ရန်ကုန်ဒိုင်ဈေးနှုန်း ကျဆင်းနေ၍ မကွေးတိုင်းရှိ မြစ်ကျောက်စရစ် လုပ်ငန်းရှင်များ လုပ်ငန်းရပ်နား

၂၀၁၆ အတွင်းက မကွေးတိုင်းရှိ မြစ်ကျောက်ထုတ်လုပ်ငန်းခွင်တစ်ခုကို တွေ့ရစဉ် (ဓာတ်ပုံ − မြစ်ကျောက်လုပ်ငန်းရှင်များ)

 ရန်ကုန်မြို့ရှိ မြစ် ကျောက်စရစ်အ၀ယ်ဒိုင်ကြီးများ တွင် မြစ်ကျောက်အ၀ယ်ဈေးနှုန်း ကျဆင်းနေ၍ မကွေးတိုင်းရှိ မြစ် ကျောက်စရစ်ထုတ်လုပ်ရေးလုပ် ငန်းရှင်များသည် တိုင်းဒေသကြီး ပြင်ပသို့ သယ်ဆောင်ရောင်းချ ခြင်း လုပ်ငန်းများ ရပ်နားထား ကြောင်း လုပ်ငန်းရှင်များက ပြော သည်။

ရန်ကုန်မြို့ရှိ မြစ်ကျောက် စရစ်အ၀ယ်ဒိုင်ကြီးများတွင် ယခင်က မြစ်ကျောက်စရစ်တစ်ကျင်း လျှင် ကျပ် ၅၀,၀၀၀ မှ ၈၀,၀၀၀ အထိ ဈေးနှုန်းရှိခဲ့သော်လည်း ဖေဖော်ဝါရီ ပထမပတ်တွင် ကျပ် ၄၀,၀၀၀ သို့ ဈေးနှုန်းကျဆင်းသဖြင့် မကွေးတိုင်းအတွင်း မြစ် ကျောက်စရစ်ထုတ်လုပ်ရေးလုပ် ငန်းရှင်များ ရောင်းချနိုင်မှု မရှိ တော့ခြင်း ဖြစ်သည်။

‘‘တခြားပြည်နယ်နဲ့ တိုင်း တွေက နယ်ကျော်ရောင်းချခွင့် သီးခြားလျှောက်ရတာ မရှိဘဲ လွတ်လပ်စွာသယ်ဆောင်ရောင်း ချခွင့်ရှိတယ်။ မကွေးတိုင်းက နေပြည်တော်အထိသွားပြီး နယ် ကျော်ရောင်းခွင့်တင်ရတော့ ကုန် ကျစရိတ်ပိုကျတယ်။ ဒါကြောင့် ရန်ကုန်ဒိုင်ဈေးကျတော့ ဈေးမ ယှဉ်နိုင်ဘဲ လုပ်ငန်းရပ်ထားရတာ’’ဟု မကွေးတိုင်းအောင်လံမြို့နယ်  မှ မြစ်ကျောက်ထုတ်လုပ်ရေးလုပ်ငန်းရှင်  တစ်ဦးက ပြောကြားသည်။

မကွေးတိုင်းမှ ရန်ကုန်တိုင်း သို့ မြစ်ကျောက်စရစ်တစ်ကျင်း လျှင် ကုန်တင်ရေယာဉ်ဖြင့် သယ် ဆောင်ခကျပ် ၂၅,၀၀၀ အထိရှိနေပြီး ကျောက်တစ်ကျင်းထုတ်လုပ် ခွင့်နှင့် ကုန်သွယ်ခွင့်ကျပ် ၅,၀၀၀ ကို အခွန်အဖြစ် ပေးဆောင်ရပြီး  လုပ်သားခများပါဝင်လျှင် အရင်းအနှီးကျပ် ၅၀,၀၀၀ ခန့်ရှိနေ၍ အရှုံးပေါ်သဖြင့် ရပ်နားထားကြောင်း သရက်မြို့မှ လုပ်ငန်းရှင်တစ်ဦးက ဆိုသည်။

 မကွေးတိုင်းသည် မြစ် ကျောက်စရစ် ထုတ်လုပ်ခွင့်ကို ၂၀၁၇-၁၈ ဘဏ္ဍာနှစ်အစတွင် တိုင်းပြင်ပသို့ သယ်ဆောင်ရောင်း ချခွင့် (နယ်ကျော်ရောင်းခွင့်)ပိတ်ထားပြီး ယခင်နှစ် စက်တင် ဘာတွင် ပြန်လည်ခွင့်ပြုခဲ့သည်။

သို့သော် နယ်ကျော်ရောင်းချ ခွင့်ကို နေပြည်တော်ပြည်ထောင်စု အဆင့်အထိ လျှောက်ထားရသ ဖြင့် ကုန်ကျမှုနှင့် အချိန်ကြန့်ကြာ မှုများစွာရှိနေသည့်အပြင် အခြား ပြည်နယ်နှင့် တိုင်းများသည် ထုတ် လုပ်ခွင့်လိုင်စင်ရှိလျှင် လွတ်လပ် စွာ သယ်ဆောင်ရောင်းချခွင့်ရှိသ ဖြင့် မကွေးတိုင်းအတွင်း လုပ်ငန်း ရှင်များက ဈေးကွက်ယှဉ်ပြိုင်ရာ တွင် နစ်နာမှုများကြုံတွေ့နေရ ကြောင်း ၎င်းတို့က ပြောသည်။

မကွေးတိုင်းအတွင်း ၂၀၁၈ မေလမှ သြဂုတ်အထိ တိုင်းအ တွင်း မြစ်ကြီးသုံးခုမှ မြစ်ကျောက် စရစ်ထုတ်လုပ်ခွင့်လိုင်စင် ၇၀ ထုတ်ပေးထားကြောင်း မကွေးတိုင်းအစိုးရက ထုတ်ပြန်သည်။

မကွေးတိုင်းတွင် မြစ်ကျောက်စရစ်ဈေးနှုန်းများသည် မြို့နယ် ပေါ်မူတည်၍ အထိုင်ဈေး (ဒိုင် ဈေး)ကျောက်စရစ် တစ်ကျင်း လျှင် ကျပ် ၂၈,၀၀၀ မှ ၃၅,၀၀၀ အထိရှိနေကြောင်း မြစ်ကျောက် ထုတ်လုပ်ရေးလုပ်ငန်းရှင်များက ပြောသည်။