မဖွံ့ဖြိုးသေးသည့် ဒေသများတွင် ရင်းနှီးမြှုပ်နှံမှုအဝင်နည်း၍ အခွန်ကင်းလွတ်ခွင့်များပြင်ဆင်ရန် သုံးသပ်နေဟုဆို

ရင်းနှီးမြှုပ်နှံမှုလုပ်ငန်း များကို ဆွဲဆောင်ရန် အခွန်ကင်း လွတ်ခွင့်ပေးနေမှုများ ပြန်လည်သုံးသပ်၍ ပြင်ဆင်မည်ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန ဒုတိယ ညွှန်ကြားရေးမှူးချုပ် ဦးသန်းအောင်ကျော်က ပြောကြားသည်။

မဖွံ့ဖြိုးသေးသော ဒေသများ တွင် ရင်းနှီးမြှုပ်နှံမှုလုပ်ငန်းများ မဝင်ရောက်ဘဲ ရန်ကုန်တိုင်းတစ် ခုတည်း၌သာ စုပြုံဝင်ရောက်နေ ခြင်းကြောင့် အခွန်ကင်းလွတ်ခွင့် များ ပြန်လည်သုံးသပ်မည်ဖြစ် ကြောင်း​ ၎င်းက ဖေဖော်ဝါရီ ၇ ရက်တွင် ကျင်းပသည့် သတင်းစာ ရှင်းလင်းပွဲ၌ ပြောသည်။

၂၀၁၇-၁၈ ဘဏ္ဍာနှစ် ကိုး လကျော်အတွင်း နိုင်ငံခြားရင်းနှီး မြှုပ်နှံမှုကန်ဒေါ်လာ ၅ ဒသမ ၄ ဘီလီယံ ဝင်ရောက်ထားပြီး ရန် ကုန်နှင့် မန္တလေးတိုင်းတွင် အများဆုံး ဝင်ရောက်သည်။ ချင်း၊ ကယား၊ ရခိုင်တို့တွင် နိုင်ငံခြားရင်းနှီးမြှုပ်နှံမှု ဝင်ရောက်မှု မရှိသေးပေ။

‘‘တိုင်းဒေသကြီး၊ ပြည်နယ် ကို မြို့နယ်အလိုက် Review (သုံး သပ်မှု) ပြန်လုပ်နေတယ်။ အခွန် လျှော့ပေးစနစ်ကို ပြန်သုံးသပ်နေ တယ်။ တစ်နိုင်ငံလုံး ရင်းနှီးမြှုပ်နှံ မှု ၇၀ ရာခိုင်နှုန်းက ရန်ကုန်ဖြစ် နေတယ်။ ဒါကိုလည်း ပြုပြင်ဖို့ လုပ်နေတယ်’’ဟု ဦးသန်းအောင် ကျော်က ပြောသည်။

၂၀၁၆ အောက်တိုဘာအ တွင်း ပြဋ္ဌာန်းသည့် ရင်းနှီးမြှုပ်နှံမှုဥပဒေသစ်အရ ရင်းနှီးမြှုပ်နှံမှု များပြုလုပ်ရန် ဇုန်များသတ်မှတ် မည်ဖြစ်ပြီး ဇုန်(၁) သည် ဖွံ့ဖြိုးမှုနည်းပါးသည့် ဒေသများဖြစ်ကာ အခွန်ကင်းလွတ်ခွင့် ခုနစ်နှစ်ရရှိမည်ဖြစ်သည်။ ဇုန်(၂) သည် ဖွံ့ဖြိုးမှုအတော်အသင့်ရှိသော ဒေသများဖြစ်ကာ အခွန်ကင်းလွတ်ခွင့် ငါးနှစ်ဖြစ်သည်။ ဇုန်(၃)သည် ဖွံ့ဖြိုးမှုကောင်းမွန်သော ဒေသများ ဖြစ်ပြီး အခွန်ကင်းလွတ်ခွင့်သုံးနှစ် ရရှိမည်ဖြစ်သည်။

အစိုးရက ဇုန်သုံးမျိုးခွဲခြား သတ်မှတ်ရာတွင် ကယား၊ ကရင်၊ ချင်းနှင့် ရခိုင်ပြည်နယ်တို့ကို ပြည်နယ်တစ်ခုလုံး ဇုန်(၁)အဖြစ် သတ်မှတ်ပြီး ကချင်ပြည်နယ်တွင် မြို့နယ် ၁၄ ခုကို ဇုန်(၁)၊ ကျန်မြို့နယ်လေးခုကို ဇုန်(၂)အဖြစ် သတ်မှတ်ထားသည်။ မွန်ပြည်နယ်တွင် ဇုန်(၁) ၌ မြို့နယ်နှစ်ခုနှင့် ဇုန်(၂)တွင် မြို့နယ်ရှစ်ခု၊ ရှမ်းပြည်နယ်တွင် မြို့နယ် ၄၂ ခုကို ဇုန်(၁) အဖြစ် သတ်မှတ်ပြီး ကျန်မြို့နယ်များကို ဇုန်(၂)အဖြစ် သတ်မှတ်သည်။ စစ်ကိုင်းတိုင်းဒေသကြီးရှိ မြို့နယ် ၃၄ ခုကို ဇုန်(၁) သတ်မှတ်ပြီး ကျန်မြို့နယ်သုံးခုကို ဇုန်(၂)အဖြစ် သတ်မှတ်ခဲ့သည်။

ရန်ကုန်တိုင်းဒေသကြီး ၃၂ မြို့နယ်နှင့် မန္တလေးတိုင်းရှိ ၁၄ မြို့နယ်ကို ဖွံ့ဖြိုးမှုကောင်းမွန် သော ဒေသဇုန်(၃)အဖြစ် သတ် မှတ်ထားသော်လည်း နေပြည် တော်ရှိ မြို့နယ်ရှစ်ခုစလုံးကို ဇုန် (၂)အဖြစ် သတ်မှတ်သည်။

ဇုန်ပြဋ္ဌာန်းချက်ကို ဥပဒေအ ရ အစိုးရက သတ်မှတ်ခြင်းဖြစ်ပြီး ယခုအချိန်တွင် တစ်နှစ်ပြည့်ပြီ ဖြစ်၍ ပြန်လည်သုံးသပ်ခြင်းဖြစ် သည်။  ပြန်လည်သုံးသပ်ရာတွင် မြို့နယ်အလိုက် လမ်းပန်းဆက်သွယ်ရေး၊ လျှပ်စစ်မီး၊ ကျွမ်းကျင်လုပ်သားနှင့် လုံခြုံရေးအခြေအ နေ စသည့် အချက်လေးချက်ဖြင့် သတ်မှတ်မည်ဟု ဦးသန်းအောင် ကျော်က ဆိုသည်။ ထိုသို့သတ်မှတ်ရာတွင် ဂျပန်နိုင်ငံက တည်ထောင်ပေးထားသည့် အာဆီယံစင်တာအကူအညီဖြင့် အကျိုးအမြတ်ကို ပြန်လည်သုံးသပ်ခြင်းဖြစ် သည်ဟု ၎င်းက ပြောသည်။

‘‘ပြည်နယ်တွေမှာ ရင်းနှီး မြှုပ်နှံမှုတွေ လာဖို့ဆိုတာ ဒီအချက်တစ်ချက်တည်း မူမတည်နေပါ ဘူး။ ဒါပေမဲ့ ဒါက ကောင်းတဲ့ အချက်တစ်ချက်ပါ’’ ဟု အခွန် ကင်းလွတ်ခွင့်ပေးခြင်းနှင့် ပတ် သက်၍ စီးပွားရေးပညာရှင် ဦးတင် ထွဋ်ဦးက ပြောသည်။

ဇုန်အလိုက် သတ်မှတ်ခြင်း ထက် နိုင်ငံအတွင်း ရင်းနှီးမြှုပ်နှံစေချင်သည့် လုပ်ငန်းများကိုသာ အခွန်ကင်းလွတ်ခွင့်ပေးပြီး မြေ၊ လျှပ်စစ်နှင့် လမ်းလိုအပ်ချက်များ ဖြည့်ဆည်းပေးကာ ရင်းနှီးမြှုပ်နှံမှု များ လုပ်ဆောင်လိုအောင် ဆွဲဆောင်သင့်ကြောင်း ဦးတင်ထွဋ်ဦးက ပြောကြားသည်။