သနပ်ခါးစိုက် တောင်သူများအား ဈေးကွက်မြှင့်တင်ရေးနှင့် စိုက်ပျိုးရေးနည်းပညာများ ကူညီမည်

အရာတော်မြို့နယ်တွင် သနပ်ခါးစိုက်တောင်သူများအား ဈေးကွက်မြှင့်တင်ရေးနှင့် စိုက်ပျိုး ရေးနည်းပညာများ တိုးတက်စေရန် ကူညီဆက်သွယ်ပေးမည်ဖြစ် ကြောင်း အရာတော်မြို့နယ် သနပ်ခါး စိုက်ပျိုးထုတ်လုပ်တင် ပို့ရောင်းချသူများအသင်း ဥက္ကဋ္ဌ ဦးကျော်မိုးက ပြောကြားသည်။

မုံရွာမြို့ နန္ဒ၀န်ရပ်ကွက်ရှိ စီးပွားရေးနှင့် ကူးသန်းရောင်းဝယ် ရေးဝန်ကြီးဌာန ရုံးဟောင်းနေရာ တွင် ဖေဖော်ဝါရီ ၆ ရက်က ကျင်းပသော မြန်မာနိုင်ငံ သနပ်ခါးစိုက်ပျိုးထုတ်လုပ်တင်ပို့ ရောင်းချသူများအသင်းရုံး ဖွင့်ပွဲအခမ်းအနား၌ ဦးကျော်မိုးက ပြောကြားသည်။

‘‘သနပ်ခါးကို အသေးစား သစ်တောထွက် ပစ္စည်းထဲကနေ တရားဝင်သယ်ဆောင်လို့ရ အောင်၊ လွတ်လပ်စွာသွားလာခွင့် ရအောင် ဆောင်ရွက်ခဲ့တယ်။ သနပ်ခါးဈေးကွက်မြှင့်ပေးဖို့ရယ်၊ သနပ်ခါးစိုက်တောင်သူတွေကို စိုက်ပျိုးရေးနည်းပညာ ချိတ်ဆက်ပေး ဖို့ရယ် ဆောင်ရွက်နေပါတယ်’’ ဟု ဦးကျော်မိုးက ပြောသည်။

ယခင်နှစ်က အရာတော်မြို့ နယ် သနပ်ခါးစိုက်တောင်သူများ အား အမေရိကန်ပညာရှင်များက တန်ဖိုးမြှင့်ထုတ်ကုန်ဆိုင်ရာသင် တန်းနှင့် မြေဆီလွှာပြုပြင်ထိန်း သိမ်းခြင်းဆိုင်ရာသင်တန်းများ  ပို့ချခဲ့ကြောင်း ၎င်းကပြောသည်။

‘‘ပြည်တွင်းဈေးကွက်သာမ က ပြည်ပထုတ်ကုန်အဖြစ် တန် ဖိုးမြင့်ထုတ်ကုန်တွေ ထုတ်လုပ် ဖို့ နည်းပညာတွေ လိုအပ်တယ်။ ပြည်ပကို သနပ်ခါးတရားဝင်တင် ပို့နိုင်မှ ဈေးကောင်းရနိုင်မယ်။ အခုလောလောဆယ် ပြည်ပကို သနပ်ခါးက တရားမ၀င်တင်ပို့ တာတွေ ရှိနေတော့ ဈေးကာင်း မရနိုင်တော့ဘူး’’ဟု အရာတော် မြို့နယ် ဒေသခံ သနပ်ခါးစိုက် တောင်သူတစ်ဦးက ပြောသည်။

မြန်မာနိုင်ငံတွင် သနပ်ခါး အများဆုံး စိုက်ပျိုးထုတ်လုပ် သော ဘုတလင်၊ ယင်းမာပင်၊ ကန့်ဘလူ၊ မုံရွာ၊ မြင်းမူ၊ အရာ တော်၊ ပခုက္ကူ၊ မြိုင်နှင့် လင်းခေး မြို့နယ်တို့မှ အသင်းဝင်များဖြင့် မြန်မာနိုင်ငံ သနပ်ခါးစိုက်ပျိုး ထုတ်လုပ်သူများအသင်းကို ယမန်နှစ် နိုဝင်ဘာ ၁၁ ရက်က ဖွဲ့စည်းခဲ့သည်။

 မြန်မာနိုင်ငံသနပ်ခါး စိုက်ပျိုးထုတ်လုပ်တင်ပို့ရောင်းချသူများအသင်း မှတ်တမ်းများအရစစ်ကိုင်းတိုင်းတွင် ၄၁,၃၂၈ ဧက၊မကွေးတိုင်းတွင် ၅၉,၄၀၀ ဧကနှင့် ရှမ်းပြည်နယ်(တောင်ပိုင်း) တွင် ၁၅ ဧက စုစုပေါင်း ၁၀၀,၇၄၃ ဧက ရှိသည်။