကို e- Government Portal တွင် စာရင်းပြုစုရန်စသည်တို့ကို ၂၀၁၈ အတွင်း အကောင်အထည်ဖော် ရန်အကြံပြုသည်။

တယ်လီနော၏ အကြံပြု ချက်အစီရင်ခံစာသည် တိကျခိုင် မာသည့် အကြံပြုချက်များဖြစ် ကြောင်း၊ ထို့အပြင် နိုင်ငံအဆင့် ဆွေးနွေးပွဲများအတွက် အထောက်အကူပြုမည်ဖြစ်ကြောင်း တယ်လီ နော စီအီးအိုအဲရစ်တဲလ်မန်းက ပြောသည်။